ام سلمہ رضی اللہ عنہا فرماتی ہیں : میری ساتھیوں ( دیگر ازواج ) نے مجھے کہا کہ میں رسول اللہ صلی اللہ علیہ و آلہ و سلم سے بات کروں کہ آپ لوگوں کو حکم دیں کہ وہ جس زوجہ کے گھر ہوں وہ وہیں پر اپنے تحائف بھیجا کریں ۔ کیونکہ لوگ تحائف بھیجنے کے لئے حضرت عائشہ رضی اللہ عنہا کی باری آنے کا انتظار کیا کرتے تھے ، اور یہ کہہ م بھی اسی طرح بھلائی چاہتی ہیں ، جیسے عائشہ رضی اللہ عنہا چاہتی ہے ۔ ( میں نے یہ بات کہی تو ) رسول اللہ صلی اللہ علیہ و آلہ و سلم نے خاموشی اختیار فرمائی ، اور مجھے کوئی جواب نہ دیا ۔ میری ساتھی میرے پاس آئیں ، میں نے ان کو بتایا کہ رسول اللہ صلی اللہ علیہ و آلہ و سلم نے تو مجھے کوئی جواب نہیں دیا۔ انہوں نے کہا: تم حضور صلی اللہ علیہ و آلہ و سلم کے پیچھے لگی رہ، اور بار بار یہ بات کہتی رہو۔ حضور صلی اللہ علیہ و آلہ و سلم جب اگلی مرتبہ ان کی باری پر ان کے گھر تشریف لائے تو انہوں نے کہا: میری سہیلیوں نے کہا ہے کہ میں آپ سے بات کروں کہ آپ لوگوں کو حکم دے دیں کہ میں جہاں ہوں ، اپنے تحائف وغیرہ وہیں بھیجا کرو، میں نے حضور صلی اللہ علیہ و آلہ و سلم کی بارگاہ میں دو یا تین مرتبہ یہ بات کہی ، لیکن ہر بار حضور صلی اللہ علیہ و آلہ و سلم خاموشی اختیار فرماتے ۔ ( آخری بار جب میں نے یہی بات کہی تو ) حضور صلی اللہ علیہ و آلہ و سلم نے فرمایا : اے ام سلمہ ! تم عائشہ کے حوالے سے مجھے ٹینشن مت دیا کرو ۔ کیونکہ صرف عائشہ وہ خاتوں ہیں جن کے بستر میں بھی مجھ پر وحی نازل ہوتی ہے ۔ حضرت ام سلمہ رضی اللہ عنہا نے کہا: عائشہ کے حوالے سے آپ کو تکلیف دینے سے میں اللہ تعالیٰ کی پناہ مانگتی ہوں ۔
Al Mustadrak Al Hakim Al Sahihain · The Book of Knowledge of the Companions, may God be pleased with them › Male Sahaabiyaat of the Messenger of Allah pairs peace be upon him, and others may Allah be pleased about them, the first of them to begin friendly girl friend Aisha girl Abu Bakr, may Allah be pleased · Hadith 6728
عبدالرحمن بن ضحاک بیان کرتے ہیں کہ عبداللہ بن صفوان اور ایک دوسرا شخص ام المومنین حضرت عائشہ رضی اللہ عنہا کے پاس آئے ، ام المومنین حضرت عاشئہ رضی اللہ عنہا نے ان میں سے ایک سے فرمایا : اے فلاں ! کیا تم نے حفصہ والی بات سنی ہے ؟ اس نے کہا: جی ہاں اے ام المومنین ۔ حضرت عبداللہ بن صفون رضی اللہ عنہ نے پوچھا : اے ام المومنین ! وہ کون سی بات ہے ؟ ام المومنین نے فرمایا : میری نو خاصیتیں ایسی ہیں جو مجھ سے پہلے کسی خاتون کو نصیب نہیں ہوئیں، سوائے اس فضیلت کے جو کہ اللہ تعالیٰ نے حضرت مریم بنت عمران رضی اللہ عنہا کو عطا فرمائی ہے ۔ اللہ کی قسم ! میں اپنی ساتھیوں ( دیگر امہات المومنین ) پر فخر کرتے ہوئے نہیں کہہ رہی ہوں۔ حضرت عبداللہ بن صفوان رضی اللہ عنہ نے کہا: اے ام المومین ! وہ خاصیتیں کون کون سی ہیں ؟ ام المومنین حضرت عائشہ رضی اللہ عنہا نے فرمایا : ٭فرشتہ میری تصویر رسول اللہ صلی اللہ علیہ و آلہ و سلم کے پاس لایا ۔ ٭ رسول اللہ صلی اللہ علیہ و آلہ و سلم نے مجھ سے نکاح کیا ، اس وقت میری عمر 7 برس تھی ۔ ٭ میری رخصتی عمل میں آئی تو اس وقت میری عمر 9 برس تھی ۔ ٭ حضور صلی اللہ علیہ و آلہ و سلم کی ازواج کنواری صرف میں ہوں۔ ٭ حضور صلی اللہ علیہ و آلہ و سلم اور میں ایک لحاف میں ہوتے تھے اور عین اس حال میں آپ صلی اللہ علیہ و آلہ و سلم پر وحی نازل ہوا کرتی تھی ۔ ٭ رسول اللہ صلی اللہ علیہ و آلہ و سلم سب سے زیادہ مجھ سے محبت کرتے تھے ۔ ٭ میرے حق میں قرآن کریم کی آیات نازل ہوئیں جبکہ لوگ ہلاک ہونے کے قریب ہو چکے ہیں ۔ ٭ میں نے حضرت جبرائیل امین علیہ السلام کی زیارت کی ہے ۔ ٭ آپ صلی اللہ علیہ و آلہ و سلم کا وصال میرے حجرے میں ہوا،اس وقت ملک الموت کے علاوہ صرف میں ہی آپ صلی اللہ علیہ و آلہ و سلم کے پاس تھی ۔ یہ حدیث صحیح الاسناد ہے لیکن شیخین رحمتہ اللہ علیہ نے اس کو نقل نہیں کیا۔
Al Mustadrak Al Hakim Al Sahihain · The Book of Knowledge of the Companions, may God be pleased with them › Male Sahaabiyaat of the Messenger of Allah pairs peace be upon him, and others may Allah be pleased about them, the first of them to begin friendly girl friend Aisha girl Abu Bakr, may Allah be pleased · Hadith 6730
المستدرك على الصحيحين · كِتَابُ مَعْرِفَةِ الصَّحَابَةِ رَضِيَ اللَّهُ عَنْهُمْ ‹ مِنْ كِتَابِ الْهِجْرَةِ الْأُولَى إِلَى الْحَبَشَةِ · حديث 4843
