ابوالاسودالد یلی فرماتے ہیں میں نے حضرت معاذ بن جبل رضی اللہ عنہ سے کہا: آپ مجھے شیطان کا وہ قصہ سنائیں جب آپ نے اس کو پکڑ لیا تھا ۔ انہوں نے بتایا : مجھے رسول اللہ صلی اللہ علیہ وسلم نے مسلمانوں کے جمع کئے ہوئے ) صدقات کی نگرانی پر مقرر کیا۔ میں نے تمام پھل ایک کوٹھڑی میں رکھ دیئے ۔ میں نے محسوس کیا کہ وہ پھل کم ہو گئے ہیں ، میں نے یہ بات رسول اللہ صلی اللہ علیہ وسلم کو بتائی ۔ آپ صلی اللہ علیہ وسلم نے فرمایا وہاں سے شیطان لے گیا ہے ۔ ( معاذ ) فرماتے ہیں : میں نے خودکوٹھڑی کے اندر داخل ہو کر اندر سے دروازہ بند کر لیا۔ پھر ایک اندھیرا سا چھا گیا جس نے دروازے کو بھی اپنی لپیٹ میں لے لیا پھر مجھے ایک مرتبہ کسی ہاتھی کی صورت محسوس ہوئی ، دوبارہ کسی دوسری صورت میں محسوس ہوا پھر وہ دروازے کی پھٹن میں سے داخل ہوا ، میں نے اپنی چادر اپنے او پر کھینچ لی تو وہ آ کر کھجور یں کھانے لگ گیا۔ میں نے اچھل کر اس کو دبوچ لیا۔ میں نے اس کو کہا: اے اللہ! کے دشمن ! ( یہ کیا کر رہے ہو؟) اس نے جوابا کہا: مجھے مچھوڑ دو کیونکہ میں بوڑھا آدمی ہوں ، کثیر عیالدارشخص ہوں اور فقیر ہوں اور میں نصیبین کے جنات میں سے ہوں ۔ تمہارے نبی صلی اللہ علیہ وسلم کی بعثت سے پہلے یہ علاقہ ہمارا مسکن ہوا کرتا تھا۔ جب ان کی بعثت ہوئی تو ہمیں یہاں سے نکال دیا گیا ۔ آپ مجھے چھوڑ دیں، میں دو بارہ ادھر نہیں آؤں گا۔ میں نے اس کو چھوڑ دیا۔ادھر رسول اللہ صلی اللہ علیہ وسلم کی بارگاہ میں حضرت جبریل امین علیہ السلام حاضر ہوئے اور پورا واقعہ بتادیا ۔ جب آپ صلی اللہ علیہ وسلم نے فجر کی نماز پڑ ھالی تو آواز دے کر پوچھا: معاذ بن جبل کہاں ہے؟ میں اٹھ کر آپ صلی اللہ علیہ وسلم کے پاس آ گیا، رسول اللہ صلی اللہ علیہ وسلم نے فرمایا: اے معاذ ! تیرے قیدی کا کیا بنا؟ میں نے آپ صلی اللہ علیہ وسلم کو رات والا قصہ سنایا ۔ آپ صلی اللہ علیہ وسلم نے فرمایا: وہ دوبارہ پھرآئے گا ۔ ( پھر حضرت معاز رضی اللہ عنہ ) لوٹ آئے۔ (معاذ ) فرماتے ہیں : میں نے پھر کوٹھری میں داخل ہو کر دروازہ بند کر لیا۔ وہ پھر دروازے کی پھٹن میں سے داخل ہوا اور کھجور یں کھانے لگ گیا، میں نے اس کے ساتھ وہی والا معاملہ کیا جو پچھلی رات کیا تھا ۔ اس نے کہا: مجھے چھوڑ دیں میں دوبارہ یہاں نہیں آؤں گا۔ میں نے کہا: اے اللہ کے دشمن تو نے گذشتہ رات بھی یہی بات کی تھی کہ میں لوٹ کر نہیں آؤں گا ؟ اس نے کہا: (اب میں پکاوعد ہ کر تا ہوں کہ) ہر گز لوٹ کر نہیں آؤں گا ۔ اور اس کی نشانی یہ ہے کہ جوشخص سورۂ بقرہ کی آخری آیات پڑھے تو اس رات ہم میں سے کوئی بھی اس گھر میں داخل نہیں ہوسکتا ۔یہ حدیث صحیح الاسناد ہے لیکن امام بخاری رحمتہ اللہ اور امام مسلم رحمتہ اللہ نے اس کونقل نہیں کیا ۔ اور عبدالمومن بن خالد المروزی حنفی ثقہ ہیں ، ان کی احادیث جمع کی جاتی ہیں اور بعینہ یہی حدیث زید بن الحباب نے ان سے روایت کی ہے ۔ ( جو کہ درج ذیل ہے)
حضرت انس رضی اللہ عنہ فرماتے ہیں رسول اللہ صلی اللہ علیہ وسلم نے سخت ہونے سے پہلے گندم کو بیع سے ، سیاہ ہونے سے پہلے انگوروں کی بیع سے اور سرخ یا زرد ہونے سے پہلے کھجوروں کے بیع سے منع فرمایا ہے ۔ یہ حدیث امام مسلم رحمۃ اللہ علیہ کے معیار کے مطابق صحیح ہے لیکن اسے صحین میں نقل نہیں کیا گیا تاہم اما م بخاری رحمۃ اللہ علیہ اور امام مسلم رحمۃ اللہ علیہ دونوں نے نافع کے واسطے سے حضرت عبداللہ بن عمر رضی اللہ عنہ سے پکنے سے پہلے کھجوروں کی خرید و فروخت سے ممانعت پر مشتمل حدیث نقل کی ہے ۔
حضرت عائشہ رضی اللہ عنہ روایت کرتی ہیں کہ نبی اکرم صلی اللہ علیہ وسلم نے ایک دیہاتی سے کھجوروں کے بدلے اونٹ خریدا ۔ آپ صلی اللہ علیہ وسلم کا خیال تھا کہ اونٹ کی پوری قیمت کی ) کھجوریں آپ صلی اللہ علیہ وسلم کے پاس موجود ہیں لیکن جب دیکھا تو وہ کھجوریں کم تھیں۔ آپ صلی اللہ علیہ وسلم نے ( اس دیہاتی سے ) کہا : کیا آپ کے پاس یہ گنجائش ہے کہ کچھ کھجوریں ابھی لے لو اور بقیہ پھل آنے تک ( میں دے دوں گا )؟ اس نے انکار کر دیا تو رسول اللہ صلی اللہ علیہ وسلم نے کسی سے ادھار کھجوریں پکڑ کر اس کو دیں ۔
حضرت جابر بن عبداللہ رضی اللہ عنہ فرماتے ہیں کہ رسول اللہ صلی اللہ علیہ وسلم نے کھجوروں کے ایسے ڈھیر کو جس کی مقدار معلوم نہ ہو ان کھجورو کے عوض بیچنے سے منع کیا ہے جن کی مقدار معلوم ہو۔یہ حدیث امام مسلم رحمۃ اللہ علیہ کے معیار مطابق صحیح ہے ۔ لیکن اسے صحیحین میں نقل نہ کیا گیا ۔
حضرت زید ابو عیاش رضی اللہ عنہ فرماتے ہیں کہ میں نے حضرت سعد رضی اللہ عنہ سے پوچھا جو کے بدلے گندم ( بیچنا کیسا ہے ؟) انہوں نے کہا : دونوں میں کمی زیادتی ہے؟ انہوں نے کہا جی ہاں انہوں نے فرمایا رسول اللہ صلی اللہ علیہ وسلم سے خشک کھجوروں کے عوض تر کھجوریں بیچنے کے متعلق پوچھا گیا تو آپ صلی اللہ علیہ وسلم نے نے اپنے قریب لوگوں سے پوچھا ، جب یہ خشک ہو جائیں تو کم ہو جاتی ہیں ؟ انہوں نے جواب دیا جی ہاں ! آپ صلی اللہ علیہ وسلم نے فرمایا اس صورت میں جائز نہیں ہے ۔ ابو ولید فرماتے ہیں میں نے حضرت مالک بن انس رضی اللہ عنہ سے دوسری مرتبہ سنا تو انہوں نے فرمایا رسول اللہ صلی اللہ علیہ وسلم نے اس کو نا پسند کیا ہے۔ یہ الفاظ ابو الولید کی روایت کے ہیں جبکہ یہی حدیث اسود بن سفیان کے غلام عبداللہ بن یزید کی روایت کرنے میں اسماعیل بن امیہ نے مالک بن انس کی متابعت کی ہے ۔ ( ان کی روایت درج ذیل ہیں )
