Bulugh Al Maram

وعن ابي هريرة رضي الله عنه قال: قال رسول الله صلى الله عليه وآله وسلم: «‏‏‏‏المستبان ما قالا فعلى الباديء ما لم يعتد المظلوم» .‏‏‏‏ اخرجه مسلم.

سیدنا ابوہریرہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا ” گالی گلوچ کرنے والے دو آدمیوں میں سے ابتداء کرنے والے پر بار گناہ ہے تاوقتیکہ مظلوم زیادتی نہ کرے۔“ (مسلم)

أَبِي هُرَيْرَةَ،

وعن ابي صرمة رضي الله عنه قال: قال رسول الله صلى الله عليه وآله وسلم: «‏‏‏‏من ضار مسلما ضاره الله ومن شاق مسلما شق الله عليه» .‏‏‏‏ اخرجه ابو داود والترمذي وحسنه.

سیدنا ابو صرمہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا ” جس نے کسی مسلمان کو ضرر پہنچایا، اللہ تعالیٰ اسے ضرر دے گا اور جس نے کسی مسلمان کو مشقت میں مبتلا کیا اللہ تعالیٰ اسے مشقت اور مصیبت میں مبتلا فرمائے گا۔ “ اس حدیث کو ابوداؤد اور ترمذی نے روایت کیا ہے اور ترمذی نے اسے حسن قرار دیا ہے۔

أَبِي صِرْمَۃَّؓ

وعن ابي الدرداء رضي الله عنه قال: قال رسول الله صلى الله عليه وآله وسلم: «‏‏‏‏إن الله يبغض الفاحش البذيء» .‏‏‏‏ اخرجه الترمذي وصححه.

سیدنا ابوالدرداء رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا ” بیشک اللہ تعالیٰ بدخو، فحش گو کو ناپسند کرتا ہے۔“ اسے ترمذی نے صحیح سند سے روایت کیا ہے۔

أَبِي الدَّرْدَاءِ،

وله من حديث ابن مسعود رضي الله عنه رفعه: «‏‏‏‏ليس المؤمن بالطعان ولا اللعان ولا الفاحش ولا البذيء» .‏‏‏‏ وحسنه وصححه الحاكم ورجح الدارقطني وقفه.

انہیں ابودرداء رضی اللہ عنہ سے سیدنا عبداللہ بن مسعود رضی اللہ عنہما کی ایک مرفوع روایت میں ہے کہ ایک مومن بہت طعن کرنے والا بہت لعنت کرنے والا فحش گوئی کرنے والا اور بےحیاء نہیں ہوتا۔ ترمذی نے اس حدیث کو حسن کہا ہے اور حاکم نے اسے صحیح قرار دیا ہے۔

وعن عائشة رضي الله عنها قالت: قال رسول الله صلى الله عليه وآله وسلم: «‏‏‏‏لا تسبوا الاموات فإنهم قد افضوا إلى ما قدموا» .‏‏‏‏ اخرجه البخاري.

سیدہ عائشہ رضی اللہ عنہا سے روايت ہے كہ رسول اللہ صلی اللہ علیہ وسلم نے فرمایا ” فوت شدگان کو گالی نہ دو کیونکہ انہوں نے جو کچھ کیا تھا اس تک وہ پہنچ چکے ہیں۔“ (بخاری)

عَائِشَةَ

وعن حذيفة رضي الله عنه قال: قال رسول الله صلى الله عليه وآله وسلم: «‏‏‏‏لا يدخل الجنة قتات» .‏‏‏‏ متفق عليه

سیدنا حذیفہ رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا ” چغل خور جنت میں داخل نہیں ہو گا۔“ (بخاری و مسلم)

حُذَيْفَةَ

وعن انس رضي الله عنه قال: قال رسول الله صلى الله عليه وآله وسلم: «‏‏‏‏من كف غضبه كف الله عنه عذابه» .‏‏‏‏ اخرجه الطبراني في الاوسط. وله شاهد من حديث ابن عمر عند ابن ابي الدنيا.

