Bulugh Al Maram

وعن ابي هريرة قال: قال رسول الله صلى الله عليه وآله وسلم: «‏‏‏‏لا ينكح الزاني المجلود إلا مثله» .‏‏‏‏ رواه احمد وابو داود،‏‏‏‏ ورجاله ثقات.

سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا ”زانی جس پر حد زنا کے کوڑے برس چکے ہوں اپنے جیسی حد لگی ہوئی عورت کے سوا کسی دوسری سے نکاح نہ کرے۔“ اسے احمد اور ابوداؤد نے روایت کیا ہے اور اس کے راوی ثقہ ہیں۔

أَبِي هُرَيْرَةَ،

وعن عائشة رضي الله عنها قالت: طلق رجل امراته ثلاثا،‏‏‏‏ فتزوجها رجل،‏‏‏‏ ثم طلقها قبل ان يدخل بها،‏‏‏‏ فاراد زوجها الاول ان يتزوجها،‏‏‏‏ فسئل رسول الله صلى الله عليه وآله وسلم عن ذلك فقال: «‏‏‏‏لا حتى يذوق الآخر من عسيلتها ما ذاق الاول» .‏‏‏‏ متفق عليه،‏‏‏‏ واللفظ لمسلم.

سیدہ عائشہ رضی اللہ عنہا سے روایت ہے کہ ایک مرد نے اپنی بیوی کو تین طلاقیں دے دیں۔ پھر اس عورت سے ایک دوسرے آدمی نے نکاح کر لیا اور اس سے ہمبستری کئے بغیر ہی اسے طلاق بھی دے دی۔ تو پہلے شوہر نے اس سے نکاح کرنا چاہا۔ اور رسول اللہ صلی اللہ علیہ وسلم سے اس کے متعلق استفسار کیا تو آپ صلی اللہ علیہ وسلم نے فرمایا ”نہیں! جب تک دوسرا خاوند اس سے اسی طرح لطف اندوز نہ ہو لے جس طرح پہلا خاوند ہوا تھا۔“ (بخاری و مسلم) اور یہ الفاظ مسلم کے ہیں۔

عَائِشَةَ

عن ابن عمر قال: قال رسول الله صلى الله عليه وآله وسلم: «‏‏‏‏العرب بعضهم اكفاء بعض،‏‏‏‏ والموالي بعضهم اكفاء بعض،‏‏‏‏ إلا حائكا او حجاما» .‏‏‏‏ رواه الحاكم،‏‏‏‏ وفي إسناده راو لم يسم،‏‏‏‏ واستنكره ابو حاتم،‏‏‏‏ وله شاهد عند البزار عن معاذ بن جبل بسند منقطع.

سیدنا ابن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا ”عرب ایک دوسرے کے لئے کفو ہیں اور موالی بھی ایک دوسرے کے لئے کفو ہیں۔ بجز جولاہے اور حجام کے۔“ اس روایت کو حاکم نے روایت کیا ہے۔ اس کی سند میں ایسا راوی ہے جس کا نام نہیں لیا گیا اور ابوحاتم نے اسے منکر قرار دیا ہے اور اس کا شاہد بزار میں سیدنا معاذ بن جبل رضی اللہ عنہ سے مروی ہے مگر اس کی سند بھی منقطع ہے۔

ابْنِ عُمَرَ

وعن فاطمة بنت قيس رضي الله تعالى عنها: ان النبي صلى الله عليه وآله وسلم قال لها:«‏‏‏‏انكحي اسامة» .‏‏‏‏ رواه مسلم.

سیدہ فاطمہ بنت قیس رضی اللہ عنہا سے روایت ہے کہ نبی کریم صلی اللہ علیہ وسلم نے ان کو مشورہ دیا کہ اسامہ (رضی اللہ عنہ) سے نکاح کر لو۔ (مسلم)

فاطمة بنت قيس رضى الله تعالى عنها

وعن ابي هريرة رضي الله تعالى عنه ان النبي صلى الله عليه وآله وسلم قال: «‏‏‏‏يا بني بياضة انكحوا ابا هند وانكحوا إليه» ‏‏‏‏ وكان حجاما. رواه ابو داود والحاكم بسند جيد.

