Bulugh Al Maram

عن ابن عباس قال: قال رسول الله صلى الله عليه وآله وسلم: «‏‏‏‏الحقوا الفرائض باهلها فما بقي فهو لاولى رجل ذكر» .‏‏‏‏متفق عليه.

سیدنا ابن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا ”شریعت کے مقرر کردہ حصے ان کے مستحق حصہ داروں کو ادا کر دو اور پھر جو کچھ باقی بچ جائے اسے سب سے قریبی مرد وارث کو دے دو۔“ (بخاری و مسلم)

ابْنِ عَبَّاسٍ،

وعن اسامة بن زيد رضي الله عنه ان النبي صلى الله عليه وآله وسلم قال:«‏‏‏‏لا يرث المسلم الكافر،‏‏‏‏ ولا يرث الكافر المسلم» . متفق عليه.

سیدنا اسامہ بن زید رضی اللہ عنہما سے مروی ہے کہ نبی کریم صلی اللہ علیہ وسلم نے فرمایا ”مسلمان کافر کا وارث نہیں ہو گا اور نہ ہی کافر مسلمان کا وارث ہو گا۔“ (بخاری و مسلم)

أَسَامَةَ بْنِ زَيْدٍ

وعن ابن مسعود رضي الله تعالى عنه،‏‏‏‏ في بنت،‏‏‏‏ وبنت ابن،‏‏‏‏ واخت: قضى النبي صلى الله عليه وآله وسلم:«‏‏‏‏للابنة النصف ولابنة الابن السدس تكملة الثلثين وما بقى فللاخت» .‏‏‏‏ رواه البخاري.

سیدنا ابن مسعود رضی اللہ عنہما سے روایت ہے کہ رسول اللہ صلی اللہ علیہ وسلم نے بیٹی، پوتی اور بہن کی موجودگی میں فیصلہ فرمایا کہ ”دو تہائی پورا کرنے کے لیے بیٹی کو آدھا ترکہ اور پوتی کے لیے چھٹا حصہ ہو گا، پھر جو باقی بچے وہ بہن کا۔“ (بخاری)

وعن عبد الله بن عمر رضي الله عنهما قال: قال رسول الله صلى الله عليه وآله وسلم: «‏‏‏‏لا يتوارث اهل ملتين» . رواه احمد والاربعة إلا الترمذي،‏‏‏‏ واخرجه الحاكم بلفظ اسامة،‏‏‏‏ وروى النسائي حديث اسامة بهذا اللفظ.

سیدنا عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا ”دو مختلف دین کے پیروکار ایک دوسرے کے وارث نہیں ہو سکتے۔“ اسے احمد اور چاروں نے روایت کیا ہے سوائے ترمذی کے اور حاکم نے ان الفاظ سے نقل کی ہے جو اسامہ کی حدیث کے ہیں اور نسائی نے اسامہ کی حدیث کو ان الفاظ میں بیان کی ہے۔ (یعنی جو ابن عمر رضی اللہ عنہما کی حدیث کے ہیں)۔

عَبْدِ اللهِ بْنِ عُمَرَ

وعن عمران بن حصين رضي الله عنه قال: جاء رجل إلى النبي صلى الله عليه وآله وسلم فقال: إن ابن ابني مات فما لي من ميراثه؟ فقال: «‏‏‏‏لك السدس» ‏‏‏‏ فلما ولى دعاه فقال: «‏‏‏‏لك سدس آخر» ‏‏‏‏ فلما ولى دعاه فقال: «‏‏‏‏إن السدس الآخر طعمة» .‏‏‏‏ رواه احمد والاربعة وصححه الترمذي وهو من رواية الحسن البصري عن عمران وقيل: إنه لم يسمع منه.

