Al Mustadrak Al Hakim Al Sahihain · The Book of Knowledge of the Companions, may God be pleased with them › The mention of the Mother of the Believers, Umm Salamah, the daughter of Abu Umayya, may God be pleased with her · Hadith 6765
ام المومنین حضرت ام سلمہ رضی اللہ عنہا فرماتی ہیں : جب وہ مدینہ منورہ آئیں ، تو انہوں نے لوگوں کو بتایا کہ وہ ابی امیہ بن مغیرہ کی بیٹی ہیں ، تو لوگوں نے ان کی بات کو تسلیم نہ کیا اور اس بات کو سرا ر جھوٹ سمجھے ، حتیٰ کہ حج کے لئے قافلے جانا شروع ہو گئے ، لوگوں نے ان سے کہا: تم اپنے گھر والوں کی طرف خط لکھو ، انہوں نے خط لکھ کر ان لوگوں کے حوالے کر دیا ، جب حاجیوں کے قافلے واپس آئے تو انہوں نے ان کی تصدیق کی ، حاجیوں کی اس تصدیق کے بعد ان لوگوں کے دلوں میں ان کی عزت بہت بڑھ گئی ۔ حضرت ام سلمہ رضی اللہ عنہا فرماتی ہیں : زینب کی پیدائش کے بعد میری شادی رسول اللہ صلی اللہ علیہ و آلہ وسلم سے ہوئی ۔
Al Mustadrak Al Hakim Al Sahihain · The Book of Knowledge of the Companions, may God be pleased with them › The mention of the Mother of the Believers, Umm Salamah, the daughter of Abu Umayya, may God be pleased with her · Hadith 6766
سعید بن زید کے ایک صاحبزادے روایت کرتے ہیں کہ ام المومنین حضرت ام سلمہ رضی اللہ عنہ نے وصیت کی کہ ان کی نماز جنازہ سعید بن زید پڑھائے ، اس کی وجہ یہ تھی کہ ان کو خدشہ تھا کہ ان کا جنازہ کہیں مروان بن حکم نہ پڑھا دے ۔
كُنَّا قُعُودًا مَعَ مُحَارِبِ بْنِ دِثَارٍ، ← عَطَاءِ بْنِ السَّائِبِ، ← خَالِدٌ، وَجَرِيرٌ، ← يحيى بن عبد الحميد ← مُحَمَّدُ بْنُ عُثْمَانَ بْنِ أَبِي شَيْبَةَ: ← مُحَمَّدُ بْنُ أَحْمَدَ بْنِ بَالَوَيْهِ الْعَفْصِيُّ،
Al Mustadrak Al Hakim Al Sahihain · The Book of Knowledge of the Companions, may God be pleased with them › The mention of the Mother of the Believers, Umm Salamah, the daughter of Abu Umayya, may God be pleased with her · Hadith 6767
زہری کہتے ہیں : رسول اللہ صلی اللہ علیہ و آلہ وسلم نے ام حبیبہ بنت ابی سفیان کے ساتھ نکاح کیا ۔ رسول اللہ صلی اللہ علیہ و آلہ وسلم کے عقد میں آنے سے پہلے حضرت ام حبیبہ رضی اللہ عنہا خزیمہ کے شیر عبید اللہ بن حجش الاسدی کے نکاح میں تھیں ۔ عبید اللہ بن حجش حبشہ میں مر گیا تھا، ام حبیبہ اس کے ہمراہ ہجرت پر روانہ ہوئی تھیں، وہاں جا کر یہ فتنہ میں مبتلا ہو گیا اور اس نے عیسائی مذہب اختیار کر لیا اور اسی حالت میں وہ مر گیا، لیکن اللہ تعالیٰ نے حضرت ام حبیبہ رضی اللہ عنہا کو اسلام اور ہجرت پر استقامت عطا فرمائی ، ام حبیبہ رضی اللہ عنہا نے عیسائی مذہب اختیار کرنے سے انکار کر دیا تھا۔ اللہ تعالیٰ نے ان کے اسلام اور ہجرت کو مکمل فرمایا ، پھر یہ مدینہ منورہ آ گئیں ، رسول اللہ صلی اللہ علیہ و آلہ وسلم نے ان کو پیغام نکاح بھیجا ( انہوں نے قبول کر لیا ) حضرت عثمان بن عفان رضی اللہ عنہ نے حضور صلی اللہ علیہ و آلہ وسلم کا ان کے ساتھ نکاح کر وا دیا ۔ زہری کہتے ہیں : کچھ مؤرخین کا گمان ہے کہ نبی اکرم صلی اللہ علیہ و آلہ وسلم نے نجاشی کو خط لکھا تھا ، تو نجاشی نے ان کا نکاح رسول اللہ صلی اللہ علیہ و آلہ وسلم کے ساتھ کر دیا تھا اور چالیس اوقیہ چاندی بھی ان کو دی تھی ۔
