سیدہ ام سلمہ رضی اللہ عنہ بیا ن کرتی ہیں نبی اکرم ﷺ حضرت ابو سلمہ رضی اللہ عنہ کے پاس تشریف لائے اس وقت ان کی آنکھیں کھلی رہ گئی تھیں (یعنی انتقا ہو چکا تھا ) نبی اکرم ﷺ نے ان کی آنکھوں کو بند کیا اور فرمایا : تم لوگ اپنے بارے میں صرف بھلائی کی دعا کرو کیونکہ تم لوگ جو کہتے ہو فرشتے اس پر آمین کہتے ہیں ۔نبی اکرم ﷺ نے فرمایا: اے اللہ ابو سلمہ کی مغفرت کر دے اور مقرب لوگوں میں اس کے درجے بلند کر دے اور پیچھے رہنے والوں میں اس کا اچھا جانشین بنا دے اس کی اور ہماری مغفرت کر دے اے تمام جہانوں کے پروردگار ! اے اللہ ! اس کی قبر کو اس کے لئے کشادہ کر دے اور اس کی قبر کو اس کے لیے روشن کر دے۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7041
صیح ابن حبان · کِتَابُ الرَّقَائقِ ‹ باب الا دعیۃ · حديث 914
حضرت عبد اللہ بن مسعود ؓ روایت کرتے ہیں : نبی اکرم ﷺ نے ارشاد فرمایا: " بے شک اللہ تعالیٰ کے کچھ مخصوص فرشتے گھومتے پھرتے رہتے ہیں ۔ وہ میری امت کی طرف سے مجھے سلام پہنچاتے ہیں ۔"
حضرت انس بن مالک رضی اللہ عنہ بیان کرتے ہیں : حضرت عبداللہ بن سلام رضی اللہ عنہ نبی اکرم ﷺ کی مدینہ منورہ تشریف آوری کے موقع پر آپ کی خدمت میں حاضر ہوئے انہوں نے عرض کی : میں آپ سے تین چیزوں کے بارے میں دریافت کروں گا ان چیزوں کے بارے میں کسی نبی کو ہی علم ہو سکتا ہے ۔نبی اکرمﷺ نے فرمایا : تم دریافت کرو۔ انہوں نے عرض کی : قیامت کی پہلی نسانی کیا ہے( یہاں ایک لفظ کے بارےمیں راوی کو شک ہے) اہل جنت سب سے پہلے کیا چیز کھائیں گے اور وہ کون سی چیز ہے' جو بچے کو اس کے باپ یا س کی ماں کی طرف کھینچ کر لے جاتی ہے( جس کی وجہ سے بچہ ماں یا باپ سے مشابہت رکھتا ہے) نبی اکرم ﷺ نے ارشاد فرمایا : ان چیزوں کے بارے میں ابھی جبرائیل نے مجھے بتایا ہے۔ حضرت عبداللہ بن سلام رضی اللہ عنہ نے دریافت کیا : جبرائیل نے۔ نبی اکرم ﷺ نے فرمایا : جی ہاں ۔حضرت عبداللہ بن سلام رضی اللہ عنہ نے کہا: فرشتوں میں سے و ہ تو یہودیوں کے نزدیک نا پسند یدہ شخصیت ہیں ۔ نبی اکرم ﷺ نے ارشاد فرمایا : قیامت کی سب سے پہلی نشانی (یہاں ایک لفظ کے بارے میں راوی کو شک ہے) وہ آگ ہو گی ' جو مشرق کی طرف سے نکلے گی اور لوگوں کو اکٹھا کر کے مغرب کی طرف لے جائے گی۔ اہل جنت سب سے پہلے جو چیز کھائیں گے وہ مچھلی کے جگر کا اضافی حصہ ہو گا ' اور جو چیز بچے کو اس کے باپ یا ماں کی طرف کھینچ کر لے جاتی ہے' تو جب مرد کا مادہ
عورت کے مادے پر سبقت لے جائے تو بچہ باپ کے ساتھ مشابہت رکھتا ہے ' جب عورت کا مادہ مرد کے مادے پر سبقت لے جائے تو بچہ ماں کے ساتھ مشابہت رکھتا ہے ۔حضرت عبداللہ بن سلام رضی اللہ عنہ نے فرمایا : میں اس بات کی گواہی دیتا ہوں کہ اللہ تعالیٰ کے علاوہ اور کوئی معبود نہیں ہے اور آپ اللہ کے رسول ہیں۔ انہوں نے عرض کی : یا رسول اللہ ﷺ یہودی ایک ایسی قوم ہے ' جو بہتان تراشی کرتے ہیں آپ انہیں بلوائیں اور ان سے دریافت کیجئے میں ان کے درمیان کیساشخص ہوں اس سے پہلے کہ انہیں میرے اسلام قبول کرنے کا علم ہو جائے پھر یہودیوں سے تعلق رکھنے والے کچھ لوگ آپ کی خدمت میں حاضر ہوئے ۔نبی اکرمﷺ نے ان سے دریافت کیا: عبداللہ بن سلام کیساتھ شخص ہےانہوں نے کہا: وہ ہمارے سب سے بہتر شخص اور ہمارے سب سے بہتر شخص کے صاحب زادے ہیں اور وہ ہمارے سردار اور ہمارے سردار کے صاحب زادے ہیں وہ ہمارے سب سے بڑے عالم اور سب سے بڑے عالم کے صاحب زادے ہیں ۔نبی اکرمﷺ نے ان سے فرمایا : اگر وہ اسلام قبول کر لے تو پھر تمہاری کیا رائے ہو گی انہوں نے کہا: اللہ تعالیٰ انہیں اس چیز سے بچائے ۔ راوی کہتےہیں توحضرت عبداللہ بن سلام نکل کر ان کے سامنے آئے اور بولے میں اس بات کی گواہی دیتا ہوں کہ اللہ تعالیٰ کے علاوہ اور کوئی معبود نہیں ہے تو ان یہودیوں نے کہا: آپ ہمارے سب سے برے شخص اور سب سے زیادہ برے شخص کے صاحب زادے ہیں ۔
Sahih Ibn Hibban · The Book of Virtues › The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them · Hadith 7161
حضرت رافع بن خدیج رضی اللہ عنہ بیان کرتے ہیں : حضرت جبرائیل ( راوی کو شک ہے شاید یہ الفاظ ہیں : ) ایک فرشتہ نبی اکرمﷺ کی خدمت میں حاضر ہو ااس نے عرض کی : آپ کے درمیان اہل بدر کی کیا حثیت ہے ؟ نبی اکرمﷺ نے فرمایا : وہ ہمارے نزدیک سب سے زیادہ فضیلت رکھنے والے لوگ ہیں تو اس نے عرض کی : جو فرشتے اس میں شریک ہوئے تھے ۔ وہ ہمارے نزدیک یہی حثیت رکھتے ہیں ن۔