سیدنا ابوہریرہ رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا ”اے بنی بیاضہ! ابوہند کا نکاح کر دو اور اس کی لڑکیوں سے نکاح کرو۔“ ابوہند حجام تھے۔ اسے ابوداؤد اور حاکم نے حسن سند کے ساتھ روایت کیا ہے۔

أَبِي هُرَيْرَةَ رَضِيَ اللَّهُ تَعَالَى عَنْهُ

وعن عائشة رضي الله عنها قالت: خيرت بريرة على زوجها حين عتقت. متفق عليه في حديث طويل. ولمسلم عنها رضي الله عنها: ان زوجها كان عبدا. وفي رواية عنها: كان حرا. والاول اثبت،‏‏‏‏ وصح عن ابن عباس رضي الله تعالى عنه عند البخاري: انه كان عبدا.

سیدہ عائشہ رضی اللہ عنہا سے روایت ہے کہ سیدہ بریرہ رضی اللہ عنہا کو جب آزادی ملی تو اس وقت ان کو خاوند کے بارے میں اختیار دیا گیا۔ (بخاری و مسلم) یہ لمبی حدیث کا ٹکڑا ہے۔ اور مسلم میں سیدہ عائشہ رضی اللہ عنہا ہی سے مروی ہے کہ بریرہ رضی اللہ عنہا کا خاوند غلام تھا اور ان ہی سے ایک روایت میں ہے کہ وہ آزاد تھا۔ پہلی روایت زیادہ پختہ ہے۔ بخاری میں ابن عباس رضی اللہ عنہا سے صحیح قول یہ ہے کہ وہ غلام تھا۔

عَائِشَةَ

وعن الضحاك بن فيروز الديلمي،‏‏‏‏ عن ابيه رضي الله عنه تعالى قال: قلت: يا رسول الله! إني اسلمت وتحتي اختان؟ فقال رسول الله صلى الله عليه وآله وسلم: «‏‏‏‏طلق ايتهما شئت» . رواه احمد والاربعة إلا النسائي،‏‏‏‏ وصححه ابن حبان والدارقطني والبيهقي،‏‏‏‏ واعله البخاري.

سیدنا ضحاک بن فیروز ویلمی نے اپنے باپ سے روایت کی ہے کہ میں نے عرض کیا یا رسول اللہ! میں دائرہ اسلام میں داخل ہو چکا ہوں اور میرے نکاح میں دو بہنیں ہیں۔ رسول اللہ صلی اللہ علیہ وسلم نے فرمایا ”ان دونوں میں سے جس ایک کو چاہو، اسے طلاق دے دو۔“ اسے احمد اور چاروں نے نسائی کے علاوہ روایت کیا ہے۔ ابن حبان، دارقطنی اور بیہقی نے صحیح قرار دیا ہے۔ مگر بخاری نے اسے معلول کہا ہے۔

قُلْتُ ← ابيه تعالى ← وعن الضحاك بن فيروز الديلمي،‏‏‏‏

وعن سالم عن ابيه رضي الله عنه: ان غيلان بن سلمة اسلم،‏‏‏‏ وله عشر نسوة،‏‏‏‏ فاسلمن معه،‏‏‏‏ فامره النبي صلى الله عليه وآله وسلم ان يتخير منهن اربعا رواه احمد والترمذي،‏‏‏‏ وصححه ابن حبان والحاكم،‏‏‏‏ واعله البخاري وابو زرعة وابو حاتم.

سیدنا سالم نے اپنے باپ سے بیان کیا کہ غیلان بن سلمہ رضی اللہ عنہ نے اسلام قبول کیا تو اس وقت ان کی دس بیویاں تھیں۔ ان سب نے غیلان کے ساتھ اسلام قبول کر لیا۔ پس نبی کریم صلی اللہ علیہ وسلم نے غیلان سے فرمایا کہ ”ان میں سے چار کا انتخاب کر لو۔“ اسے احمد اور ترمذی نے روایت کیا ہے۔ ابن حبان اور حاکم نے اسے صحیح قرار دیا ہے۔ بخاری، ابوزرعہ اور ابوحاتم نے اسے معلول کہا ہے۔

أَبِيهِ ← سَالِمٍ

وعن ابن عباس قال: رد النبي صلى الله عليه وآله وسلم ابنته زينب على ابي العاص بن الربيع بعد ست سنين بالنكاح الاول ولم يحدث نكاحا. رواه احمد والاربعة إلا النسائي،‏‏‏‏ وصححه احمد والحاكم.

