Saheefah Hamam bin Munabah

(حديث مرفوع) (حديث موقوف) قال رسول الله صلى الله عليه وسلم:" والذي نفسي بيده، لقد هممت ان آمر فتياني ان يستعدوا لي بحزم حطب، ثم آمر رجلا يصلي بالناس، ثم احرق بيوتا على من فيها" .

رسول اللہ صلی اللہ علیہ وسلم نے فرمایا:”مجھے قسم ہے اس ذات کی جس کے ہاتھ میں میری جان ہے! یقیناً میں نے پختہ عزم کیا تھا، اپنے جوانوں کو حکم دوں کہ وہ میرے لیے لکڑیوں کی گٹھڑیاں تیار کریں، پھر میں کسی کو حکم دوں کہ وہ لوگوں کو نماز پڑھائے۔ بعدازاں گھروں کو ان مکینوں سمیت جلا دیں (جو باجماعت نماز میں شامل نہیں ہوئے)۔“

(حديث مرفوع) (حديث موقوف) قال رسول الله صلى الله عليه وسلم: " إذا انقطع شسع نعل احدكم او شراكه، فلا يمش في إحداهما بنعل واحدة والاخرى حافية، ليحفهما جميعا او لينعلهما جميعا" .

رسول اللہ صلی اللہ علیہ وسلم نے ارشاد فرمایا:”جب تم میں سے کسی کے جوتے کا تسمہ یا پٹی ٹوٹ جائے تو وہ اس حالت میں نہ چلے کہ ایک پاؤں میں جوتا اور دوسرا پاؤں ننگا ہو، بلکہ وہ دونوں پاؤں سے جوتے اتار دے یا دونوں پاؤں ننگے رکھ کر چلے۔“

(حديث قدسي) (حديث موقوف) قال رسول الله صلى الله عليه وسلم: " لا ياتي ابن آدم النذر بشيء لم اكن قد قدرته , ولكنه يلفيه النذر وقد قدرته له استخرج به من البخيل، ويؤتيني عليه ما لم يكن آتاني من قبل" .

اور رسول اللہ صلی اللہ علیہ وسلم نے ارشاد فرمایا: ”(اللہ تعالیٰ فرماتا ہے) نذر ابن آدم کو ایسی چیز نہیں دیتی جو میں نے اس کے مقدر میں نہ لکھی ہو، بلکہ نذر اسے اس چیز سے ہمکنار کرتی ہے جو میں نے اس کے مقدر میں لکھ دی ہے۔ میں اس کے ذریعے بخیل سے مال نکلواتا ہوں اور نذر کے باعث وہ مجھے اس قدر دیتا ہے، جتنا وہ مجھے نذر سے قبل نہیں دے سکتا تھا۔“

(حديث قدسي) (حديث موقوف) قال رسول الله صلى الله عليه وسلم:" إن الله قال: انفق انفق عليك، وسمى الحرب خدعة" .

رسول اللہ صلی اللہ علیہ وسلم نے فرمایا: ”اللہ تعالیٰ نے مجھے ارشاد فرمایا: (اے میرے بندے!) تو خیر کے راستہ میں اپنا مال خرچ کر، تو میں تجھ پر خرچ کروں گا اور رسول اللہ صلی اللہ علیہ وسلم نے جنگ کا نام دھوکہ و چال بازی رکھا ہے۔“

(حديث مرفوع) (حديث موقوف) قال رسول الله صلى الله عليه وسلم: " راى عيسى ابن مريم رجلا يسرق، فقال له عيسى: سرقت؟ فقال: كلا والذي لا إله إلا هو، فقال عيسى: آمنت بالله وكذبت بصري" .

اور رسول اللہ صلی اللہ علیہ وسلم نے ارشاد فرمایا: ”عیسیٰ علیہ السلام نے کسی شخص کو چوری کرتے ہوئے دیکھا (تو اسے کہنے لگے) کیا تو نے چوری کی ہے؟ اس پر اس شخص نے کہا ہرگز نہیں، مجھے اس ذات کی قسم جس کے سوا کوئی معبود برحق نہیں (میں نے چوری نہیں کی) چناچہ عیسیٰ علیہ السلام نے فرمایا: میں اللہ پر ایمان رکھتا ہوں اور (تیرے قسم کھانے کے سبب) میں اپنی آنکھوں کو جھوٹا قرار دیتا ہوں۔“

(حديث مرفوع) (حديث موقوف) قال رسول الله صلى الله عليه وسلم: " نصرت بالرعب، واوتيت جوامع الكلم" .

رسول اللہ صلی اللہ علیہ وسلم نے ارشاد فرمایا:”بذریعہ رعب میری نصرت کی گئی ہے اور مجھے جامع کلمات عطا کیے گئے ہیں۔“

(حديث مرفوع) (حديث موقوف) قال رسول الله صلى الله عليه وسلم: " ما اوتيكم من شيء ولا امنعكموه، إن انا إلا خازن اضع حيث امرت" .