(امام ابن حبان ؒ فرماتے ہیں : ) یہ روایت جریر بن عبدالحمید نے یحییٰ بن سعید کے حوالے سے معاذ بن رفاعہ کے حوالے سے انکے والد سے نقل کی ہے۔ ان کے والد اور ان کے دادا دونوں کو بیعت عقبہ میں شریک ہونے کا شرف حاصل ہے وہ بیان کرتے ہیں : حضرت جبرائیل ؑ نبی اکرمﷺ کی خدمت میں حاضر ہوئے تھے ۔
سفیان ثوری نے یہ روایت یحییٰ بن سعید کے حوالے سے عبایہ بن رفاعہ کے حوالے سے اور ان کے دادا حضرت رافع بن خدیج رضی اللہ عنہ سے نقل کی ہے۔
سفیان ' جریر کے مقابلے میں زیادہ بڑے حافظ الحدیث ' زیادہ متقن اور زیادہ بڑے فقیہہ ہیں اور جب وہ کسی چیز کو یاد رکھتے ہوں تو وہ اس کی پروا ہ نہیں کرتے کے ان کے بر خلاف الفاظ کس نے نقل کیے ہیں ۔
Sahih Ibn Hibban · The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them › The door is the preference of the mother · Hadith 7224
صیح ابن حبان · کتاب السیر ‹ غَزْوَةُ بَدْرٍ · حديث 4793
حضرت بن عباس رضی اللہ عنہ بیان کرتے ہیں: حضرت عمر بن خطاب رضی اللہ عنہ نے مجھے یہ حدیث بیان کی ہے: جب غزوہ بدر کا دن آیا، تو نبی اکرم ﷺ نے مشرکین کی طرف دیکھا جن کی تعداد ایک ہزار تھی اور نبی اکرم ﷺ کے ساتھ 300 سے کچھ زیادہ تھے نبی اکرم ﷺ نے قبلہ کی طرف رخ کیا پھر آپﷺ نےپانے دونوں ہاتھ پھیلا دئیے اور آپ اپنے پروردگار کی بارگاہ میں یہ التجا کرنے لگے اے اللہ ! تو نے میرے ساتھ جو وعدہ کیا ہے اسے پورا کر دے اے اللہ! جو تو نے میرے ساتھ وعدہ کیا ہے اسے پورا کر دے۔ اے اللہ! اگر یہ گروہ ہلاکت کا شکار ہو گیا جو اہل اسلام سے تعلق رکھتا ہے، تو پھر تیری زمین پر عبادت نہیں کیا جائے گی۔ نبی اکر مﷺ مسلسل اپنے پروردگار کی بارگہ میں التجائیں کرتے رہے آپ ﷺ نے اپنے دونوں ہاتھ بلند کیے ہوئے تھے۔ قبلہ کی طرف رخ کیا ہو ا تھا، یہاں تک کہ آپﷺ کے کندھے سے چاردر گر گئی تو حضرت ابوبکر رضی اللہ عنہ آپ کے پاس آئے انہوں نے نبی اکرم ﷺ کی چادر پکڑ کر آپ ﷺکے کندھے پر رکھی ، اور پھر آپﷺ کو پیچھے سے اپنے ساتھ لپٹا لیا، اور عرض کی اے اللہ کے نبی آپﷺ نے اپنے پروردگار کی بارگاہ میں بہت سی التجائیں کر لی ہیں۔ آپﷺ کا پروردگار آپﷺ کے ساتھ کیے ہوئے وعدے کو پورا کر دکھائے گا، تو اللہ تعالیٰ نے یہ آیت نازل کی۔
”جب تم اپنے پروردگار سے مدد مانگ رہے تھے، تو تمہاری دعا کو قبول کیا۔ بے شک میں تمہاری طرف ایک ہزار فرشتے بھیجنے لگا ہوں جو ایک دوسرے کے آگے پیچھے آئیں گے “۔
تواللہ تعالیٰ نے فرشتوں کے ذریعے نبی اکرم ﷺ کی امداد کی۔
ابوزمیل نامی راوی بیان کرتے ہیں: حضرت عبداللہ بن عباس رضی اللہ عنہ نے مجھے یہ بات بتائی ہے، اس دن ایک مسلمان شخص ایک مشرک کے پیچھے جا رہا تھا جو اس کے آگے تھا۔ اسی دوران اس نے کوڑے کی آواز اپنے اوپر سے سنی اور اپنے اوپر سے ایک گھڑ سوار کی آواز سنی جو یہ کہہ رہا تھا۔ حیزوم آگے بڑھو۔ اسی دوران اس کی نظر اپنے آگے مشرک پر پڑی جو چت لیٹا ہوا گر چکا تھا۔ ان نے ان کی طرف دیکھا تو اس کا چہرہ اور ناک چھل چکے تھے یوں جیسے اسے کوڑا لگا ہوا ہو۔ پھر وہ انصاری آیا اس نے نبی اکرم ﷺ یو یہ بات بتائی، تو نبی اکرم ﷺ نے فرمایا: تم نے ٹھیک کہا ہے یہ آسمان سے آنے والی تیسری مدد تھی۔ ان لوگوں نے اس دن ستر (مشرکین) کو قتل کیا تھا، اور ستر (مشرکین) کو قید کیا تھا۔
حضرت عبداللہ بن عباس رضی اللہ عنہ بیان کرتے ہیں۔ جب ان لوگوں نے قیدیوں کو قید کر لیا تو نبی اکرم ﷺ نے حضرت ابوبکر رضی اللہ عنہ ، حضرت علی رضی اللہ عنہ اور حضرت عمر رضی اللہ عنہ سے فرمایا۔ ان قیدیوں کے بارے میں تمہاری کیا رائے ہے حضرت ابوبکر رضی اللہ عنہ نے عرض کیا: اے اللہ کے نبی یہ چچا زاد ہیں۔ خاندان کے افراد ہیں میری یہ رائے ہے، ہم ان سے فدیہ لے لیتے ہیں۔ جو ہمارے لیے کفار کے خلاف تیاری میں مدد دے گا اور اللہ تعالیٰ ان لوگوں کو اسلام کی ہدایت نصیب کرے گا۔ نبی اکرم ﷺ نے فرمایا: اے خطاب کے صاحبزادے تمہاری کیا رائے ہے؟ (حضرت عمر رضی اللہ عنہ کہتے ہیں: ) میں نے عرض کی: جی نہیں اللہ کی قسم ! یا رسول اللہ ﷺ! میری وہ رائے نہیں ہے، جو حضرت ابوبکر رضی اللہ عنہ کی ہے میری یہ رائے ہے، آپ انہیں ہمارے حوالے کریں ہم ان کی گردنیں اڑاتے ہیں۔
