حضرت انس بن مالک رضی اللہ عنہ فرماتے ہیں: ایک سفر میں ہم رسول اللہﷺ کے ہمراہ تھے ۔ ایک مقام پر ہم نے پڑا ؤ ڈالا تو وادی میں ایک آدمی یوں دعا مانگ رہا تھا : اے اللہ ! مجھے محمد ﷺ کی امت موحومہ مغفورہ میں سے کردے جن کے ساتھ ثواب کا وعدہ کیا گیا ہے۔ میں وادی میں گیا تو میں نے دیکھا کہ یہ ایک آدمی تھا جس کا قد تین سو ذراع سے بھی زیادہ تھا ۔ اس نے مجھ سے پوچھا : تم کون ہو؟ میں نے کہا : رسول اللہ ﷺ کا خادم انس بن مالک رضی اللہ عنہ ، اس نے کہا: وہ ( رسول اللہ ﷺ ) کہاں ہیں ؟ میں نے کہا: آپ وہاں پر ہیں اور تیری گفتگو سن رہے ہیں ۔ اس نے کہا: تو ان کے پاس جا اور میری طرف سے سلام پیش کر ، ان کو کہنا کہ تمہارا بھائی الیاس تمہیں سلام کہہ رہا ہے۔ بنی اکرم ﷺ کی بارگاہ میں حاضر ہوا اور اس کا سلام پیش کیا تو رسول اللہ ﷺ خود چل کر اس کے پاس تشریف لائے پھر یہ دونوں بیٹھے کتنی دیر باتیں کرتے رہے ۔ پھر اس نے رسول اللہ ﷺ سے کہا: میں پورے سال میں صرف دو دن کھاتا ہوں ( بقیہ ایام میں روزہ ہوتا ہے) اور آج میرا کھانے پینے کا ہی دن ہے تو آپ میرے ساتھ کھاناتناول فرمائیں ۔ چنانچہ ان پر آسمان سے ایک دستر خوان نازل ہوا، اس پر روٹیاں اور مچھلی اور اجوائن تھی۔ تو ان دونوں نے کھانا کھایا اور مجھے بھی کھلایا ۔ پھر ہم نے وہاں پر عصر کی نماز پڑھی پھر انہوں نے حضورﷺ کو الوداع کیا ۔ پھر میں نے دیکھا وہ آسمان کی جانب بادلوں میں چلے گئے۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔
اَنَسِ بْنِ مَالِکٍ، ← مَكْحُولٌ ← الْاَوْزَاعِیُّ ← اَبُوْ اِسْحَاقَ الْفَزَارِیُّ ← يَزِيدُ بْنُ يَزِيدَ الْبَلَوِيُّ ← أحمد بن عبد الله البرقي ← عَبْدَانُ بْنُ سَيَّارٍ ← عَبْدُ اللَّهِ بْنُ مَحْمُودٍ ← أَبُو الْعَبَّاسِ أَحْمَدُ بْنُ سَعِيدٍ الْمَعْدَانِيُّ
Al Mustadrak Al Hakim Al Sahihain · The Book of the Chronicles of the Advances of the Prophets and Messengers › And from the Book of the Signs of the Messenger of God, may God’s prayers and peace be upon him, which are the signs of prophethood · Hadith 4231
حضرت یعلیٰ بن مرہ اپنے والد کا بیان نقل کرتے ہیں: کہ ( ایک دفعہ) میں رسول اللہ ﷺ کے ہمراہ سفر میں تھا تو میں نے عجیب و غریب واقعات دیکھے۔ ہم ایک مقام پر ٹھہرے تو آپ نے مجھے فرمایا : ان دو درختوں کے پاس چلا جا اور ان سے کہہ کہ تمہیں رسول اللہ ﷺ فرما رہے ہیں کہ دونوں ایک جگہ مل جاؤ۔ میں ان کے پاس گیا اور انہیں رسول اللہ ﷺ کا پیغام دیا تو دونوں درختوں نے اپنی جڑوں کو اکھیڑ ا اور ایک دوسرےکے کی طرف چل دیئےاور دونوں ایک دوسرے کے ساتھ مل کر کھڑے ہوگئے۔ رسول اللہ ﷺ نے ان کی اوٹ میں قضائے حاجت کی ۔ بعد میں آپ ﷺ نے فرمایا ، ان سے کہو کہ دونوں واپس اپنی جگہ پر لوٹ جائیں ۔ میں ان کے پاس آیا اور حضور ﷺ کا پیغام دیا تو دونوں درخت واپس اپنی اپنی جگہ چلے گئے۔ ایک عورت حضور ﷺ کی خدمت میں آئی اور بولی : میرے اس بیٹے کو گذشتہ سات سالوں سے جنوں کی بیماری ہے روزانہ دو مرتبہ اس کو دورہ پڑتا ہے ۔ رسول اللہ ﷺ نے فرمایا : اس کو میرے قریب لاؤ ۔ وہ اپنے بیٹے کو آپ ﷺ کے قریب لائی تو آپ ﷺ نے اس کے منہ مین اپنا لعاب دہن ڈال دیا اور فرمایا : اے اللہ تعالیٰ کی دشمن نکل جا، میں اللہ کا رسول ﷺ ہوں پھر جب رسول اللہ ﷺ واپس لوٹے تو وہ آپ ﷺ سے ملی ، اس کےہمراہ دو مینڈھے ، گھی اور مکھن بھی تھا۔ ( اس نے وہ آپ کی خدمت میں پیش کر دئیے ) رسول اللہ ﷺ نے مجھے فرمایا : یہ مینڈھے لے لو اور اس کا جو کچھ کرنا چاہو کرو ۔ وہ عورت بولی : اس ذات کی قسم !جس نے آپ ﷺ کو عزت بخشی ہے، جب سے آپ گئے ہیں ، اس کے بعد اس کو وہ بیماری بالکل ختم ہو گئی ہے۔ پھر آپ ﷺ کی بارگاہ میں ایک اونٹ آیا اور آکر آپ کے سامنے کھڑا ہو گیا ، آپ نے دیکھا کہ اس کی آنکھوں سے آنسو بہہ رہے تھے ۔ آپ ﷺ نے اس کے مالکوں کو بلوایا اور فرمایا : کیا بات ہے یہ اونٹ تمہاری شکایت کیوں کر رہا ہے ؟ انہوں نے جواب دیا ہم اس کو اپنے کام میں استعمال کیا کرتےتھے۔ اب یہ بوڑھا ہو گیا ہے اور کام کے قابل نہیں رہا تو ہم نے ارادہ کیا کہ کل اس کو نحر کر لیں گے۔ رسول اللہ ﷺ نے فرمایا : اس کو نحر نہ کرنا بلکہ اس کو اونٹوں میں چھوڑ دو یہ ان کے ساتھ رہے ۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔
Al Mustadrak Al Hakim Al Sahihain · The Book of the Chronicles of the Advances of the Prophets and Messengers › And from the Book of the Signs of the Messenger of God, may God’s prayers and peace be upon him, which are the signs of prophethood · Hadith 4232
حضرت سمرہ بن جندب رضی اللہ عنہ بیان کرتے ہیں کہ رسول اللہ ﷺ کے پاس ایک تھال ہوا کرتا تھا ۔ لوگوں نے اس میں کھانا کھانا شروع کیا، کب کھانے والے سیر ہوجاتے تو وہ اٹھ جاتے اور ان کی جگہ دوسرے آدمی آجاتے ۔ اس طرح " صلاۃ الاولی" تک سلسلہ جاری رہا۔ ایک آدمی کا کہنا ہے اس میں کوئی چیز بڑھتی ہے؟ تو حضرت سمرہ رضی اللہ عنہ نے کہا : یہ آسمان کی طرف سے بڑھ رہا ہے۔ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیا ر کے مطابق صحیح ہے ۔لیکن شیخین رحمۃ اللہ علیہما نے اسے نقل نہیں کیا۔
Al Mustadrak Al Hakim Al Sahihain · The Book of the Chronicles of the Advances of the Prophets and Messengers › And from the Book of the Signs of the Messenger of God, may God’s prayers and peace be upon him, which are the signs of prophethood · Hadith 4233