الزُّهْرِيِّ، ← جَدِّهِ، ← حَجَّاجُ بْنُ أَبِي مَنِيعٍ، ← عبد الله بن أبي أسامة الحلبي ← أَبُو الْعَبَّاسِ مُحَمَّدُ بْنُ يَعْقُوبَ
Al Mustadrak Al Hakim Al Sahihain · The Book of Knowledge of the Companions, may God be pleased with them › The mention of the mother of Habibah's daughter Abi Sufyan, may God be pleased with her · Hadith 6768
مصعب بن عبداللہ زبیری نے ان کا نسب یوں بیان کیا ہے " ام حبیبہ بنت ابی سفیان بن حرب " ان کا اصل نام " رملہ بنت ابی سفیان " ہے ۔ بعض مؤرخین کا کہنا ہے کہ ان کا نام " ہند " ہے جبکہ مشہور " رملہ " ہے ۔ ان کی والدہ " صفیہ بنت ابی العاص بن امیہ " ہیں ۔ بعض دیگر مؤرخین کے مطابق ان کی والدہ " آمنہ بنت عبدالعزیٰ بن حربان بن عوف بن عبید بن ویج بن عدی بن کعب " ہیں ۔ حضرت معاویہ سے ایک سال پہلے ان کا انتقال ہوا۔
Al Mustadrak Al Hakim Al Sahihain · The Book of Knowledge of the Companions, may God be pleased with them › The mention of the mother of Habibah's daughter Abi Sufyan, may God be pleased with her · Hadith 6769
محمد بن عمر کہتے ہیں : ام حبیبہ کا نام " رملہ بنت ابی سفیان بن حرب " ہے ۔ ان کی والدہ " صفیہ بنت ابی العاص بن امیہ بن عبد شمس " ہے ۔ حضرت عثمان بن عفان رضی اللہ عنہ کی پھوپھی ہیں ، پہلے حرب بن امیہ کے حلیف عبید اللہ بن حجش بن رباب کے نکاح میں تھیں ۔ ان کے بطن سے حبیبہ پیدا ہوئیں ، اسی کے نام سے ان کنیت " ام حبیبہ " ہوئی ۔ حبیبہ کے ساتھ داود بن عروہ بن مسعود ثقفی نے شادی کی تھی ۔ ام حبیبہ رضی اللہ عنہا فرماتی ہیں: میں نے خواب میں دیکھا کہ میرا شوہر عبید الله بن جحش بہت ڈراونی شکل میں ہے، میں اس سے ڈر جاتی ہوں، میں نے کہا: اللہ کی قسم ! اس کا حال بدل گیا ہے۔ جب صبح ہوئی تو وہ کہنے لگا: اے ام حبیبہ میں نے دین کے بارے میں رات بہت غوروفکر کیا ہے، مجھے نصرانی دین سے بہتر کوئی دین نظر نہیں آرہا، میں پہلے بھی اسی دین پر تھا، پھر میں نے محمد کے دین کو اپنا لیا لیکن اب میں دوبارہ نصرانیت کی طرف لوٹ گیا ہوں، میں نے کہا: اللہ کی قسم اس میں تیرے لئے بہتری نہیں ہے، پھر میں نے اس کو وہ خواب سنایا جو میں نے گزشتہ رات دیکھا تھا لیکن اس نے اس پر کوئی توجہ نہ دی اور شراب نوشی میں مبتلا ہو گیا ، اور اسی عالم میں اس کو موت آگئی ۔ اس کے بعد ایک دفعہ میں نے خواب میں دیکھا کہ کوئی آنے والا آیا ہے اور مجھے " ام المومنین " کہہ کر پکارتا ہے، میں گھبرا جاتی ہوں، میں نے اس کی تعبیر یہ سوچی کہ رسول اللہ صلی اللہ علیہ و آلہ و سلم مجھ سے نکاح کریں گے، آپ فرماتی ہیں: میری عدت گزرگئی نجاشی کا ایک قاصد میرے دروازے پر آیا اور اس نے اجازت مانگی ، نجاشی کی ایک ابرہ نامی لونڈی تھی وہ اس کے کپڑے وغیرہ دھویا کرتی تھی، اس کو تیل وغیرہ لگایا کرتی تھی، وہ میرے پاس آئی اور کہنے گی: بادشاہ سلامت کہہ رہے ہیں کہ رسول اللہ صلی اللہ علیہ و آلہ و سلم نے مجھے خط لکھا ہے کہ میں ان کا نکاح تمہارے ساتھ کردوں ، میں نے کہا: اللہ تعالی تجھے اچھی خوشخبری دے۔ اس لونڈی نے کہا: بادشاہ سلامت کہہ رہے ہیں کہ تم اپنے نکاح کے لئے کسی کو اپناوکیل پنالو، میں نے خالد بن سعید کی جانب پیغام بھیجا اور اس کو اپنا وکیل بنالیا، میں نے ابرہ کو جو دعا دی تھی اس پر خوش ہو کر اس نے چاندی کے دو کنگن مجھے دیئے ، اور اپنے پاؤں میں پہنی ہوئی دو پازیبیں بھی اتار کر مجھے دے دیں اور چاندی کی انگوٹھیاں جو کہ اس نے اپنے پاؤں کی انگلیوں میں پہنی ہوئی تھیں وہ بھی مجھے دے دیں ۔ شام کا وقت ہوا تو نجاشی نے حضرت جعفر بن ابی طالب اور دیگر مسلمان جو وہاں موجود تھے، سب کو بلایا، جب یہ سب لوگ آ گئے تو نجاشی نے خطبہ دیتے ہوئے کہا : تمام تعریفیں اس اللہ کے لئے ہیں جو مالک ہے، قدوس ہے، سلام ہے، مومن ہے۔ مہیمن ہے،عزیز ہے، جبار ہے۔ اللہ تعالی کے لئے وہ تمام تعریفیں ہیں جن کا وہ حق رکھتا ہے، اور میں گواہی دیتا ہوں کہ اللہ تعالی کے سوا کوئی عبادت کے لائق نہیں ہے اور بے شک محمد صلی اللہ علیہ و آلہ و سلم اس کے بندے اور رسول ہیں۔ اور یہ وہی ہیں جن کی آمد کی گواہی حضرت عیسی علیہ السلام نے دی تھی۔ اما بعد بے شک رسول الله صلی اللہ علیہ و آلہ و سلم نے مجھے خط لکھا ہے کہ میں ام حبیبہ بنت ابی سفیان کے ساتھ ان کا نکاح کر دوں، میں نے رسول اللہ صلی اللہ علیہ و آلہ و سلم کے حکم پر لبیک کہا ہے اور چار سودینار میں نے اس کا حق مہر رکھا ہے، یہ کہہ کر نجاشی نے لوگوں کے سامنے دینارڈھیر کر دیئے۔ اس کے بعد خالد بن سعید رضی اللہ عنہ بولے: میں حمد کرتا ہوں اللہ تعالی کی اور اسی سے مدد چاہتا ہوں، اور میں گواہی دیتا ہوں کہ بے شک اللہ تعالی کے سوا کوئی عبادت کے لائق نہیں ہے اور بے شک محمد صلی اللہ علیہ و آلہ و سلم اس کے بندے اور رسول ہیں۔ اس رسول کو اللہ تعالی نے ہدایت اور حق کے ساتھ بھیجا ہے، وہ اس کو تمام ادیان پر غالب کردے اگر چہ مشرکین کو اچھا نہ لگے۔ اما بعد میں نے رسول اللہ صلی اللہ علیہ و آلہ و سلم کے حکم پر لبیک کہا ہے، اور میں نے ام حبیبہ بنت ابی سفیان کا نکاح رسول الله صلی اللہ علیہ و آلہ و سلم کے ساتھ کردیا ہے، اللہ تعالی اپنے رسول کو برکت عطا فرمائے۔ نجاشی نے وہ دینار خالد بن سعید کے حوالے کر دیئے،خالد نے وہ تمام دینار سمیٹ لئے ، پھر جب لوگ اٹھنے لگے تو نجاشی نے کہا: رک جاؤ، کیونکہ انبیاء کرام علیہ السلام کا طریقہ ہے کہ جب وہ شادی کرتے ہیں تو شادی کا کھانا کھلایا جاتا ہے ،نجاشی نے کھانا منگوایا، سب لوگوں نے کھانا کھایا پھر سب لوگ چلے گئے۔ ام حبیبہ رضی اللہ عنہا فرماتی ہیں: جب وہ مال میرے پاس پہنچا تو میں نے اس ابره تامی لونڈی کو بلوایا جس نے مجھے خوشخبری دی تھی، میں نے اس سے کہا: اس دن میں نے تمہیں جو دیا تھا، اس کے علاوہ میرے ہاتھ میں کوئی مال نہ تھا، اب یہ پچاس مثقال سونا ہے تم یہ لے لو اور اس کو اپنے استعمال میں لاؤ، اس نے ایک تھیلی نکالی، اس کے اندر وہ سب کچھ جمع تھا جو میں نے اس کو موقع بہ موقع دیا تھا، اس نے وہ سب مجھے واپس دیا اور بولی: بادشاہ سلامت نے مجھ سے وعدہ لیا ہے کہ میں تجھے دینے میں کوئی چیز نہیں کروں گی اور میں تو اس کے کپڑے دھوتی ہوں، اس کو تیل لگاتی ہوں اور میں رسول اللہ صلی اللہ علیہ و آلہ و سلم کے دین کی پیروکار ہوں، اور میں اللہ کی رضا کے لئے اسلام لائی ہوں۔ ابھی تو بادشاہ سلامت نے اپنی بیویوں کو کہا ہے کہ ان کے پاس جو اچھے سے اچھا عطر ہے وہ آپ کو تحفہ دیں۔ اگلے دن وہ بہت سارا عود، ورس عنبر اور زباد(ایک قسم کی خوشبو ہے جو ایک بلی نما جانور سے حاصل کی جاتی ہے) لے کر آ گئی۔ میں یہ سب کچھ رسول اللہ صلی اللہ علیہ و آلہ و سلم کے پاس لائی ، رسول الله صلی اللہ علیہ و آلہ و سلم یہ سب میرے پاس دیکھتے تھے لیکن کبھی بھی ان سے مجھے منع نہیں فرمایا۔ پھر ابرہ نے مجھے کہا: میرا ایک کام کردینا، اس شہ خوباں کی بارگاہ میں میرا سلام عرض کردینا ۔ اور میرے بارے میں بتانا کہ میں نے ان کا دین اختیار کیا ہوا ہے، اورتم میرا یہ کام ہرگز بھولنا نہیں۔ ام حبیبہ رضی اللہ عنہا فرماتی ہیں: جب ہم لوگ رسول اللہ صلی اللہ علیہ و آلہ و سلم کی بارگاہ میں پہنچ گئے میں نے رسول اللہ صلی اللہ علیہ و آلہ و سلم کے پیغام نکاح پہنچنے اور اس ابرہ کے تعاون کی پوری داستان سنادی، تو رسول اللہ صلی اللہ علیہ و آلہ و سلم کا چہرہ کھل اٹھا۔ پھر میں نے رسول اللہ صلی اللہ علیہ و آلہ و سلم کو اس کا سلام بھی پیش کیا جضور صلی اللہ علیہ و آلہ و سلم نے اس کے سلام کا یوں جواب دیا: وعليها السلام ورحمة الله وبركاته
Al Mustadrak Al Hakim Al Sahihain · The Book of Knowledge of the Companions, may God be pleased with them › The mention of the mother of Habibah's daughter Abi Sufyan, may God be pleased with her · Hadith 6770
حضرت جعفر بن محمد بن علی ، اپنے والد کا یہ بیان نقل کرتے ہیں کہ رسول اللہ صلی اللہ علیہ و آلہ و سلم نے عمر و بن امیہ ضمری کو نجازشی کے پاس ام حبیبہ بنت ابو سفیان کے لئے پیغام نکاح دے کر بھیجا ۔ ام حبیبہ رضی اللہ عنا پہلے عبید اللہ بن حجش کے نکاح میں تھیں ، نجاشی نے ان کا نکاح رسول اللہ صلی اللہ علیہ و آلہ و سلم کے ہمراہ کر دیا، اور اپنی طرف سے چار سو دینار رسول اللہ صلی اللہ علیہ و آلہ و سلم کا حق مہر ادا کیا۔ ابو جعفر کہتے ہیں : عبدالملک بن مروان نے اسی وجہ سے عورتوں کا حق مہر چار سو دینار مقرر کیا تھا۔
أَبِيهِ ← جَعْفَرِ بْنِ مُحَمَّدِ بْنِ عَلِيٍّ، ← إِسْحَاقُ بْنُ مُحَمَّدٍ، ← مُحَمَّدُ بْنُ عُمَرَ، ← محمد بن جرير الفقيه، ← مخلد بن جعفر الباقرحي،
Al Mustadrak Al Hakim Al Sahihain · The Book of Knowledge of the Companions, may God be pleased with them › The mention of the mother of Habibah's daughter Abi Sufyan, may God be pleased with her · Hadith 6771