آپ عقیل کو علی کے حوالے کریں یہ اس کی گردن اڑائے مجھے فلاں کے حوالے کریں۔ میں اس کی گردن اڑاتا ہوں۔ حضرت عمر رضی اللہ عنہ نے اپنے بھانجے کے بارے میں یہ بات کہی۔ یہ لوگ کفر کے پیشوا ہیں، اور اس کے سردار ہیں، تو نبی اکرم ﷺ نے اس رائے کو اختیار کیا جو نبی اکرم ﷺ نے بیان کی تھی، اور اس رائے کو اختیار نہیں کیا تھا جو میں نے بیان کی تھی۔ اگلے دن میں آیا، تو نبی اکرم ﷺ اور حضرت ابوبکر رضی اللہ عنہ بیٹھے ہوئے رو رہے تھے۔ میں نے عرض کی: یا رسول اللہ ﷺ! آپ مجھے بتائیں کہ آپﷺ اور آپﷺ کے ساتھی کسی بات پر رو رہے ہیں تا کہ میں بھی اس بات پر رونا شروع کر دوں۔ اگر میں اس بات پر رو نہ سکوں، تو رونے والی شکل بنالوں، تو نبی اکرم ﷺ نے ارشاد فرمایا: میں اس بات پر رورہا ہوں جو تمہارے ساتھیوں نے فدیہ لینے کی پیشکش کی تھی۔
اس کے بارے میں اللہ تعالیٰ نے یہ حکم نازل کیا ہے:
”تو اللہ تعالیٰ نے مالِ غنیمت کو حلال قرار دیا “۔
سیدہ عائشہ صدیقہ ؓ بیان کرتی ہیں :نبی اکرمﷺ نے ارشاد فرمایا ہے :
"فرشتوں کو نور سے پیدا کیاگیا ہے جنات کو آگ سے پیداکیا گیا ہےاور انسانوں کو اس چیز سے پیدا کیاگیا ہے، جس کے بارے میں تمہیں بتایاگیا ہے۔"
حضرت ابوہریرہ ؓ روایت کرتےہیں ،نبی اکرمﷺ نے ارشادفرمایا:
"اللہ تعالیٰ نے حضرت آدم ؑ کو اپنی صورت کے مطابق پیدا کیا ان کا قد 60گز تھا ،جب اللہ تعالیٰ نے انہیں پیدا فرمایا:کیاتو تم اجاؤ اور اس گروہ کو سلام کروں ۔ فرشتے تھے جو بیٹھے ہوئے تھے تم غور سے سننا کہ وہ تمہیں کیا جواب دیتے ہیں کیونکہ وہ تمہارا اور تمہاری اولاد کا سلام کرنے کا طریقہ ہوگا ۔نبی اکرمﷺ فرماتےہیں :حضرت آدم ؑ گئے انہوں نے کہا :السلام علیکم ، تو فرشتوں نے جوا ب میں رحمت اللہ کا اضافہ کیا۔"
نبی اکرمﷺ فرماتےہیں :جنت میں جو شخص بھی داخل ہوگا حضرت آدم ؑ کی طرح اس کاقد60 گز ہوگا اس کے بعد مسلسل انسانوں کے قد کم ہوتے رہے، یہاں تک کہ یہ صورت حال آگئی۔
(امام ابن حبان ؒفرماتےہیں:)یہ وہ روایت ہے، جس کے ساتھ وہ شخص متعلق ہوا جو علم احادیث میں مہارت نہیں رکھتا اور اس نے اس روایت کی وجہ سے محد ثین پر اعتراضات کیے جو سنت کی خدمت کرتےہیں اور اس پر ہونے والے اعتراض کو پرے کرتےہیں اور جو شخص سنت کی خلاف ورزی کرتا ہے وہ اس کی بھر پور مخالفت کرتےہیں اس شخص نے یہ کہا کہ لفظ صورکہ میں ضمیر یا، تو اللہ تعالیٰ کی طرف منسوب ہوگی ،یاحضرت آدم ؑ کی طرف منسوب ہوگی اگراس کہ نسبت اللہ تعالیٰ کی طرف کی جائے ، تویہ چیز کفر ہوگر کیونکہ ارشادباری تعالیٰ ہے۔
"اس کی مانند کوئی چیز نہیں ہے۔"
اگر اس کی نسبت حضرت آدم ؑ کی طرف کی جائے ،تو روایت میں فائدہ حاصل نہیں ہوگا کیونکہ اس میں کوئی شک نہیں ہے تمام انسانوں کی شکل وصورت حضرت آدم ؑ جیسی ہے کسی اور جیسی نہیں ہے۔
اگر اس بات کا قائل شخص تنہائی میں بیٹھ کر اپنے پروردگار کی بارگاہ میں التجا ء کرتا اور اس سے حق اور ہدایت کی توفیق کا سوال کرتا جو نبی اکرمﷺ کی سنتوں کو لازم پکڑنے کی صورت میں سیدھا راستہ ہے، تو پھر اس کےلیے مناسب یہ تھا کہ وہ جس حدیث کا مفہوم نہیں جانتا اس کےحوالے سے سنت کے خادمین پر اعتراض نہ کرتا اگرانسان کسی چیز کے بارے علم نہیں رکھتا،یہ چیز تو اس بات پر دلالت نہیں کرتی کہ اس کی ناواقفیت کی وجہ سے حق کی نفی کردی جائے۔
ہم یہ کہتےہیں :نبی اکرمﷺ سےمنقول روایت جب نقل کے اعتبار سے مستند طور پر ثابت ہو تو اس میں کوئی اعتراض اور اختلاف نہیں ہوگا اورنہ ہی وہ قرآن کو منسوخ کرےگا بلکہ ہر روات کا اپنا مخصوص مفہوم ہوتا ہے اور ہر روایت کا اپنا پس منظر ہوتاہے، جسے اہل علم سمجھ جاتےہیں ہمارے نزدیک نبی اکرمﷺ کے اس فرمان کا مطلب یہ ہے "اللہ تعالیٰ نے حضرت آدم ؑ کو اپنی صورت میں پیدا کیا " اس سا مقصد یہ ہےکہ حضرت آدم ؑ کی دیگر تمام مخلوق کی فضیلت کو ظاہر کیا جائے اور اس میں ضمیر حضرت آدم ؑ کی طرف راجع ہے اورضمیر کے حضرت آدم ؑ کی طرف راجع ہونے کا فائدہ یوں ہے کہ اس ضمر کی نسبت اللہ تعالیٰ کی طرف نہیں کی جاسکتی کیونکہ ہمارا پروردگار اس چیز سے بلند وبرتر ہےکہ اسے مخلوق میں سے کسی سے مشابہ قرار دیا جائے اللہ تعالیٰ نے تخلیق کا سبب ایک ایسی چیز کو قرار دیا ہے ،جو حرکت بھی کرتی ہے اور جس کے وجود میں نشونما کی صلاحیت بھی پائی جاتی ہے یہ مذکور اور مؤ نث کے اجتماع کی صو رت میں (نشونما پاتی ہے) اس کے بعد مادہ تولید مذکر کے مخصوص کام سے مؤنث کے رحم کی طرف منتقل ہو جاتاہے اس کے بعد وہ ایک متعین مدت تک جمے ہوئے خون کی شکل میں رہتا ہے پھر وہ لوتھڑے کی شکل میں رہتا ہے پھر شکل وصورت بن جاتی ہےپھر ایک مخصوص وقت تک وہی رہتا ہے پھر وہ اپنی جگہ سے نکلتا ہے پھر دودھ پلانے کا مرحلہ آتا ہے پھر دودھ چھڑانے کا مرحلہ آتا ہے پھر دیگر مراتب ہیں جو ہم ذکر کر چکے ہیں ، یہاں تک کہ اسے موت آجاتی ہے۔
