Bulugh Al Maram

عن ابي هريرة رضي الله عنه قال: قال رسول الله صلى الله عليه وآله وسلم في البحر:«‏‏‏‏هو الطهور ماؤه الحل ميتته» .‏‏‏‏اخرجه الاربعة وابن ابي شيبة واللفظ له،‏‏‏‏ ‏‏‏‏ وصححه ابن خزيمة والترمذي،‏‏‏‏ ‏‏‏‏ ورواه مالك والشافعي واحمد.

سیدنا ابوہریرہ رضی اللہ عنہ روایت کرتے ہیں کہ رسول اللہ صلی اللہ علیہ وسلم نے سمندر کے پانی کے متعلق (ایک شخص کے استفسار کے جواب میں) فرمایا کہ ”اس کا پانی پاک ہے اور اس کا مردار حلال ہے۔“ اس حدیث کو ابوداؤد، ترمذی، نسائی، ابن ماجہ اور ابن ابی شیبہ نے روایت کیا ہے۔ متن حدیث کے الفاظ ابن ابی شیبہ کے ہیں۔ ابن خزیمہ اور ترمذی نے اسے صحیح قرار دیا ہے۔ علاوہ ازیں اس روایت کو مالک، شافعی اور احمد نے بھی روایت کیا ہے۔

أَبِي هُرَيْرَةَ،

وعن ابي سعيد الخدري رضي الله عنه قال: قال رسول الله صلى الله عليه وآله وسلم: «‏‏‏‏إن الماء طهور لا ينجسه شيء» .‏‏‏‏ اخرجه الثلاثة وصححه احمد.

سیدنا ابو سعید خدری رضی اللہ عنہ روایت کرتے ہیں کہ رسول اللہ صلی اللہ علیہ وسلم نے فرمایا کہ ”پانی پاک ہے، اسے کوئی چیز ناپاک نہیں کرتی۔“اس روایت کو ابوداؤد، ترمذی اور ابن ماجہ نے روایت کیا ہے اور احمد نے اسے صحیح قرار دیا ہے۔

أَبِي سَعِيدٍ الْخُدْرِيِّ،

وعن ابي امامة الباهلي رضي الله عنه قال: قال رسول الله صلى الله عليه وآله وسلم: «‏‏‏‏إن الماء لا ينجسه شيء إلا ما غلب على ريحه وطعمه ولونه» .‏‏‏‏ اخرجه ابن ماجه وضعفه ابو حاتم. وللبيهقي: «‏‏‏‏الماء طهور إلا إن تغير ريحه او طعمه او لونه بنجاسة تحدث فيه» .

سیدنا ابوامامہ الباہلی رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا ”یقیناً پانی کو کوئی چیز ناپاک و پلید نہیں کرتی الایہ کہ پانی پر اس ناپاک و پلد چیز کی بو، ذائقہ اور رنگت غالب ہو جائے۔“ اسے ابن ماجہ نے روایت کیا ہے اور ابوحاتم نے اسے ضعیف قرار دیا ہے۔ بیہقی میں الفاظ حدیث اس طرح ہیں ”پانی پاک ہے (اور پاک کرنے والا بھی ہے) بجز اس کے وہ ناپاک گرنے والی چیز پانی کی بو، ذائقہ اور رنگت کو تبدیل کر دے۔“

أَبِي أُمَامَةَ الْبَاهِلِيِّ،

وعن عبد الله بن عمر رضي الله عنهما قال: قال رسول الله صلى الله عليه وآله وسلم: «‏‏‏‏إذا كان الماء قلتين لم يحمل الخبث» .‏‏‏‏وفي لفظ: «‏‏‏‏لم ينجس» .‏‏‏‏ اخرجه الاربعة وصححه ابن خزيمة وابن حبان والحاكم.

سیدنا عبداللہ بن عمر رضی اللہ عنہما روایت کرتے ہیں کہ رسول اللہ صلی اللہ علیہ وسلم نے فرمایا ”جب پانی کی مقدار دو بڑے مٹکوں کے برابر ہو تو وہ نجاست کو قبول ہی نہیں کرتا۔“ ایک دوسری روایت کے الفاظ ہیں کہ ”پانی نجس (ناپاک) نہیں ہوتا۔“ اسے ابوداؤد، ترمذی، نسائی اور ابن ماجہ نے روایت کیا ہے۔ ابن خزیمہ، ابن حبان اور حاکم نے اسے صحیح قرار دیا ہے۔

عَبْدِ اللهِ بْنِ عُمَرَ

وعن ابي هريرة رضي الله عنه قال: قال رسول الله صلى الله عليه وآله وسلم: «‏‏‏‏لا يغتسل احدكم في الماء الدائم وهو جنب» .‏‏‏‏ اخرجه مسلم. وللبخاري: «‏‏‏‏لا يبولن احدكم في الماء الدائم الذي لا يجري ثم يغتسل فيه» . ولمسلم: «‏‏‏‏منه» .‏‏‏‏ ولابي داود: «‏‏‏‏ولا يغتسل فيه من الجنابة» .‏‏‏‏