اور رسول اللہ صلی اللہ علیہ وسلم نے ارشاد فرمایا:”میں ذاتی طور پر نہ تو تمہیں کوئی چیز عطاء کرتا ہوں اور نہ ہی کسی چیز سے تمہیں روکتا ہوں میں محض خازن ہوں، میں مال وہاں تصرف میں لاتا ہوں جہاں مجھے حکم دیا گیا ہے۔“

(حديث مرفوع) (حديث موقوف) قال رسول الله صلى الله عليه وسلم:" إنما الإمام ليؤتم به فلا تختلفوا عليه، فإذا كبر فكبروا، وإذا ركع فاركعوا، وإذا قال: سمع الله لمن حمده، فقولوا: اللهم ربنا لك الحمد، فإذا سجد فاسجدوا، وإذا صلى جالسا فصلوا جلوسا اجمعين" .

رسول اللہ صلی اللہ علیہ وسلم نے فرمایا: ”امام اسی لیے ہوتا ہے کہ (نماز میں) اس کی اقتداء کی جائے، اس کی خلاف ورزی نہ کرو، چناچہ جب وہ ”اللہ اکبر“ کہے تو تم ”اللہ اکبر“ کہو جب وہ رکوع کرے تم بھی رکوع کرو۔ جب وہ ”سمع اللہ لمن حمدہ“ کہے تو تم (اس کے جواب میں) ”اللھم ربنا لک الحمد“ کہو، جب وہ سجدہ کرے تو تم بھی سجدہ کرو اور جب امام بیٹھ کر نماز پڑھے تو تم بھی بیٹھ کر نماز پڑھو۔“

(حديث مرفوع) (حديث موقوف) قال رسول الله صلى الله عليه وسلم: " اقيموا الصف في الصلاة، فإن إقامة الصف من حسن الصلاة" .

اور رسول اللہ صلی اللہ علیہ وسلم نے فرمایا: ”نماز میں صف بندی کا خاص اہتمام کرو، کیونکہ نماز کا حسن صف بندی پر موقوف ہے۔“

(حديث مرفوع) (حديث موقوف) قال رسول الله صلى الله عليه وسلم: " تحاج آدم وموسى، فقال له موسى: انت آدم الذي اغويت الناس فاخرجتهم من الجنة إلى الارض؟ فقال له آدم: انت موسى الذي اعطاه الله علم كل شيء، واصطفاه على الناس برسالته؟ قال: نعم، قال: اتلومني على امر قد كتب علي ان افعل من قبل ان اخلق، فحج آدم موسى" .

رسول اللہ صلی اللہ علیہ وسلم نے فرمایا: ”ایک مرتبہ آدم اور موسیٰ علیہ السلام کے درمیان جھگڑا ہوا۔ موسیٰ علیہ السلام نے کہا: آپ وہ آدم ہو جنہوں نے لوگوں کو بہکایا اور انہیں جنت سے نکلوا کر زمین کی طرف بھیج دیا؟ آدم علیہ السلام نے کہا: آپ وہ موسیٰ ہو جسے اللہ تعالیٰ نے ہر چیز کا علم عطا کیا اور رسالت کے سبب دوسرے لوگوں پر فضیلت بخشی؟ موسیٰ علیہ السلام نے جواب دیا: ہاں! (میں وہی ہوں) اس پر آدم علیہ السلام نے کہا: آپ مجھے اس عمل پر ملامت کرتے ہو جسے اللہ تعالیٰ نے میری پیدائش سے قبل لکھ دیا تھا کہ ایسا کام کروں گا؟ اس طرح آدم علیہ السلام نے موسیٰ علیہ اسلام کو لاجواب کر دیا۔“

(حديث قدسي) (حديث موقوف) قال رسول الله صلى الله عليه وسلم: " بينما ايوب يغتسل عريانا، خر عليه رجل جراد من ذهب , فجعل ايوب يحثي في ثوبه، قال: فناداه ربه: يا ايوب , الم اكن اغنيتك عما ترى؟ قال: بلى يا رب، ولكن لا غنى لي عن بركتك" .

رسول اللہ صلی اللہ علیہ وسلم نے ارشاد فرمایا: ”ایک مرتبہ ایوب علیہ السلام (اپنے غسل خانہ میں) برہنہ غسل کر رہے تھے کہ (اچانک) ان پر سونے کی ٹڈیاں گرنے لگیں تو آپ علیہ السلام نے اسے اپنے کپڑوں میں سمیٹنا شروع کر دیا۔“ رسول اللہ صلی اللہ علیہ وسلم نے فرمایا: ”اس پر ایوب علیہ السلام کو اس کے رب تعالیٰ نے آواز دی کہ اے ایوب! کیا ہم نے تمہیں اس چیز سے بے نیاز نہیں کیا، جسے تیری آنکھیں دیکھ رہی ہیں۔ انہوں نے عرض کیا: اے میرے پروردگار! کیوں نہیں؟ لیکن تیری برکت کے سوا مجھے کچھ کافی نہیں ہے۔“

(حديث مرفوع) (حديث موقوف) قال رسول الله صلى الله عليه وسلم: " خفف على داود القرآن، فكان يامر بدوابه تسرج، فكان يقرا القرآن من قبل ان تسرج دابته، وكان لا ياكل إلا من عمل يده" .

رسول اللہ صلی اللہ علیہ وسلم نے فرمایا: ”داؤد علیہ السلام پر زبور کی تلاوت مخفف (آسان و سہل) کر دی گئی۔ وہ اپنی سواری پر زین کسنے کا حکم دیتے اور سواری پر زین کسے جانے سے پہلے ہی (زبور) کی تلاوت مکمل فرما لیا کرتے اور آپ صرف ہاتھ کی کمائی سے کھاتے تھے۔“