ام المومنین سیّدہ عائشہ رضی اللہ عنہ سے روایت ہے کہ رسول اللہ صلی اللہ علیہ وسلم کی جب رات کے وقت آنکھ کھلتی تو یہ دعا پڑھتے’’لا إله إلا الله الواحد القهار رب السماوات والأرض، وما بينهما العزيز الغفار‘‘۔ یہ حد یث امام بخاری رحمتہ اللہ وامام مسلم رحمتہ اللہ دونوں کے معیار کے مطابق صحیح ہے لیکن دونوں نے ہی اسے نقل نہیں کیا۔
ام المومنین سیّدہ عائشہ رضی اللہ عنہ فرماتی ہیں رسول اللہ صلی اللہ علیہ وسلم جب رات کو بیدار ہوتے تو یہ دعا پڑھتے’’ لا إله إلا أنت سبخانك، اللهم إني أستغفرك لذنبي، وأسألك برحمتك، اللهم زدني علما، ولا تزغ قلبي بعد إذ هديتني، وهب لي من لدنك رحمة إنك أنت الوهاب ‘‘یہ حد یث صحیح الاسناد ہے لیکن امام بخاری رحمتہ اللہ اورامام مسلم رحمتہ اللہ نے اس کونقل نہیں کیا۔
حضرت زہیرا نماری رضی اللہ عنہ سے روایت ہے کہ رسول اللہ صلی اللہ علیہ وسلم جب لیٹتے تو یہ دعا پڑھتے ’’اللهم اغفر لي واخشا شيطاني، وفك رهانی، وتقل میزاني، واجعلني في الندى الاعلى ‘‘ اےاللہ ! میری مغفرت فرما اور میرے شیطان کو ذلیل فر ما اور میری گروی رکھی ہوئی چیزوں کو بازیاب فرما اور میر ا بوجھ ہلکا فرما اور مجھے اعلیٰ فضل عطا فرما۔یہ حدیث صحیح الاسناد ہے لیکن امام بخاری رحمتہ اللہ اور امام مسلم رحمتہ اللہ نے اس کونقل نہیں کیا۔
حضرت ابو ہریرہ رضی اللہ عنہ فرماتے ہیں : رسول اللہ صلی اللہ علیہ وسلم اپنی دعا میں یوں کہا کرتے تھے’’ اللهم إني أعوذ بك من الفقر، والقلة، والذلة، وأعوذ بك من أن أظلم أو أظلم ‘‘ اے اللہ! میں فقر،قلت اور ذلت سے تیری پناہ مانگتا ہوں ، اور میں تیری پناہ مانگتا ہوں اس بات سے کہ میں کسی پر ظلم کروں یا کوئی مجھ پر ظلم کرے‘‘۔یہ حدیث صحیح الاسناد ہے لیکن امام بخاری رحمتہ اللہ اورامام مسلم رحمتہ اللہ نے اس کونقل نہیں کیا ۔
اُم المؤمنین سیّدہ عائشہ رضی اللہ عنہ فرماتی ہیں: رسول اللہ صلی اللہ علیہ وسلم یہ دعا مانگا کرتے تھے’’اے اللہ! میں دوزخ کے فتنہ اور اس کے عذاب سے تیری پناہ مانگتا ہوں اور میں قبر کے فتنہ اور اس کے عذاب سے تیری پناہ مانگتا ہوں اور میں دولت مندی کے شر اورفقر کے شر سے تیری پناہ مانگتا ہوں اور میں سیح دجال کے شر سے تیری پناہ مانگتا ہوں ۔ میری خطاؤں کو برف اور اولوں کے پانی سے دھو دے اور مجھے گناہوں سے یوں پاک کر دے جیسے سفید کپڑے کومیل کچیل سے صاف کر دیا جا تا ہے ۔ اور میرے گناہوں کے درمیان اتنا فاصلہ کر دے جتنا فاصلہ مشرق اور مغرب کے درمیان ہے ۔اے اللہ ! میں کا ہلی ،شدید بڑھاپے، گناہوں اور قرض سےتیری پناہ مانگتا ہوں ۔یہ حد یث امام بخاری رحمتہ اللہ اور امام مسلم رحمتہ اللہ کے معیار کے مطابق صحیح ہے لیکن شیخین نے اسے ان الفاظ کے ہمراہ نقل نہیں کیا۔
حضرت ابو ہریرہ رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشادفر مایا:اپنی اپنی ڈھال پکڑلو، ہم نے عرض کی: یارسول اللہ صلی اللہ علیہ وسلم ! کون سادشمن ( ہم پر) چڑھ دوڑ ا ہے؟ آپ صلی اللہ علیہ وسلم نے فرمایا : (میں کسی ظاہری دشمن کی بات) نہیں ( کر ر ہا بلکہ) تم دوزخ سے ( بچنے کے لئے )ڈھال پکڑ لواور پڑھو’سبحان الله، والحمد لله، ولا إله إلا الله، والله اكبر ‘‘ کیونکہ یہ کلمات قیامت کے دن لوگوں کو جہنم سے بچائیں گے اور یہ آدمی کے آگے آگے ہوں گے اور یہی باقیات الصالحات ہیں‘‘۔یہ حدیث امام مسلم رحمتہ اللہ کے معیار کے مطابق صحیح ہے لیکن اسے صحیحین میں نقل نہیں کیا گیا۔