ام المومنین حضرت عائشہ رضی اللہ عنہا ارشاد فرماتی ہیں کہ نبی اکرم ﷺ پر وحی کا آغاز سچی خوابوں کے ذریعے ہوا، آپ جوخواب بھی دیکھتے وہ پورا ہو جاتا تھا، پھر آپ کے دل میں گوشہ نشینی کی محبت ڈال دی گئی ، آپ غار حراء میں تشریف لے جاتے اور کئی کئی راتیں وہاں عبادت الٰہی میں مشغول رہتے، حتی کہ اسی غار میں فرشتہ آپ کے پاس آیا، اس نے کہا: پڑھئے ! میں نے کہا: میں نہیں پڑھوں گا۔ اس نے مجھے پکڑ کر سینے سے لگا کر زور سے دبایا، جب مجھے تکلیف محسوس ہونے لگی تو اس نے مجھے چھوڑ دیا، پھر کہا: پڑھئے: "﴿اقْرَأْ بِاسْمِ رَبِّكَ الَّذِي خَلَقَ١ خَلَقَ الْإِنْسَانَ مِنْ عَلَقٍ٢ اقْرَأْ وَرَبُّكَ الْأَكْرَمُ٣ الَّذِي عَلَّمَ بِالْقَلَمِ٤ عَلَّمَ الْإِنْسَانَ مَا لَمْ يَعْلَمْ٥﴾[العلق: 1-5]"پڑھو اپنے رب کے نام سے جس نے پیدا کیا آدمی کو خون کی پھٹک سے بنایا پڑھو اور تمہارا رب ہی سب سے بڑا کریم جس نے قلم سے لکھنا سکھایا آدمی کو سکھایا جو نہ جانتا تھا"۔ (ترجمہ کنز الایمان، امام احمد رضا رحمۃ اللہ علیہ)۔ آپ وہاں سے کانپتے ہوئے واپس حضرت خدیجہ رضی اللہ تعالیٰ عنہا کے پاس تشریف لائے، اور فرمایا: مجھے کمبل اوڑھا دو، مجھے کمبل اوڑھا دو، اہل خانہ نے آپ ﷺ کو کمبل اوڑھا دیا، آہستہ آہستہ آپ کی وہ کیفیت ختم ہو گئی تو آپ ﷺ نے حضرت خدیجہ رضی اللہ تعالیٰ عنہا سے کہا: میرے قریب آؤ، پھر حضور ﷺ نے ان کو تمام واقعہ سنایا، اور فرمایا: مجھے تو آپ پر خوف آ رہا ہے ۔ ام المومنین حضرت خدیجہ رضی اللہ تعالیٰ عنہا نے کہا: ہر گز نہیں، بلکہ آپ کو تو خوش ہونا چاہئے ، خدا کی قسم اللہ تعالیٰ آپ کو کبھی رسوا نہیں کرے گا۔ آپ صلہ رحمی کرتے ہیں، سچ بولتے ہیں، مشکل میں لوگوں کے کام آتے ہیں، مہمان نوازی کرتے ہیں، لوگوں کی حاجت روائی کرتے ہیں۔ پھر حضرت خدیجہ رضی اللہ تعالیٰ عنہا حضور ﷺ کو اپنے ہمراہ اپنے چچا زاد بھائی حضرت ورقہ بن نوفل بن اسد بن عبدالعزی بن قصی رضی اللہ تعالیٰ عنہ کے پاس لے گئیں۔ ورقہ بن نوفل زمانہ جاہلیت میں نصرانی مذہب پر عمل پیرا تھے، آپ عربی لکھنا پڑھنا جانتے تھے اور انجیل مقدس کا عربی میں ترجمہ بھی کیا کرتے تھے۔ یہ کافی بوڑھے تھےاور اس وقت ان کی بینائی بھی جواب دے چکی تھی۔ ام المومنین حضرت خدیجہ رضی اللہ تعالیٰ عنہا نے ورقہ بن نوفل سے کہا: اے میرے چچا کے بیٹے ! ذرا اپنے بھتیجے کی بات غور سے سنئے۔ حضرت ورقہ بن نوفل رضی اللہ تعالیٰ عنہ نے کہا: اے میرے بھتیجے! تم نے کیا دیکھا ہے؟تو رسول اللہ صلی اللہ علیہ وآلہ وسلم نے جو کچھ دیکھا تھا سب کہہ سنایا۔ تو حضرت ورقہ بن نوفل رضی اللہ تعالیٰ عنہ نے کہا: یہ وہی فرشتہ ہے جو حضرت موسیٰ علیہ السلام پر نازل ہوا کرتا تھا۔ یہ حدیث امام بخاری رحمۃ اللہ علیہ اور امام مسلم رحمۃ اللہ علیہ کے مطابق صحیح ہے لیکن شیخین رحمۃ اللہ علیہما نے اسے نقل نہیں کیا۔
Al Mustadrak Al Hakim Al Sahihain · The Book of Knowledge of the Companions, may God be pleased with them › From the Book of the First Hijra to Habash · Hadith 4843
المستدرك على الصحيحين · كِتَابُ الدُّعَاءِ، وَالتَّكْبِيرِ، وَالتَّهْلِيلِ، وَالتَّسْبِيحِ وَالذِّكْرِ ‹ بَابُ التَّأْمِينِ · حديث 1961
حضرت عمر بن خطاب رضی اللہ عنہ فرماتے ہیں : جب رسول اللہ صلی اللہ علیہ وسلم پروحی نازل ہوا کرتی تھی تو ہمیں آپ کے چہرہ اطہر سے شہد کی مکھی کی بھنبھناہٹ کی آواز سنائی دیا کرتی تھی ۔ ایک دن آپ پر وحی نازل ہوئی تو آپ صلی اللہ علیہ وسلم نے تھوڑی دیر کے لئے ہم سے گفتگو بند کر دی ( جب وحی کا سلسلہ ختم ہواتو) قبلہ رو ہوکر ہاتھ بلند کئے اور یوں دعا مانگی’’اے اللہ ! ہمیں زیادہ کر اور کم نہ کر ہمیں عزت دے، ذلت نہ دے، اور ہمیں عطافرما اور ہمیں محروم نہ ر کھ اورہمیں غلبہ عطا فرما اور ہمیں مغلوب نہ کر اور ہم سے راضی ہو جا اور ہمیں راضی کر‘‘۔ پھر آپ صلی اللہ علیہ وسلم نے فرمایا: میرے او پر دس آیتیں نازل ہوئی ہیں جوشخص ان کو پابندی سے پڑھتار ہے گا۔(ان پرعمل کرے گا وہ جنت میں داخل ہو گا پھر آپ نے’’قد افلح المؤمنون ‘‘سے دس آیتیں پڑھیں ۔عبدالرزاق فرماتے ہیں : اس یونس بن سلیم کے چچا گورنر تھے ( یونس ) فرماتے ہیں انہوں نے مجھے یونس بن یزید کے پاس بھیجا تا کہ وہ مجھے احادیث کی املاءکروادے۔ یہ حدیث صحیح الاسناد ہے لیکن امام بخاری رحمتہ اللہ اورامام مسلم رحمتہ اللہ نے اس کونقل نہیں کیا۔