ابو سلمہ بن عبدالرحمن کے بارے میں مروی ہے کہ انہوں نے ام المومنین حضرت عائشہ رضی اللہ عنہا سے پوچھا : رسول اللہ صلی اللہ علیہ و آلہ و سلم نے اپنی ازواج مطہرات کا حق مہر کتنا رکھا تھا ؟ انہوں نے فرمایا : 12 ساڑھے بارہ اوقیہ ، اس کی مقدار 500 دراہم بنتی ہے ۔
Al Mustadrak Al Hakim Al Sahihain · The Book of Knowledge of the Companions, may God be pleased with them › The mention of the mother of Habibah's daughter Abi Sufyan, may God be pleased with her · Hadith 6772
زہری کہتے ہیں : نجاشی نے ام حبیبہ رضی اللہ عنہا کو رسول اللہ صلی اللہ علیہ و آلہ و سلم کی طرف بھیجنے کے لئے تیار کروایا اور ان کے ہمراہ شرحبیل بن حسنہ کو روانہ فرمایا ۔ عبدالواحد بن ابی عون فرماتے ہیں : جب سفیان بن حرب کو پتا چلا کہ نبی اکرم صلی اللہ علیہ و آلہ و سلم نے اس کی بیٹی کے ساتھ نکاح کر لیا ہے ، تو کہنے لگا : اس نوجوان کو جھکایا نہیں جا سکتا ۔ عوف بن حارث کہتے ہیں : ام المومنین حضرت عائشہ رضی اللہ عنہا نے فرمایا : ام المومنین حضرت ام سلمہ رضی اللہ عنہا نے اپنی وفات کے وقت مجھے اپنے پاس بلوایا ، اور کہنے لگی : ہمارے درمیان وہ ( خلش ) رہی جو عموماً سو تنوں کے درمیان ہوتی ہے ، اللہ تعالیٰ تمام معاف فرمائے ، میں نے ان تمام سے درگزر کر لیا ہے اور میں نے وہ تمام معاف کر دی ہیں ۔ ام المومنین حضرت عائشہ رضی اللہ عنہا نے فرمایا: تو نے مجھے خوش کیا، اللہ تعالیٰ تجھے کوش کرے ۔ حضرت عائشہ رضی اللہ عنہا نے بھی ام المومنین حضرت ام سلمہ سے معافی مانگی ۔ ام المومنین ام سلمہ رضی اللہ عنہا کا انتقال حضرت معاویہ رضی اللہ عنہا کی امارت میں سن 44 ہجری میں ہوا۔
Al Mustadrak Al Hakim Al Sahihain · The Book of Knowledge of the Companions, may God be pleased with them › The mention of the mother of Habibah's daughter Abi Sufyan, may God be pleased with her · Hadith 6773
مصعب بن عبید اللہ زبیری نے ان کا نسب یوں بیان کیا ہے " زینب بنت حجش بن رباب بن یعمر بن صبرہ بن مرہ بن کثیر بن غنم بن دودان بن اسد بن خزیمہ " ۔ ان کی والدہ کا نام " امیمہ بنت عبدالمطلب بن ہاشم بن عمرو بن عبد مناف " ۔ پہلے حضرت زینب رضی اللہ عنہا ، حضرت زید بن حارثہ رضی اللہ عنہا کے نکاح میں تھیں ، انہوں نے ان کے طلاق دینے ( اور عدت گزرنے کے بعد ) رسول اللہ صلی اللہ علیہ و آلہ و سلم نے ان سے نکاح کیا تھا، انہی کے بارے میں یہ آیت کریمہ نازل ہوئی تھی : " ﴿ فَلَمَّا قَضَى زَيْدٌ مِنْهَا وَطَرًا زَوَّجْنَاكَهَا لِكَيْ لَا يَكُونَ عَلَى الْمُؤْمِنِينَ حَرَجٌ فِي أَزْوَاجِ أَدْعِيَائِهِمْ إِذَا قَضَوْا مِنْهُنَّ وَطَرًا وَكَانَ أَمْرُ اللَّهِ مَفْعُولًا٣٧﴾ [الأحزاب: 37] " پھر جب زید کی غرض اس سے نکل گئی تو ہم نے وہ تمہارے نکاح میں دے دی کہ مسلمانوں پر کچھ حرج نہ رہے ان کے لے پالکوں کی بیبیوں میں جب ان سے ان کا کام ختم ہو جائے اور اللہ کا حکم ہو کر رہنا " ۔ (ترجمہ کنز الایمان ، امام احمد رضا رحمتہ اللہ علیہ ) راوی کہتے ہیں : حضرت زینب دیگر امہات المومنین سے فخریہ کہا کرتی تھی : میرا نکاح رسول اللہ صلی اللہ علیہ و آلہ و سلم کے ساتھ خود اللہ تعالیٰ نے کیا ہے ، جبکہ تمہارا نکاح تمہارے ماں باپ نے ، رشتہ داروں نے کئے ہیں ۔ اور حمنہ بنت حجش مستحاضہ تھیں ، اور حضر عبدالرحمن بن عوف رضی اللہ عنہ کے نکاح میں تھیں، یہ حضرت زینب بنت حجش رضی اللہ عنہا کی بہن ہیں ۔
