انس بن حکیم الضبی کے بارے میں روایت ہے کہ وہ زیاد سے خوفزدہ ہو کر مدینہ میں آ گئے، یہاں ان کی ملاقات حضر ت ابو ہریرہ رضی اللہ تعالیٰ عنہ سے ہوئی (انس کہتے ہیں) انہوں نے مجھ سے میرا نسب پوچھا تو میں نے ان کو اپنا نسب بتا دیا، انہوں نے فرمایا: اے نوجوان! کیا تمہیں ایک حدیث نہ سناؤں؟ (انس کہتے ہیں) میں نے کہا: جی ہاں! "اللہ آپ پر رحم کرے" یونس کہتے ہیں : میرا خیال ہے کہ ( حضرت ابو ہریرہ رضی اللہ تعالیٰ عنہ ) نے یہ بات نبی اکرم صلی اللہ علیہ وآلہ وسلم کے حوالے سے بیان کی ہے کہ قیامت کے دن لوگوں سے سب سے پہلے نماز کے بارے میں حساب لیا جائے گا۔ انہوں نے کہا: اللہ تعالیٰ فرمائے گا: اے فرشتو! میرے بندے کی نماز کو دیکھو مکمل ہے یا کم؟ حالانکہ اللہ تعالیٰ یہ سب کچھ خود بھی جانتا ہے (پھر اللہ تعالیٰ فرمائے گا) اگر اس کی نمازیں مکمل ہیں تو مکمل لکھ دی جائیں اور اگر کم ہیں تو دیکھو کہ میرے بندے کی کوئی نفلی عبادت ہے؟ اگر اس کی کوئی نفلی عبادت ہے تو اس میں سے میرے بندے کے فرائض کو پورا کر دو پھر اس کے بقیہ اعمال کا حساب کرو۔ یہ حدیث صحیح ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا۔ اس حدیث کی ایک شاہد حدیث بھی موجود ہے جو کہ امام مسلم رحمۃ اللہ علیہ کے معیار کے مطابق صحیح ہے۔
حضرت تمیم داری رضی اللہ تعالیٰ عنہ روایت کرتے ہیں: کہ رسول اللہ صلی اللہ علیہ وآلہ وسلم نے ارشاد فرمایا: قیامت کے دن بندے سے سب سے پہلے نماز کے متعلق حساب لیا جائے گا۔ اگر اس کی نمازیں مکمل ہوئیں تو اس کا ثواب پورا لکھ دیا جائے گا اور اگر کم ہوئی تو اللہ تعالیٰ فرشتوں سے فرمائے گا: کیا میرے بندے کے پاس کوئی نفلی عبادت موجود ہے؟ (اگر ہے تو) اس کے ساتھ اس کے فرائض کی کمی کو پورا کر دو پھر اس کے بعد زکوٰۃ کا اور پھر دیگر اعمال کا اسی طرح حساب ہو گا۔ حماد بن سلمہ کے بعض راویوں نے اسی پر اکتفا کیا ہے اور موسیٰ بن اسماعیل اس حدیث میں حکم ہیں۔
تَمِيمٍ الدَّارِيِّ، ← زُرَارَةَ بْنِ أَوْفَى ← دَاوُدُ بْنُ أَبِي هِنْدٍ، ← حَمَّادُ بْنُ سَلَمَةَ، ← مُوسَى بْنُ إِسْمَاعِيلَ، ← إبراهيم بن إسحاق الحربي ومحمد بن غالب ← أَبُو بَكْرٍ مُحَمَّدُ بْنُ عَبْدِ اللَّهِ الشَّافِعِيُّ
Al Mustadrak Al Hakim Al Sahihain · The first book of prayer › Insurance section · Hadith 966
مطرف بیان کرتے ہیں کہ حضرت عمران بن حصین رضی اللہ عنہ نے فرمایا: اے مطرف ! جان لو کہ فرشتے میرے سر کے پاس مجھ پر سلام بھیجتے تھے ، بیت اللہ کے پاس بھی اور باب الحجر کے پاس بھی۔ جب مجھے داغ لگا تو یہ معاملہ ختم ہو گیا پھر جب میرازخم درست ہو گیا تو اے مطرف جان لو کہ وہ سارا معاملہ دوبارہ لوٹ آ یا جوختم ہو گیا تھا۔ اے مطرف میری زندگی میں میرا یہ راز کبھی کسی سے نہ کہنا۔
Al Mustadrak Al Hakim Al Sahihain · The Book of Knowledge of the Companions, may God be pleased with them › The mention of the governor of Imran ibn al-Husayn al-Khuza’i, may God be pleased with him · Hadith 5994
حضرت حکیم بن حزام رضی اللہ عنہ فرماتے ہیں کہ میں نے جنگ بدر میں دیکھا وادی کے اندر آسمان سے ایک دھواں سا آیا ہے جس نے پورے آسمان کو گھیر لیا ہوا ہے، اور وادی میں پانی بہنے لگ گیا، میرے دل میں یہ بات آئی کہ یہ کوئی چیز آسمان سے نازل ہوئی ہے جس کے ذریعے حضرت محمد صلی اللہ علیہ وسلم کی مدد کی جارہی ہے ۔ اس کے بعد تو شکست مشرکین کا مقدر بن گئی۔ وہ فرشتے تھے۔
Al Mustadrak Al Hakim Al Sahihain · The Book of Knowledge of the Companions, may God be pleased with them › The mention of the wise man of Hizam ibn al-Qurashi, may God be pleased with him · Hadith 6049
ابراہیم بن جعفر بن محمود بن محمد بن سلمہ اشہلی اپنے والد کا یہ بیان نقل کرتے ہیں کہ حویطب بن عبد العزیٰ رضی اللہ عنہ نے زمانہ جاہلیت میں ۱۲۰ سال گزارے اور ۶۰سال اسلام میں ۔ جب مروان بن حکم کو پہلی مرتبہ مد ینہ کا والی بنایا گیا تو حضرت حویطب رضی اللہ عنہ چند جلیل القد رمشائخ ’’حکیم بن حزام ،اورمخر مہ بن نوفل رضی اللہ عنہ کے ہمراہ ان کے پاس آئے۔ اور کچھ گفتگو کی ۔ اور چلے گئے ۔اس کے بعد ایک دن حویطب ان کے پاس گئے اوران سے ہم کلام ہوئے۔مروان نے ان سے کہا: تمہارا کیا حال ہے؟ انہوں نے ان کو بتایا ۔ مروان نے کہا: اے شیخ تم نے بہت تاخیر سے اسلام قبول کیا، بعد والے لوگ آپ سے آگے نکل گئے ۔ حویطب نے کہا: خدا کی قسم ! میں نے کئی مرتبہ اسلام لانے کا ارادہ کیا ، ہرمرتبہ تیرے والد نے مجھے ڈانٹ کر منع کر دیا۔ اوروہ یہ کہتے رہے کہ تم اپنی قوم اوراپنے آباء کے دین کو ایک نئے دین کی وجہ سے چھوڑ دوگے اور اس کے تابع ہو جاؤ گے؟ راوی کہتے ہیں :انہوں نے مروان کو خاموش کراد یا اور وہ اپنی کہی ہوئی بات پر شرمندہ ہوا۔ پھر حویطب نے کہا: کیاتمہیں حضرت عثمان نے وہ حالات نہیں سنائےکہ جب حضرت عثمان نے اسلام قبول کیا تھا اس وقت تمہارے والد نے ان کے ساتھ کیا سلوک کیا تھا۔ یہ سن کر مروان اور بھی آزردہ ہو گیا۔ پھر حویطب نے کہا:قریش مکہ کے بڑے بڑے لوگ جوابھی تک مسلمان نہیں ہوئےتھے،فتح مکہ کے موقع پر ان میں سے کوئی بھی مجھ سے زیادہ پریشان نہیں تھا۔ میں جنگ بدر میں مشرکین کے ہمراہ شریک ہوا تھا۔ میں نے ایک بادل سا دیکھا، پھر میں نے ملائکہ کو جنگ کرتے ہوئےدیکھا۔ اوروہ زمین سے آسمان تک حائل تھے ۔ میں نے کہا: اس آدمی کا دفاع بہت مضبوط ہے ۔ پھر جب وہ معاملات ذکر کئے جن کا جنگ احد میں مشاہدہ کیا تھا، پھر ہم وہاں سے مکہ کی جانب بھاگ نکلے ،اورو ہیں قیام کیا ،قریشی لوگ ایک ایک کر کے حلقہ بگوش اسلام ہو نے لگ گئے ۔ اور حد یبیہ کے موقع پر بھی حاضر ہوا، میں صلح میں بھی موجودتھا اور صلح مکمل ہونے تک میں بھی شامل تھالیکن اسلام دن بدن بڑھتا گیا اوراللہ تعالیٰ نے کفرکوکمز ور کر دیا۔ جب صلح حدیبیہ کا معاہدہ لکھا گیا تو ان کے گواہوں میں آخری گواہ میں تھا۔ میں نے کہا: قریش، محمد سے وہی معاملات دیکھیں گے جو ان کے لئے نقصان دہ ہوں گے ، وہ لوگ اپنے نیزوں کے ساتھ رسول اللہ صلی اللہ علیہ وسلم کا دفاع کرنے پر راضی ہو چکے ہیں ۔ جب رسول اللہ صلی اللہ علیہ وسلم عمرہ قضاء کے لئے تشریف لائےاورقریش مکہ ان کے مقابلے کے لئے نکلے تو اس وقت میں اور سہل بن عمرو مکہ میں رہ جانے والوں میں شریک تھے، تا کہ جب وقت گز رجائےتو ہم رسول اللہ صلی اللہ علیہ وسلم کو مکہ سے باہر نکال دیں گے ۔ جب تین دن پورے ہو گئے تو میں اور سہل بن عمر و رسول اللہ صلی اللہ علیہ وسلم کے پاس گئے اور کہا: آپ کا وقت پورا ہو چکا ہے،اب آپ ہمارے شہر سے چلے جایئے ،تو حضور صلی اللہ علیہ وسلم نے حضرت بلال کو زور سے آواز دے کر کہا: اے بلال ! جتنے لوگ ہمارے ساتھ عمرہ کے لئے آئےہیں وہ سب شام ہونے سے پہلے پہلے مکہ سے نکل جائیں ۔ محمد بن عمر ایک دوسری سند کے ہمراہ منذ ر بن جہم کا یہ بیان نقل کرتے ہیں (وہ فرماتے ہیں کہ) فتح مکہ کے موقع پر جب رسول اللہ صلی اللہ علیہ وسلم مکہ میں داخل ہوئےتو میں بہت گھبرایا تھا، میں خودمد ینہ شریف سے باہر چلا گیا اوراپنے بیوی بچوں کو مختلف محفوظ مقامات پر چھپادیا، میں چلتے چلتے عوف کے باغ میں پہنچا، وہاں پر حضرت ابوذرغفاری رضی اللہ عنہ کا اور میرا آمنا سامنا ہوگیا۔ ان کے ساتھ میری پہلے سے بہت اچھی دوستی تھی ۔ اور دوستی ہمیشہ رکاوٹ بنتی ہے، میں نے جب ان کو دیکھا تو بھاگ نکلا ، انہوں نے ’’اے ابومحمد‘‘ کہہ کر مجھے آواز دی، میں نے ’’لبیک‘‘ کہہ کر جواب دیا۔ انہوں نے کہا :تمہیں کیا ہوا ہے؟ میں نے کہا: مجھے خوف طاری ہے ۔ انہوں نے کہا: تمہیں کوئی خوف نہیں ہے ،تو اللہ کے حکم سے امان میں ہے ۔ یہ سن کر میں ان کی جانب لوٹ کر آ گیا ،آ کر سلام کیا۔ انہوں نے کہا: تم اپنے گھر چلے جاؤ ، میں نے کہا: کیا میرے لئے اپنے گھر جانے کی کوئی صورت ہے؟ خدا کی قسم ! میں نہیں سمجھتا کہ میں زندہ گھر پہنچ سکتا ہوں یا اگرزندہ وسلامت گھر پہنچنے میں کا میاب ہوبھی گیا تو مجھے گھر میں ماردیا جائےگا ۔ اور میرے بیوی بچے مختلف مقامات پر بکھرے ہوئےہیں ۔انہوں نے کہا: تم اپنے بیوی بچوں سب کو ایک جگہ پراکٹھے کرو، میں تجھے تیرے گھر تک پہنچاؤں گا۔ حویطب کہتے ہیں: حضرت ابوذ رمیرے ساتھ ساتھ چلتے گئے اور راستے میں یہ اعلان کرتے گئے کہ حویطب کوامان دے دی گئی ہے، اس کو کچھ نہ کہا جائے۔ (مجھے میرے گھر پہنچا کر) حضرت ابوذر رضی اللہ عنہ خودرسول اللہ صلی اللہ علیہ وسلم کی بارگاہ میں حاضر ہو گئے اور حضور صلی اللہ علیہ وسلم کو (میرے بارے میں )بتادیا ، آپ صلی اللہ علیہ وسلم نے فرمایا : تمام لوگوں کو امان ہے سوائےان لوگوں کے جن کے قتل کر نے کا ہم نے حکم صادر فرمادیا ہے ۔ آپ فرماتے ہیں کہ میں مطمئن ہوگیا اوراپنے اہل وعیال کو واپس لاکر گھر چھوڑا،اور حضرت ابوذر رضی اللہ عنہ کے پاس چلا آیا ، حضرت ابوذ ر رضی اللہ عنہ نے مجھے کہا: اے ابومحمد !تم کب تک (اسی طرح چھپتے چھپاتے زندگی گزاروگے؟ )تم نے ہر موقع ضائع کر دیا ہے، اور بہت ساری بھلائیاں کھو بیٹھے ہو، تم رسول اللہ صلی اللہ علیہ وسلم کی بارگاہ میں حاضر ہوکر اسلام قبول کرلو ، رسول اللہ صلی اللہ علیہ وسلم سب سے زیادہ بھلائی کرنے والے ہیں، سب سے زیادہ صلہ رحمی کرنے والے ہیں ، سب سے زیادہ بردباراور حوصلے کے پیکر ہیں ۔ ان کی شرافت ، تیری شرافت ہے اوران کی عزت ، تیری عزت ہے۔ میں نے کہا: ٹھیک ہے میں آپ کے ہمراہ چلوں گا۔ تم مجھے حضور صلی اللہ علیہ وسلم کی بارگاہ میں لے جانا۔ پھر میں ان کے ہمراہ بطحاء میں رسول اللہ صلی اللہ علیہ وسلم کی خدمت میں حاضر ہوا۔ اس وقت نبی اکرم صلی اللہ علیہ وسلم کے پاس حضرت ابوبکرصدیق رضی اللہ عنہ اور حضرت عمر بن خطاب رضی اللہ عنہ بھی موجود تھے، میں ان کے پاس جا کر کھڑا ہوگیا اور حضرت ابوذر رضی اللہ عنہ سے پوچھا: جب اسلام قبول کرتے ہیں تو کیا کہتے ہیں؟ انہوں نے کہا: تم کہو: السلام عليك ايها النبى ورحمة الله وبر كاته ، میں نے ایسے ہی کہا۔ رسول اللہ صلی اللہ علیہ وسلم نے جواب میں کہا: وعليك السلام حویطب ۔ میں نے کلمہ شہادت پڑھا۔ رسول اللہ صلی اللہ علیہ وسلم نے فرمایا: شکر ہے اس اللہ تبارک وتعالیٰ کا جس نے تمہیں ہدایت دی ۔ رسول اللہ صلی اللہ علیہ وسلم نے میرے قبول اسلام کو صیغہ راز میں رکھا،حضور صلی اللہ علیہ وسلم نے مجھے سے کچھ مال قرضہ مانگا، میں نے چالیس ہزار دینار حضور صلی اللہ علیہ وسلم کو پیش کئے ۔ جنگ حنین اور غز وہ طائب میں ، رسول اللہ صلی اللہ علیہ وسلم کے ہمراہ شرکت کی ۔ نبی اکرم صلی اللہ علیہ وسلم نے جنگ حنین کے مال غنیمت سے ایک سواونٹ مجھے عطا فرمائے تھے۔ محمد بن عمر ایک اورسند کے ہمراہ فرماتے ہیں کہ حویطب بن عبدالعزیٰ رضی اللہ عنہ نے اپنا مکہ شریف والا مکان حضرت معاویہ سے چالیس ہزار دینار کے عوض خریدا تھا۔ ان سے لوگوں نے کہا: اے ابومحمد! کیا تم نے یہ گھر واقعی چالیس ہزار دینار میں خریدا ہے ؟ انہوں نے کہا: جس آدمی کے پانچ بچے ہوں ،اس کے پاس چالیس ہزار دینار کا ہونا کوئی معنی نہیں رکھتا۔ عبدالرحمٰن بن ابی الزناد کہتے ہیں : ان دنوں ہر ماہ ان کے رزق میں اضافہ ہور ہا تھا۔ پھراس کے بعد حضرت حویطب رضی اللہ عنہ مدینہ منورہ آگئے ، وہیں قیام کیا ،اصحاب مصاحف کے نز دیک بلاط میں ان کا ایک گھر تھا۔ راوی کہتے ہیں: حضرت حویطب بن عبد العزیٰ رضی اللہ عنہ ۵۴ ہجری کو مدینہ میں فوت ہوئے۔ وفات کے وقت ان کی عمر ۲۰ ۱سال تھی ۔
Al Mustadrak Al Hakim Al Sahihain · The Book of Knowledge of the Companions, may God be pleased with them › The mention of the matchmaker of Hutab ibn Abd al-'Uzza al-'Amri, may God be pleased with him · Hadith 6084
المستدرك على الصحيحين · كِتَابُ الطِّبِّ ‹ فَضْلُ كَافَّةِ الْعَرَبِ · حديث 8253
حضرت عبداللہ بن عباس رضی اللہ تعالیٰ عنہ فرماتے ہیں کہ نبی اکرم صلی اللہ علیہ و آلہ وسلم نے ارشاد فرمایا: میں ملائکہ کے جس بھی گروہ کے پاس سے گزرا ، انہوں نے مجھے پچھنے لگوانے کا کہا۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔
حسین بن خارجہ فرماتے ہیں کہ جب پہلا فتنہ آیا تو میں ( نظریاتی طور پر) بہت مشکل میں مبتلا ہو گیا، میں نے دعامانگی کہ یا اللہ! مجھے حق کا وہ راستہ دکھا جس پر میں مضبوطی سے گامزن ہو جاؤں۔ مجھے خواب میں دنیا اور آخرت دکھائی گئی ، دونوں کے درمیان ایک چھوٹی سی دیوار ہوتی ہے، اور میں اس کے نیچے ہوتا ہوں ، میں سوچتا ہوں کہ کاش کسی طریقے سے میں اس کے اوپر چڑھ جاؤں ،اورا شجع کے مقتولوں کو دیکھوں ( کہ وہ کس حالت میں ہیں) اور وہ مجھے اپنے حالات بتائیں۔ آپ فرماتے ہیں: پھر مجھے ایک ایسی جگہ اتارا گیا جہاں کافی درخت تھے، وہاں میں نے کچھ لوگوں کو بیٹھے دیکھا، میں نے پوچھا: کیاتم شہداء ہو؟ انہوں نے کہا: ہم فرشتے ہیں ۔ میں نے کہا: تو شہداء کہاں ہیں؟ انہوں نے کہا:اگلے درجات میں جائیے ، میں ایک درجہ اوپر چڑھ گیا ، اس کے حسن اور وسعت کو اللہ ہی بہتر جانتا ہے، وہاں میں نے حضرت محمد صلی اللہ علیہ وسلم اور حضرت ابراہیم علیہ السلام کی زیارت کی ۔ حضرت محمد صلی اللہ علیہ وسلم نے حضرت ابراہیم علیہ السلام سے کہا: آپ میری امت کے لئے بخشش کی دعافر مایئے ، ابراہیم علیہ السلام نے فرمایا: آپ نہیں جانتے کہ انہوں نے آپ کے بعد کیا کیا فسادات کئے ،انہوں نے خون بہائے، انہوں نے اپنے اماموں کو شہید کیا ، انہوں نے ایسا کیوں نہیں کیا ؟ جیسا میرے دوست سعد نے کیا۔ (اس کے بعد میری آنکھ کھل گئی) میں نے سوچا کہ میں نے جو خواب دیکھی ہے اللہ تعالیٰ مجھے اس سے فائدہ دے گا۔ میں جاؤں گا اور حضرت سعد کا مکان دیکھوں گا ،اورانہی کے پاس رہوں گا۔ چنانچہ میں ( صبح اٹھ کر) حضرت سعد رضی اللہ عنہ کے پاس گیا اوران کو رات والا خواب سنایا ۔خواب سن کر وہ بہت خوش ہوئے، اور بولے : وہ شخص خسارے میں ہے جس کے دوست ابراہیم علیہ السلام نہیں ہیں ۔ میں نے پوچھا: آپ کس جماعت کے ساتھ ہیں؟ انہوں نے کہا: میں دونوں جماعتوں میں سے کسی کے ساتھ بھی نہیں ہوں ۔ میں نے کہا: آپ مجھے کیا حکم دیتے ہیں؟ انہوں نے کہا: انہوں نے کہا: کیا تیرے پاس کوئی بکری ہے؟ میں نے کہا نہیں ۔ انہوں نے کہا: ایک بکری خرید لواوراس میں مصروف ہو جاؤ۔