سیدنا ابن عباس رضی اللہ عنہما سے روایت ہے کہ نبی کریم صلی اللہ علیہ وسلم نے اپنی بیٹی زینب رضی اللہ عنہا کو ابوالعاص کی طرف چھ سال بعد پہلے نکاح کے ساتھ واپس فرما دیا تھا۔ نیا نکاح نہیں کیا تھا۔ اسے احمد اور چاروں نے سوائے نسائی کے روایت کیا ہے اور احمد اور حاکم نے اسے صحیح قرار دیا ہے۔

ابْنِ عَبَّاسٍ،

وعن عمرو بن شعيب عن ابيه عن جده: ان النبي صلى الله عليه وآله وسلم رد ابنته زينب على ابي العاص بن الربيع بنكاح جديد. قال الترمذي حديث ابن عباس اجود إسنادا والعمل على حديث عمرو بن شعيب.

سیدنا عمرو بن شعیب رحمہ اللہ نے اپنے والد سے انہوں نے اپنے دادا سے روایت کیا ہے کہ نبی کریم صلی اللہ علیہ وسلم نے اپنی بیٹی سیدہ زینب رضی اللہ عنہا کو ابوالعاص کے پاس جدید نکاح کر کے واپس بھیجا۔ ترمذی نے کہا ہے ابن عباس رضی اللہ عنہما سے مروی حدیث سند کے اعتبار سے عمدہ ترین ہے مگر عمل عمرو بن شعیب سے مروی حدیث پر ہے۔

جَدِّهِ، ← أَبِيهِ ← وعن عمرو بن شعيب

وعن ابن عباس رضي الله عنهما قال: اسلمت امراة فتزوجت فجاء زوجها فقال: يا رسول الله! إني كنت اسلمت،‏‏‏‏ وعلمت بإسلامي،‏‏‏‏ فانتزعها رسول الله صلى الله عليه وآله وسلم من زوجها الآخر،‏‏‏‏ وردها إلى زوجها الاول. رواه احمد وابو داود وابن ماجه،‏‏‏‏ وصححه ابن حبان والحاكم

سیدنا ابن عباس رضی اللہ عنہما سے روایت ہے کہ ایک عورت نے اسلام قبول کیا۔ پھر نکاح بھی کر لیا اتنے میں اس کا پہلا خاوند آ گیا اور عرض کیا یا رسول اللہ! میں نے اسلام قبول کر لیا تھا میرے قبول اسلام کا اسے علم بھی تھا۔ نبی کریم صلی اللہ علیہ وسلم نے اس (عورت) کو اس (دوسرے شوہر) سے چھین کر پہلے خاوند کی طرف اسے لوٹا دیا۔ اسے احمد، ابوداؤد اور ابن ماجہ نے روایت کیا ہے، ابن حبان اور حاکم نے صحیح کہا ہے۔

اسلمت امراة فتزوجت فجاء زوجها فقال: ← وعن ابن عباس

وعن زيد بن كعب بن عجرة عن ابيه قال: تزوج رسول الله صلى الله عليه وآله وسلم العالية من بني غفار،‏‏‏‏ فلما دخلت عليه،‏‏‏‏ ووضعت ثيابها،‏‏‏‏ راى بكشحها بياضا،‏‏‏‏ فقال النبي صلى الله عليه وآله وسلم: «‏‏‏‏البسي ثيابك والحقي باهلك» ‏‏‏‏ وامر لها بالصداق. رواه الحاكم وفي إسناده جميل بن زيد وهو مجهول واختلف عليه في شيخه اختلافا كثيرا.

سیدنا زید بن کعب بن عجرہ اپنے والد سے روایت کرتے ہیں کہ رسول اللہ صلی اللہ علیہ وسلم نے بنو غفار کی عالیہ نامی خاتون سے نکاح کیا۔ جب وہ حضور صلی اللہ علیہ وسلم کے پاس (خلوت میں) داخل ہوئی اور اس نے اپنا لباس اتارا تو آپ صلی اللہ علیہ وسلم نے اس کے پہلو میں پھلبہری (برص) کے داغ دیکھے۔ تو نبی کریم صلی اللہ علیہ وسلم نے اسے فرمایا ” اپنے کپڑے پہن لے اور اپنے میکے چلی جا“ اور آپ صلی اللہ علیہ وسلم نے اس کے لئے حکم ارشاد فرمایا کہ ” مہر دے دیا جائے۔“ اسے حاکم نے روایت کیا ہے اور اس کی سند میں جمیل بن زید ایسا راوی ہے جو مجہول ہے اس کے استاد میں بہت اختلاف کیا گیا ہے۔

أَبِيهِ ← زيد بن كعب بن عجرة