حضرت سعد بن مالک رضی اللہ عنہ فرماتے ہیں کہ رسول اللہ صلی اللہ علیہ وسلم سے خشک کھجوروں کے بدلے پکی ہوئی تازہ کھجوروں ( کی بیع ) کے متعلق پوچھا گیا ۔ تو آپ صلی اللہ علیہ وسلم نے فرمایا : کیا وہ خشک ہو کر کم ہو جاتی ہیں ؟ صحابہ نے جواب دیا جی ہاں ( سعد) نے فرمایا تو آپ صلی اللہ علیہ وسلم نے اسے منع کر دیا ۔ اس حدیث کو عبداللہ بن یزید سے روایت کرتے ہیں یحییٰ بن ابی کثیر نے اسماعیل بن امیہ اور مالک بن انس کی متابعت کی ہے ۔
حضرت سعد بن ابی وقاص رضی اللہ عنہ کا فرمان ہے رسول اللہ صلی اللہ علیہ وسلم نے خشک کھجوروں کے بدلے تازہ پکی ہوئی کھجوریں ادھار کے طور پر بیچنے سے منع کیا ہے۔ یہ حدیث صحیح ہے کیونکہ ائمہ نقل کا مالک بن انس کی امامت پر اجماع ہے نیز یہ کہ تمام مرویات میں یہ محکم ہے کیونکہ ان کی روایت کردہ تمام احادیث صحیح ہیں ۔ بالخصوص اہل مدینہ کی روایت میں ۔ پھر ان تمام ائمہ کے اس حدیث کو عبداللہ بن یزید سے روایت کرنے مین ان کی متابعت کرنے کی وجہ سے امام بخاری رحمۃ اللہ علیہ اور امام مسلم رحمۃ اللہ علیہ نے اس حدیث کو نقل نہیں کیا کیونکہ ان کو زید پر ابو عیاش کو مجہول رکھنے پر اعتراض ہے ۔
عَبْدِ اللَّهِ بْنِ يَزِيدَ، ← يَحْيَى بْنِ أَبِي كَثِيرٍ، ← حَرْبُ بْنُ شَدَّادٍ، ← عَبْدُ اللَّهِ بْنُ رَجَاءٍ، ← هِشَامُ بْنُ عَلِيٍّ، ← أبو بكر بن إسحاق وعلي بن حمشاذ
Al Mustadrak Al Hakim Al Sahihain · The Book of Sales › Mentioning the virtues of Surah, and the verses that are separated · Hadith 2267
المستدرك على الصحيحين · كِتَابُ الْبُيُوعِ ‹ ذِكْرُ فَضَائِلِ سُوَرٍ، وآيٍ مُتَفَرِّقَةٍ · حديث 2282
حضرت حبان بن عبیدہ اللہ عدی رضی اللہ عنہ کا فرمان ہے میں نے ابو مجلز سے بیع صرف کے متعلق مسئلہ پوچھا تو انہوں نے جواباً کہا:ابن عباس رضی اللہ عنہ کا ایک زمانہ تک یہ موقف رہا ہے کہ اگر ہاتھوں ہاتھ ہوں تو کوئی حرج نہیں وہ کہا کرتے تھے کہ سود تو صرف ادھار میں ہوتا ہے ایک دفعہ ابو سعید خدری رضی اللہ عنہ کی ان سے ملاقات ہوئی تو انہوں نے کہا اے ابن عباس رضی اللہ عنہ تم اللہ سے نہیں ڈرتے ہو تم لوگوں کو گب تک سود میں مبتلا کیے رکھو گے؟ کیا تمہیں اس حدیث کی اطلاع نہیں ہے ؟ ایک دن رسول اللہ صلی اللہ علیہ وسلم ام المومنین حضرت ام سلمہ رضی اللہ عنہ کے پاس تھے تو آپ صلی اللہ علیہ وسلم نے عجوہ کھجور کھانے کی خواہش کا اظہار کیا تو انہوں نے دو صاع کھجوریں ایک انصاری کے پاس بھجیں تو وہ دو صاع کھجوروں کے بدلے ایک صاع عجوہ کھجوریں دے گیا ۔ پھر ام المومنین رضی اللہ عنہا نے یہ کھجوریں رسول اللہ صلی اللہ علیہ وسلم کی خدمت میں پیش کیں ۔ آپ صلی اللہ علیہ وسلم نے ان کھجوروں کو دیکھا تو بہت پسند کیا اور ان میں سے ایک کھجور اٹھا کر کھا لی اور پھر رک گئے اور پوچھا یہ کھجوریں تمہارے پاس کہاں سے آئیں ؟ ام المومین حضر ت ام سلمہ رضی اللہ عنہا نے بتایا میں نے دو صاع کھجوریں ایک انصاری آدمی کی طرف بھیجی تھیں تو وہ ان دو صاع کے بدلے ایک صاع عجوہ کھجوریں دے گیا۔ یہ وہی ہیں ۔ اپ تناول فرمایئے ۔ آپ صلی اللہ علیہ وسلم نے وہ تمام کھجوریں پھینک دیں اور فرمایا یہ واپس بھیج دو مجھے ان کی ضرورت نہیں ہے ۔ کھجور کھجور کے بدلے ، گندم گندم کے بدلے ، جو جو کے بدلے ، سونا سونے کے بدلے ، چاندی چاندی کے بدلے ہاتھوں ہاتھ ہو اور برابر ، برابر ہو تو جائز ہے جو زیادہ ہو گا وہ سود ہے پھر اسی طرح آپ صلی اللہ علیہ وسلم نے ان چیزوں کے متعلق جن کو ماپا جاتا ہے اور جن کا وزن کیا جاتا ہے بھی یہی فرمایا۔ اس پر ابن عباس رضی اللہ عنہ نے حضرت ابو سعید خدری رضی اللہ عنہ کا شرکیہ ادا کرتے ہوئے ان کو جنت کی دعائیں دیں اور کہنے لگے آج آپ نےمجھے وہ بات یاد دلا دی ہے جس کو میں بھلا چکا تھا میں اللہ تعالیٰ کی بارگاہ میں توبہ کرتا ہوں اور معافی مانگتا ہوں اس کے بعد آپ بڑی شدت کے ساتھ بیع صرف سے منع کیا کرتے تھے ۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا ۔
حضرت ابو عیاش رضی اللہ عنہ فرماتے ہیں میں نے حضرت سعد بن ابی وقاص رضی اللہ عنہ سے کھجوروں کے بدلے جو خریدنے کے متعلق مسئلہ پوچھا تو حضرت سعد رضی اللہ عنہ نے کہا کیا ان کے درمیان کمی زیادتی ہے ؟ انہوں نے جواب دیا ہاں حضرت سعد رضی اللہ عنہ نے کہا یہ بیع جائز نہیں ہے ۔ اور حضر ت سعد رضی اللہ عنہ نے کہا رسول اللہ صلی اللہ علیہ وسلم سے خشک کھجوروں کے عوض تر کھجوریں خریدنے کے متعلق پوچھا گیا تو آپ صلی اللہ علیہ وسلم نے فرمایا کیا ان کے درمیان فرق ہے ؟ لوگوں نےکہا جی ہاں ! تر کھجوریں کم ہو جاتی ہیں رسول اللہ صلی اللہ علیہ وسلم نے فرمایا تو یہ جائز نہیں ہے ۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا ۔