تو حرکت کرنے والے اور اپنی ذات کے اعتبار سے نشونما کی صلاحیت رکھنے والے کی یہ صفت ہےاللہ تعالیٰ نے حضرت آدم ؑ کو ان کی صورت پر پیدا کیا ہے یعنی وہ تخلیق جواس اعتبار سے ہوئی تھی ان کی لمبائی ساٹھ گز تھی ،لیکن ان سے پہلے کسی مذکور اور مؤ نث کا اجتماع نہیں ہوا ۔ مادہ تولید کسی جگہ زائل نہیں ہوا تھا کسی جگہ آکر ٹھہرا نہیں وہ مادہ جمے ہوئے خون یا گوشت کے لوتھڑے کی شکل میں تبدیل نہیں ہوا اس نے بعد میں ، جسم کی شکل اختیار نہیں کی ، تواللہ تعالیٰ نے اس چیز کے ذریعے ان کی فضیلت کو واضح کر دیا جو وہ دیگر تمام مخلوق پر رکھتےہیں کہ وہ پہلے نطقے کی شکل میں نہیں تھے کہ پھر جما ہوا خون بن جاتے جما ہوا خون نہیں تھےکہ گوشت کا لوتھڑا بن جائے گوشت کا لوتھڑا نہیں تھے کہ دودھ پینےکی نوبت آتی دودھ پینے والے نہیں تھے کہ دودھ چھڑانے کی نوبت آتی دودھ چھڑانے والے نہیں تھے کہ بعد میں نوجوان ہو جاتے جیسا کہ حضر ت آدم ؑ کے علاوہ دیگر انسانوں کی صورت حال ہوتی ہے یہ بات اس شخص کے موقف کے خلاف ہے جو اس بات کا قائل ہےکہ محدثین حثویہ فرقے کے سے نظریات رکھتےہیں وہ ایسی چیزیں روایت کر دیتےہیں جن کا فہم حاصل نہیں ہوسکتا اور وہ ایسی چیزوں کے ذ ریعے استدلال کرتےہیں جن کا انہیں پتہ نہیں ہوتا ۔
حضرت ابوہریرہ ؓ روایت کرتےہیں ،نبی اکرمﷺ نے ارشادفرمایا:
"جب اللہ تعالیٰ نے حضرت آدم کو پیدا کیا اور ان میں روح کو پھونکا ، تو انہیں چھینک آگئی انہوں نے الحمداللہ کہا انہوں نےاللہ کے حکم کے تحت اللہ کی حمد بیان کی تھی ، تو ان کے پروردگار نے ان سے فرمایاتمہارا پروردگار تم پر رحم کرے اے آدم تم ان فرشتوں کے گروہ کے پاس جاؤ جو بیٹھے ہوئے ہیں اور انہیں سلام کرو ،تو حضرت آدم ؑ نےکہا : السلام علیکم فرشتوں نے جواب دیا: وعلیکم السلام ورحمتہ اللہ پھر حضرت آدمؑ اپنے پروردگار کے پاس واپس آئے ،تو پروردگار نے فرمایا:یہ تمہارا اولاد کا سلام کرنے کاطریقہ ہے ۔ اللہ تعالیٰ کے دو ہاتھ بند تھے اللہ تعالیٰ نےفرمایا: تم ان دونوں میں سے جسے چاہو اختیار کرلو ،تو حضرت آدم ؑ نے کہا : میں اپنے پروردگار کے دائیں ہاتھ کو پسند کرتا ہوں ویسے میرے پروردگار کے دونوں ہاتھ دائیں اور برکت والے ہیں پھر پروردگار نے ان دونوں ہاتھوں کو پھیلایا ،تو ان میں حضرت آدم ؑاور ان کی ذریت موجود تھی ۔حضرت آدم ؑ نے دریافت کیا:اے میرے پروردگار یہ کون لوگ ہیں۔ اللہ تعالیٰ نے فرمایا:یہ تمہاری اولاد ہے ان میں سے ہر شخص کی عمر اس کی دونوں آنکھوں کے درمیان لکھی ہوئی ہے ان لوگوں میں ہر شخص تھا جو چمکدار چہرے کا مالک تھا اس کی عمر چالیس سال لکھی ہوئی تھی حضرت آدم ؑ نے کہا: اے میرے پروردگار یہ کون ہے اللہ تعالیٰ نے فرمایا:یہ تمہاری اولاد میں سے ایک شخص داؤد ہے اللہ تعالیٰ نے اس کی عمر چالیس برس مقرر کی ہے۔ حضرت آدم ؑ نے عرض کی : اے میرے پروردگار اس کی عمر میں اضافہ کردے ۔ پروردگار نے فرمایا:وہ میں نے اس کیلئے مقرر کر دی ہے ۔ حضرت آدم ؑ نے عرض کی : میں اپنی عمر کے ساٹھ سال اسے دیتا ہوں ۔ اللہ تعالیٰ نے فرمایا:تم اور وہ (یعنی تمہاری بیوی ) جنت میں رہو ، تو جب تک اللہ تعالیٰ کو منظور تھا وہ جنت میں رہے پھر انہیں وہاں سے نکالا گیا ۔ حضرت آدم ؑ اپنی عمر شمار کرتےرہے پھر ملک الموت ان کے پاس آیا ،تو حضرت آدم ؑ نے کہا :کیا تم جلدی نہیں آگئے میری عمر ،تو ایک ہزار سال تھی۔ ملک الموت نے کہا : جی ہاں ، لیکن آپ نے اس میں سے ساٹھ سال اپنے بیٹے داؤد کو دیدئیے تھے، تو حضرت آدم ؑ نے اس بات کو تسلیم نہیں کیا اسی وجہ سے ان کی اولاد بھی انکار کرتی ہے۔حضرت آدم ؑ بھو ل گئے اسی وجہ سے ان کی اولاد بھی بھول جاتی ہے، تو اس دن (کئے گئے معاہدے) کو تحریر کرنے یا گواہ قائم کرنےکا حکم دیا گیا ۔
ٖرت عبداللہ بن عمر ؓ بیان کرتےہیں:میں نے نبی اکرمﷺ کو یہ بات ارشاد فرماتےہوئے سنا ہے ،جب حضرت آدم ؑ کو زمین پر اتار اگیا ، تو فرشتوں نےکہا :اے پروردگار !