سیدنا عمران بن حصین رضی اللہ عنہما سے روایت ہے کہ ایک آدمی نبی کریم صلی اللہ علیہ وسلم کی خدمت میں حاضر ہوا اور عرض کی کہ میرا پوتا وفات پا گیا ہے۔ اس کے ترکہ میراث میں میرا حصہ کتنا ہے؟ آپ صلی اللہ علیہ وسلم نے فرمایا ” تجھے چھٹا حصہ ملے گا۔“ پھر جب وہ جانے لگا تو اسے آپ صلی اللہ علیہ وسلم نے بلایا اور فرمایا ” تیرے لئے مزید چھٹا حصہ ہے۔“ پھر جب وہ جانے لگا تو اس کو بلایا اور فرمایا کہ ” دوسرا چھٹا حصہ تیرے لئے رزق ہے۔“ اسے احمد اور چاروں نے روایت کیا ہے اور ترمذی نے صحیح کہا ہے اور یہ روایت حسن بصری نے بھی عمران رضی اللہ عنہ سے روایت کی ہے مگر یہ کہا گیا ہے کہ حسن بصری کا عمران بن حصین رضی اللہ عنہما سے سماع ثابت نہیں۔

إِنَّ ابْنَ ابْنِي مَاتَ فَمَا لِي مِنْ مِيرَاثِهِ ← جاء رجل إلى النبي صلى الله عليه وآله وسلم ← عِمْرَانَ بْنِ حُصَيْنٍ

وعن ابن بريدة عن ابيه رضي الله عنهما: ان النبي صلى الله عليه وآله وسلم جعل للجدة السدس إذا لم يكن دونها ام. رواه ابو داود والنسائي وصححه ابن خزيمة وابن الجارود وقواه ابن عدي.

سیدنا ابن بریدہ رضی اللہ عنہما سے روایت ہے کہ نبی کریم صلی اللہ علیہ وسلم نے دادی کے لئے چھٹا حصہ مقرر فرمایا جب کہ درمیان میں اس کی ماں نہ ہو۔ ابوداؤد، نسائی نے روایت کیا ہے اور ابن خزیمہ، ابن جارود نے صحیح قرار دیا ہے اور ابن عدی نے اسے قوی قرار دیا ہے۔

أَبِيهِ ← وعن ابن بريدة

وعن المقدام بن معديكرب قال: قال رسول الله صلى الله عليه وآله وسلم: «الخال وارث من لا وارث له» .‏‏‏‏اخرجه احمد والاربعة سوى الترمذي وحسنه ابو زرعة الرازي وصححه الحاكم و ابن حبان.

سیدنا مقدام بن معدی کرب رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا ”ماموں اس کا وارث ہو گا جس کا کوئی وارث زندہ نہ بچا ہو۔“ اس حدیث کو احمد اور چاروں نے بیان کیا ہے سوائے ترمذی کے۔ ابوزرعہ رازی نے اسے حسن کہا، حاکم اور ابن حبان نے اسے صحیح قرار دیا ہے۔

الْمِقْدَامِ بْنِ مَعْدِيکَرِبَ

وعن ابي امامة بن سهل رضي الله عنه قال: كتب عمر إلى ابي عبيدة رضي الله عنهما ان رسول الله صلى الله عليه وآله وسلم قال: «‏‏‏‏الله ورسوله مولى من لا مولى له والخال وارث من لا وارث له» .‏‏‏‏ رواه احمد والاربعة سوى ابي داود وحسنه الترمذي وصححه ابن حبان.

سیدنا ابوامامہ بن سہل رضی اللہ عنہ سے منقول ہے کہ سیدنا عمر رضی اللہ عنہ نے میرے ذریعہ ابوعبیدہ رضی اللہ عنہ کو لکھا کہ رسول اللہ صلی اللہ علیہ وسلم کا ارشاد ہے کہ ”اللہ اور اس کا رسول ہر اس کا مولیٰ ہے جس کا کوئی مولیٰ نہ ہو اور جس کا کوئی وارث نہ ہو ماموں اس کا وارث ہے۔“ اسے احمد اور چاروں نے سوائے ابوداؤد کے روایت کیا ہے اور ترمذی نے اسے حسن قرار دیا ہے اور ابن حبان نے صحیح کہا ہے۔

عمر إلى ابي عبيدة ← وعن ابي امامة بن سهل

وعن جابر رضي الله عنه عن النبي صلى الله عليه وآله وسلم قال: «‏‏‏‏إذا استهل المولود ورث» .‏‏‏‏ رواه ابو داود وصححه ابن حبان.