يُونُسُ بْنُ سُلَيْمٍ، ← عَبْدُ الرَّزَّاقِ، ← أَبِي ← عَبْدُ اللَّهِ بْنُ أَحْمَدَ بْنِ حَنْبَلٍ ← عَبْدُ الرَّزَّاقِ، وَأَنْبَأَ أَحْمَدُ بْنُ جَعْفَرٍ الْقَطِيعِيُّ، ← إِسْحَاقُ بْنُ إِبْرَاهِيمَ بْنِ عَبَّادٍ ← أبو عبد الله محمد بن علي الصنعاني
Al Mustadrak Al Hakim Al Sahihain · The book of supplication, takbeer, exultation, praise and remembrance › Insurance section · Hadith 1961
ام المومنین حضرت عائشہ رضی اللہ عنہا فرماتی ہیں کہ حضرت حارث بن ہشام رضی اللہ عنہ نے رسول اللہﷺ سے پوچھا : یارسول اللہﷺ آپ پر وحی کس طرح نازل ہوتی ہے ؟رسول اللہﷺ نے فرمایا : گھنٹی بجنے کی آواز کی طرح ۔ اور جب وہ مجھ سے ختم ہوتی ہے تو میں اس کو یاد کر چکا ہوتا ہوں ، اور یہ کیفیت مجھ پر بہت بھاری ہوتی ہے ۔ اور کبھی کبھی فرشتہ انسانی شکل میں آتا ہے اور مجھ سے ہمکلام ہوتا ہے تو میں اس کی باتوں کو یاد کر لیتا ہوں ۔(امام حاکم کہتے ہیں ) میں نہیں جانتا کہ عامر بن صالح کے علاوہ راوی نے اس کی سند میں کہا ہو ام المومنین حضرت عائشہ رضی اللہ عنہا روایت کرتی ہیں حارث بن ہشام سے ۔ البتہ ہشام کے کئی ساتھیوں نے ان ع کے والد کے حوالے بیان کیا ہے کہ ام المومنین نے روایت کیا ہے کہ حارث بن ہشام رضی اللہ عنہ نے رسول اللہﷺ سے یہ سوال کیا تھا ۔
Al Mustadrak Al Hakim Al Sahihain · The Book of Knowledge of the Companions, may God be pleased with them › Mentioning of al-Harith bin Hisham al-Makhzoumi, may God be pleased with him · Hadith 5213
المستدرك على الصحيحين · كِتَابُ الْبُيُوعِ ‹ ذِكْرُ فَضَائِلِ سُوَرٍ، وآيٍ مُتَفَرِّقَةٍ · حديث 2328
حضرت ابو ہریرہ رضی اللہ عنہ سے روایت ہے رسول اللہ صلی اللہ علیہ وسلم جب فتح مکہ کے لیے روانہ ہوئے تو ابوہریرہ رضی اللہ عنہ سے کہا کہ انصار کو بلاؤ ، ابو ہریرہ رضی اللہ عنہ نے آواز دی اے انصار یو ! رسول اللہ صلی اللہ علیہ وسلم کے پاس آؤ تو وہ سب لوگ ( اتنی جلدی ) آ گئے گویا کہ انہوں نے پہلے سے وعدہ کر رکھا تھا ، آپ صلی اللہ علیہ وسلم نے فر مایا اس راستے سے چلو اور راستے میں جو بھی ملے اسے امن دو پھر رسول اللہ صلی اللہ علیہ وسلم روانہ ہو گئے اور اللہ تعالیٰ نے آپ کو فتح مکہ سے سرفراز فرمایا : آپ صلی اللہ علیہ وسلم نے کعبہ اللہ کا طواف کیا اور دورکعت نوافل ادا کئے پھر کوہ صفا سے متصل دروازے سے باہر نکلے اور کوہ صفا پر چڑھ کر لوگوں کو خطبہ دیا اس وقت انصاری لوگ آپ کے قریب ہی تھے انصاری ایک دوسرے سے باتیں کرنے لگے کہ آدمی بحر حال اپنی قوم پر ہی نرمی کرتا ہے اور اپنے علاقے میں دلچسپی لیتا ہے ۔ اللہ تعالیٰ نے انصاریوں کی یہ گفتگو وحی کے ذریعے رسول اللہ صلی اللہ علیہ وسلم کو بتا دی آپ صلی اللہ علیہ وسلم نے فرمایا اے انصاریو ! تم یہ کہتے ہو کہ آدمی اپنی قوم پر نرمی کر ہی لیتا ہے اور اپنے علاقے میں دلچسپی لیتا ہے ۔ آپصلی اللہ علیہ وسلم نے فرمایا تو میں کون ہوں ؟ خدا کی قسم ! میں اللہ کا بندہ اور اس کا سچا رسول ہوں میرا جینا تمہارا ساتھ ہے اور میرا مرنا تمہارے ساتھ ہے ۔ انصاریوں نے جواباً کہا یا رسول اللہ صلی اللہ علیہ وسلم ہم نے تو یہ بات صرف اس خوف کی وجہ سے کی ہے کہیں وہ ہم سے دشمنی نہ کریں آپ صلی اللہ علیہ وسلم نے فرمایا تم اللہ اور اس کے رسول اللہ صلی اللہ علیہ وسلم کی نظر میں سچے ہو ( ابو ہریرہ ) فرماتے ہیں : خدا کی قسم ! ( اس دن لوگ اس قدر روئے) کہ آنسوؤں کے ساتھ ہر شخص کا دامن تر ہو گیا ( ان میں سے ایک حدیث یہ بھی ہے )۔
أَبِي هُرَيْرَةَ، ← عَبْدِ اللهِ بْنِ رَبَاحٍ ← ثَابِتٍ، ← سَلَامُ بْنُ مِسْكِينٍ، ← مُحَمَّدُ بْنُ الْفَضْلِ عَارِمٍ، وَهُدْبَةَ بْنِ خَالِدٍ، ← أبو بكر بن إسحاق الفقيه أنبأ علي بن عبد العزيز ← مَا
Al Mustadrak Al Hakim Al Sahihain · The Book of Sales › Mentioning the virtues of Surah, and the verses that are separated · Hadith 2328
محمد بن عمر نے بھی ان کا نسب اسی طرح بیان کیا ہے اور اس میں یہ اضافہ بھی ہے" اور آپ ستر انصاری صحابہ رضوان اللہ علییہم اجمعین کے ہمراہ بیعت عقبہ میں بھی شریک ہوئے، آپ ﷺ کےلئے وحی لکھا کرتے تھے۔آپ کے دور وفات میں اختلاف پایا جاتا ہے ، کچھ لوگوں کا کہنا ہے کہ آپ حضرت عمر رضی اللہ عنہ کے دور خلافت میں 26 ہجری میں فوت ہوئے اور بعض لوگوں کا موقف یہ ہے کہ آپ حضرت عثمان غنی رضی اللہ عنہ کے دور خلاف میں سن 30 ہجری میں فون ہوئے۔ (امام حاکم کہتے ہیں کہ ) دونوں میں سے یہ دوسرا مؤقف زیادہ مضبوت ہے کیونکہ یہ بات بھی ثابت ہے کہ حضرت عثمان رضی اللہ عنہ نے ان کی قرآن جمع کرنے کی ذمہ داری لگائی تھی۔