"کیا تواس میں اسے (اپنا خلیفہ ) بنا رہا ہے ،جو اس میں فساد کرےگا ار خون بہائے گا جب کہ ہم تیری حمد کے ہمراہ تسبیح بیان کرتےہیں اور تیری پاکی بیان کرتےہیں"۔
تو پروردگار نے فرمایا: میں وہ علم رکھتا ہو ں جو تم نہیں جانتے"ان فرشتوں نے عرض کی :ہم اولاد آدم کے مقابلے میں تیرے زیادہ فرمانبردار ہیں اللہ تعالیٰ نے فرشتوں سے فرمایاتم فرشتون میں سے کوئی سے دو فرشتے لے آؤ تو ہم اس بات کو ظاہر کردیں گے کہ وہ کیا عمل کرتےہیں ان لوگوں نے عرض کی : اے میرے پروردگار ہاروت اور ماروت (بیش خدمت ہیں ) ،تو پروردگار نے فرمایا: تم دونوں زمین پر اتر جاؤ۔
نبی اکرمﷺ فرماتےہیں :ان کے سامنے زہرہ نام کی ایک خوبصورت ترین عورت آئی وہ دونوں اس کےپاس آئے انہوں نے اس سے زنا کی خواہش کا اظہار کیا ،تو اس نےکہا :جی نہیں ۔اللہ کی قسم! جب تک تم لوگ یہ شرکیہ کلمہ نہیں کہو گے (میں تمہارے ساتھ زنا نہیں کروں گی ) ان دونوں نے کہا : اللہ کی قسم ! ہم کبھی بھی کسی کو اللہ کا شریک نہیں قرار دیں گے وہ ان دونوں کو چھوڑ کر چلی گئی پھر وہ ایک بچے کو گود میں اٹھا کر واپس آئی ان دونوں نے پھر اس نے سامنے زنا کی خواہش کا اظہار کیا ،تو اس نے کہا :جی نہیں اللہ کی قسم ! جب تک تم اس بچے کو قتل نہیں کرتے(میں تمہاری بات نہیں مانوں گی ) ان دونوں نے کہا : جی نہیں اللہ کی قسم ! ہم کبھی قتل نہیں کریں گے وہ پھر چلی گئی پھر وہ شراب کا پیالہ اٹھا کر چلی آئی پھر ان دونوں نے اس سے خواہش کا اظہار کیا اس نے کہا :جی نہیں ۔اللہ کی قسم !جب تک تم یہ شراب نہیں پیتے (میں تمہاری خواہش پوری نہیں کروں گی ) ان دونوں نے شراب پی لی دو دونوں مدہوش ہو گئے انہوں نے اس عورت کے ساتھ زنا بھی کر لیا اور اس بچے کو قتل بھی کر دیا جب انہیں ہوش آیا ،تو اس عورت نے کہا :اللہ کی قسم! تم نے ہر گناہ اسی وقت کیا جب تم دونوں مدہوش ہوگئے تھے ۔
(نبی اکرم ﷺ فرماتےہیں ) پھر ان دونوں کو اس وقت دنیاوی عذاب اور آخرت کے عذاب کے درمیان اختیار دیا گیا ،تو انہوں نے دنیا کے عذاب کو اختیار کرلیا۔
(امام ابن حبان ؒفرماتےہیں:) ایک عورت تھی جو اس زمانے میں موجود تھی اس سے مرادزہرہ نامی ستارہ نہیں ہے ،جو آسمان میں ہوتا ہے ، جو خنس (چھپنے والے ستاروں ) میں سے ہے ۔
حضرت ابو طلحہ انصاریؓ بیان کرتےہٰیں : میں نے نبی اکرمﷺ کو یہ بات ارشاد فرماتے ہوئے سنا ہے:
’’ فرشتے ایسے گھر میں داخل نہیں ہوتے جس میں کتایا تصویر موجود ہو‘‘۔
راوی بیان کرتے ہیں: میں نے سوچا میں سیدہ عائشہ ؓ کے پاس جا کر ان سے اس بارےمیں دریافت کروں گا۔ میں ان کی خدمت میں حاضر ہوا میں نے کہا: اے امی جان ایک صاحب نے مجھے یہ حدیث سنائی ہے ‘ نبی اکرمﷺ نےا رشاد فرمایا ہے:
’’ فرشتے اس گھر میں داخل نہیں ہوتے جس میں تصویر کتا موجود ہو‘‘۔
کیا آپ نے نبی اکرمﷺ کو اس بارے میں ذکر کرتے ہوئے سنا ہے‘ تو سیدہ عائشہ صدیقہؓ نے فرمایا جی نہیں ‘ لیکن میں تمہیں وہ بات بتاتی ہو ں جو میں نے نبی اکرمﷺ کو کرتے ہوئے دیکھا ہے۔ ایک مرتبہ نبی اکرمﷺ کسی غزوے میں شرکت کےلئے تشریف لے گئے جب آپ کے واپس آنے کا وقت ہوا ‘ تو میں ایک کپڑا لیا اور اسے پردے کے طور پر لٹکا دیا ۔ جب آ پ تشریف لائے ‘ تو میں نے دروازے پر آپ کا استقبال کیا۔ میں نے عرض کیا : آپ پر سلام ہو اور اللہ تعالیٰ کی رحمت نازل ہو ہر طرح کی حمد اللہ تعالیٰ کے لئے مخصوص ہے‘جس نے آپ کو عزت عطا کی۔ آپ کی مدد کی اور آپ کی عزت افزائی کی۔
نبی اکرمﷺ نے گھر کی طرف دیکھا‘ تو آپ کو وہ پردہ نظر آیا آپ نے مجھے کوئی جواب نہیں دیا۔ مجھے آپ کے چہرے پہ نا پسندیدگی کے آثار محسوس ہو گئے۔ میں نے وہ پردہ اتار کر اسے پھاڑ دیا۔ ( راوی کو شک ہے شاید یہ الفاظ ہیں ) اسے کاٹ دیا۔
پھر نبی اکرمﷺ نے ارشاد فرمایا: بے شک اللہ تعالیٰ نے ہمیں جو رزق عطا کیا ہے اس بارے میں ہمیں یہ حکم نہیں دیا کہ ہم مٹی اور پتھروں کو لباس پہنائیں۔
سیدہ عائشہ صدیقہ ؓ بیان کرتی ہیں : میں کپڑے کے دو حصے کئے اور ان میں پتے بھر دیئے۔ ( یعنی ان کے تکیے بنا لئے ) ‘ تو نبی اکرمﷺ نے اس حوالے سے مجھ پر اعتراض نہیں کیا۔
حضرت جابر ؓ نبی اکرمﷺ کا یہ فرمان نقل کرتےہیں :
’’جب کوئی شخص اپنے بستر پر جاتا ہے ‘ تو ایک فرشتہ اور ایک شیطان اس کے پاس آتے ہیں ‘ فرشتہ یہ کہتا ہے : بھلائی کے ذریعے ( اپنے دن بھر کے کاموں کا ) اختتام کرو۔ شیطان کہتا ہے: برائی کے ذریعے ( اپنے دن بھر کے کاموں کا ) اختتام کرو‘‘۔
( نبی اکرمﷺ فرماتے ہیں: ) اگر وہ شخص اللہ تعالیٰ کا ذکر کر کے سوتا ہے ‘ تو فرشتے رات بھر اس کی حفاظت کرتے رہتے ہیں ‘ جب وہ بیدار ہو جائے‘ تو فرشتہ کہتا ہے بھلائی کے ذریعے ( اپنے دن کے کاموں ) کا آغاز کرو اور شیطان کہتا ہے : برائی کے ذریعے آغاز کرو اگر وہ شخص یہ پڑھ لے۔