حضرت ابو عمرہ انصاری رضی اللہ عنہ فرماتے ہیں : ہم رسول اللہ ﷺ کے ہمراہ ایک غزہ میں تھے کہ لوگوں کو بہت شدید بھوک لگی ۔ لوگوں نے رسول اللہ ﷺ سے اپنے اونٹ ذبح کرنے کی اجازت مانگی اور بولے : اللہ تعالیٰ ہمیں ان کا نعم البدل عطا فرمادے گا۔ جب حضرت عمر بن خطاب رضی اللہ عنہ نے دیکھا کہ حضور ﷺ ان کو کچھ اونٹ ذبح کرنے کی اجازت دینے کا ارادہ رکھتے ہیں ، تو بولے : یارسول اللہ ﷺ ہمارا کل کیا حشر ہوگا؟ جب دشمن کے ساتھ بھوکے پیاسے اور پیدل جنگ لڑیں گے۔ یارسول اللہ ﷺ اگر آپ مناسب سمھیں تو ان سے بچا کھچا زادراہ منگوالیں ۔ تو لوگ ایک ایک کپ طعام لانے لگے ، کوئی اس سے ذرا زیادہ لارہا تھا لیکن ان میں زیادہ سے زیادہ جو لایا تھا وہ ایک صاع کھجوریں تھیں ۔ آپ نے ان کو جمع کیا ۔ پھر کچھ دیر تک آپ اس پر دعا مانگتے رہے جتنا کہ اللہ تعالیٰ نے چاہا ۔ پھر آپ نے لشکر کو برتنوں سمیت بلوایا اور فرمایا لشکر کےکھانے کے بعد جو کچھ بچ رہے ، اس کو جمع کر لو ۔ توتمام لوگوں نے اپنے تمام برتن بھرلئے لیکن اتنا ہی کھانا ابھی بھی موجود تھا تو رسول اللہ ﷺ مسکرائے حتیٰ کہ آپ کے دندان مبارک نظر آئے ۔ پھر آپ نے فرمایا : میں گواہی دیتا ہوں کہ اللہ تعالیٰ کے سوا کوئی عبادت کے لائق نہیں ہے اور بے شک میں اللہ تعالیٰ کا رسول ہوں جو شخص بھی اس کلمہ کی معیت میں اللہ تعالیٰ سے ملے گا اس کو دوزخ سے بچا لیا جائے گا۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔
أَبِي ← عَبْدِ الرَّحْمَنِ بْنِ أَبِي عَمْرَةَ الْأَنْصَارِيِّ ← المطلب بن عبد الله بن حنطب المخزومي ← الْاَوْزَاعِیُّ ← عَمْرُو بْنُ أَبِي سَلَمَةَ، ← أَحْمَدُ بْنُ عِيسَى اللَّخْمِيُّ ← أَبُو الْعَبَّاسِ مُحَمَّدُ بْنُ يَعْقُوبَ
Al Mustadrak Al Hakim Al Sahihain · The Book of the Chronicles of the Advances of the Prophets and Messengers › And from the Book of the Signs of the Messenger of God, may God’s prayers and peace be upon him, which are the signs of prophethood · Hadith 4234
حضرت سفینہ رضی اللہ عنہ فرماتے ہیں : میں ایک کشتی میں سمندر کے سفر پر تھا کہ وہ کشتی ٹوٹ گئی تو میں نے اس کے ایک تختے کو تھام لیا ، اس نے مجھے ایک جنگل میں جا پھینکا، اس جنگل میں شیر بھی تھے، ایک شیر میرے سامنے آگیا ۔ میں نے اس سے کہا: اے ابو الحارث ! میں رسول اللہ ﷺ کا غلام ہوں ۔ اس نے اپنا سر جھکا لیا اور اپنے کندھے میرے پہلو سے رگڑنے لگا۔ وہ مسلسل مجھے یونہی ملتا رہا اور راستہ دکھاتا رہا حتیٰ کہ اس نے مجھے راستے پر لا کر کھڑا کیا۔ جب میں راستہ پر پہنچ گیا تو غرانے لگا۔ تو میں سمجھ گیا کہ اب یہ مجھے الوداع کہہ رہا ہے۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔
Al Mustadrak Al Hakim Al Sahihain · The Book of the Chronicles of the Advances of the Prophets and Messengers › And from the Book of the Signs of the Messenger of God, may God’s prayers and peace be upon him, which are the signs of prophethood · Hadith 4235
حضرت عبداللہ بن عمر رضی اللہ عنہ فرماتے ہیں : ہم رسول اللہ ﷺ کی خدمت میں بیٹھے ہوئے تھے کہ ایک بلند بانگ یمنی دیہاتی اپنی سرخ اونٹنی پر آیا ۔ اس نے مسجد کے دروازے پر اونٹنی کو بٹھایا اور اندر آگیا ۔ سلام کرکے بیٹھ گیا ۔ جب اس نے کام پورا کرلیا تو لوگوں نے کہا : یا رسول اللہ ﷺ ! اس دیہاتی کے پاس جو اونٹنی ہے یہ اس نے چوری کی ہوئی ہے۔ آپ ﷺ نے فرمایا: کوئی گواہ ہے ؟ صحابہ رضوان اللہ علیہم اجمعین نے کہا : جی ہاں ۔ آپ نے فرمایا : اے علی اگر گواہوں سے ثابت ہو جائے تو اس دیہاتی سے اللہ کا حق لے لو، اور اگر گواہوں سے ثابت نہ ہو تو اس کو واپس کردو ۔ وہ دیہاتی کچھ دیر سر جھکا کر بیٹھا رہا ۔ پھر رسول اللہ ﷺ نے اس سے فرمایا : اے دیہاتی ! اللہ تعالیٰ کے حکم کے لئے اٹھو۔ نہیں تو اپنی دلیل پیش کرو۔ تو دروازے کے باہر سے اونٹنی بولی : یا رسول اللہ ﷺ ! اس ذات کی قسم ! جس نے آپ کو عزت و کرامت کے ساتھ بھیجا ہے، اس نے مجھے چرایا نہیں ہے اور نہ ہی اس کے سوا کوئی دوسرا میرا مالک ہے ۔ نبی اکرم ﷺ نے اس سے فرمایا : اے دیہاتی ! تجھے اس ذات کی قسم ! جس نے اس کو تیرے حق میں گویائی بخشی ہے ، تو نے کیا دعا مانگی تھی؟ اس نے کہا : میں نے یہ دعا مانگی تھی: اے اللہ ! تو ایسا رب نہیں ہے کہ میں نے تجھے نیا بنایا ہے اور نہ ہی تیرے ساتھ کوئی دوسرا اللہ ہے جس نے ہماری تخلیق میں تیری مدد کی ہو اور نہ تیرے ساتھ کوئی دوسرا رب ہے کہ ہم تیری ربوبیت میں شک کریں ، تو ہی ہمارا رب ہے جیسا کہ ہم کہتے ہیں اور تو اس بھی بلند و برتر ہے جو کہنے والے کہتے ہیں ۔ میں تیری بارگاہ میں سوال کرتا ہوں کہ تو محمد ﷺ پر رحمت نازل فرما اور مجھے بری فرما۔ نبی اکرم ﷺ نے اس کو فرمایا : اس ذات کی قسم ! جس نے مجھے عزت کے ساتھ بھیجا ہے، اے اعرابی : میں نے گلیوں کے کونوں پر فرشتوں کو تیری طرف جلدی جلدی آتے دیکھا ، وہ تیری اس دعا کو لکھ رہے تھے۔لہذا مجھ پر کثرت سے درودشریف پڑھا کر ۔ اس حدیث کے از اول تا آخر تمام راوی ثقہ ہیں اور اس یحییٰ بن عبداللہ المصری کے بارے میں جرح و عدالت کے حوالے سےمجھے معلومات نہیں ہیں۔
Al Mustadrak Al Hakim Al Sahihain · The Book of the Chronicles of the Advances of the Prophets and Messengers › And from the Book of the Signs of the Messenger of God, may God’s prayers and peace be upon him, which are the signs of prophethood · Hadith 4236