حضرت عبداللہ بن عمر رضی اللہ عنہ فر ماتے ہیں : رسول اللہ صلی اللہ علیہ وسلم یہ دعا مانگا کرتے تھے : ’’اللهم إني أسالك عيشة نقية، ومينة سوية، ومردا غير مخز، ولا فاضح ‘‘ اے اللہ! میں تجھ سے سوال کرتا ہوں ، صاف ستھری زندگی کا اور آسان موت کا ،اچھی عاقبت کا جس میں ذلت ورسوائی نہ ہو یہ حد یث صحیح الاسناد سے لیکن امام بخاری رحمتہ اللہ اورامام مسلم رحمتہ اللہ نے اس کونقل نہیں کیا ۔
ام المؤمنین سید ہ عائشہ رضی اللہ عنہ فرماتی ہیں: رسول اللہ صلی اللہ علیہ وسلم یہ د عامانگا کرتے تھے’’اللهم اجعل أوسع رزقك على عند كبر سنى وانقطاع عمری‘‘ یااللہ میر ے بڑ ھاپے اور آخری وقت میں میرے اوپرا پنارزق وسیع فرما‘‘یہ حد یث حسن الا سنادوالمتن ہے، دعا کے سلسلے میں غریب ہے ۔مشائخ کے نزدیک مستحب ہے البتہ امام بخاری رحمتہ اللہ نے عیسی بن میمون کی روایات نقل نہیں کی ۔
حضرت ابو ہر یرہ رضی اللہ عنہ فرماتے ہیں تمہارے اند ر دو’امان‘‘ تھے، ان میں سے ایک گزر چکا ہے اور اب صرف ایک باقی ہے ( ایک امان یہ تھا ) وما كان الله ليعذبهم ( اور دوسرا امان یہ ہے )وما كان الله معذبهم وهم يستغفرون ۔یہ حدیث امام مسلم رحمتہ اللہ کے معیار کے مطابق صحیح ہے لیکن اسے صحیحین میں نقل نہیں کیا گیا۔ جبکہ امام بخاری رحمتہ اللہ اور امام مسلم رحمتہ اللہ دونوں اس بات پرمتفق ہیں کہ صحابہ رضی اللہ عنہ کی تفسیر حدیث مسند کا درجہ رکھتی ہے ۔ اور اس حدیث کی ایک شاہد حد یث بھی موجود ہے جو کہ حضرت ابوموسیٰ اشعری رضی اللہ عنہ سے منقول ہے ۔ ( ووحد یث درج ذیل ہے )
حضرت ابوموسیٰ اشعری رضی اللہ عنہ فرماتے ہیں: زمین میں دوامان تھے ان میں سے ایک اٹھالیا گیا اور دوسرا ابھی باقی ہے ( ایک امان يہ تها) ’’ وما كان الله ليعذبهم وأنت فيهم‘‘ ( اور دوسراامان يہ تها )’’وما كان الله معذبهم وهم يستغفرون‘‘
حضرت ابو ہریرہ رضی اللہ عنہ سے مروی ہے رسول اکرم صلی اللہ علیہ وسلم نے ارشادفرمایا : جوشخص "لا حول ولا قوة إلا بالله ‘‘پڑھے، یاس کے لئے۹۹ بیماریوں کی دواء ہے جن میں سے سب سے ہلکی بیماری’’ھم ‘‘ ( غم ) ہے ۔ یہ حدیث صحیح ہے لیکن شیخین رحمتہ اللہ نے اسے نقل نہیں کیا اور بشر بن رافع الحارثی متروک الحد یث نہیں ہیں ۔اور یونہی هیشم ابکاء کی روایات شیخین رحمتہ اللہ نےنقل نہیں کیں اور ان کی ایک اور حد یث بھی ہے جس کی روایت میں یہ منفر د ہیں اور یہ اس کا مقام ہے کیونکہ وہ مسلمان بندوں میں سے ہیں۔
حضرت انس بن مالک رضی اللہ عنہ فرماتے ہیں: ابو طالب بیمار ہو گئے اور ان کی بیماری شدت اختیار کرگئی ۔ نبی اکرم صلی اللہ علیہ وسلم م ان کی عیادت کو گئے ۔ ابوطالب نے حضور صلی اللہ علیہ وسلم سے کہا: اے میرے چچا کے بیٹے ! اپنے اس رب سے دعا مانگیں جس نے آپ کو مبعوث فرمایا ہے کہ وہ مجھے صحت عطافرمائے تو نبی اکرم صلی اللہ علیہ وسلم نے ان کے لئے یہ دعامانگی:اللهم اشف عمی ‘‘(یا اللہ میرے چچا کو شفاءعطافرما)۔ ( حضرت انس رضی اللہ عنہ )فرماتے ہیں: (وہ فورا ٹھیک ہو گئے اور) یوں لگا جیسے ان کی رسیاں کھول دی گئی ہوں ۔تو حضرت ابو طالب رضی اللہ عنہ نے کہا: آپ کے رب نے آپ کو مبعوث کیا ہے، اس لئے وہ آپ کی بات بھی مانتا ہے تو آپ صلی اللہ علیہ وسلم نے فرمایا:اے چچا!اگر تو اللہ تعالی کی اطاعت کرے گا تو اللہ تعالی تیری بھی ضرور بات مانے گا۔