سیدنا ابوہریرہ رضی اللہ عنہ روایت کرتے ہیں کہ رسول اللہ صلی اللہ علیہ وسلم نے فرمایا ”تم میں سے جو شخص حالت جنابت میں ہو وہ کھڑے (ساکن) پانی میں غسل نہ کرے۔“ (مسلم) اور بخاری کے الفاظ ہیں کہ ”تم میں سے کوئی بھی کھڑے پانی میں پیشاب نہ کرے اور پھر اس میں غسل کرے۔“ (مسلم) کے الفاظ «فيه» کے بجائے «منه» ہیں۔ یعنی اس سے کچھ پانی لے کر غسل کرے اور ابوداؤد کے الفاظ ہیں «ولا يغتسل فيه من الجنابة» یعنی ”جنابت لاحق ہو جانے کی صورت میں اس میں غسل نہ کرے۔“

أَبِي هُرَيْرَةَ،

وعن رجل صحب النبي صلى الله عليه وآله وسلم قال: نهى رسول الله صلى الله عليه وآله وسلم: ان تغتسل المراة بفضل الرجل او الرجل بفضل المراة وليغترفا جميعا. اخرجه ابو داود والنسائي وإسناده صحيح.

ایک ایسے آدمی سے روایت ہے جو نبی کریم صلی اللہ علیہ وسلم کی صحبت سے فیض یاب ہوا کہ رسول اللہ صلی اللہ علیہ وسلم نے منع فرمایا کہ ”عورت، مرد کے بچے ہوئے غسل کے پانی سے غسل کرے یا مرد عورت کے باقی ماندہ غسل کے پانی سے غسل کرے۔ ہاں دونوں اکھٹے چلو سے لے لیں (تو کوئی مضائقہ اور حرج نہیں)۔“ (ابوداؤد و نسائی) اور اس کی سند صحیح ہے۔

رجل صحب النبي صلى الله عليه وآله وسلم

وعن ابن عباس رضي الله عنهما: ان النبي صلى الله عليه وآله وسلم كان يغتسل بفضل ميمونة رضي الله عنها. اخرجه مسلم. ولاصحاب السنن: اغتسل بعض ازواج النبي صلى الله عليه وآله وسلم في جفنة،‏‏‏‏ ‏‏‏‏ فجاءالنبي صلى الله عليه وآله وسلم ليغتسل منها،‏‏‏‏ ‏‏‏‏ فقالت له: إني كنت جنبا،‏‏‏‏ ‏‏‏‏ فقال: «‏‏‏‏إن الماء لا يجنب» .‏‏‏‏ وصححه الترمذي وابن خزيمة.

سیدنا عبداللہ بن عباس رضی اللہ عنہما روایت کرتے ہیں کہ نبی کریم صلی اللہ علیہ وسلم اپنی اہلیہ میمونہ رضی اللہ عنہا کے بچے ہوئے غسل کے پانی سے نہا لیا کرتے تھے۔ (مسلم) اصحاب سنن کی روایت میں اس طرح ہے کہ ازواج مطہرات میں سے ایک نے ٹب نما برتن میں غسل کیا۔ نبی کریم صلی اللہ علیہ وسلم تشریف لائے کہ اس میں باقی بچے ہوئے پانی سے غسل فرما لیں تو انہوں نے آپ صلی اللہ علیہ وسلم سے عرض کیا کہ میں نے اس میں حالت جنابت سے غسل کیا ہے تو آپ صلی اللہ علیہ وسلم نے فرمایا ”پانی ناپاک نہیں ہوتا۔“ اس روایت کو ترمذی اور ابن خزیمہ نے صحیح قرار دیا ہے۔

ابْنِ عَبَّاسٍ،

وعن ابي هريرة رضي الله عنه قال: قال رسول الله صلى الله عليه وآله وسلم: «‏‏‏‏طهور إناء احدكم إذا ولغ فيه الكلب ان يغسله سبع مرات،‏‏‏‏ ‏‏‏‏ اولاهن بالتراب» .‏‏‏‏ اخرجه مسلم.وفي لفظ له: «‏‏‏‏فليرقه» .‏‏‏‏وللترمذي: «‏‏‏‏اخراهن او اولاهن بالتراب» .