حضرتے عبداللہ بن عباس رضی اللہ عنہ فرماتے ہٰں : ایک دیہاتی حضور ﷺ کی بارگاہ میں آیا اور بولا : مجھے کیسے پتہ چلے کہ آپ ﷺ اللہ تعالیٰ کے رسول ﷺ ہیں ؟ آپ نے فرمایا : تم دیکھ لو ، اگر میں اس کھجور کےدرخت سے پھل کو بلاؤں ( اور وہ خود بخود میرے پا س آجائے ) تو کیا تو مان جائے گا کہ میں اللہ تعالیٰ کا رسول ﷺ ہوں؟ اس نے کہا : جی ہاں۔ ( حضرت عبداللہ ﷺ ) فرماتے ہیں ۔ آپ نے پھل کو ہلایا تو اس کھجور سے پھل اترنے لگے حتیٰ کہ وہ زمین پر آگئے اور پھر سب کو دیتے ہوئے نبی اکرم ﷺ کے پاس آگئے۔ آپ ﷺ نے ان کو پھر فرمایا : واپس چلے جاؤ تو سب دوبارہ اپنی اپنی جگہ پر واپس چلے گئے۔ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیا ر کے مطابق صحیح ہے ۔لیکن شیخین رحمۃ اللہ علیہما نے اسے نقل نہیں کیا۔
Al Mustadrak Al Hakim Al Sahihain · The Book of the Chronicles of the Advances of the Prophets and Messengers › And from the Book of the Signs of the Messenger of God, may God’s prayers and peace be upon him, which are the signs of prophethood · Hadith 4237
حضرت علی رضی اللہ عنہ فرماتے ہیں : ہم رسول اللہ ﷺ کے ہمراہ مکہ میں تھے، آپ مکہ کے گرد نواح میں نکلے تو آپ جس درخت اور پتھر کی طرف متوجہ ہوتے وہ کہتا : السلام علیک یا رسول اللہ۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔
عَلِيٍّ، ← عَبَّادِ بْنِ عَبْدِ اللَّهِ ← السُّدِّيِّ ← الْوَلِيدُ بْنُ أَبِي ثَوْرٍ، ← عَبَّادُ بْنُ يَعْقُوبَ ← يُوسُفُ بْنُ مُوسَى الْمَرْوَزِيُّ، ← أبو محمد أحمد بن عبد الله المزكي
Al Mustadrak Al Hakim Al Sahihain · The Book of the Chronicles of the Advances of the Prophets and Messengers › And from the Book of the Signs of the Messenger of God, may God’s prayers and peace be upon him, which are the signs of prophethood · Hadith 4238
حضرت علی رضی اللہ عنہ فرماتے ہیں : میں بیمار ہوگیا تو نبی اکرم ﷺ میرے پاس تشریف لائے۔ میں اس وقت یوں دعا مانگ رہا تھا : اے اللہ ! اگر تو میری موت کا وقت آگیا ہے تو مجھے لے چل اور اگر ابھی موت دور ہے تو مجھے صحت دے دے اور اگر یہ کوئی آزمائش ہے تو مجھے صبر عطا فرما۔ آپ ﷺ نے فرمایا : تم نے کیا کہا؟ میں نے وہی الفاظ دوبارہ دہرائے ۔ تو رسول اللہﷺ نے فرمایا : اے اللہ ! اس کو شفا دے دے ، اے اللہ تعالیٰ اس کو شفا دے دے۔ پھر آپ نے کہا: اٹھو۔ میں اٹھ کھڑا ہوااور اس کے بعد دوبارہ مجھے بیماری نہیں آئی ۔ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیا ر کے مطابق صحیح ہے ۔لیکن شیخین رحمۃ اللہ علیہما نے اسے نقل نہیں کیا۔