Al Mustadrak Al Hakim Al Sahihain · The Book of Knowledge of the Companions, may God be pleased with them › Mentioning the virtues of Abu Bin Kaab, may God be pleased with him · Hadith 5313
المستدرك على الصحيحين · كِتَابُ قِتَالِ أَهْلِ الْبَغْيِ وَهُوَ آخِرُ الْجِهَادِ ‹ ذِكْرُ فَضَائِلِ سُوَرٍ، وآيٍ مُتَفَرِّقَةٍ · حديث 2656
حضرت عبداللہ بن عباس رضی اللہ تعالی عنہ فرماتے ہیں: جب خوارج نے بغاوت کی تو وہ ایک حویلی میں جمع ہوئے ، اس وقت ان کی تعداد چھ ہزار تھی ۔ میں حضرت علی رضی اللہ تعالی عنہ کے پاس آیا اور کہا: : اے امیر المومنین رضی اللہ تعالی عنہ آج ظہر کی نماز ذرا تا خیر سے پڑھائیے گا۔ میں ارادہ رکھتا ہوں کہ ان لوگوں کے پاس آکر ان سے مذاکرات کروں ۔آپ نے فرمایا: : مجھے تیرے بارے میں خدشہ ہے۔ (کہ یہ لوگ تجھے کوئی نقصان نہ پہنچا دیں)میں نے کہا:: ایسا نہیں ہوگا (ابن عباس رضی اللہ تعالی عنہ فرماتے ہیں: ) میں بہت ہی قیمتی یمنی جبہ زیب تن کرکے ان کی طرف روانہ ہوا ۔ ابو زمیل فرماتے ہیں: : ابن عباس رضی اللہ تعالی عنہ بہت خوبصورت نوجوان تھے ۔ابن عباس رضی اللہ تعالی عنہ فرماتے ہیں: میں ان کے پاس آیا اس وقت وہ اس حویلی میں موجود باتیں کر رہے۔ تھے ۔ میں نے ان کو سلام کیا انہوں نے جواباً مجھے خوش آمدید کہا: ۔ یہ کیسا جبہ ہے۔ ؟ میں نے کہا: تم اس کی وجہ سے مجھ پر کیوں عیب لگا رہے۔ ہو ؟ میں نے رسول اللہ صلی اللہ علیہ وسلم کو اس سے بھی زیادہ قیمتی جبہ پہنے دیکھا ہے۔ اور قرآن کریم کی اس آیت میں اس کی اجازت بھی موجود ہے۔ : ﴿قُلْ مَنْ حَرَّمَ زِينَةَ اللَّهِ الَّتِي أَخْرَجَ لِعِبَادِهِ وَالطَّيِّبَاتِ مِنَ الرِّزْقِ ﴾ [الأعراف: 32] ’’تم فرماؤ کس نے حرام کیا اللہ کی وہ زینت جو اس نے اپنے بندوں کے لئے نکالی اور پاک رزق ‘‘ (ترجمہ کنزالایما ن ، امام احمد رضا ) ۔ وہ کہنے لگے تم کہنے کیا آئے ہو ؟ میں نے کہا: : میں تمہارے پاس مہاجرین اور انصار صحابہ کرام رضی اللہ تعالی عنہ کی پاس سے آیا ہوں تا کہ تمہارے پاس ان کی جانب سے جو خبر یں پہنچ رہی ہیں ، ان کی حقیقت ہے۔ حال تم تک پہنچاؤں ۔ان لوگوں کی موجودگی میں قرآن نازل ہوا ہے۔ اور وہ لوگوں وحی کو تم سے بہتر جانتے ہیں اور ان کے متعلق ہیں یہ حکم نازل ہوا ہے۔ اور تم میں ان میں سے کوئی نہیں ہے۔ ۔تو ایک شخص بولا : تم قریش سے بلاوجہ مت جھگڑو ۔کیونکہ قرآن کہتا ہے۔ : ﴿ بَلْ هُمْ قَوْمٌ خَصِمُونَ﴾ [الزخرف: 58] ’’ بلکہ وہ ہیں ہی جھگڑالو لوگ ‘‘ ۔ ابن عباس رضی اللہ تعالی عنہ فرماتے ہیں: :میں ایسی قوم کے پاس آیا ہوں کہ ان سے بڑھ کر اجتہاد کی صلاحیت رکھنے والا میں نے کسی قوم کو نہیں پایا ۔شب بیداریوں کی وجہ سے ان کی چہرہ کی رنگت بدلی ہوئی تھی ۔یوں لگتا تھا کہ ان کے ہاتھ اور پاؤں ان کی تعریف کر رہے۔ ہیں ،ان میں سے بعض نے کہا: :ہمیں اس کے ساتھ گفت و شنید ضرور کرنی چاہیے تاکہ اس کے نظریات ہم پر آشکار ہو ں، لیکن میں نے کہا: : تم مجھے یہ بات بتاؤ کہ تمہیں رسول اللہ صلی اللہ علیہ وآلہ وسلم کے چچا زاد بھائی ، ان کے داماد اور مہاجرین و انصار پر کیا اعتراض ہے۔ ؟ انہوں نے کہا: : (ہمیں ان پر ) تین اعتراض ہیں۔ میں نے پوچھا : وہ کیا ؟ انہوں نے کہا: : پہلا تو یہ ہے۔ کہ انہوں نے اللہ تعالی کی بادشاہی میں بندوں کو حاکم بنا دیا ہے۔ جب کہ اللہ تعالی نے فرمایا: : ﴿ إِنِ الْحُكْمُ إِلَّا لِلَّهِ ﴾ [يوسف: 40] ’’حکم نہیں مگر اللہ کا ‘‘ ( ترجمہ کنزالایمان ، امام احمد رضا ) بندوں کا امر سے کیا تعلق ؟ میں نے کہا: یہ تو ایک ہوا ۔انھوں نے کہا: دوسرا یہ ہے۔ کہ انہوں نے جنگ کی ہے۔ لیکن نہ تو کسی کو قیدی بنایا اور نہ مال غنیمت حاصل کیا ۔ یہ جن سے لڑ رہے۔ ہیں اگر وہ کافر ہیں تو ان کو قیدی بنانا اور ان کا مال غنیمت لینا جائز ہوتا اور اگر وہ مومن ہیں تو ان سے جہاد جائز نہیں ۔میں نے کہا: : دو ہوگئے ۔تیسرا اعتراض کیا ہے۔ ؟ انہوں نے کہا:: (تیسری بات یہ ہے۔ کہ ) انہوں نے اپنے نام سے لفظ ’’ امیرالمومنین ‘‘ ہٹا دیا ہے۔ ، اس کا مطلب تو یہ ہوا کہ یہ ’’امیر الکافرین ‘‘ ہوئے ۔میں نے کہا: : اس کے علاوہ آپ لوگوں کے کوئی تحفظات ہو تو وہ بھی بتا دو ۔ انہوں نے کہا: ہمارے اعتراضات یہی تھے ۔میں نے ان سے کہا: اگر میں قرآن پاک کی وہ آیات اور نبی اکرم صلی اللہ علیہ وسلم کی وہ حدیث سنا دو ں جس سے تمہارے موقف کی تردید ہوتی ہے۔ تو کیا مان لو گے ؟ انہوں نے کہا: : جی ہاں ۔ میں نے کہا: جو تم نے یہ اعتراض کیا ہے۔ کہ بندوں کو حاکم بنا دیا ہے۔ اس سلسلے میں میں تمہیں ایک آیت سناتا ہوں جس میں خرگوش وغیرہ کے شکار کے متعلق ربع درہم کے آٹھ ویں حصے میں بندوں کو حاکم بنایا گیا ہے۔ ۔ وہ آیت یہ ہے۔ ’’ یا ایھا الزین امنو ا لا تقتلو ا الصید و انتم حرم الی قولہ یحکم بہ ذوا عدل منکم‘‘ ۔اے ایمان والو شکار نہ مارو جب تم احرام میں ہو اور تم میں سے جو اسے قصداً قتل کرے تو اس کا بدلہ یہ ہے۔ کہ ویسا ہی جانور مویشی سے دے تم میں کے دو ثقہ آدمی اس کا حکم کریں ۔(ترجمہ کنزالایمان امام احمد رضا ) میں تمہیں اللہ کی قسم دے کر پوچھتا ہوں کہ بندوں کا خرگوش وغیرہ کے شکار کے متعلق حاکم بننا افضل ہے۔ یا ان کے خونوں اور ان کے درمیان اصلاح کا حاکم بنا زیادہ افضل ہے۔ ؟ اور تم یہ بھی جانتے ہو کہ اگر اللہ تعالی چاہتا تو ان میں خود ہی فیصلہ کر دیتا اور ان کو دوسروں کے سپرد نہ کرتا ۔ نیز اللہ تعالی نے مرد اور عورت کے متعلق فرمایا: : ﴿وَإِنْ خِفْتُمْ شِقَاقَ بَيْنِهِمَا فَابْعَثُوا حَكَمًا مِنْ أَهْلِهِ وَحَكَمًا مِنْ أَهْلِهَا إِنْ يُرِيدَا إِصْلَاحًا يُوَفِّقِ اللَّهُ بَيْنَهُمَا إِنَّ اللَّهَ كَانَ عَلِيمًا خَبِيرًا﴾ [النساء: 35]اور اگر تم کو میاں بیوی کے جھگڑے کا خوف ہو تو ایک پہنچ مرد والوں کی طرف سے سے اور 15 عورت والوں کی طرف سے یہ دونوں صلح کرانا اگر چاہے۔ اللہ تعالی ان میں رجحان پیدا کر دے گا ترجمہ کنزالایمان امام احمد رضا رضا تو اللہ تعالی کے بندوں کو حکم بنانا سنت ہے۔ مامون قرار دیا ہے۔ جو ان کو اس مشکل سے نکال سکتا ہے۔ انہوں نے کہا: کیا ہے۔ کہ یہ جنگ کر رہے۔ ہیں لیکن نہ کہہ دیں بنا رہے۔ ہیں نہ مال غنیمت کیا تم اپنی اماں عائشہ رضی اللہ تعالی عنہ کو قیدی بنایا گے اور پھر ان کے ساتھ وہ سلوک کروگے آگے جو ایک قیدی خاتون کے ساتھ کرنا جائز ہے۔ اگر تم ایسا کرو گے تو تم کافر ہو جاؤ گے کیونکہ وہ تمہاری ماں ہے۔ اور ان کے ایمان کا انکار کرو تو بھی تمہیں کافر ہوگئے کیونکہ اللہ تعالی نے ارشاد فرمایا: ہے۔ یہ نبی مسلمانوں کا ان کی جان سے زیادہ مالک ہے۔ اور اس کی بیویاں ان کی ماں ہے۔ ہے۔ ترجمہ کنجری امام احمد رضا تو تم لوگ دو گمراہیوں کے درمیان گھوم رہے۔ ہو ان میں سے کسی کی طرف بھی جاؤں بہرحال گمراہی ہیں تمہارا مقدر ہے۔ ہے۔ میری یہ دلیل سن کر انہوں نے ایک دوسرے کی طرف دیکھا میں نے کہا: میں نے تمہارے دوسرے اعتراض کا بھی جواب دے دیا انہوں نے کہا: جی ہاں میں نے کہا: اور تمہارا یہ اعتراض تھا کہ انہوں نے اپنے نام سے امیر المومنین کا نام ہٹا دیا ہے۔ تو میں تمہیں ایسی شخصیت کی بات بتاتا ہوں سب لوگ راضی ہو اور میرا خیال ہے۔ کہ تم لوگوں نے سن رکھا ہوگا کہ صلح حدیبیہ کے موقع پر رسول اکرم صلی اللہ علیہ وآلہ وسلم نے سہیل بن عمرو رضی اللہ تعالی عنہ اور ابو سفیان بن حرب اللہ تعالی عنہ کی طرف جو محبوب لکھا تھا ہم نے امیرالمومنین سے فرمایا: تھا اے علی لکھو یہ وہ معاہدہ ہے۔ جس پر محمد رسول اللہ صلی اللہ علیہ وآلہ وسلم نے صلح کی ہے۔ ہے۔ اس پر مشرکین نے اعتراض کیا کہ نہیں خدا کی قسم ہم آپ کو رسول اللہ نہیں مانتے اگر ہم آپ کو رسول اللہ مانتے ہوتے تو تمہارے ساتھ جنگ کیوں کرتے تو رسول اللہ صلی اللہ علیہ و آلہ و سلم بولے اے اللہ تو جانتا ہے۔ کہ میں رسول اللہ تعالی اس کی عبارت یوں کر دو یہ وہ معاہدہ ہے۔ جس پر پر محمد بن عبداللہ نے صلح کی کی تو خدا کی قسم رسول اللہ صلی اللہ علیہ وسلم علی سے کہیں افضل ہے۔ لیکن جب آپ نے اپنے نام سے رسول اللہ مٹا دیا تو آپ صلی اللہ علیہ وسلم کی رسالت ختم نہیں ہوئی وی عبداللہ بن عباس رضی اللہ تعالی عنہ فرماتے ہیں: میری یہ گفتگو سن کر دو ہزار آدمیوں نے ان کی جماعت سے رجوع کرلیا اور باقی سب گمراہی پر قتل ہوئے ہوئے یہ حدیث امام مسلم رحمتہ اللہ علیہ کے معیار کے مطابق صحیح ہے۔ صحیحین میں نقل نہیں کیا گیا
عَبْدِ اللَّهِ بْنِ عَبَّاسٍ، ← أَبُو زُمَيْلٍ سِمَاكٌ الْحَنَفِيُّ، ← عِكْرِمَةُ بْنُ عَمَّارٍ الْعِجْلِيُّ ← عمر بن يونس بن القاسم اليمامي ← أَبُو أُمَيَّةَ مُحَمَّدُ بْنُ إِبْرَاهِيمَ الطَّرَسُوسِيُّ ← أبو العباس محمد بن يعقوب من أصل كتابه،
Al Mustadrak Al Hakim Al Sahihain · The Book of Fighting the People of the Badghi, which is the last of jihad › Mentioning the virtues of Surah, and the verses that are separated · Hadith 2656
المستدرك على الصحيحين · كِتَابُ التَّفْسِيرِ ‹ ذِكْرُ فَضَائِلِ سُوَرٍ، وآيٍ مُتَفَرِّقَةٍ · حديث 2872