Al Mustadrak Al Hakim Al Sahihain · The Book of Knowledge of the Companions, may God be pleased with them › The mention of the virtues of Abu Ishaq, Saad bin Abi and a storyteller, may God be pleased with him · Hadith 6126
مصعب بن عبداللہ بیان کرتے ہیں : جماعت کا سال 40 ہجری ہے ۔ حضرت اسید مالک بن ربیعہ بن عامر بن عوف بن خزرج بن ساعدہ " ہیں ۔ بدری صحابہ میں سب سے آخر میں یہی فوت ہوئے۔ یہ وہی صحابی ہیں جنہوں نے جنگ بدر کے دن ملائکہ کو دیکھا تھا ۔ ان کی بینائی زائل ہوگئی تھی۔ آپ رسول اللہ صلی اللہ علیہ و آلہ وسلم کی ازواج مطہرات کے امین ہوا کرتے تھے۔
مصعب بن عبد الله ← إِبْرَاهِيمُ بْنُ إِسْحَاقَ الْحَرْبِيُّ ← الشَّيْخُ أَبُو بَكْرِ بْنُ بَالَوَيْهِ،
Al Mustadrak Al Hakim Al Sahihain · The Book of Knowledge of the Companions, may God be pleased with them › The mention of Abu Sayyid al-Saadi, may God be pleased with him · Hadith 6190
المستدرك على الصحيحين · كِتَابُ الْفِتَنِ وَالْمَلَاحِمِ ‹ فَضْلُ كَافَّةِ الْعَرَبِ · حديث 8394
حسین بن خارجہ بیان کرتے ہیں کہ جب پہلا فتنہ ہوا تو مجھ پر بہت مشکل بنی، میں نے دعا مانگی " یا اللہ ! مجھے حق راستہ دکھا دے، تاکہ میں اس پر مضبوطی سے گامزن ہو جاؤں، آپ فرماتے ہیں: مجھے دنیا اور آخرت دکھائی گئ، ان دونوں کے درمیان ایک دیوار تھی ، یہ دیوار کوئی زیادہ لمبی نہیں تھی، وہاں مجھے ایک سیڑھی دکھائی دی، میں نے سوچا: اگر میں اس سیڑھی کے ذریعے اوپر چڑھ جاؤں تو اشجع کے مقتولوں کے پاس پہنچ سکتا ہوں اور ان کے بارے میں کوئی خبر لی جا سکتی ہے، چنانچہ میں ایک درختوں والی زمین پر پہنچا، میں نے دیکھا کہ کچھ لوگ بیٹھے ہوئے ہیں، میں نے پوچھا:کیا تم شہداء ہو؟ انہوں نے کہا: نہیں، ہم فرشتے ہیں، میں نے پوچھا: تو شہداء کہاں ہیں؟ انہوں نے کہا: تم ان درجات کی طرف چلے جاؤ، جو محمد صلی اللہ علیہ و آلہ وسلم کی طرف چڑھ رہے ہیں، میں ادھر چلا گیا، میں ایک درجے میں پہنچا،اس کے حسن اوراس کی وسعت کو اللہ تعالیٰ ہی بہتر جانتا ہے، وہاں پر حضرت محمد صلی اللہ علیہ و آلہ وسلم اور حضرت ابراہیم علیہ السلام موجود تھے،محمد صلی اللہ علیہ و آلہ وسلم ،حضرت ابراہیم علیہ السلام سے کہہ رہے تھے: آپ میری امت کے لئے بخشش کی دعافرما دیجئے، حضرت ابراہیم علیہ السلام نے حضور صلی اللہ علیہ و آلہ وسلم سے کہا: آپ کو معلوم نہیں، انہوں نےآپ کے بعد کون کون سے کارنامے کئے ہیں، انہوں نے خونریزیاں کیں، اپنے اماموں کو شہید کیا، انہوں نے میرے دوست سعد کی طرح کیوں نہیں کیا؟ (میری آنکھ کھل گئی) میں نے سوچا کہ مجھے حق دکھا دیا گیا ہے، اب میں سعد کے پاس جاؤں گا اور دیکھوں گا کہ وہ کون ہے، پھر اس کے ساتھ ہو جاؤں گا، پھر میں سعد کے پاس گیا، ان کو اپنا خواب سنایا،خواب سن کر وہ بہت خوش ہوئے، اور فرمایا: وہ شخص بدبخت ہے ، ابراہیم علیہ السلام جس کے دوست نہیں ہیں، میں نے پوچھا: آپ کس جماعت سے تعلق رکھتے ہیں؟ انہوں نے فرمایا: میں کسی بھی جماعت میں سے نہیں ہوں، میں نے کہا: آپ مجھے کیا حکم دیتے ہیں؟ آپ نے فرمایا: تیرے پاس کوئی سواری ہے؟ میں نے کہا: نہیں۔ انہوں نے فرمایا: ایک سواری خچر خرید لے، اس پر سوار ہو کر کہیں دور چلا جا،جب تک کہ یہ فتنہ ختم نہیں ہو جاتا(تب تک واپس نہ آنا)۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔
حضرت حذیفہ رضی اللہ تعالیٰ عنہ فرماتے ہیں کہ تمہارے دینی معاملات میں سب سے پہلے جو چیز ختم ہو گی وہ خشوع و خضوع ہے۔ سب سے آخر میں جو چیز ختم ہو گی وہ نماز ہے، اسلام کی رسی ایک ایک کر کے ٹوٹری جائے گی، عورتیں حالت حیض میں نمازیں پڑھیں گی، تم ہو بہ ہو اپنی سابقہ قوموں کےنقش قدم پر چلو گے، جیسے جوتا جوتے کے برابر ہوتا ہے، تم ان کا طریقہ بھی اپنانے سے چھوڑو گے نہیں، اور نہ ہی وہ طریقہ تمہیں چھوڑے گا۔ حتیٰ کہ بہت ساری جماعتوں میں سے صرف دو جماعتیں رہ جائیں گی، ان میں سے ایک کہے گی: پانچ نمازیں کہا ں سے ثا بت ہو گئیں؟ ہم سے پچھلے لوگ تو گمراہ تھے، اللہ تبارک و تعالیٰ نے فرمایا: " اقم الصلاۃ طرفی النھار وزلفا من اللیل" ۔ اس لیے صرف تین نمازیں فرض ہیں۔ دوسری جماعت کہے گی: مومنوں کا اللہ پر ایمان ایسا ہی ہے جسے فرشتوں کا ایمان، ہم میں نہ کوئی کافر ہے نہ منافق۔ اللہ تعالیٰ پر حق ہے کہ ان دونوں جماعتوں کا حشر دجال کے ساتھ کرے۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اسے نقل نہیں کیا۔
حضرت عبداللہ بن عمرو رضی اللہ عنہ فرماتے ہیں: اللہ تعالی نے مخلوق کو10اجزاء پرتقسیم کیا، ان میںسے ۱9جزاء فرشتے بنائے اور ایک جز ء باقی تمام مخلوقات ۔ پھر فرشتوں کے10 اجزا ء کئے ، ان میں9اجزاء دن رات ہرلمحہ الله تعالی کی تسبیح وتہلیل کرتے ہیں، اور ایک جز ء کو رسالت کے لئے رکھا ۔مخلوق کے دس حصے بنائے ، ان میں سے 9حصے جنات بنائے ، اور ایک حصہ انسان ۔ اور انسانوں کے دس حصے بنائے ، ان میں سے 9حصّے یاجوج و ماجوج ہیں، اور ایک حصہ تمام انسان اور ذات الحبک آسمان سے مراد ، ساتواں آسمان ہے اور حرم کے سامنے عرش ہے۔
ابوالزعراء فرماتے ہیں: ہم حضرت عبداللہ بن مسعود رضی اللہ عنہ کے پاس موجود تھے، آپ کے ہاں دجال کا تذکرہ شروع ہوگیا، آپ نے فرمایا: دجال کے آنے پر اے لوگوتم تین حصوں میں بٹ جاؤ گے ، ایک فرقہ اس کا پیروکار بن جائے گا، ایک فرقہ عرب میں (جہاں شیخ نامی گھاس اگنے کے مقامات ہیں) اپنے آباء و اجداد سے جا ملے گا، ایک فرقہ دریائے فرات کے کنارے چلا جائے گا، وہاں پر ان کی دجال کے ساتھ بہت سخت جنگ ہوگی مسلمان شام کے ایک علاقے میں جمع ہوں گے ، اور وہ لوگ ایک جماعت کو اس کی خبر لینے کے لئے بھیجیں گے، ان میں ایک گھڑ سوار ہوگا، جو کہ سرخ وزرد رنگ کے چتکبرے گھوڑے پر سوار ہوگا، یہ لوگ بھی وہاں جنگ میں شریک ہوں گے اور ان میں سے کوئی بھی واپس نہیں آئے گا، حضرت سلمہ فرماتے ہیں: ابوصادق نے ربیبہ بن ناجذ کے حوالے سے بتایا ہے کہ حضرت عبداللہ بن مسعود رضی اللہ عنہ نے"فرس اشقر " کہا اور بتایا کہ اہل کتاب یہ سمجھتے ہیں کہ حضرت عیسی ؑان کی جانب نازل ہوں گے ، اور میں نے اہل کتاب کے حوالے سے اس سے مختلف موقف سنا ہے، پھر یاجوج و ماجوج نکلیں گے ، یہ جس زمین سے گزریں گے اس کو تباہ و برباد کر دیں گے۔ پھر حضرت عبداللہ نے یہ آیت پڑھی۔ (ترجمہ )اور وہ ہر بلندی سے ڈھلکتے ہوں گے (ترجمہ کنزالایمان ، امام احمد رضا) پھر اللہ تعالی ان پر دابہ بھیجے گا، وہ جانوروں میں پیدا ہونے والے کیڑے کی مانند ہوگا، وہ ان کے کانوں میں اور ناک میں گھس جائے گا، جس سے وہ مر جائیں گے، ان کی وجہ سے زمین بد بودار ہو جائے گی ، پھر الله تعالی سے دعائیں مانگی جائیں گی ، پھر اللہ تعالی ایک ٹھنڈی ہوا بھیجے گا، یہ زمین پر کوئی مومن نہیں چھوڑے گی ، پھر خبیث ترین لوگوں پر قیامت قائم ہو جائے گی ، پھر فرشتہ آسمان اور زمین کے درمیان صور لے کر کھڑا ہوگا، اورصور ایک سینگ ہے۔ وہ سینگ میں پھونکے گا، اس کی آواز کی وجہ سے تمام اہل زمین مرجائیں گے۔ سوائے ان لوگوں کے جن کو رب زندہ رکھنا چاہے گا، پھر دوبارہ صور پھونکنے سے پہلے خدا جانے کتنا عرصہ ہوگا۔ بنی آدم میں سے کچھ مخلوق ہو گی۔ پھر الله تعالی عرش کے نیچے سے پانی بھیجے گا، یہ پانی مردوں کی منی کی مانند ہوگا، اس کی وجہ سے لوگوں کے جسموں پر گوشت پیدا ہو جائے گا، جیسے بارش کی وجہ سے زمین فصلیں اگتی ہے، اسی طرح انسانوں کے جسم نشونما پائیں گے۔ پھر حضرت عبداللہ رضی اللہ عنہ نے یہ آیت پڑھی (ترجمہ )اور اللہ ہے جس نے بھیجیں ہوائیں کے بادل ابھارتی ہیں پھر ہم اسے کسی مردہ شہر کی طرف رواں کرتے ہیں ، تو اس کے سبب ہم زمین کو زندہ فرماتے ہیں اس کے سبب ہم زمین کو زندہ کرتے ہیں اس کے مَرے پیچھے یونہی حشر میں اٹھنا ہے (ترجمہ کنزالایمان ، امام احمد رضا)پھر فرمایا: پھر فرشتہ آسان اور زمین کے درمیان صور لے کر کھڑا ہوگا، اس میں پھونکے گا، ہر روح اپنے جسم کی طرف چل پڑے گی اور اس میں داخل ہو جائے گی پھر یہ کھڑے ہو جا ئیں گے اور زندہ ہو کر اپنے رب العالمین کی بارگاہ میں یوں کھڑے ہو جائیں گے جیسے ایک آدمی کھڑا ہوتا ہے، پھر اللہ تعالی مخلوق سے ملاقات فرمائے گا، اور جو شخص اللہ کے علاوہ جس جس کی بھی عبادت کرتا رہا ہوگا اس کو کھڑا کر کے اس کے عبادت گزار کو اس کے پیچھے کھڑا کیا جائے گا۔ الله تعالی سے یہودی ملاقات کریں گے تو الله تعالی فرمائے گا: تم کسی کی عبادت کیا کرتے تھے ، وہ کہیں گے: ہم عزیر کی عبادت کیا کرتے تھے، اللہ تعالی فرمائے گا: نہیں پانی اچھا لگتا ہے؟ وہ کہیں گے : جی ہاں۔ اس وقت ان کو سیراب کی طرح دوزخ دکھائی جائے گی، پھر حضرت عبداللہ رضی اللہ عنہ نے یہ آیات پڑھیں (ترجمہ )"اور ہم اس دن جہنم کافروں کے سامنے لائیں گے "(ترجمہ کنزالایمان ،امام احمد رضا)پھر عیسائی لوگوں کی اللہ تعالی سے ملاقات ہوگی ، اللہ تعالی پوچھے گا: تم کسی کی عبادت کیا کرتے تھے؟ وہ کہیں گے:۔ حضرت عیسی ؑ کی ۔ الله تعالی فرمائے گا: کیا تمہیں پانی اچھا لگتا ہے؟ وہ کہیں گے: جی ہاں۔ ان کو سراب کی مانند دوزخ دکھائی جائے گی ، اسی طرح ان تمام لوگوں کے ساتھ ہو گا جو غیر اللہ کی عبادت کیا کرتے تھے۔ حضرت عبداللہ رضی اللہ عنہ نے یہ آیات پڑھیں (ترجمہ )"اور نہیں ٹھہراؤ ،ان سے پوچھنا ہے" (ترجمہ کنزالایمان، امام احمد رضا)پھر الله تعالی مخلوق کے لئے اپنی شایان شان کوئی شکل اختیار کرے گا اور مسلمانوں کے پاس سے گزرے گا، اللہ تعالی ان سے پوچھے گا تم کس کی عبادت کرتے ہو؟ وہ کہیں گے کہ ہم الله تعالی کی عبادت کرتے ہیں اور اس کے ساتھ کسی کو شریک نہیں ٹھہراتے۔ اللہ تعالی ان سے پوچھے گا: کیا تم اپنے رب کو پہچانتے ہو؟ مسلمان کہیں گے : سبحان اللہ، جب وہ ہمیں اپنا تعارف کروائے گا تو ہم پہچان جائیں گے ، اس وقت اللہ تعالی اپنی شان کے مطابق پنڈلی کو ظا ہر فرمائے گا تو ہر مومن اللہ تعالی کے لئے سجدہ ریز ہو جائیں گے ، اور منافقین سجدہ نہیں کریں گے ، ان سب کی پشت ایک (سلیٹ کی مانند) ہوگی گویا کہ اس میں سریا ڈال دیا گیا ہو، وہ کہیں گے: اے ہمارے رب ۔ الله تعالی فرمائے گا: تم کو پہلے بھی سجدے کے لئے بلایا جا تا تھا ، جب تم سلامت تھے۔ پھر پل صراط بچھایا جائے گا، لوگ اپنے اعمال کے مطابق اس سے گزریں گے ، کوئی جماعت بجلی کی چمک کی طرح گزر جائے گی ، کوئی ہوا کی طرح، کوئی پرندوں کی طرح، کوئی تیز چوپائے کی طرح، کچھ لوگ تیز دوڑ کر گزریں گے ، کچھ پیدل چل کر ، اور سب سے آخری شخص اپنے پیٹ کے بل گھسٹ کر گزرے گا۔ وہ کہے گا: اے میرے رب ! تو نے مجھے کیوں دیر کروادی؟ الله تعالی فرمائے گا: میں نے تجھے دیر نہیں کروائی ، بلکہ تجھے تیرے اعمال نے دیر کروائی ہے، پھر اللہ تعالی شفاعت کی اجازت عطا فرمائے گا۔ سب سے پہلے حضرت جبریل امینؑ شفاعت کریں گے ، پھر حضرت ابراہیم خلیل اللہ ؑ، پھر حضرت موسیٰؑ ، پھر حضرت عیسیؑ شفاعت فرمائیں گے، پھر چوتھے مرحلے پر تمہارانبی شفاعت کے لئے اٹھے گا، ان کے بعد کوئی سفارش کرنے والانہیں ہوگا۔ حضورصلی اللہ علیہ و الہ وسلم جس جگہ کھڑے ہو کر شفاعت کریں گے، وہ وہ مقام محمود ہے جس کے بارے میں الله تعالی نے اس آیت میں وعدہ فرمایا (ترجمہ )" قریب ہے کہ تمہیں تمہارا رب ایسی جگہ کھڑا کرے جہاں سب تمہاری حمدکریں"(ترجمہ کنزالایمان، امام احمد رضا)پھر ہر (جنتی) شخص اپنے جنتی گھر کو یا (جہنمی شخص اپنے ہی گھر کو دیکھ لے گا، آپ فرماتے ہیں: وہ حسرت کا دن ہوگا۔ پھر دوزخیوں کو جنت کا ایک گھر دکھا کر کہا جائے گا: اگرتم نیک عمل کرتے تو تمہیں یہ ملتا) ان کو بہت حیرت ہوگی۔ پھر جنتیوں کو دوزخ کا ایک گھر دکھا کر کہا جائے گا: اگر الله تعالی کا تم پر احسان نہ ہوتا تو تم اس میں جاتے ) پھر فرشتے شفاعت کریں گے، پھر انبیاء کرام شفاعت کریں گے، پھر اولیاء عظام شفاعت کریں گے، پھر مومنین شفاعت کریں گے ،اللہ تعالی ان کی شفاعت قبول فرمائے گا، پھر اللہ تعالی فرمائے گا: میں سب سے بڑارحم کرنے والا ہوں، پھر (اب تک جتنے لوگ تمام کی شفاعت کے ساتھ دوزخ سے نکالے گئے ہوں گے اس سے کہیں زیادہ اللہ تعالی خود دوزخ سے نکالے گا، پھر فرمائے گا: میں سب سے بڑارم کرنے والا ہوں، پھر حضرت عبداللہ رضی اللہ عنہ نے یہ آیت پڑھی (ترجمہ )تمہیں کیا بات دوزخ میں لے گئی وہ بولے ہم نماز نہ پڑھتے تھے اور مسکین کو کھانا نہ دیتے تھے ، اور بے ہودہ فکر والوں کے ساتھ بے ہودہ فکر یں کرتے تھے اور ہم انصاف کے دن کو جھٹلاتے رہے "(ترجمہ کنز الایمان، امام احمد رضا)پھر حضرت عبداللہ رضی اللہ عنہ نے اپنے ہاتھ کے ساتھ چار کا عقد بنا کر فرمایا: کیاتم ان میں کہیں بھلائی دیکھے ہوں جس میں کچھ بھی بھلائی ہوگی وہ ان میں نہیں اترے گا، جب الله تعالی ارادہ فرمائے گا کہ ان میں سے کوئی بھی باہر نہ نکلے تو ان کے چہرے اور ان کے رنگ بدل دے گا، حضرت عبد الله فرماتے ہیں: پھر وہ ایک آدی کے پاس آئے گا اور مسلسل اس کو دیکھے جائے گا لیکن وہ اس کونہیں پہچانے گا، بلکہ اس کو کوئی بھی نہیں پہچانے گا، وہ اس آدمی کو اس کا نام مع ولدیت پکارے گا لیکن وہ آگے سے کہے گا: میں تجھے نہیں پہچانتا، اس وقت وہ پکار پکار کر کہے گا(ترجمہ ) اے رب ہمارے ہم کو دوزخ سے نکال دے پھر اگر ہم ویسے ہی کریں تو ہم ظالم ہیں) (المومنون :107) (ترجمہ کنزالایمان ، امام احمد رضا)لیکن اللہ تعالی ان کو جواب دے گا (ترجمہ )"رب فرمائے گا دتکارے پڑے رہو اس میں اور مجھ سے بات نہ کرو"(المومنون:108) (ترجمہ کنزالایمان، امام احمد رضا) جب اللہ تعالی ان سے یہ فرمائے گا تو ان پر دوزخ مقفل کر دی جائے گی ، پھر وہاں سے کوئی شخص با ہرنہیں آ سکے گا۔