’’ ہر طرح کی حمد اللہ کے لئے مخصوص ہے ُ جس نے میری جان مجھے واپس کر دی اور اسے سونے کے دوران ہی موت نہیں دی ہر طرح کی حمد اللہ تعالیٰ کے مخصوص ہے ‘ جس نے آسمانوں اور زمین کو اس بات سے روکا ہوا ہے ‘ وہ برباد ہو جائیں۔ ( یہ آیت کے آخر تک پڑھنا ہے ) ہر طر ح کی حمد اس کےلئے مخصوص ہے ‘ جس نے آسمان کو اس بات سے روکا ہوا ہے‘ وہ زمین پر گر جائے البتہ اس کی اجازت سے ایسا ہو سکتا ہے‘‘۔
( نبی اکرمﷺ فرماتے ہیں ) اگر وہ شخص اس چار پائی سے گر کر مر جائے‘ تو وہ جنت میں داخل ہوگا۔
Sahih Ibn Hibban · History book › Chapter of the news, peace and blessings of God be upon me, about what will happen in the nation in terms of temptation and accidents · Hadith 6803
حضرت انس ؓ نبی اکرمﷺ کا یہ فرمان نقل کرتے ہیں :
"مدینہ کے قریب دجال آئے گا ، تو وہ فرشتوں کو پائے گا : وہ اس کی حفاظت کر رہے ہیں ، تو دجال مدینہ کے اندر داخل نہیں ہو سکے گا اور نہ ہی طاعون داخل ہو سکے گا اگر اللہ نے چاہا ۔"
Sahih Ibn Hibban · History book › Chapter of the news, peace and blessings of God be upon me, about what will happen in the nation in terms of temptation and accidents · Hadith 6804
حضرت زید بن ثابت رضی اللہ تعالیٰ عنہ بیان کرتے ہیں: نبی اکرم صلی اللہ علیہ وسلم نے ارشاد فرمایا: ہم اس وقت آپ کے پاس موجود تھے "شام کے لئے مبارکباد ہے"۔ نبی اکرم صلی اللہ علیہ وسلم نے فرمایا: "رحمان کے فرشتوں نے اپنے پراس پر پھیلائے ہوئے ہیں"۔
(امام ابن حبان رحمتہ اللہ علیہ فرماتے ہیں: ) ابن شماشہ نامی راوی عبد الرحمٰن بن شماسہ مہری ہے اور یہ اہل مصر کے ثقہ راویوں میں سے ایک ہیں۔
Sahih Ibn Hibban · The Book of the Chronicles, peace and blessings of God be upon him, on the authority of their companions, their husbands, and their sleep by mentioning their names, the blessing of all of them › Bab Al-Hijjaj, Yemen, the Levant, Persia, and Oman Mentioning the release of the name of the faith to the people of Al-Hijaz · Hadith 7304
صیح ابن حبان · بَابُ اِخبَارِہٖ عَنِ البَعثِ ‹ بَابُ اِخبَارِہٖ عَنِ البَعثِ · حديث 7379
حضرت ابو سعید خدری رضی اللہ تعالیٰ عنہ نبی اکرم صلی علیہ والہ وسلم کا یہ فرمان نقل کرتے ہیں:
" جہنم کے پل پر سے لوگ گزریں گے۔اس پر بڑے ، بڑے کانٹے اور آنکڑے لگے ہوئے ہوں گے، جو لوگوں کو دائیں طرف سے اور بائیں طرف سے اچک لیں گے۔ اس کے دونوں پہلوؤں پر فرشتے موجود ہوں گے اور وہ یہ کہہ رہے ہوں گے اے اللہ سلامتی عطا کرنا، سلامتی عطا کرنا، تو کچھ لوگ ہوا کی مانند (تیزی سے) گزر جائیں گے۔ کچھ لوگ تیز رفتار گھوڑے کی طرح، کچھ دوڑنے والے شخص کی طرح ، کچھ چلنے والے شخص کی طرح ، کچھ لوگ گھسٹ کر گزریں گے، اور کچھ لوگ گھٹنوں کے بل چلتے ہوئے گزریں گے۔ جہاں تک اہل جہنم کا تعلق ہے، جو اس کے اہل ہوں گے، تو وہ جہنم میں نہ، تو مریں گے اور نہ ہی زندہ رہیں گے۔ البتہ کچھ لوگوں کے گناہوں کی وجہ سے اور خطاؤں کی وجہ سے ان کی گرفت کی جائے گی اور انہیں جلایا جائے گا۔ جب وہ کوئلہ ہوجائیں گے، تو پھر شفاعت کی اجازت دی جائے گی، تو انہیں گروہ گروہ کرکے لیا جائے گا، اور جنت کی نہر میں ڈالا جائے گا، اور وہ یوں
پھوٹ پڑیں گے، جس طرح سیلاب کی گزرگاہ میں دانہ پھوٹ پڑتا ہے۔ نبی اکرم صلی اللہ علیہ وسلم نے فرمایا: کیا تم نے وہ درخت نہیں دیکھا جو ایسی کھلی جگہ پر اگتا ہے (نبی اکرم صلی اللہ علیہ وسلم فرماتے ہیں ) جہنم سے نکالا جانے والا آخری شخص وہ ہوگا، جو جہنم کے کنارے پر ہوگا۔ وہ عرض کرے گا: اے میرے پروردگار! میرا چہرہ جہنم سے پھیر دے۔ پروردگار فرمائے گا تم یہ عہد کرو کہ تم اس کے علاوہ مجھ سے کچھ اور نہیں مانگو گے۔ نبی اکرم صلی اللہ علیہ وسلم فرماتے ہیں: پل صراط پر تین درخت ہوں گے وہ بندہ عرض کرے گا: اے میرے پروردگار! مجھے اس درخت کی طرف پھیر دے تاکہ میں اس کا پھل کھالوں۔ سائے میں آجاؤں۔ پروردگار فرمائے گا تم یہ عہد کرو تم اس کے علاوہ مجھ سے کچھ اور نہیں مانگو گے۔ نبی اکرم صلی اللہ علیہ وسلم فرماتے ہیں: پھر وہ شخص دوسرے درخت کو دیکھے گا وہ اس سے زیادہ اچھا ہے، تو وہ کہے گا: اے میرے پروردگار! مجھے اس کی طرف پھیر دے تاکہ میں اس کا پھل کھالوں اور اس کے سائے میں آجاؤں۔ نبی اکرم صلی اللہ علیہ وسلم فرماتے ہیں: پروردگار یہ فرمائے گا تم یہ عہد کرو کہ تم اس کے علاوہ کچھ اور نہیں مانگو گے پھر وہ تیسرے درخت کو دیکھے گا کہ وہ اس سے بھی زیادہ اچھا ہے، تو عرض کرے گا: اے میرے پروردگار ، تو مجھے اس درخت کے پاس لے جا، تاکہ میں اس کا پھل کھاؤں اور اس کے سائے میں آؤں۔ نبی اکرم صلی اللہ علیہ وسلم فرماتے ہیں: پھر وہ شخص (جنت میں) لوگوں کے ہجوم کو دیکھے اور ان کا کلام سنے گا، تو عرض کرےگا: اے میرے پروردگار! مجھے جنت میں داخل کردے۔
