Al Muajam Al Sagheer Tibrani - Sunan

سیدنا ابوہریرہ رضی اللہ عنہ کہتے ہیں: نبی کریم صلی اللہ علیہ وسلم سے لقطہ (گری ہوئی چیز) کے بارے میں پوچھا گیا تو آپ صلی اللہ علیہ وسلم نے فرمایا: ”لقطہ حلال نہیں ہے، جو اس کو اٹھائے وہ اس کی پہچان کروائے۔ اگر اس کا مالک آجائے تو اس کو آگاہ کرے، اگر نہ آئے تو اسے صدقہ کر دے، تو جب وہ آئے تو اس کو اجر اور اس کی چیز میں اختیار دے۔“

سیدنا جارود عبدی رضی اللہ عنہ کہتے ہیں: ہم رسول اللہ صلی اللہ علیہ وسلم کے ساتھ تھے اور سواریاں کم تھیں تو ہم نے ذکر کیا جو ہمیں سواریوں سے کافی ہوں تو میں نے کہا: رات کو اونٹوں کے پاس چلے جائیں، پھر ان سے سواری کا فائدہ اٹھا لیں، تو رسول اللہ صلی اللہ علیہ وسلم نے فرمایا: ”مسلمان کی گم شدہ چیز جہنم کی آگ ہے۔“

سیدنا جارود ابوالمنذر القندی رضی اللہ عنہ کہتے ہیں: رسول اللہ صلی اللہ علیہ وسلم نے فرمایا: ”جب تم کو کوئی گمی ہوئی چیز ملے تو اس کو غائب نہ کرو، اور نہ چھپاؤ، اگر وہ پہچان لی جائے تو وہ اس کے مالک کو ادا کردو، ورنہ اللہ کا مال جس کو چاہتا ہے دے دیتا ہے۔“