حضرت عبداللہ بن عمر رضی اللہ عنہ فر ماتے ہیں کہ رسول اللہ صلی اللہ علیہ و الہ وسلم سے پوچھا گیا کہ دجال کے زمانے میں مومنوں کا طعام کیا ہوگا؟ آپ صلی اللہ علیہ و الہ وسلم نے فرمایا: (مومنوں کا وہی طعام ہو گا جو) فرشتوں کا طعام ہے ، صحابہ کرام رضی اللہ عنہ نے پوچھا: یا رسول اللهصلی اللہ علیہ و الہ وسلم فرشتوں کا طعام کیا ہے؟ آپ صلی اللہ علیہ و الہ وسلم نے فرمایا: ان کا طعام اللہ تعالی کی تسبیح وتہلیل ہے، اس زمانے میں جوشخص تسبیح و تہلیل کرے گا، الله تعالی اس سے بھوک ختم فرمادے گا، اس کے بعد اس کو بھوک کا کوئی خوف نہیں رہے گا۔
حضرت جابر رضی اللہ عنہ بیان فرماتے ہیں کہ نبی اکرم صلی اللہ علیہ و الہ وسلم نے ارشادفرمایا: دجال اس وقت ظاہر ہوگا جب دین کو ہلکا جانا جائے گا، علم دین سے لوگ منہ موڑ چکے ہوں گے، وہ چالیس دن رہے گا، ایک دن ، پورے سال کے برابر ہو گا اور ایک دن، مہینے کے برابر ہوگا اور دن ایک ہفتے کے برابر ہوگا ، اس کے بعد تمام دن عام دنوں کی طرح ہوں گے، وہ گدھے پر سواری کرے گا، اس کے دوکانوں کے درمیان چالیس ہاتھ کا فاصلہ ہوگا وہ لوگوں کے پاس آئے گا، اور کہے گا: میں تمہارا رب ہوں، حالانکہ تمہارارب کا نانہیں ہے۔ اس کی آنکھوں کے درمیان لکھا ہوگا: ک ف ر۔ ہر پڑھا لکھا اور ان پڑھ مومن اس کو پڑھ سکے گا، وہ ہر پانی اور گھاٹ کے پاس سے گزرے گا ،سوائے مکہ اور مدینہ کے ، کہ الله تعالی نے یہ دونوں شہر اس پر حرام کردیئے ہیں، اور اس کے دروازوں پر فرشتے مقرر ہیں۔
۸۶۲۸-حضرت سعد بن مالک رضی اللہ عنہ اور حضرت ابو ہریرہ رضی اللہ عنہ فرماتے ہیں کہ رسول اللہ صلی اللہ علیہ و آلہ وسلم نے یوں دعا مانگی " اے اللہ اہل مدینہ کے " مد" اور ان کے " صاع" میں برکت عطا فرما ، اور ان کے شہر میں برکت عطا فرما ، اے اللہ بےشک حضرت ابراہیم علیہ السلام تیرے بندے اور خلیل ہیں اور میں تیرا بندہ اور رسول ہوں ، حضرت ابراہیم علیہ السلام نے تجھ سے مکہ کے لئے دعا مانگی تھی ، اور میں اسی طرح کی تجھ سے مدینہ کے لئے مانگتا ہوں " ۔خبردار! مدینہ منورہ فرشتوں سے بھرا ہوا ہے اس کے ہر دروازے پر فرشتے مقررہیں جو کہ اس کی حفاظت کرتے ہیں ، اس شہر میں دجال اور طاعون داخل نہیں ہو سکتا ، جو شخص وہا ں کے رہنے والوں کو نقصان دینا چاہے گا ، اللہ تعالی اس کو طرح پگھلا دے گا جیسے پانی میں نمک پگھل جاتا ہے ۔ یہ حدیث امام مسلم رضی اللہ عنہ کے معیار کے مطابق صحیح ہے لیکن شیخین نے اس کو نقل نہیں کیا ۔
سعد بن مالك وأبا هريرة يقولان ← أَبِي عَبْدِ اللَّهِ الْقَرَّاطِ، ← أَسَامَةَ بْنِ زَيْدٍ ← أَبُو أُسَامَةَ ← أَبُو بَكْرِ بْنُ أَبِي شَيْبَةَ، ← عُثْمَانُ بْنُ سَعِيدٍ الدَّارِمِيُّ ← أحمد بن محمد بن سلمة العنزي
Al Mustadrak Al Hakim Al Sahihain · The book of charms and epics › The merits of all Arabs · Hadith 8628
المستدرك على الصحيحين · كِتَابُ الْفِتَنِ وَالْمَلَاحِمِ ‹ فَضْلُ كَافَّةِ الْعَرَبِ · حديث 8637
حضرت عبداللہرضی اللہ عنہ فرماتے ہیں : چار نشانیوں کے علاوہ باقی سب پقری ہو چکی ہیں ، وہ چار نشانیاں یہ ہیں (1)دجال کا ظہور (2)دابۃ الارض کا ظہور (3) یاجوج و ماجوج کا نکلنا (4) مغرب کی جانب سے سورج کا طلوع ہونا (5) اور وہ نشانی جس کے ساتھ اللہ تعالی سورج پر مہر لگا دے گا ۔پھر حضرت عبداللہ نے یہ آیت پڑھی "﴿هَلْ يَنْظُرُونَ إِلَّا أَنْ تَأْتِيَهُمُ الْمَلَائِكَةُ [الأنعام: 158]""کاہے کے انتظار میں ہیں مگر یہ کہ آئیں ان کے پاس فرشتے "(ترجمہ کنزالایمان، امام احمد رضا ) ۔یہ حدیث صحیح الاسناد ہے لیکن امام بخاری رحمتہ اللہ علیہ اور امام مسلم رحمتہ اللہ علیہ نے اس کو نقل نہیں کیا