حضرت ابو موسی اشعری رضی اللہ عنہ فرماتے ہیں : ہم نے اس مسجد ( بصرہ کی مسجد ) میں قرآن کی تعلیم حاصل کی ہے ، ہم حلقے بنا کر بیٹھا کرتے تھے اور ان کا دو سفید کپڑوں میں ملبوس ہونا آج بھی میری نظروں میں اسی طرح ہے اور انہی سےمیں نے "اقرا باسم ربک الذی خلق " سورت پڑھی تھی ۔ انہوں نے فرمایا : محمد ﷺ پر نازل ہونے والی یہ سب سے پہلی سورت ہے ۔ یہ حدیث امام بخاری رحمۃاللہ علیہ اور اما م مسلم رحمۃاللہ علیہ کے معیار کے مطابق صحیح ہے لیکن شیخین رحمۃاللہ علیہ نے اسے نقل نہیں کیا ۔ درج ذیل حدیث مذکورہ حدیث کی شاہد ہے جو کہ امام مسلم رحمۃاللہ علیہ کے معیار کے مطابق "صحیح الاسناد " ہے ۔
حضرت ابن عباس رضی اللہ عنہ فرماتے ہیں : ،میں نے حضرت عثمان بن عفان رضی اللہ عنہ سے پوچھا : آپ نے سورہ انفال اور براۃ کو ایک دوسری کے ساتھ کیوں ملا دیا ؟ اور ان کے درمیان ایک سطر بسم اللہ الرحمن الرحیم نہیں لکھی ، حالانکہ انفال "مثانی" میں سے ہے اور براۃ "مئین" میں سے ہے ( مثانی ان سورتوں کو کہتے ہیں جن کی آیات کی 100سے کم ہیں اور مئین ان سورتوں کو کہا جاتا ہے جن کی آیات کی تعداد 100 سے زیادہ ہے ، شفیق ) اور آپ نے اس کو طوال مفصل میں شامل کیا ہے ۔ اس کی وجہ کیا ہے ؟ حضرت عثمان رضی اللہ عنہ نے جواباً فرمایا :رسول اللہ ﷺ پر ایک وقت میں متعدد سورتوں کا نزول بھی ہوا کرتا تھا چنانچہ جب کوئی آیت نازل ہو تی تو آپ ﷺ کاتب بلوا کر بتا دیا کرتے تھے کہ اس آیت کو فلاں سورۃ میں درج کر دو ، جس میں فلاں فلاں مفہوم مذکور ہے ۔ کوئی دوسری آیت نازل ہو تی تو آپ اس کے متعلق بھی راہنمائی فرما دیا کرتے تھے کہ اس آیت کو فلاں سورۃ میں درج کر دو جس میں فلاں فلاں ذکر موجود ہے اور سورہ انفال مدینہ المنورہ میں ابتدائی ایام میں بازل ہوئی تھی جبکہ سورۃ براۃ نزول قرآن کے بلاکل اختتام میں نازل ہوئی ہے اور ان دونوں سورتوں کے مفاہیم بھی ایک دوسری سے ملتے جلتے ہیں اور رسول اللہﷺ نے اپنے آخری وقت تک اس بات کی وضاحت نہیں کی تھی کہ ان میں سے کون سی آیت کس سورۃ سے تعلق رکھتی ہے اس لئے میں ان دونوں کے درمیان" بسم اللہ الرحمن الرحیم" نہیں لکھی اور دونوں کو متصل کر دیا ۔
حضرت ابو ہریرہ رضی اللہ عنہ فرماتے ہیں : جب رسول اللہﷺ پر وحی نازل ہوا کرتی تھی تو جب تک وحی نازل ہوتی رہتی ، اس وقت تک ہم میں سے کسی میں بھی ہمت نہ ہوتی تھی کہ آپ کے چہرہ اطہر کی طرف نظر اٹھا کر دیکھ سکیں ۔ یہ حدیث امام مسلم رحمۃاللہ علیہ کے معیار کے مطابق صحیح ہے لیکن شیخین رحمۃاللہ علیہ نے ااے نقل نہیں کیا ۔
حضرت زید بن ثابت رضی اللہ عنہ فرماتے ہیں : ہم رسول اللہ ﷺ کی موجودگی مین کاغذ یا چمڑے کے ٹکڑوں پر قرآن جمع کیا کرتے تھے ، ایک دفعہ رسول اللہ ﷺ نے فرمایا : شام کے لئے خوشخبری ہے ، ہم نے پوچھا : کس بناء پر ؟ آپ ﷺ نے فرمایا : ان پر رحمت کے فرشتے اپنے پر پھیلاتے ہیں ۔ یہ حدیث اما م بخاری رحمۃ اللہ علیہ اور امام مسلم رحمۃ اللہ علیہ کے معیار کے مطابق صحیح ہے لیکن شیخین رحمۃ اللہ علیہما نے اسے نقل نہیں کیا ۔ اور اس حدیث مین یہ واضح بیان موجود ہے کہ قرآن پاک صرف ایک دفعہ ہی جمع نہیں کیا گیا اس کا کچھ حصہ تو خود رسول اللہﷺ کی موجودگی میں جمع کر لیا گیا تھا ، پھر حضرت ابو بکر صدیق رضی اللہ عنہ کے زمانے میں جمع کیا گیا اور تیسری دفعہ جب سورتوں کی ترتیب کے ساتھ اس کی تالیف ہو ئی ہے وہ حضرت عثمان غنی رضی اللہ عنہ کی خلافت میں ہوا ہے ۔
امام بخاری رحمۃ اللہ علیہ اور امام مسلم رحمۃ اللہ علیہ نے اپنی اپنی مسند میں ایسی متفرق احادیث نقل کی ہیں جو اس بات پر دلالت کرتی ہیں کہ "لمس" سے مراد " جماع" نہیں ہے۔ان میں سے ایک حدیث ابوہریرہ رضی اللہ عنہ سے مروی ہے ( جس میں ہے کہ ) ہاتھ کا زنا "لمس" ہے اور ابن عباسرضی اللہ عنہما کی حدیث ہے جس میں لعلک مسست کے الفاظ ہیں اور تیسری عبداللہ ابن مسعود رضی اللہ عنہ کی وہ روایت ہے جس میں اقم الصلواۃ طرفی النھار کے الفاظ ہیں۔ اب کچھ صحیح احادیث تفسیر کے حوالے سے باقی ہیں جن کو یہاں ذکر کرنا فائدہ سے خالی نہیں ہو گا۔ ان میں سے ایک حدیث تو یہ ہے۔
ابو سلمہ فرماتےہیں:حضرت عبداللہ بن عباس رضی اللہ تعالی عنہ نےحضرت زید بن ثابت رضی اللہ تعالی عنہ کی رکاب تھامی،حضرت زید بن ثابت نےکہا:اےرسول اللہﷺکےچچاکے بیٹےآپ ہٹ جایئے،لیکن ابن عباس نےکہا:ہم اپنے بڑوں اور اپنے علماء کاایسےہی احترام کیا کرتے ہیں۔یہ حدیث امام مسلمؒ کےمعیار کےمطابق صحیح الاسنادہے،لیکن شیخینؒ نےاس کونقل نہیں کیا۔نوٹ:حضرت زید بن ثابت کے مناقب کاحق تو یہ تھا کہ ان کےمناقب کاآغازقرآن جمع کرنےکےبارےمیں احادیث سےکیا جائے،کیونکہ ان کےسلسلہ میں بہت سارےفضائل ہیں۔لیکن کیونکہ امام بخاریؒ اور امام مسلمؒ نے وہ روایات نقل کردی ہیں،اس لئے میں نےان کو چھوڑدیا۔