سیدنا جابر رضی اللہ عنہ سے مروی ہے کہ نبی کریم صلی اللہ علیہ وسلم نے فرمایا ”جب نومولود بچہ آواز نکالے تو وہ وارث قرار پاتا ہے۔“ اسے ابوداؤد نے روایت کیا ہے اور ابن حبان نے اسے صحیح کہا ہے۔

«‏‏‏‏إذا استهل المولود ورث» رواه ابو داود وصححه ابن حبان. ← النبي صلى الله عليه وآله وسلم ← وعن جابر

وعن عمرو بن شعيب عن ابيه عن جده قال: قال رسول الله صلى الله عليه وآله وسلم: «‏‏‏‏ليس للقاتل من الميراث شيء» .‏‏‏‏ رواه النسائي والدارقطني وقواه ابن عبد البر واعله النسائي. والصواب وقفه على عمرو.

سیدنا عمرو بن شعیب رحمہ اللہ اپنے والد سے اور وہ اپنے دادا سے روایت کرتے ہیں کہ رسول اللہ صلی اللہ علیہ وسلم نے فرمایا ”قاتل کو مقتول کی میراث میں سے کچھ بھی نہیں ملتا۔“ اسے نسائی اور دارقطنی نے روایت کیا ہے اور ابن عبدالبر نے اسے قوی قرار دیا ہے۔ مگر نسائی نے اسے معلول کہا ہے۔ دراصل یہ روایت موقوف ہے یعنی عمرو پر موقوف ہونا صحیح کہا گیا ہے۔

جَدِّهِ، ← أَبِيهِ ← وعن عمرو بن شعيب

وعن عمر بن الخطاب رضي الله عنه قال: سمعت رسول الله صلى الله عليه وآله وسلم يقول: «‏‏‏‏ما احرز الوالد او الولد فهو لعصبته من كان» .‏‏‏‏ رواه ابو داود والنسائي وابن ماجه وصححه ابن المديني وابن عبد البر.

سیدنا عمر بن خطاب رضی اللہ عنہ سے مروی ہے کہ میں نے رسول اللہ صلی اللہ علیہ وسلم کو ارشاد فرماتے سنا ہے ”والد یا اولاد جو کچھ جمع کر کے اپنے گھر میں لائے تو وہ اس کے عصبہ کے لئے ہے خواہ عصبہ کوئی بھی ہو۔“ اسے ابوداؤد، نسائی اور ابن ماجہ نے روایت کیا ہے۔ ابن مدینی اور ابن عبدالبر نے اسے صحیح کہا ہے۔

رسول الله صلى الله عليه وآله وسلم ← عُمَرَ بْنِ الْخَطَّابِ،

وعن عبد الله بن عمر رضي الله تعالى عنهما قال: قال رسول الله صلى الله عليه وآله وسلم: «‏‏‏‏الولاء لحمة كلحمة النسب لا يباع ولا يوهب» .‏‏‏‏ رواه الحاكم من طريق الشافعي عن محمد بن الحسن عن ابي يوسف وصححه ابن حبان واعله البيهقي.

سیدنا عبداللہ بن عمر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا ”ولاء کا تعلق نسب کے تعلق کی طرح ہے۔ جسے نہ فروخت کیا جا سکتا ہے اور نہ ہبہ کیا جا سکتا ہے۔“ اسے حاکم نے بطریق شافعی محمد بن حسن سے اور انہوں نے ابویوسف سے روایت کیا ہے۔ ابن حبان نے اسے صحیح قرار دیا ہے اور بیہقی نے اسے معلول کہا ہے۔

عبد الله بن عمر رضى الله تعالى عنهما