Bulugh Al Maram

وعن ابن مسعود قال: قال رسول الله صلى الله عليه وآله وسلم: «‏‏‏‏طعام الوليمة اول يوم حق،‏‏‏‏ وطعام يوم الثاني سنة،‏‏‏‏ وطعام يوم الثالث سمعة،‏‏‏‏ ومن سمع سمع الله به» .‏‏‏‏ رواه الترمذي،‏‏‏‏ واستغربه،‏‏‏‏ ورجاله رجال الصحيح،‏‏‏‏ وله شاهد عن انس عند ابن ماجه.

سیدنا ابن مسعود رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا ”ولیمہ کا کھانا پہلے روز حق ہے اور دوسرے روز سنت اور تیسرے روز کھانا تو نمود و نمائش ہے جو شخص ریاکاری کرے گا اللہ تعالیٰ اس کی تشہیر (یا اسے سزا) کرے گا۔ “ اس کو ترمذی نے روایت کیا ہے اور اسے غریب بھی قرار دیا ہے۔ حالانکہ اس حدیث کے راوی صحیح کے راوی ہیں اور ابن ماجہ میں سیدنا انس رضی اللہ عنہ سے مروی روایت کی صورت میں اس کا ایک شاہد بھی موجود ہے۔

ابْنِ مَسْعُودٍ،

وعن صفية بنت شيبة رضي الله عنها قالت: اولم النبي صلى الله عليه وآله وسلم على بعض نسائه بمدين من شعير. اخرجه البخاري.

سیدہ صفیہ بنت شیبہ رضی اللہ عنہا سے مروی ہے کہ نبی کریم صلی اللہ علیہ وسلم نے اپنی بعض بیویوں کا ولیمہ دو مد جو سے کیا۔ (بخاری)

آله وسلم على بعض نسائه بمدين من شعير. اخرجه البخاري. ← اولم النبي صلى الله عليه ← صَفِيَّةَ بِنْتِ شَيْبَةَ

وعن انس قال: اقام النبي صلى الله عليه وآله وسلم بين خيبر والمدينة ثلاث ليال يبنى عليه بصفية فدعوت المسلمين إلى وليمته فما كان فيها من خبز ولا لحم وما كان فيها إلا ان امر بالانطاع فبسطت فالقي عليها التمر والاقط والسمن. متفق عليه،‏‏‏‏ واللفظ للبخاري.

سیدنا انس رضی اللہ عنہ سے مروی ہے کہ نبی کریم صلی اللہ علیہ وسلم نے خیبر اور مدینہ کے درمیان تین روز تک قیام کیا۔ صفیہ رضی اللہ عنہا سے اسی مقام پر شب باشی کی تو میں نے مسلمانوں کو حضور صلی اللہ علیہ وسلم کے ولیمہ کی دعوت دی۔ بس اس دعوت میں نہ روٹی تھی اور نہ گوشت اس تقریب میں بس یہی تھا کہ آپ صلی اللہ علیہ وسلم کے ارشاد گرامی کے مطابق چٹائیاں بچھائی گئیں اور ان پر کھجوریں، پنیر اور مکھن چن دیا گیا۔ (بخاری و مسلم) اور یہ الفاظ بخاری کے ہیں۔

أَنَسٍ،

وعن رجل من اصحاب النبي صلى الله عليه وآله وسلم قال: إذا اجتمع داعيان فاجب اقربهما بابا فإن سبق احدهما فاجب الذي سبق. رواه ابو داود وسنده ضعيف.

اصحاب نبی کریم صلی اللہ علیہ وسلم میں سے ایک صحابی رضی اللہ عنہ سے مروی ہے کہ نبی کریم صلی اللہ علیہ وسلم نے فرمایا ” جب دو آدمیوں نے دعوت طعام دی ہو تو جس کا دروازہ متصل و قریب ہو اس کی دعوت قبول کرو اور ان میں سے جو پہلے دعوت دے اس کی دعوت قبول کر لو۔“ اسے ابوداؤد نے روایت کیا ہے اس کی سند ضعیف ہے۔

رجل من اصحاب النبي صلى الله عليه وآله وسلم

وعن ابي جحيفة رضي الله عنه قال: قال رسول الله صلى الله عليه وآله وسلم: «‏‏‏‏لا آكل متكئا» .‏‏‏‏ رواه البخاري.