Al Mustadrak Al Hakim Al Sahihain · The Book of Knowledge of the Companions, may God be pleased with them › The mention of the muqib Zayd ibn Thabit who wrote the Prophet, may God’s prayers and peace be upon him · Hadith 5785
المستدرك على الصحيحين · كِتَابُ الْأَدَبِ ‹ فَضْلُ كَافَّةِ الْعَرَبِ · حديث 7771
ام المومنین حضرت عائشہ رضی اللہ عنہا فرماتی ہیں : رسول اللہ صلی اللہ علیہ و آلہ وسلم ، حضرت خدیجہ رضی اللہ عنہا کو اکثر یاد کیا کرتے تھے میں نے کہا: قریش کی ایک بوڑھی خاتون کے وفات پانے کے بعد اللہ تعالیٰ نے اپ کو ایک خوبصورت دوشیزہ سے نواز ہے ۔ یہ سن کر رسول اللہ صلی اللہ علیہ و آلہ وسلم کے چہرے پر ناراضگی کے آثار نمودار ہوئے ، رسول اللہ صلی اللہ علیہ و آلہ وسلم کی یہ کیفیت نزول وحی کے وقت ہوا کرتی تھی ، یا اس وقت ہوتی تھی جب رعد و باراں ہوتی ، جب تک حضور صلی اللہ علیہ و آلہ وسلم کو یہ علم نہ ہو جاتا کہ یہ رعد اور برسات رحمت کی ہے یا عذاب کی ہے اس وقت تک آپ کی کیفیت بدستور وہی رہتی ۔ یہ حدیث امام بخاری رحمتہ اللہ علیہ اور امام مسلم رحمتہ اللہ علیہ کے معیار کے مطابق صحیح ہے لیکن امام بخاری رحمتہ اللہ علیہ اور امام مسلم رحمتہ اللہ علیہ نے اس کو نقل نہیں کیا۔
حضرت عبداللہ بن عباس رضی اللہ تعالیٰ عنہ فرماتے ہیں: رسول اللہ صلی اللہ علیہ و آلہ وسلم کے زمانے میں شراب خوروں کو ہاتھوں ، جوتوں اور ڈنڈوں سے مار پڑتی تھی، رسول اللہ صلی اللہ علیہ و آلہ وسلم کے ظاہری وصال کے بعد حضرت ابو بکر رضی اللہ تعالیٰ عنہ کی خلافت میں ، رسول اللہ صلی اللہ علیہ و آلہ وسلم کے زمانے سے زیادہ لوگ اس فعل میں مبتلا ہونے لگے، حضرت ابو بکر رضی اللہ تعالیٰ عنہ نے کہا: اگر ان کے لئے کوئی حد مقرر کر دی جائے (تو شاید اس جرم میں کمی واقع ہو جائے) چنانچہ جو لوگ رسول اللہ صلی اللہ علیہ و آلہ وسلم کے زمانے میں شراب نوشوں کو کوڑے مارا کرتے تھے، ان سے مشورہ کیا گیا (تو یہ بات سامنے آئی کہ ) حضرت ابو بکر رضی اللہ تعالیٰ عنہ ان کو 40 کوڑے مارا کرتے تھے۔ حضرت ابو بکر رضی اللہ تعالیٰ عنہ کےوصال کے بعد حضرت عمر رضی اللہ تعالیٰ عنہ بھی شراب خوروں کو 40 کوڑے ہی مارا کرتے تھے، آپ کے دور خلافت میں مہاجرین اولین میں سے ایک شخص کو شراب نوشی کے الزام میں آپ کے پاس لایا گیا، آپ نے اس کو کوڑوں کی سزا سنا دی ، اس صحابی نے اعتراض کر دیا کہ تم نے مجھے کوڑے کیوں مارے؟ جب کہ فیصلہ کرنے کے لئے آپ کے اور میرے درمیان اللہ کی کتاب موجود ہے، حضرت عمر رضی اللہ تعالیٰ عنہ نےفرمایا: تم کتاب اللہ کے کس حصہ میں یہ بات پاتے ہو کہ میں تجھے کوڑے نہ ماروں؟ انہوں نے کہا: اللہ تعالیٰ کا ارشاد ہے :"﴿لَيْسَ عَلَى الَّذِينَ آمَنُوا وَعَمِلُوا الصَّالِحَاتِ جُنَاحٌ فِيمَا طَعِمُوا إِذَا مَا اتَّقَوْا وَآمَنُوا وَعَمِلُوا الصَّالِحَاتِ ثُمَّ اتَّقَوْا وَآمَنُوا ثُمَّ اتَّقَوْا وَأَحْسَنُوا﴾"(المائدہ:93)" جو ایمان لائے اور نیک کام کئے ان پر کوئی گناہ نہیں جو کچھ انہوں نے چکھا جبکہ ڈریں اور ایمان رکھیں اور نیکیاں کریں پھر ڈریں ور ایمان رکھیں، پھر ڈریں اور نیک رہیں"۔ (ترجمہ کنز الایمان، امام احمد رضا رحمۃ اللہ علیہ) اور میں انہی لوگوں میں سے ہوں جو ایمان لائے، نیک عمل کئے، پھر پرہیز گاری اختیار کی، اور ایمان لائے ، پھر پرہیز گاری اختیار کی اور ایمان لائے۔ میں نے رسول اللہ صلی اللہ علیہ و آلہ وسلم کے ہمراہ جنگ بدر ، حدیبیہ ، جنگ خندق اور دیگر کئی غزوات میں شرکت کی ہے۔ حضرت عمر رضی اللہ تعالیٰ عنہ نے(اپنے قریب دیگر صحابہ کرام سے) فرمایا: یہ جو کچھ کہہ رہے ہیں، تم لوگ اس کا جوا نہیں دے سکتے؟ حضرت عبداللہ بن عباس رضی اللہ تعالیٰ عنہ بولے : یہ آیات تو سابقہ گناہوں کی معافی کے لئے نازل ہوئی ہیں، اور یہ آیات بعد والے گناہوں کے خلاف تو دلیل ہیں، اللہ تعالیٰ نے ارشاد فرمایا ہے :"﴿يَا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلَامُ رِجْسٌ مِنْ عَمَلِ الشَّيْطَانِ﴾" (المائدہ :90)" اے ایمان والو ، شراب ، جوا اور بت اور پانسے ناپاک ہی ہیں، شیطانی کام ، تو ان سے بچتے رہنا کہ تم فلاح پاؤ" (ترجمہ کنز الایمان، امام احمد رضا رحمۃ اللہ علیہ) یہ آیت ختم کرنے کے بعد آپ نے دوسری آیت پڑھی:"لیس علی الذین آمنو وعملو االصالحات جناح فیما طعموا اذا ما اتقو اوآمنو ا وعملو الصالحات ثم اتقو وآمنو ثم اتقو ا واحسنوا" "جو ایمان لائے اور نیک کام کئے ان پر کوئی گناہ نہیں جو کچھ انہوں نے چکھا جبکہ ڈریں اور ایمان رکھیں اور نیکیاں کریں پھرڈریں اور ایمان رکھیں ، پھر ڈریں اور نیک رہیں"۔ (ترجمہ کنز الایمان، امام احمد رضا رحمۃ اللہ علیہ) ۔ اللہ تعالیٰ نے شراب نوشی سے منع فرمایا ہے ، حضرت عمر رضی اللہ تعالیٰ عنہ نے فرمایا: تم نے سچ کہا۔ (پھر دوسرے لوگوں سے مخاطب ہو کرفرمایا) تمہارا کیا خیال ہے؟ حضرت علی رضی اللہ تعالیٰ عنہ نے فرمایا: ہمارا یہ خیال ہے کہ بندہ جب شراب پیتا ہے تو اسے نشہ آتا ہے ، اور جب نشہ آتا ہے تو ہذیان بکتا ہے ، اور جب ہذیان(اول فول) بکتا ہے تو جھوٹ بولتا ہے اور جھوٹ بولنے والے کی سزا 80 کوڑے ہیں۔چنانچہ حضرت عمر رضی اللہ تعالیٰ عنہ نے ان کو 80 کوڑے لگوائے۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔
حضرت جابر بن عبداللہ رضی اللہ عنہ فرماتے ہیں : رسول اللہ ﷺ وحی کے رک جانے کے متعلق بتا رہے تھے کہ میں نے کہا : مجھے چادر اوڑھا دو تو انہوں نے مجھے کمبل اوڑھا دیا تو اللہ تبارک و تعالی نے یہ آیت نازل فرمائی ،" یایھا المدثر قم فانذر و ربک فکبر وثیابک فطھر والرجز فاھجر " آپ نے فرمایا " رجز " بت ہیں ۔ یہ حدیث امام بخاری رحمتہ اللہ علیہ اور امام مسلم رحمتہ اللہ علیہ کےمعیار کے مطابق صحیح ہے لیکن شیخین رحمتہ اللہ علیہما نے اسے ان الفاظ کے ہمراہ نقل نہیں کیا ۔
Al Mustadrak Al Hakim Al Sahihain · Tafsir Book › The recitations of the Prophet, may God’s prayers and peace be upon him, of what he did not produce, and his chain of narration is correct · Hadith 2993
المستدرك على الصحيحين · كِتَابُ التَّفْسِيرِ ‹ تَفْسِيرُ سُورَةِ الْفَاتِحَةِ · حديث 3021
حضرت ابن عباس رضی اللہ عنہ نے اللہ تعالی کی ارشاد " الحمدللہ رب العالمین " ( الفاتحہ :1) کے متعلق فرمایا : ( العالمین سے مراد ) جنات اور انسان ہیں ۔ امام حاکم رحمتہ اللہ علیہ کہتے ہیں : تا کہ اس علم کا طالب یہ سمجھ لے کہ جس صحابی نے وحی اور نزول قرآن کا زمانہ پایا ہو اس کی تفسیر شیخین رحمتہ اللہ علیہما کے نزدیک مسند حدیث (کا درجہ رکھتی ) ہے۔
حضرت ابن عباس رضی اللہ عنہ فرماتے ہیں: خیبر کے یہودیوں کی قبیلہ غطفان کے ساتھ اکژ جنگ رہتی تھی ، لیکن جب بھی خیبر کے یہودی غطفان سے لڑتے تو شکست سے دو چار ہو تے ۔ پھر یہودیوں نے اس دعا کے ذریعے پناہ مانگنا شروع کی " اے اللہ ! ہم تجھ سے امی نبی محمد ﷺ کے واسطے سے پناہ مانگتے ہیں جن کو آخری زمانے میں مبعوث کرنے کا تو نے ہم سے وعدہ کر رکھا ہے ۔ یا اللہ ! تو ان کے خلاف ہماری مدد فرما " تو جب بھی وہ جنگ کرتے یہی دعا مانگتے ( اور اس دعا کی برکت سے ) "غطفان " کو شکست ہوئی لیکن جب نبی اکرم ﷺ کی بعثت ہوئی تو انہی کوگوں نے آپ ﷺ کا انکار کر دیا تو اللہ تعالی نے یہ آیت نازل فرمائی : ﴿ وَكَانُوا مِنْ قَبْلُ يَسْتَفْتِحُونَ عَلَى الَّذِينَ كَفَرُوا (الْكَافِرِين)َ٨٩﴾ [البقرة: 89]" اور اس سے پہلے اسی نبی کے وسیلے سے کافروں پر فتح مانگتے تھے "۔( ترجمہ کنزالایمان ، امام احمد رضا رحمتہ اللہ علیہ )
حضرت عبادہ بن صامت رضی اللہ عنہ فرماتے ہیں کہ رسول اللہ ﷺ نے ارشاد فرمایا: کون شخص ان آیات پر میری بیعت کرے گا۔ پھر آپ نے "﴿قُلْ تَعَالَوْا أَتْلُ مَا حَرَّمَ رَبُّكُمْ عَلَيْكُمْ١٥١﴾" (الانعام : 151) "(تم فرماؤ ! آؤ میں تمہیں پڑھ سناؤ جو تم پر تمہارے رب نے حرام کیا"۔ (ترجمہ کنز الایمان، امام احمد رضا رحمۃ اللہ علیہ) ۔ اور اس سے آگے مکمل تین آیات پڑھیں (پھر فرمایا) جو شخص (اپنے عہد کو) پورا کرے گا، اس کا اجر اللہ تعالیٰ کے ذمہ ہے اور جو اس کو توڑے گا تو اگر دنیا میں اس کی پکڑ آ گئی تو یہ اس کی سزا ہو جائے گی اور جس کا معاملہ آخرت تک موخر کر دے گا تو پھر یہ معاملہ اللہ تعالیٰ کے ہاتھ میں ہو گا اگر چاہے تو اس کو عذاب دے اور چاہے تو اس کو معاف کر دے ۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔ تاہم امام بخاری رحمۃ اللہ علیہ اور امام مسلم رحمۃ اللہ علیہ نے حضرت عبادہ رضی اللہ عنہ کی یہ حدیث نقل کی ہے ( کہ رسول اللہ ﷺ نے فرمایا) تم اس بات پر میری بیعت کرو کہ تم اللہ تعالیٰ کے ساتھ کسی کو شریک نہیں ٹھہراؤ گے ۔ جبکہ سفیان بن حسین نے دونوں حدیثیں بھی زہری سے روایت کی ہیں، اس لئے جب انہوں نے دونوں حدیثوں کو ہی روایت کیا ہے تو یہ مناسب نہیں ہے کہ دونوں حدیثوں میں سے ایک کے متعلق ان کی طرف کوئی غلطی منسوب کی جائے۔