سیدنا ابوہریرہ رضی اللہ عنہ روایت کرتے ہیں کہ رسول اللہ صلی اللہ علیہ وسلم کا ارشاد ہے کہ ”تم میں سے کسی کے برتن میں جب کتا منہ ڈال جائے تو اسے سات مرتبہ دھویا جائے، سب سے پہلے اسے مٹی مل کر (صاف کرنا چاہیئے)“ (مسلم) اور مسلم نے «فليرقه» یعنی اس کو گرا دینا چاہیئے، نقل کیا ہے اور ترمذی نے یہ الفاظ نقل کیے ہیں ”پہلی یا آخری مرتبہ مٹی کے ساتھ صاف کرنا چاہیئے۔“

أَبِي هُرَيْرَةَ،

وعن ابي قتادة رضي الله عنه ان رسول الله صلى الله عليه وآله وسلم قال في الهرة: «‏‏‏‏إنها ليست بنجس،‏‏‏‏ ‏‏‏‏ إنما هي من الطوافين عليكم» .‏‏‏‏اخرجه الاربعة وصححه الترمذي وابن خزيمة.

سیدنا ابوقتادہ رضی اللہ عنہ روایت کرتے ہیں کہ رسول اللہ صلی اللہ علیہ وسلم نے بلی کے متعلق ارشاد فرمایا کہ ”وہ نجس نہیں ہے کیونکہ یہ ہر وقت آمد و رفت رکھنے والا گھریلو جانور ہے۔“ اس روایت کو چاروں ابوداؤد، نسائی، ترمذی، ابن ماجہ نے روایت کیا ہے۔ ترمذی اور ابن خزیمہ نے صحیح قرار دیا ہے۔

أَبِي قَتَادَةَ،

وعن انس بن مالك رضي الله عنه قال: جاء اعرابي فبال في طائفة المسجد،‏‏‏‏ ‏‏‏‏ فزجره الناس،‏‏‏‏ ‏‏‏‏ فنهاهم النبي صلى الله عليه وآله وسلم،‏‏‏‏ ‏‏‏‏ فلما قضى بوله امر النبي صلى الله عليه وآله وسلم بذنوب من ماء فاهريق عليه. متفق عليه.

سیدنا انس بن مالک رضی اللہ عنہ روایت کرتے ہیں کہ ایک بدوی آیا اور مسجد کے کونے میں پیشاب کرنا شروع کر دیا تو لوگوں نے اسے ڈانٹا۔ لیکن نبی کریم صلی اللہ علیہ وسلم نے انہیں ایسا کرنے سے منع فرمایا، جب بدوی پیشاب سے فارغ ہوا تو نبی کریم صلی اللہ علیہ وسلم نے پانی کا ایک ڈول طلب فرمایا اور اس جگہ پر بہا دیا (جہاں اس نے پیشاب کیا تھا)۔ (بخاری و مسلم)

اَنَسِ بْنِ مَالِکٍ،

وعن ابن عمر رضي الله عنهما قال: قال رسول الله صلى الله عليه وآله وسلم: «‏‏‏‏احلت لنا ميتتان ودمان،‏‏‏‏ ‏‏‏‏ فاما الميتتان: فالجراد والحوت،‏‏‏‏ ‏‏‏‏ واما الدمان: فالكبد والطحال» .‏‏‏‏اخرجه احمد وابن ماجه،‏‏‏‏ ‏‏‏‏ وفيه ضعف.

سیدنا عبداللہ بن عمر رضی اللہ عنہما روایت کرتے ہیں کہ رسول اللہ صلی اللہ علیہ وسلم نے فرمایا ”دو مری ہوئی چیزیں اور دو خون ہمارے لیے حلال کئے گئے ہیں۔ دو مری ہوئی چیزیں (جنہیں ذبح نہ کیا گیا) ایک ٹڈی اور دوسری مچھلی۔ باقی رہے دو خون تو اس سے مراد ایک جگر اور دوسری تلی ہے۔“ احمد اور ابن ماجہ نے اسے روایت کیا اور اس میں کمزوری ہے۔

ابْنِ عُمَرَ

وعن ابي هريرة قال: قال رسول الله صلى الله عليه وآله وسلم: «‏‏‏‏إذا وقع الذباب في شراب احدكم فليغمسه،‏‏‏‏ ثم لينزعه فإن في احد جناحيه داء،‏‏‏‏ وفي الآخر شفاء» .‏‏‏‏ اخرجه البخاري وابو داود،‏‏‏‏ وزاد: «‏‏‏‏وإنه يتقي بجناحه الذي فيه الداء» .‏‏‏‏

سیدنا ابوہریرہ رضی اللہ عنہ روایت کرتے ہیں کہ رسول اللہ صلی اللہ علیہ وسلم نے ارشاد فرمایا ”جب تمہارے کسی مشروب میں مکھی گر جائے تو اسے اس میں ڈبکی دے کر نکالنا چاہیئے اس لئے کہ اس کے ایک پر میں مرض (کے جراثیم) ہوتے ہیں اور دوسرے میں شفاء و علاج کے۔“ اس کو بخاری اور ابوداؤد نے روایت کیا ہے۔ ابوداؤد کی روایت میں اتنا مزید اضافہ ہے کہ مکھی مشروب میں اپنا وہ پر ڈبوتی ہے جس میں بیماری کے جراثیم ہوتے ہیں۔

أَبِي هُرَيْرَةَ،