سیدنا ابوحجیفہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا کہ ” میں ٹیک لگا کر نہیں کھایا کرتا۔“ (بخاری)

أَبِي جُحَيْفَةَ

وعن عمر بن ابي سلمة قال: قال لي رسول الله صلى الله عليه وآله وسلم: «‏‏‏‏يا غلام! سم الله،‏‏‏‏ ‏‏‏‏ وكل بيمينك،‏‏‏‏ ‏‏‏‏ وكل مما يليك» .‏‏‏‏ متفق عليه.

سیدنا عمر بن ابی سلمہ رضی اللہ عنہ سے مروی ہے کہ رسول اللہ صلی اللہ علیہ وسلم نے مجھے فرمایا ”اے بچے! اللہ کا نام لے کر کھانا شروع کرو اور اپنے سیدھے ہاتھ سے کھاؤ اور اپنے سامنے سے کھاؤ۔“ (بخاری و مسلم)

عُمَرَ بْنِ أَبِي سَلَمَةَ

وعن ابن عباس ان النبي صلى الله عليه وآله وسلم اتي بقصعة من ثريد،‏‏‏‏ فقال: «‏‏‏‏كلوا من جوانبه،‏‏‏‏ ولا تاكلوا من وسطها،‏‏‏‏ فإن البركة تنزل في وسطها» .‏‏‏‏ رواه الاربعة وهذا لفظ النسائي وسنده صحيح ¤¤ وعن ابي هريرة رضي الله تعالى عنه قال: ما عاب رسول الله صلى الله عليه وآله وسلم طعاما قط , كان إذا اشتهى شيئا اكله , وإن كرهه تركه متفق عليه.

سیدنا ابن عباس رضی اللہ عنہما سے مروی ہے کہ نبی کریم صلی اللہ علیہ وسلم کی خدمت میں ثرید سے بھرا ہوا ایک بڑا پیالہ پیش کیا گیا۔ آپ صلی اللہ علیہ وسلم نے ہدایت فرمائی ”پیالے کے کناروں سے کھاؤ، درمیان سے نہ کھاؤ، اس لیے کہ برکت کا نزول درمیان میں ہوتا ہے۔“ اسے چاروں نے روایت کیا ہے اور یہ الفاظ نسائی کے ہیں اور اس کی سند صحیح ہے۔ حضرت ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے کبھی بھی کسی کھانے کو برا نہیں کہا۔ جب کسی چیز کی خواہش ہوتی تو تناول فرما لیتے اور اگر ناپسند فرماتے تو چھوڑ دیتے۔ (بخاری و مسلم)

ابْنِ عَبَّاسٍ،

وعن جابر رضي الله تعالى عنه عن النبي صلى الله عليه وآله وسلم قال: «‏‏‏‏لا تاكلوا بالشمال فإن الشيطان ياكل بالشمال» .‏‏‏‏ رواه مسلم.

سیدنا جابر رضی اللہ عنہ نے نبی کریم صلی اللہ علیہ وسلم سے روایت کی ہے کہ آپ صلی اللہ علیہ وسلم نے فرمایا ”بائیں ہاتھ سے نہ کھاؤ، اس لیے کہ شیطان بائیں ہاتھ سے کھاتا ہے۔“ (مسلم)

«‏‏‏‏لا تاكلوا بالشمال فإن الشيطان ياكل بالشمال» رواه مسلم. ← النبي صلى الله عليه وآله وسلم ← وعن جابر رضي الله تعالى عنه

وعن ابي قتادة رضي الله عنه ان النبي صلى الله عليه وآله وسلم قال: «إذا شرب احدكم فلا يتنفس في الإناء» . متفق عليه،‏‏‏‏ ولابي داود عن ابن عباس رضي الله عنهما نحوه وزاد: «‏‏‏‏وينفخ فيه» .‏‏‏‏ وصححه الترمذي.