Al Mustadrak Al Hakim Al Sahihain · The Book of Knowledge of the Companions, may God be pleased with them › The mention of Zainab a girl of Jahsh, may God be pleased with her · Hadith 6774
محمد بن عمر فرماتے ہیں : زینب بنت حجش رضی اللہ عنہا حضرت عبدالرحمن بن حجش رضی اللہ عنہ کی بہن ہیں۔ عمر بن عثمان حجش اپنے والد کیا یہ بیان نقل کرتے ہیں کہ " نبی اکرم صلی اللہ علیہ و آلہ و سلم مدینہ منورہ میں تشریف لائے ، رسول اللہ صلی اللہ علیہ و آلہ و سلم کے ہمراہ ہجرت کر کے مدینہ شریف آنے والی خواتین میں حضرت زینب بنت حجش بھی شامل تھیں ، آپ بہت حسین و جمیل خاتون تھیں۔ رسول اللہ صلی اللہ علیہ و آلہ و سلم نے حضرت زید بن حارثہ کے لئے ان کا رشتہ مانگا تھا، انہوں نے انکار کر دیا، آپ بیوہ تھیں۔ رسول اللہ صلی اللہ علیہ و آلہ و سلم نے فرمایا : میں نے تو تمہیں اس کے لئے پسند کر لیا ہے ، تب انہوں نے حضرت زید سے نکاح کر لیا ۔ ( حدیث اس سے آگے بھی ہے ) محمد بن یحییٰ بن حبان فرماتے ہیں: حضرت زید بن حارثہ رضی اللہ عنہ کو عموماً لوگ ’’زید بن محمد " کہتے تھے کئی مرتبہ ایسا ہوتا کہ اگر حضرت زید رضی اللہ عنہ کچھ دیر کے لئے کہیں چلے جاتے تو آپ صلی اللہ علیہ و آلہ و سلم بار بار ان کے بارے میں پوچھتے ۔ ایک دفعہ رسول اللہ صلی اللہ علیہ و آلہ و سلم ان کو ڈھونڈتے ہوئے ان کے گھر تشریف لے گئے ، حضرت زید رضی اللہ عنہ اپنے گھر پر نہ تھے، حضرت زینب رضی اللہ عنہ نے بتایا کہ وہ فلاں جگہ ہیں۔ رسول اللہ صلی اللہ علیہ و آلہ و سلم وہاں سے واپس تشریف لے آئے، واپس آتے ہوئے آپ کچھ بول رہے تھے لیکن آپ کی زبان سے صرف سبحان الله العظيم سبحان اللہ مصرف القلوب کے الفاظ پتا چل رہے تھے۔ حضرت زید رضی اللہ عنہ گھر آئے توان کی زوج محترمہ نے ان کو بتایا کہ رسول الله صلی اللہ علیہ و آلہ و سلم گھر آئے تھے، حضرت زید نے پوچھا: کیا تم نے حضور صلی اللہ علیہ و آلہ و سلم کو اندر آنے کانہیں کہا تھا؟ انہوں نے کہا: جی ہاں، میں نے کہا تھا لیکن آپ صلی اللہ علیہ و آلہ و سلم نے انکارفرمادیا تھا۔ لیکن رسول الله صلی اللہ علیہ و آلہ و سلم جب واپس تشریف لے گئے تو آپ کچھ ارشادفرمارہے تھے ، مجھے اور تو کچھ سمجھ نہیں آیا البتہ اتنے الفاظ مجھے سمجھ میں آئے تھے آپ کہہ رہے تھے" سبحان الله العظیم ، سبحان الله مصرف القلوب‘‘۔ راوی کہتے ہیں: حضرت زید رضی اللہ عنہ اسی وقت گھر سے نکلے اور رسول اللہ صلی اللہ علیہ و آلہ و سلم کی بارگاہ میں حاضر ہوگئے ، اور عرض کی : یا رسول اللہ صلی اللہ علیہ و آلہ و سلم مجھے پتا چلا ہے کہ آپ میرے غریب خانے پر تشریف لائے تھے، یا رسول اللہ میرے ماں باپ آپ پر قربان ہوجائیں، آپ اندر تشریف کیوں نہیں لے گئے؟ شاید کہ آپ کو زیب پسند آ گئی ہے کیا میں اس کوعلیحدگی دے دوں؟ رسول الله صلی اللہ علیہ و آلہ و سلم نے فرمایا: (نہیں اس کو علیحدگی نہیں دی بلکہ اپنی بیوی کو اپنے پاس رکھو۔ لیکن اس کے بعد حضرت زید نے اپنی بیوی سے قربت نہ کی ، اس لئے وہ رسول اللہ صلی اللہ علیہ و آلہ و سلم کے پاس آئے اور اپنی تمام صورت حال کہہ سنائی ۔ حضور صلی اللہ علیہ و آلہ و سلم نے پھر بھی یہی فرمایا کہ اپنی بیوی کو اپنے پاس رکھو، حضرت زید نے کہا: یا رسول الله صلی اللہ علیہ و آلہ و سلم میں اس کو علیحدگی دے دوں گا۔ لیکن رسول اللہ نے فرمایا: تم اپنی بیوی کو اپنے پاس رکھو، لیکن حضرت زید رضی اللہ عنہ نے ان کو علیحدگی اختیار کر لی ، خود ان سے دور ہو گئے ، اور ان کی عدت بھی گزرگئی۔ ایک دفعہ رسول اللہ صلی اللہ علیہ و آلہ و سلم بیٹھے ام المومنین حضرت عائشہ رضی اللہ عنہا سے باتیں کررہے تھے کہ رسول اللہ صلی اللہ علیہ و آلہ و سلم پر غشی کی سی کیفیت طاری ہوگئی، جب وہ کیفیت ختم ہوئی تو رسول الله صلی اللہ علیہ و آلہ و سلم کے چہرہ انور پر مسکراہٹ تھی، اور آپ فرمارہے تھے کون شخص زینب کو یہ خوشخبری سنانے جائے گا کہ الله تعالی نے آسمان پر اس کا میرے ساتھ نکاح کردیا ہے" ۔ اس کے بعد رسول اللہ صلی اللہ علیہ و آلہ و سلم نے یہ آیت پڑھی: ﴿وَإِذْ تَقُولُ لِلَّذِي أَنْعَمَ اللَّهُ عَلَيْهِ وَأَنْعَمْتَ عَلَيْهِ أَمْسِكْ عَلَيْكَ زَوْجَكَ ٣٧﴾ [الأحزاب: 37]” اور اے محبوب یاد کرو جب تم فرماتے تھے اس سے جسے اللہ نے نعمت دی اور تم نے اسے نعمت دی کہ اپنی بی بی اپنے پاس رہنے دے " (ترجمہ کنز الایمان ، امام احمد رضا رحمتہ اللہ علیہ ) ، ام المومنین حضرت عائشہ رضی اللہ عنہا فرماتی ہیں : مجھے تو قریب و بعید ہر طرف سے ان پر رشک آنے لگا ، کیونکہ اس کے حسن و جمال کے بارے میں پہلے ہی مجھے بہت کچھ معلوم تھا لیکن سب سے بڑی بات یہ تھی کہ اللہ تعالیٰ نے خود ان کا نکاح رسول اللہ صلی اللہ علیہ و آلہ و سلم کے ساتھ آسمانوں پر کر دیا تھا۔ ام المومنین حضرت عائشہ رضی اللہ عنہا فرماتی ہیں : اس بناء پر زینب ہم پر بہت فخر جتلایا کرتی تھی ۔ ام المومنین حضرت عائشہ رضی اللہ عنہا فرماتی ہیں : رسول اللہ صلی اللہ علیہ و آلہ و سلم کی خادمہ حضرت سلمیٰ دوڑتی ہوئی گئیں اور جا کر حضرت زینب کو یہ خوشخبری سنائی ، یہ خوشخبری سن کر حضرت زینب نے اس کو اپنا زیور تحفہ دے دیا۔محمد بن ابراہیم تیمی فرماتے ہیں : حضرت زینب بنت حجش رضی اللہ عنہا نے یہ وصیت کی تھی کہ ان کی میت رسول اللہ صلی اللہ علیہ و آلہ و سلم کی چارپائی پر رکھی جاے اور اسی چار پائی پر ان کا جنازہ اٹھایا جائے ۔ بعض مؤرخین نے لکھا ہے کہ اسی چار پائی پر حضرت ابوبکر صدیق رضی اللہ عنہ کا بھی جنازہ اٹھایا گیا تھا۔ حضرت عثمان بن خطاب رضی اللہ عنہ قبر کھودنے والوں کے پاس گئے ، وہ لوگ سخت گرمی کے دن حضرت زینب رضی اللہ عنہا کی قبر کھود رہے تھے ، حضرت عمر رضی اللہ عنہ نے فرمایا : میں اس پر روضہ بناؤں گا ، چنانچہ وہ پہلی قبر تھی جس پر جنت البقیع میں روضہ بنایا گیا۔ عبداللہ ابن ابی سلیط فرماتے ہیں : میں نے ابواحمد بن حجش کو دیکھا وہ حضرت زینب کے جنازے کو کندھائیے ہوئے تھے ، اور رو رہے تھے ، حضرت عمر رضی اللہ عنہ نے ان سے کہا: اے ابواحمد ! آپ جنازہ سے ہٹ جائیے گے ، لوگ آپ جو جنازے کی چارپائی پر تھکا دیں گے ۔ ابو احمد نے کہا : ہم نے اس خاتون سے ہر بھلائی پائی ، اور بے شک یہ اس چیز کی گرمی کو ختم کرے گی جو گرمی میں پاتا ہوں ، حضرت عمر رضی اللہ عنہ ( درمیان سے ہٹ گئے اور ) بولے : پکڑ لو، پکڑ لو، عمر بن عثمان حجش اپنے والد کا یہ بیان نقل کرتے ہیں ( آپ فرماتے ہیں ) حضرت زینب بنت حجش رضی اللہ عنہا نے کوئی درہم اور دینار وغیرہ وراثت نہیں چھوڑی ، بلکہ جو چیز ان کے ہاتھ آتی ، آپ وہ سب خیرات کر دیا کرتی تھیں ۔ آپ مساکین کا ماویٰ و ہلجا تھیں ۔ انہوں نے اپنا ایک مکان چھوڑا تھا، جب مسجد کی توسیع کا کام شروع ہو تو اس کو ولید بن عبدالملک کے ہاتھوں 50،000 ، پچاس ہزار دراہم کے عوض بیچ دیا گیا۔ عمر بن عثمان حجشی اپنے والد کا یہ بیان نقل کرتے ہیں : حضرت ام عکاشہ بنت محصن سے پوچھا گیا : وفات کے وقت حضرت زینب بنت حجش رضی اللہ عنہا کی عمر کتنی تھی ؟ انہوں نے کہا: جب ہم ہجرت کر کے مدینہ شریف آئے تو اس وقت ان کی عمر تیس برس سے کچھ زائد تھی ، اور آپ کا انتقال سن 20 ہجری میں ہوا۔ حضرت عمر بن عثمان رضی اللہ عنہ فرماتے ہیں : میرے والد صاحب کہا کرتے تھے : زینب حجش رضی اللہ عنہ کا انتقال 53 برس کی عمر میں ہوا۔
Al Mustadrak Al Hakim Al Sahihain · The Book of Knowledge of the Companions, may God be pleased with them › The mention of Zainab a girl of Jahsh, may God be pleased with her · Hadith 6775
ام المومنین حضرت عائشہ رضی اللہ عنا فرماتی ہیں کہ رسول اللہ صلی اللہ علیہ و آلہ و سلم نے اپنی ازواج سے کہا : تم سب سے پہلے میرے پاس وہ آئے گی جس کے ہاتھ سب سے زیادہ لمبے ہیں ۔ ام المومنین حضرت عائشہ رضی اللہ عنہا فرماتی ہیں : رسول اللہ صلی اللہ علیہ و آلہ و سلم کے انتقال کے بعد ایک دفعہ ہم ایک گھر میں اکٹھی ہوئیں اور ایک دیوار کے ساتھ اپنے ہاتھ ناپنے لگیں، ہم یونہی اپنے ہاتھ ناپا کرتی تھی کہ حضرت زینب بنت حجش رضی اللہ عنہا کا انتقال ہو گیا، ان کا قد سب سے چھوٹا تھا ، یہ ہم میں سے کسی سے بھی لمبی نہیں تھیں ، تب ہم سمجھیں کہ ہاتھ لمبے ہونے سے رسول اللہ صلی اللہ علیہ و آلہ و سلم کی مراد " صدقہ و خیرات کرنا " تھی ، راوی کہتے ہیں : حضرت زینت کو دستکاری کے بہت کام آتے تھے ، آپ چمڑے کو دباغت دیتی تھی ، پودے لگاتی تھی اور جو رقم آتی ، اس کو اللہ تعالیٰ کے راستے میں خرچ کر دیا کرتی تھی ۔ یہ حدیث امام مسلم رحمتہ اللہ علیہ کے معیار کے مطابق صحیح ہے لیکن شیخین رحمتہ اللہ علیہ نے اس کو نقل نہیں کیا۔
Al Mustadrak Al Hakim Al Sahihain · The Book of Knowledge of the Companions, may God be pleased with them › The mention of Zainab a girl of Jahsh, may God be pleased with her · Hadith 6776