مصعب بن عبداللہ ان کا نسب یوں بیان کرتے ہیں " عبدالرحمٰن بن عوف بن عبدالرحمٰن بن حارث بن زہرہ " ان کی اور ان کےبھائی اسود بن عوف کی والدہ " شفاء بنت عوف بن عبدالحارث بن زہرہ بن کلاب " ہیں ۔ انہوں نے فتح مکہ سے پہلے ہجرت کی تھی۔ حضرت عبدالرحمٰن کا اصلی نام " عبدالرحمٰن " رکھا۔
عَبْدُ الرَّحْمَنِ بْنُ عَوْفِ بْنِ عَبْدِ الرَّحْمَنِ بْنِ الْحَارِثِ بْنِ زُهْرَةَ، ← مصعب بن عبد الله
Al Mustadrak Al Hakim Al Sahihain · The Book of Knowledge of the Companions, may God be pleased with them › The mention of the governor of Abd al-Rahman bin Awf al-Zuhri, may God be pleased with him · Hadith 5332
المستدرك على الصحيحين · كِتَابُ الْأَطْعِمَةِ ‹ فَضْلُ كَافَّةِ الْعَرَبِ · حديث 7138
ام المومنین حضرت عائشہ رضی اللہ عنہا فرماتی ہیں کہ رسول اللہ صلی اللہ علیہ و آلہ وسلم نے ارشاد فرمایا : کچی کھجوروں کو پکی کھجوروں کے ساتھ کھایا کرو کیونکہ جب اس کو انسان کھاتا ہے تو شیطان کو بہت غصہ آتا ہے اور وہ کہتا ہے : انسان اس وقت تک باقی رہے گا جب تک نئی جنس کو پرانی کے ساتھ ملاکر کھاتا رہے گا ۔
عَائِشَةَ ← أَبِيهِ ← هشام بن عروة يذكر ← أبو زكير يحيى بن محمد بن قيس ← نَصْرُ بْنُ عَلِيٍّ الْجَهْضَمِيُّ، ← أَبُو الرَّبِيعِ سُلَيْمَانُ بْنُ دَاوُدَ الْعَتَکِيُّ ← أَبُو عَبْدِ اللَّهِ مُحَمَّدٌ التَّيْمِيُّ، ← أَبُو زَكَرِيَّا يَحْيَى بْنُ مُحَمَّدٍ الْعَنْبَرِيُّ،
Al Mustadrak Al Hakim Al Sahihain · Food Book › The merits of all Arabs · Hadith 7138
المستدرك على الصحيحين · كِتَابُ الْأَطْعِمَةِ ‹ فَضْلُ كَافَّةِ الْعَرَبِ · حديث 7187
حضرت ابو ہریرہ رضی اللہ عنہ فرماتے ہیں کہ رسول اللہ صلی اللہ علیہ و آلہ وسلم نے ارشادفرمایا : اللہ تعالی صرف ایک لقمے کے بدلے میں ، صرف ایک مٹھی کھجوروں کے بدلے میں اور اسی طرح کی کوئی چیز جو مسکینوں کے لئے نفع بخش ہو ، کے بدلے میں تین آدمیوں کو جنت عطاکردیتا ہے ۔ اس کام کا حکم دینے والے کو ، اس بیوی کو جو یہ تیار کرتی ہے ، او ر اس خادم کو جو یہ طعام وغیرہ مساکین تک پہنچاتا ہے ۔ اور رسول اللہ صلی اللہ علیہ و آلہ وسلم نے ارشاد فرمایا : اس اللہ کا شکر ہے جو ہماری خدمات کو بھولتا نہیں ہے ۔ یہ حدیث امام مسلم رحمۃ اللہ علیہ کے معیار کے مطابق ہے لیکن شیخین رحمۃ اللہ علیہما نے اس کو نقل نہیں کیا ۔