ابو نضرہ نامی راوی بیان کرتے ہیں: یہاں حضرت ابو سعید خدری رضی اللہ تعالیٰ عنہ اور نبی اکرم صلی اللہ علیہ وسلم کے ایک صحابی کے درمیان (الفاظ کو نقل کرنے) میں اختلاف ہوا۔ ان میں سے ایک کا یہ کہنا تھا: پروردگار اسے جنت میں داخل کردے گا، اور اسے دنیا اور اس کی مانند مزید (جگہ جنت میں عطا کرے گا) اور دوسرے صحابی نے یہ کہا: پھر وہ شخص جنت میں داخل ہوگا، اور اسے دنیا اور اس کی مانند دس گنا (مزید جگہ) عطا کی جائے گی۔
(امام ابن حبان رحمتہ اللہ علیہ فرماتے ہیں: ) امام ابو یعلی نے اسی طرح یہ بیان کیا ہے کہ پل صراط پر تین درخت ہوں گے حالانکہ روایت کے اصل الفاظ یہ ہیں۔ پل صراط کےایک طرف (یعنی جنت والی طرف) تین درخت ہوں گے۔
حضرت ابو ہریرہ رضی اللہ تعالیٰ عنہ بیان کرتے ہیں: ہم نے عرض کی: یا رسول اللہ صلی اللہ علیہ وسلم ! جب ہم آپ کی خدمت میں حاضر ہوتے ہیں، تو ہمارے دل نرم ہوجاتے ہیں، اور ہمیں آخرت کی فکر ہوجاتی ہے لیکن جب ہم آپ سے جدا ہوتے ہیں، تو ہمیں دنیا اچھی لگنے لگتی ہے، اور ہم اپنے بیوی بچوں میں گم ہوجاتے ہیں۔ نبی اکرم صلی اللہ علیہ وسلم نے فرمایا: اگر تم مستقل اسی حالت میں رہو جو تمہاری حالت اسی وقت ہوتی ہے، جب تم میرے پاس ہوتے ہو ، تو فرشتے اپنے ہاتھوں کے ساتھ تمہارے ساتھ مصافحہ کرنے لگ پڑیں اور اگر تم اپنے گھروں میں رہنے کے دوران گناہ نہ کرو، تو اللہ تعالیٰ ان لوگوں کو لے آئے گا، جو گناہ کریں تاکہ اللہ تعالیٰ ان لوگوں کی مغفرت کرے۔ راوی کہتے ہیں: ہم نے عرض کی: یا رسول اللہ صلی اللہ علیہ وسلم ! آپ ہمیں جنت اور اس کی بناوٹ کے بارے میں بتائیں۔ نبی اکرم صلی اللہ علیہ وسلم نے فرمایا: اس کی ایک اینٹ سونے کی ہے اور ایک اینٹ چاندی کی ہے۔ اس کا گارا مشک اذفرکا ہے۔ اس کی کنکریاں موتیوں اور یا قوت کی ہیں۔ اس کی مٹی زعفران ہے، جو شخص اس میں داخل ہوگا۔ وہ ہمیشہ نعمتوں میں رہے گا کبھی پریشان نہیں ہوگا، اور ہمیشہ زندہ رہے گا، اسے کبھی موت نہیں آئے گی، اور اس کے کپڑے کبھی پرانے نہیں ہوں گے اس کی جوانی ختم نہیں ہوگی۔ تین لوگ ایسے ہیں جن کی دعا مسترد نہیں ہوتی۔ عادل حکمران، روزہ دار شخص جب افطاری کرتا ہے اور مظلوم شخص جس کی دعا بادلوں سے اوپر چلی جاتی ہے۔ اس کے لیے آسمان کے دروازے کھول دیئے جاتے ہیں اور پروردگار یہ فرماتا ہے: مجھے اپنی عزت کی قسم! میں تمہاری مدد ضرور کروں گا خواہ کچھ عرصے کے بعد کروں۔
۔ حضرت ابو ہریرہ رضی اللہ تعالیٰ عنہ بیان کرتے ہیں: کچھ لوگوں نے عرض کی: یا رسول اللہ صلی علیہ والہ وسلم ! کیا ہم قیامت کےدن اپنے پروردگار کا دیدار کریں گے۔ نبی اکرم صلی علیہ والہ وسلم نے فرمایا: جب بادل نہ ہوں، تو کیا تمہیں سورج کو دیکھنے میں مشکل پیش آتی ہے۔ لوگوں نے عرض کی: جی نہیں یا رسول اللہ صلی علیہ والہ وسلم ! نبی اکرم صلی علیہ والہ وسلم نے فرمایا: جب بادل نہ ہوں، تو کیا تمہٰں چودھویں رات کا چاند دیکھنے میں مشکل پیش آتی ہے، تو لوگوں نے عرض کی: جی نہیں یا رسول اللہ! نبی اکرم صلی علیہ والہ وسلم نے فرمایا: پھر تم اسی طرح قیامت کے دن اپنےپروردگار کا دیدار کرو گے۔ اللہ تعالیٰ قیامت کے دن تمام لوگوں کو اکٹھا کرے گا، اور یہ فرمائے گا، جو جس کی عبادت کرتا تھا وہ اس کے پیچھے چلاجائے ، جو لوگ سورج کی عبادت کرتے تھے وہ سورج کے پیچھے چلے جائیں گے جو چاند کی عبادت کرتے تھے وہ چاند کے پیچھے چلے جائیں گے، جو بتوں کی عبادت کرتے تھے وہ بتوں کے پیچھے چلے جائیں گے اور پھر یہ امت باقی رہ جائے گی، جس میں اس کے منافقین ہوں گے پھر اللہ تعالیٰ ان کے پاس اس سے مختلف صورت میں آئے گا، جس سے وہ واقف ہوں گے وہ فرمائے گا میں تمہارا پروردگار ہوں، تو وہ یہ کہیں گے ہم تم سے اللہ کی پناہ مانگتے ہیں ہم یہیں رہیں گے جب تک ہمارا پروردگار ہمارے پاس نہیں آتا۔ جب ہمارا پروردگار ہمارے پاس آئے گا توہم اسے پہچان لیں گے۔ نبی اکرم صلی علیہ والہ وسلم فرماتے ہیں: ان کا پروردگار ان کے پاس اس صورت میں آئے گا، جس سے وہ واقف ہوں گے اور یہ فرمائے گا میں تمہارا پروردگار ہوں، تو وہ کہیں گے، تو ہمارا پروردگار ہے پھر جہنم پر پل لگایا جائے گا۔ نبی اکرم صلی علیہ والہ وسلم فرماتے ہیں: سب سے پہلے میں اسے عبور کروں گا۔ اس دن تمام رسول یہی دعا کر رہے ہوں گے اے اللہ سلامتی عطا کرنا اے اللہ سلامتی عطا کرنا، اور اس پل پر کچھ آنکڑے لگے ہوئے ہوں گے جو سعدان نامی پودے کے کانٹوں کی طرح ہوں گے کیا تم جانتے ہو سعدان کے کانٹے کیسے ہیں۔ لوگوں نے عرض کی: جی ہاں یا رسول اللہ! نبی اکرم صلی اللہ علیہ وسلم نے فرمایا: وہ سعدان کے کانٹوں کی مانند ہوگے۔ البتہ ان کے حجم کے بارے میں صرف اللہ جانتا ہے، اور وہ لوگوں کو ان کے اعمال کے حساب سے اچک لیں گے، تو کوئی شخص اپنے عمل کی وجہ سے ہلاکت کا شکار ہوگا، اور کوئی (جہنم کے اندر) گر جائے گی، اور پھر نجات پائے گا، یہاں تک کہ اللہ تعالیٰ اپنے بندوں کے درمیان فیصلہ کرکے فارغ ہوجائے گا، اور اس بات کا ارادہ کرے گا جہنم سے ان لوگوں کو نکالے جو اس بات کی گواہی دیا کرتے تھے کہ اللہ تعالیٰ کے علاوہ اور کوئی معبود نہیں اور اللہ تعالیٰ فرشتوں کو یہ حکم دے گا کہ وہ ان لوگوں کو نکال لیں، تو فرشتے انہیں سجدوں کے نشانات کی علامت کے ذریعے پہچان لیں گے۔ نبی اکرم صلی اللہ علیہ وسلم فرماتے ہیں: اللہ تعالیٰ نے جہنم کے لیے یہ چیز حرام قرار دی ہے کہ وہ ابن آدم کے سجدوں کے نشان کو کھا لے۔