Al Mustadrak Al Hakim Al Sahihain · The Book of the Chronicles of the Advances of the Prophets and Messengers › And from the Book of the Signs of the Messenger of God, may God’s prayers and peace be upon him, which are the signs of prophethood · Hadith 4239
ابو کثیر عنزی کہتے ہیں : حضرت ابوہریرہ رضی اللہ عنہ نے فرمایا : اس روئے زمین پر ہر مومن مرد اور عورت مجھ سے محبت کرتے ہیں ۔ میں نے کہا: اے ابوہریرہ رضی اللہ عنہ ! آپ یہ دعویٰ کس بنا پر کر رہے ہو؟ انہوں نے فرمایا : میں اپنی والدہ کو اسلام کی دعوت دیا کرتا تھا لیکن وہ انکار کردیتی تھی۔ ایک دن میں نے ان کو اسلام کی دعوت پیش کی تو اس نے رسول اللہ ﷺ کے متعلق ایسی باتیں کیں جو مجھے قطعاً نا پسند تھیں ۔ میں رسول اللہ ﷺ کے پاس آیا اور عرض کی: یارسول اللہ ﷺ میں اپنی والدہ کو اسلام کی دعوت دیا کرتا تھا اور وہ آگے سے انکار کردیا کرتی تھیں اور آج میں نے ان کو اسلام کی دعوت دی تو اس نے آپ ﷺ کے متعلق ایسی باتیں کی ہیں جو میری برداشت سے باہر ہیں ۔ یارسول اللہ ﷺ ! آپ دعا فرما دیں کہ اللہ تعالیٰ میری ماں کو ہدایت عطا فرما دے ۔ تو رسول اللہ ﷺ نے اس کے لئے ہدایت کی دعا فرمادی ، میں اپنی ماں کی طرف واپس لوٹا تاکہ ان کو خوشخبری دوں کہ رسول اللہ ﷺ نے اس کے لئے دعا کی ہے۔ میں دروازے پر پہنچا تو دروازہ اند سے بند تھا۔ میں نے دروازہ کھٹکھٹایا انہوں نے میری آہٹ سنی تو اپنے کپڑے سمیٹے ، اپنے سر پر دوپٹہ اوڑھا اور کہنے لگی ۔ابوہریرہ : ذرا ٹھہریں ۔ پھر دروازہ کھولا ۔ جب میں اندر داخل ہوا تو میری والدہ بولیں : اشہدان لاالہ الااللہ وان محمد ا رسول اللہ ۔ میں انہی قدموں پر واپس رسول اللہ ﷺ کی بارگاہ میں لوٹ گیا اور خوشی کے مارے میری آنکھوں سے آنسو بہہ رہے تھے جیسا کہ اس سے پہلے پریشانی کی وجہ سے میرے آنسو نکلا کرتے تھے۔ میں نے جا کر کہا: یا رسول اللہ ﷺ آپ کو خوشخبری ہو ، اللہ تعالیٰ نے آپ کی دعا کو قبول کرلیا ہے اور ابوہریرہ رضی اللہ عنہ کی ماہ کو اسلام کی ہدایت عطا فرمادی ہے پھر میں نے عرض کی : اللہ تعالیٰ سے دعا فرما دیں اللہ تعالیٰ اپنے مومن بندوں کے دلوں میں میری اور میری ماں کی محبت ڈال دے اور ہمارے دلوں میں ان کی محبت ڈال دے تو رسول اللہ ﷺ نے دعا مانگی : اے اللہ ! اپنے اس بندے اور اس کی ماں کو اپنے مومن بندوں کے ہاں محبوب کردے اور ان کے دلوں میں ان کی محبت ڈال دے۔ چنانچہ روئے زمین پر جو بھی مومن مرد یا عورت ہے وہ سب مجھ سے محبت کرتے ہیں اور میں ان سے محبت کرتا ہوں۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔
Al Mustadrak Al Hakim Al Sahihain · The Book of the Chronicles of the Advances of the Prophets and Messengers › And from the Book of the Signs of the Messenger of God, may God’s prayers and peace be upon him, which are the signs of prophethood · Hadith 4240