حضرت جابر بن عبداللہ رضی اللہ عنہ فرماتے ہیں کہ نبی اکرم صلی اللہ علیہ و آلہ وسلم نے ارشاد فرمایا : منقع اور کھجور شراب ہے ۔ یعنی جب کہ ان کا رس نچوڑ کر ان کو جوش دیا جائے ۔ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن انہوں نے اس کو نقل نہیں کیا ۔
جَابِرِ بْنِ عَبْدِ اللَّهِ: ← مُحَارِبِ بْنِ دِثَارٍ ← الْاَعْمَشِ ← عبيد الله بن موسى أنبأ شيبان ← أَحْمَدُ بْنُ حَازِمٍ الْغِفَارِيُّ ← عَلِيُّ بْنُ عَبْدِ الرَّحْمَنِ السَّبِيعِيُّ، بِالْكُوفَةِ،
Al Mustadrak Al Hakim Al Sahihain · The Drink Book › The merits of all Arabs · Hadith 7218
المستدرك على الصحيحين · كِتَابُ الْأَشْرِبَةِ ‹ فَضْلُ كَافَّةِ الْعَرَبِ · حديث 7239
نعمان بن بشیر رضی اللہ عنہ فرماتے ہیں کہ رسول اللہ صلی اللہ علیہ و آلہ وسلم نے ارشادفرمایا : گندم کی بھی شرب ہوتی ہے ، جو کی شراب ہو تی ہے ، منقع کی شراب بنتی ہے ، کھجوروں کی شراب بنتی ہے اور شہد کی بھی شراب بنتی ہے ۔ میں تمہیں ہر نشہ آور چیز سے منع کرتا ہوں ۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا ۔
ابو سلام الاسود کہتے ہیں کہ حضرت عمر بن عبدالعزیز رضی اللہ عنہ کو ( میرے بارے میں) یہ اطلاع ملی کہ میں حضرت ثوبان کے واسطے سے ابو الاحوص کی حدیث بیان کرتا ہوں حضرت عمر بن عبدالعزیز نے اپنے آدمی بھیجے وہ ان کو حضرت عمر بن عبدالعزیز کے پاس لے آئے انہوں نے حضرت عمر بن عبدالعزیز رضی اللہ عنہ کو سلام کرنے کے بعد کہا اے امیر المومنین سفر کی وجہ سے میرے پاؤں میں زخم ہو گیا ہے حضرت عمر بن عبدالعزیز رضی اللہ عنہ نے اظہار افسوس کرتے ہوئے کہا ہمارا ارادہ آ پکو تکلیف دینے کا نہ تھا ۔ اصل بات یہ ہے کہ مجھے پتہ چلا ہے کہ تم حضرت ثوبان کے حوالے سے حوض کوثر کے بارے میں نبی اکرمصلی اللہ علیہ وسلم کا کوئی فرمان روایت کرتے ہو مجھے یہ خواہش ہوئی کہ میں فرمان مصطفوی تم سے بالمشافہہ سنو ، اس لیے تمہیں یہاں لانے کی تکلیف دی ہے ابو سلا م نے کہا میں نے رسول اللہ صلی اللہ علیہ وسلم کو یہ فرماتے ہوئے سنا ہے کہ میر احوض (مقام ) عدن ( یہ ساحلی پٹی کا علاقہ ہے جہاں ) پر یمن کا ساحل ختم ہوتا ہے اور ہند کا ساحل شروع ہوتا سے لے کے عمان البلقاء ( اس سے مراد یمن یا شام کی بستی ہے اور البلقاء سے مراد بعض مورخین کے نزدیک فلسطین کا ایک شہر ہے تک ہے اس حوض کا پانی دودھ سے زیادہ سفید اور شہد سے زیادہ میٹھا ہے اس کے پیالوں کی تعداد ستاروں کے برابر ہے جو شخص اس کا ایک گھونٹ پی لے گا اس کو کبھی پیاس نہیں لگے گی اس حوض پر سب سے پہلے فقراء جہاجرین آئیں گے جو پرا گندہ بالوں والے بوسیدہ کپڑوں