نبی اکرم صلی اللہ علیہ وسلم فرماتے ہیں: وہ لوگ انہیں نکالیں گے جبکہ وہ لوگ جل کر کوئلہ ہو چکے ہوں گے۔ ان پر پانی بہایا جائے گا، جسے آب حیات کہا جاتا ہے، تو وہ یوں اُگ جائیں گے، جس طرح سیلابی پانی کے راستے میں دانہ اگتا ہے۔ نبی اکرم صلی اللہ علیہ وسلم فرماتے ہیں: ان میں سے ایک شخص باقی رہ جائے گا، جو اپنے چہرے کے بل جہنم میں آئے گا، اور عرض کرے گا: اے میرے پروردگار! اس کی بدبو نے مجھے تنگ کیا ہوا ہے اور اس کی گری مجھے جلا رہی ہے۔ میرا چہرہ جہنم کی طرف سے پھیر دے وہ مسلسل دعا کرتا رہے گا، تو اللہ تعالیٰ فرمائے گا اگر میں نے تمہیں یہ چیز عطا کردی۔ پھر تم نے مجھ سے کوئی اور چیز نہیں مانگنی۔ وہ عرض کرے گا تیری عزت کی قسم میں اس کے علاوہ تجھ سے کچھ نہیں مانگوں گا۔ اللہ تعالیٰ اس کے چہرے کو جہنم سے پھیر دے گا۔ اس کے بعد وہ شخص عرض کرے گا: اے میرے پروردگار! مجھے جنت کے دروازے کے قریب کردے۔ اللہ تعالیٰ فرمائے گا تم نے یہ نہیں ، کہا تھا تم اس کے علاوہ مجھ سے کچھ اور نہیں مانگو گے۔ اے ابن آدم تمہارے لیے بربادی ہے تم کتنے وعدہ خلاف ہو۔ اس کے بعد وہ شخص مسلسل
دعا کرتا رہے گا۔ پروردگار فرمائے گا اگر میں نے تمہیں یہ چیز عطا کردی، تو پھر اس کے علاوہ تم مجھ سے کچھ نہیں مانگنا۔ وہ عرض کرے گا تیری عزت کی قسم میں اس کے علاوہ تجھ سے کچھ نہیں مانگوں گا پھر وہ اللہ تعالیٰ کے ساتھ پختہ عہد کرے گا کہ وہ اللہ تعالیٰ سے کچھ اور نہیں مانگے گا، تو اللہ تعالیٰ اسے جنت کے دروازے کے قریب کردے گا۔ جب اللہ تعالیٰ اسے جنت کے دروازے کے قریب کردے گا، تو جنت اس کے سامنے آئے گی پھر وہ اس میں موجود (نعمتوں کو) دیکھے گا، اور جتنا اللہ کو منظور ہوگا اتنی دیر خاموش رہے گا پھر عرض کرے گا: اے میرے پروردگار! مجھے جنت میں داخل کردے۔ پروردگار فرمائے گا کیا تم نے یہ نہیں، کہا تاھ کہ تم اس کے علاوہ مجھ سے کچھ نہیں مانگو گے۔ اے ابن آدم تمہاری بربادی ہے تم کتنے وعدہ خلاف ہو۔ وہ عرض کرے گا:اے میرے پروردگار! مجھے اپنی مخلوق کا سب سے بدبخت شخص نہ بنا۔ نبی اکرم صلی اللہ علیہ وسلم فرماتے ہیں: وہ مسلسل دعا کرتا رہے گا، یہاں تک کہ پروردگار ہنس دے گا۔ جب وہ اس پر ہنس پڑے گا، تو وہ اسے جنت میں داخل ہونے کی اجازت دے گا۔ جب وہ جنت میں داخل ہوگا، تو اس سے کہا جائے گا: اتنی آرزو کرو، اتنی آرزو کرو، وہ آرزو کرے گا، یہاں تک کہ اس کی آرزوئیں ختم ہوجائیں گی۔ پروردگار فرمائے گا تمہیں یہ سب کچھ ملتا ہے اور اس کی مانند مزید ملتا ہے۔
حضرت ابو سعید خدری رضی اللہ تعالیٰ عنہ بیان کرتے ہیں: میں نے نبی اکرم صلی اللہ علیہ وسلم کو یہ ارشاد فرماتے ہوئے سنا ہے کہ تمہیں یہ ملتا ہے اور اس کی مانند دس گنا ملتا ہے، تو حضرت ابو ہریرہ رضی اللہ تعالیٰ عنہ نے کہا: مجھے یہ الفاظ یاد ہیں تمہیں، یہ ملتا ہے اور اس کی مانند مزید ملتا ہے۔
یہ وہ شخص ہے، جو جنت میں سب سے آخر میں داخل ہوگا۔
صالح بن ابو طریف بیان کرتے ہیں: میں نے حضرت ابو سعید خدری رضی اللہ تعالیٰ عنہ سے دریافت کیا: کیا آپ نے نبی اکرم صلی اللہ علیہ وسلم کو اس آیت کے بارے میں کچھ ارشاد فرماتے ہوئے سنا ہے؟
’’حضرت زربن حبیش ؒ بیان کرتے ہیں کہ میں حضرت صفواب بن عسال مراوی ؓ کے پاس آیا ،توانہوں نے پو چھا کیسے آئے ہو ؟میں نے عرض کی : علم حاصل کرنے کےلیے حاضر ہوا ہوں ۔انہوں نے فرمایا :بےشک میں نے رسول اللہ ﷺ کو فرماتے ہوئے سنا ہے :جو شخص بھی حصول علم کےلیے اپنے گھر سے نکلتا ہے تو فرشتے اس کی طلب و جستجو پر رضا مندی اور پسند یدگی کا اظہار کرتے ہوئے اس کے لیے اپنے پر بچھا دیتے ہیں ۔‘‘ میں نےعرض کی : میں آپ سے موزوں پرمسح کے متعلق پوچھنے کےلیے آپ کی خدمت میں حاضر ہوا ہوں۔ انہوں نے فرمایا :ہاں ،ہم اس لشکر میں شامل تھے جسے رسول اللہ ﷺ نے (غزوے کےلیے ) بھیجا تھا ،آپ نے ہمیں حکم دیا کہ ہم اپنے موزوں پر مسح کر لیں ، جبکہ انہیں طہارت کی حالت میں پہنا ہو ،تین ( دن رات ) جب ہم سفر میں ہوں اور ایک رات (دن )جب ہم مقیم ہوں ۔ اور ہم انہیں پیشاب پاخانے کی وجہ سے نہ اتاریں ،صرف(غسل ) جنابت کی وجہ سے انہیں اتاریں ،اور فرمایا :’’میں نے رسول اللہ ﷺ کو فرماتے ہوئےسنا :بےشک مغرب کی جانب توبہ کےلیےایک دروازہ کھلا ہوا ہے جس کی مسافت ستر سال ہے وہ ( دروازہ (بند نہیں ہو گا ،حتی کہ سورج مغرب کی جانب سے ،دروازے کی جہت میں طلوع ہو جائے گا ۔‘‘امام ابوبکر ؒ فرماتے ہیں :’’میں نے عبدالرزاق کی حدیث امام مزنی کو بیان کی تو انہوں نے فرمایا :’’ہمارے اصحاب نے یہ حدیث روایت کی ہے کیونکہ امام شافعی ؒ کی اس سے قوی دلیل اور کوئی نہیں ہے۔‘‘