سیدنا ابوقتادہ رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا ”تم میں سے جب کوئی مشروب پی رہا ہو تو برتن میں سانس نہ لے۔“ (بخاری و مسلم) ابن عباس رضی اللہ عنہما سے اسی طرح کی روایت ابوداؤد میں بھی ہے اور اس میں اتنا اضافہ ہے ”اس میں پھونک نہ مارے۔“ اور ترمذی نے اسے صحیح قرار دیا ہے۔

أَبِي قَتَادَةَ،

عن عائشة رضي الله عنها قالت: كان رسول الله صلى الله عليه وآله وسلم يقسم لنسائه،‏‏‏‏ فيعدل،‏‏‏‏ ويقول: «‏‏‏‏اللهم هذا قسمي فيما املك،‏‏‏‏ فلا تلمني فيما تملك،‏‏‏‏ ولا املك» .‏‏‏‏رواه الاربعة وصححه ابن حبان والحاكم،‏‏‏‏ ولكن رجح الترمذي إرساله.

سیدہ عائشہ رضی اللہ عنہا سے روایت ہے کہ رسول اللہ صلی اللہ علیہ وسلم اپنی ازواج مطہرات کے درمیان باری تقسیم کرتے تھے اور عدل و انصاف کو ملحوظ رکھتے تھے۔ اس کے بعد اللہ تعالیٰ کے حضور عرض کرتے تھے ”الٰہی! جو میرے بس میں ہے اس کے مطابق میں نے یہ تقسیم کی ہے اور جو میرے بس میں نہیں، تیرے اختیار میں ہے، اس میں مجھے ملامت نہ کرنا۔“ اسے چاروں نے روایت کی ہے اور ابن حبان اور حاکم نے اسے صحیح قرار دیا ہے، لیکن ترمذی نے اس روایت کے مرسل ہونے کو ترجیح دی ہے۔

كان رسول الله صلى الله عليه وآله وسلم يقسم لنسائه،‏‏‏‏ فيعدل،‏‏‏‏ ← عَائِشَةَ

وعن ابي هريرة رضي الله عنه ان النبي صلى الله عليه وآله وسلم قال: «من كانت له امراتان فمال إلى إحداهما جاء يوم القيامة وشقه مائل» .‏‏‏‏ رواه احمد والاربعة وسنده صحيح.

سیدنا ابوہریرہ رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا ”جس شخص کی دو بیویاں ہوں اور خاوند کا میلان ایک کی طرف رہا تو قیامت کے دن وہ ایسی حالت میں آئے گا کہ اس کا ایک پہلو جھکا ہوا ہو گا۔“ اسے احمد اور چاروں نے روایت کی ہے اور اس کی سند صحیح ہے۔

أَبِي هُرَيْرَةَ،

وعن انس رضي الله عنه قال: من السنة إذا تزوج الرجل البكر على الثيب،‏‏‏‏ اقام عندها سبعا ثم قسم وإذا تزوج الثيب اقام عندها ثلاثا،‏‏‏‏ ثم قسم. متفق عليه،‏‏‏‏ واللفظ للبخاري.

سیدنا انس رضی اللہ عنہ سے روایت ہے کہ مسنون طریقہ یہ ہے کہ جب مرد شوہر دیدہ پر کنواری بیاہ کر لائے تو اس نئی دلہن کے پاس پہلے سات روز قیام کرے پھر باری تقسیم کرے اور جب شوہر دیدہ سے نکاح کرے تو اس کے پاس تین روز قیام کرے پھر باری تقسیم کرے۔ (بخاری و مسلم) اور یہ الفاظ بخاری کے ہیں۔

أَنَسٍ،