Al Muajam Al Sagheer Tibrani - Sunan

سیدنا ابوہریرہ رضی اللہ عنہ کہتے ہیں کہ نبی صلی اللہ علیہ وسلم نے فرمایا: ”جو شخص کسی قوم کے گھروں میں ان کی اجازت کے بغیر جھانکتا پھرے تو ان کے لئے اس کی آنکھ پھوڑنا حلال ہو جاتا ہے۔“

سیدنا انس بن مالک رضی اللہ عنہ کہتے ہیں: ایک صبح مجھے احتلام ہوا اور میں نے نبی کریم صلی اللہ علیہ وسلم کے پاس جا کر آپ صلی اللہ علیہ وسلم کو بتایا کہ میں بلوغت کو پہنچ چکا ہوں۔ آپ صلی اللہ علیہ وسلم نے فرمایا: ”آئندہ عورتوں کے پاس نہ جانا۔“ اس دن سے سخت دن مجھ پر کبھی نہیں آیا۔