والے ہوں گے مالدار خواتین سے وہ نکاح نہیں کرتے اور نہ ان کے لیے مسدور رائیں کھلتی ہیں حضرت عمر بن عبدالعزیز رضی اللہ عنہ نے فرمایا لیکن میں نے تو مالدار خاتون فاطمہ بنت عبدالملک سے نکاح کیا ہے اور میرے لیے مسدور راہیں کھول دی جاتی ہیں اب میں اپنا سر نہیں دھویا کرونگا تاکہ میرے بال پراگندہ ہو جائیں اور نہ میں اپنے جسم پر پہنے ہوئے کپڑے تبدیل کیا کروں گا تاکہ یہ بوسیدہ ہو جائیں ۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔
حضرت ابو موسیٰ رضی اللہ عنہ فرماتے ہیں کہ ہم نبی اکرمصلی اللہ علیہ وسلم کے ہمراہ تھے ہمار ےکپڑوں سے بھیڑ بکریوں کی سی بو آتی تھی اس کی وجہ یہ تھی کہ ہم جانوروں کی اون کے کپڑے پہنتے تھے اور ہماری غذا پانی اور کھجور یں تھیں ۔
حضرت عروہ فرماتے ہیں میں نے ام المومنین حضرت عائشہ رضی اللہ عنہا سے عرض کی آپ نے شریعت کا علم رسول اللہ صلی اللہ علیہ وسلم سے سیکھا ہے شعر اور عربی ادب اہل عرب سے سیکھا ہے آپ نے طب کا علم کس سے حاصل کیا ہے ؟ ام المومنین نے فرمایا حضور صلی اللہ علیہ وسلم آخری عمر میں بیمار ہو گئے تھے ۔ اور عرب کے بڑے بڑے طبیب آپ کے پاس ایا کرتے تھے میں نے ان کو باتیں سن سن کر ان سے طب کا علم حاصل کر لیا ۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔
الْعَرَبِ، فَعَنْ مَنْ أَخَذْتِ الطِّبَّ؟ ← رَسُولِ اللَّهِ وَالشِّعْرَ وَالْعَرَبِيَّةَ ← قُلْتُ لِعَائِشَةَ قَدْ أَخَذْتُ السُّنَنَ ← أَبِيهِ ← هِشَامُ بْنُ عُرْوَةَ، ← عبيد الله بن موسى أنبأ إسرائيل ← إِبْرَاهِيمُ بْنُ إِسْحَاقَ الْقَاضِي ← إِسْحَاقُ بْنُ مُحَمَّدِ بْنِ خَالِدٍ الْهَاشِمِيُّ بِالْكُوفَةِ،
Al Mustadrak Al Hakim Al Sahihain · Medical writers › The merits of all Arabs · Hadith 7426
المستدرك على الصحيحين · كِتَابُ الطِّبِّ ‹ فَضْلُ كَافَّةِ الْعَرَبِ · حديث 7433
حضرت ابوہریرہ رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا اللہ تعالیٰ نے جو بیماری پیدا کی ہے اس کا علاج بھی پیدا کیا ہے ۔ یہ حدیث امام مسلم رحمۃ اللہ علیہ کے معیاد کے مطابق صحیح ہے لیکن شیخین نے اس کو نقل نہیں کیا۔
حضرت عبداللہ رضی اللہ عنہ فرماتے ہیں کہ رسول اللہ صلی اللہ علیہ وسلم نے ارشاد فرمایا دو شفاء دینے والی چیزوں کو لازم پکڑ لو شہد اور قرآن کریم ۔ یہ اسناد امام بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن انہوں نے اس کو نقل نہیں کیا اور وکیع بن جراح نے اس کو حضرت سفیان سے موقوفا روایت کیا ہے ۔