حضرت ابی بن کعب رضی اللہ عنہ سے روایت ہے کہ نبی اکرم صلی اللہ علیہ وآلہ وسلم نے فرمایا : جب آدم علیہ السلام کا آخری وقت آیا تو آپ علیہ السلام نے اپنے بیٹوں سے کہا : جاؤ میرے لئے جنت کے کچھ پھل لے کر آؤ ۔ آپ علیہ السلام کے بیٹے (پھل لینے ) چل دئیے ۔ آگے سے فرشتوں سے ملاقات ہوگئی ، فرشتوں نے پوچھا :اے آدم علیہ السلام کے بیٹو! تم کہا ں جا رہے ہو ؟انہوں نے جواب دیا :ہمارے والد نے ہمیں جنت کے پھل لینے کے لئے بھیجا ہے ، فرشتوں نے کہ ا: تم لوٹ جاؤ ، کیونکہ جتنے پھل تم نے کھانے تھے ، کھا لئے ہیں (حضور صلی اللہ علیہ وآلہ وسلم ) فرماتے ہیں : یہ لوگ فرشتوں کے ہمراہ واپس لوٹ آئے اور آدم علیہ السلام کی خدمت میں حاضر ہو گئے ، جب حضرت حوا رضی اللہ عنہا نے ان کو دیکھا تو ان سے خوفزدہ ہو کر آدم علیہ السلام کے قریب آ گئیں اور ان کے ساتھ چپکنے لگیں ، آدم علیہ السلام نے ان سے فرمایا : میرے اور میرے رب کے فرشتوں کے درمیان راستہ چھوڑ دو ، آپ فرماتے ہیں : پھر نے آپ علیہ السلام کی روح کو قبض کیا پھر ان کو غسل دیا ، ان کو خوشبو لگائی اور ان کو کفن پہنایا پھر ان کی نماز جنازہ پڑھی پھر ان کے لئے قبر کھود کر آپ علیہ السلام کو اس میں دفن کر دیا ۔پھر فرمایا : اے نبی آدم ! مردوں کے متعلق تمہارا یہ طریقہ ہے لہذا اسی طریقے پر تم عمل کرتے رہنا ۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا اور اس حدیث کا تعلق اس نوع کے ساتھ ہے کہ جب تابعی سے روایت کرنے والا صرف یاک شخص ہو کیونکہ اس کی سند میں عتی بن ضمرہ السعدی کا "حسن " کے علاوہ اور کوئی راوی نہیں ہے جبکہ میں یہ سمجھتا ہوں کہ شیخین رحمۃ اللہ علیہما نے اس حدیث کو ایک دوسری وجہ سے معلل قرار دیا ہے اور وہ وجہ یہ ہے کہ یہ حدیث حسن کے واسطے سے ان کے والد سے روایت کی گئی ہے ۔اس میں "عتی " کاذکر نہیں ہے ۔
حضرت شداد بن اوس رضی اللہ عنہ فرماتے ہیں:رسول اللہ صلی اللہ علیہ وآلہ وسلم نے ارشاد فرمایا :جب تم کسی میت کے پاس حاضر ہو تو اس کی آنکھیں بند کر دیا کرو کیونکہ میت کے گھر والے میت کے لئے جو دعا کرتے ہیں اس پر ملائکہ آمین کہتے ہیں ۔ یہ حدیث صحیح الاسناد ہے لیکن امام بخاری رحمۃ اللہ علیہ اور امام مسلم رحمۃ اللہ علیہ نے اس کو نقل نہیں کیا ۔
حضرت ابو ہریرہ رضی اللہ عنہ روایت کرتے ہیں :نبی اکرم صلی اللہ علیہ وآلہ وسلم نے اشاد فرمایا : مومن کا جب آخری وقت آتا ہے تورحمت کے فرشتے سفید رنگ کا ریشمی لباس لے کر آتے ہیں اور کہتے ہیں :تجھ پر اللہ راضی ہے ، تو برضا و خوشی اللہ تعالی کی باگاہ کی طرف چل ۔تو (اس کی روح) انتہائی عمدہ مشک کی خوشبو کی طرح نکلتی ہے یہاں تک کہ ملائکہ ایک دوسرے سے لے کر اس کی خوشبو سونگھتے ہیں ۔ پھر اس کو آسمان کے دروازے پر لے جایا جاتا ہے ۔ تو آسمان کے ملائکہ کہتے ہیں :یہ کتنی اچھی خوشبو ہے جو زمین سے آئی ہے ۔پھر جس بھی آسمان تک یہ روح پہنچتی ہے ، اس کو اچھے کلمات سے نوازا جاتا ہے حتی کہ اس روح کو ارواح مومنین میں شامل کر دیا جاتا ہے (رسول اللہ صلی اللہ علیہ وآلہ وسلم ) نے فرمایا : ارواح مومنین اس کی آمد پر اس سے بھی زیادہ خوش ہوتی ہیں جتنا کہ تم اپنے کسی عزیزی کے بہت عرصہ کے بعد ملنے پر خوش ہوتے ہو ۔ پھر مومنین کی روحیں اس سے دنیا کے حالات پوچھنے لگ جاتی ہیں توملائکہ ان کو کہتے ہیں : اس کو چھوڑ دو ! اس کو آرام کرنے دو ، کیونکہ یہ ابھی دنیا کے غموں سے چھوٹ کر آیا ہے ، مومن روح بھی ارواح مومنین سے پوچھتی ہیں :فلاں شخص مر گیا تھا کیا وہ تمہارے پاس نہیں پہنچا ؟ تو وہ جواب دیتے ہیں : وہ جہنم میں جا چکا ہے ۔ رسول اللہ صلی اللہ علیہ وآلہ وسلم نے فرمایا : جب کافر کا آخری وقت آتا ہے تو اس کے پاس عذاب کے فرشتے آتے ہیں اور کہتے ہیں :تجھ پر اللہ کی ناراضگی ہے تو ناراضگی کے عالم ہی میں اپنے رب کے غصے اور عذاب کی طرف نکل ، جب وہ نکلتی ہیں تو مردار کی طرح اس سے بد بو نکلتی ہے ، پھر فرشتے اس کو لے کر زمین کی طرف چلتے ہیں تو جس زمین تک بھی پہنچتے ہیں ، ملائکہ کہتے ہیں : یہ کتنی گندی بد بوہے ۔ فرشتے اس کو لے کر چلتے رہتے ہیں اور اس پر اسی طرح کی آوازیں کسی جاتی ہیں یہاں تک کہ اس کو کفار کی ارواح میں شامل کر دیا جاتا ہے ۔ یہ حدیث قتادہ سے روایت کرنے میں ہشام بن عبداللہ دستوائی نے معمر بن راشد کی متابعت کی ہے ۔
حضرت ابو ہریرہ رضی اللہ عنہ روایت کرتے ہیں :نبی ا کرم صلی اللہ علیہ وآلہ وسلم نے ارشاد فرمایا : جب مومن کی موت کا وقت آتا ہے تو رحمت کے فرشتے اس کے پاس آتے ہیں ، پھر اس کے بعد سابقہ حدیث جیسی حدیث بیان کی ہے ۔ یہ تمام اسانید "صحیح " ہیں اور ان کی شاہد حدیث حضرت براء بن عازب کی (وہ ) روایت ہے جس کو میں نے "کتاب الایمان "میں درج کر دیا ہے ۔