حضرت عبدالرحمٰن ابن ابی بکر الصدیق رضی اللہ عنہ فرماتے ہیں : فلاں آدمی نبی اکرم ﷺ کے پاس بیٹھا کرتا تھا اور آپ جب کوئی گفتگو فرماتے تو وہ منہ چڑایا کرتا تھا۔ نبی اکرم ﷺ نے ( ایک دن) کہہ دیا : تو ایسے ہی ہو جا۔ تو ساری زندگی اسکا چہرہ اسی طرح رہا حتیٰ کہ وہ مر گیا۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔
Al Mustadrak Al Hakim Al Sahihain · The Book of the Chronicles of the Advances of the Prophets and Messengers › And from the Book of the Signs of the Messenger of God, may God’s prayers and peace be upon him, which are the signs of prophethood · Hadith 4241
حضرت علی ابن ابی طالب رضی اللہ عنہ سے روایت ہے کہ ایک جریرہ نامی یہودی کے کچھ دینار رسول اللہ ﷺ پر قرضہ تھا۔ اس نے نبی اکرم ﷺ سے ان دیناروں کا مطالبہ کیا ۔ آپ ﷺ نے فرمایا : اے یہودی ابھی میرے پاس ایسی کوئی چیز نہیں ہے جو میں تجھے دے سکوں ۔ اس نے کہا : اے محمد ﷺ ! جب تک آپ میرا قرضہ نہیں دے دیتے ، میں آپ کو چھوڑوں گا نہیں۔ آپ ﷺ نے فرمایا: ٹھیک ہے، میں تیرے پاس بیٹھا ہوں۔ تو رسول اللہ ﷺ اسی مقام پر اس کے پاس بیٹھے رہے اور ظہر ، عصر ، مغرب ، عشاء اور اگلے دن کی فجر کی نمازیں وہیں پڑھیں ۔ صحابہ کرام رضوان اللہ علیہم اجمعین اس کو ڈرانے دھمکانے لگے ۔ رسول اللہ ﷺ سمجھ گئے ۔ آپ ﷺ نے فرمایا : تم اس کے ساتھ یہ کیا سلوک کررہے ہو؟ صحابہ کرام رضوان اللہ علیہم اجمعین نے عرض کی: یارسول اللہ ﷺ ! اس یہودی نے آپ کو روک رکھا ہے۔ رسول اللہ ﷺ نے فرمایا : اللہ تعالیٰ نے مجھے معاہدہ اور غیر معاہدہ پر زیادتی کرنے سے منع کیا ہے۔ جب دن ڈھلا تو یہودی نے کہا: اشہدان لاالہ الا اللہ واشہد ان محمد عبدہ ورسولہ اور بولا : میرا آدھا مال اللہ کی راہ میں وقف ہے ۔ خدا کی قسم ! میں نے یہ جو کچھ کیا ہے صرف وہ نشانیاں دیکھنے کے لئے کیا جو آپ کی تعریف میں توراۃ میں مذکور ہیں کہ ( ان کا نام ) محمد بن عبداللہ ہو گا، اس کی پیدائش مکہ میں ہوگی اور مدینہ کی طرف ہجرت کرے گا اور اس کی سلطنت شام تک ہوگی۔ وہ تند خو، سخت مزاج نہ ہوگا ، نہ بازاروں میں چیخنے والا ہو گا نہ فحش گو ہوگا اور نہ بد زبان ہوگا ۔ میں گواہی دیتا ہوں کہ اللہ کے سوا کوئی معبود نہیں ہے اور بے شک آپ ﷺ اللہ کے رسول ہیں ۔ یہ میرا مال حاضر ہے،اس میں آپ اپنی صوبدید کے مطابق تصرف فرمائیں وہ یہودی مالدار تھا۔
Al Mustadrak Al Hakim Al Sahihain · The Book of the Chronicles of the Advances of the Prophets and Messengers › And from the Book of the Signs of the Messenger of God, may God’s prayers and peace be upon him, which are the signs of prophethood · Hadith 4242