سیدنا انس رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا ” جس کسی نے اپنے غصے کو روک لیا اللہ تعالیٰ اس سے اپنا عذاب روک لے گا۔“ اسے طبرانی نے الاوسط میں نکالا ہے۔ ابن عمر رضی اللہ عنہما کی حدیث اس کی شاہد ہے جسے ابن ابی الدنیا نے نقل کیا ہے۔

أَنَسٍ،

وعن ابي بكر الصديق رضي الله عنه قال: قال رسول الله صلى الله عليه وآله وسلم: «‏‏‏‏لا يدخل الجنة خب ولا بخيل ولا سيء الملكة» ‏‏‏‏ اخرجه الترمذي وفرقه حديثين وفي إسناده ضعف.

سیدنا ابوبکر صدیق رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا ” دھوکہ باز، بخیل اور بدخلق آدمی جنت میں داخل نہیں ہو گا۔“ ترمذی نے اس کو روایت کیا ہے اور اس نے اسے دو احادیث کی صورت میں الگ الگ بیان کیا ہے اور اس کی سند میں ضعف ہے۔

أَبِي بَكْرٍ الصِّدِّيقِ:

وعن ابن عباس رضي الله عنهما قال: قال رسول الله صلى الله عليه وآله وسلم: «‏‏‏‏من تسمع حديث قوم وهم له كارهون صب في اذنيه الآنك يوم القيامة» ‏‏‏‏ يعني الرصاص. اخرجه البخاري.

سیدنا ابن عباس رضی اللہ عنہما سے مروی ہے کہ رسول اللہ صلی اللہ علیہ وسلم نے فرمایا ” جو کوئی کسی قوم کی بات سننے کی سعی کرے جبکہ وہ اسے ناپسند کرتے ہوں تو قیامت کے روز اس کے دونوں کانوں میں سیسہ ڈالا جائے گا۔“ «آنك» کا معنی سیسہ ہے۔ (بخاری)

ابْنِ عَبَّاسٍ،

وعن انس رضي الله عنه قال: قال رسول الله صلى الله عليه وآله وسلم: «‏‏‏‏طوبى لمن شغله عيبه عن عيوب الناس» ‏‏‏‏ اخرجه البزار بإسناد حسن.

سیدنا انس رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا ” اس شخص کو مبارک ہے جس کو اپنے عیب نظر آئیں اور دوسرے لوگوں کے عیوب نظر نہ آئیں۔ “ اس روایت کو بزار نے حسن سند سے نکالا ہے۔

أَنَسٍ،

وعن ابن عمر رضي الله عنهما قال: قال رسول الله صلى الله عليه وآله وسلم: «‏‏‏‏من تعاظم في نفسه واختال في مشيته لقي الله وهو عليه غضبان» ‏‏‏‏ اخرجه الحاكم ورجاله ثقات.

سیدنا ابن عمر رضی اللہ عنہما سے مروی ہے کہ رسول اللہ صلی اللہ علیہ وسلم نے فرمایا ” جو کوئی اپنے آپ کو بڑا آدمی سمجھے اور اکٹر کر چلے وہ اللہ سے ایسی حالت میں ملاقات کرے گا کہ وہ اس پر غضب ناک ہو گا۔ “ حاکم نے اسے نکالا ہے اور اس کے راوی ثقہ ہیں۔

ابْنِ عُمَرَ

وعن سهل بن سعد رضي الله عنه قال: قال رسول الله صلى الله عليه وآله وسلم:«‏‏‏‏العجلة من الشيطان» ‏‏‏‏ اخرجه الترمذي وقال: حسن.

سیدنا سہل بن سعد رضی اللہ عنہ سے مروی ہے کہ رسول اللہ صلی اللہ علیہ وسلم نے فرمایا ” جلد بازی و عجلت پسندی شیطانی کام ہے۔ “ اس کو ترمذی نے روایت کیا ہے اور اسے حسن قرار دیا ہے۔

سَهْلِ بْنِ سَعْدٍ