سیدنا ابو بکرہ رضی اللہ عنہ سے روایت ہے کہ نبی کریم ﷺ صحابہ کرام سے جس کو کوئی اچھا خواب آتا تو اس کے بارے میں سوال کرتے ایک دن نبی کریم ﷺ نے فرمایا تم میں سے کس نے خواب دیکھا ہے ؟ ایک آدمی نے عرض کیا میں نے دیکھا کہ آسمان سے ایک میزان اترا اور اس میں آپ ﷺ کا اور سیدنا ابو بکر صدیق رضی اللہ عنہ کا وزن کیا گیا تو آپ ﷺ سیدنا ابو بکر سے وزن میں بھاری رہے پھر سیدنا ابو بکر اور سیدنا عمر کا وزن کا گیا تو سیدنا ابو بکر کا پلڑ اوزنی ہوا پھر سیدنا عمر رضی اللہ عنہ اورسیدنا عثمان کا ورزن کیا گیا تو سیدنا عمر وزنی ثابت ہوئے پھر وہ میزان اوپر اٹھا لیا گیا ۔ رسول اللہ ﷺ اس خواب سے کبیدہ خاطر ہوئے پھر آپ ﷺ نے فرمایا : یہ نبوت والی خلافت ہے پھر اللہ تعالیٰ جسے چاہے گا باد شاہی عطا کرے گا۔ (1)
Fazail Al Sahaba Al Ahmad Bin Hanble · Book › And among the virtues of Omar bin Al-Khattab from the hadeeth of Abu Bakr bin Malik, on the authority of his sheikhs other than Abd Allah bin Ahmed, and from the hadith of Abu Bakr bin Malik. · Hadith 573
Fazail Al Sahaba Al Ahmad Bin Hanble · Book › And among the virtues of Omar bin Al-Khattab from the hadeeth of Abu Bakr bin Malik, on the authority of his sheikhs other than Abd Allah bin Ahmed, and from the hadith of Abu Bakr bin Malik. · Hadith 623
مجمع الزوائد ومنبع الفوائد · [كِتَابُ الصَّلَاةِ] ‹ بَابُ انْتِظَارِ الصَّلَاةِ] · حديث 2127
حضرت عبداللہ بن مسعود رضی اللہ عنہ روایت کرتے ہیں : نبی اکرم صلی اللہ علیہ وآلہ وسلم نے ارشاد فرمایا ہے :" خواب اللہ تعالیٰ کی طرف سے خوشخبری ہوتے ہیں ، اور یہ نبوت کے ستر اجزاء میں سے ایک ہیں ، اور تمہاری آگ جہنم کی تپش کے ستر اجزاء میں سے ایک جز ہے، جو شخص مسجد میں آتا ہے ، اور نماز کا انتظار کرتا ہے ، وہ نماز کی حالت میں شمار ہوتا ہے ، جب تک اسے حدث لاحق نہیں ہو جاتا اور جو شخص ایک نماز کے بعد دوسری نماز کا انتظار کرتا ہے وہ نماز کی حالت میں شمار ہوتا ہے ، جب تک اسے حدث لاحق نہیں ہوتا"۔ یہ روایت امام طبرانی نے نقل کی ہے، اس کی سند میں ایک راوی عبید اسحاق عطار ہے، اور وہ متروک ہے۔ ابو حاتم نے اسے پسند یدہ قرار دیا ہے ، اور امام ابن حبان نے اس کا تذکرہ کتاب " الثقات "میں کیا ہے ، اور یہ بات بیان کی ہے ۔ یہ غریب روایات نقل کرتا ہے۔
ابْنِ مَسْعُودٍ،
Majma uz Zawaid Wa Manba ul Fawaid · [prayer book] › Chapter: Waiting for Prayer] · Hadith 2127
مجمع الزوائد ومنبع الفوائد · [كِتَابُ الْحَجِّ] ‹ [بَابُ رَمْيِ الْجِمَارِ] · حديث 5583
ابوطفیل بیان کرتے ہیں: میں نے حضرت عبداللہ بن عباس رضی اللہ عنہ سے کہا: آپ کی قوم کا یہ کہنا ہے کہ نبی اکرم صلی اللہ علیہ وسلم نے صفا اور مروہ کے درمیان سعی کی تھی اور یہ چیز سنت ہے انہوں نے بتایا کہ ان لوگوں نے سچ کہا ہے حضرت ابراہیم علیہ السلام کو جب مناسک ادا کرنے کا حکم دیا گیا تو شیطان سعی کے ایک مقام پر ان کے سامنے آیا اس نے حضرت ابراہیم علیہ السلام کے ساتھ دوڑ لگائی تو حضرت ابراہیم علیہ السلام اس سے آگے نکل گئے پھر حضرت جبرائیل علیہ السلام انہیں ساتھ لے کر جمرہ عقبہ کی طرف گئے تو شیطان ان کے سامنے آیا تو انہوں نے اسے سات کنکریاں ماریں یہاں تک کہ وہ چلا گیا پھر وہ درمیانی جمرہ کے پاس ان کے سامنے آیا تو انہوں نے اسے سات کنکریاں ماریں وہیں حضرت ابراہیم علیہ السلام نے حضرت اسماعیل علیہ السلام کو لٹا دیا حضرت اسماعیل علیہ السلام کے جسم پر ایک سفید قمیض تھی ۔ انہوں نے کہا: اے ابا جان! میرے پاس اور کوئی ایسا کپڑا نہیں ہے جس میں آپ مجھے کفن دیں تو آپ اسے اتار دیں اور اس میں مجھے کفن دے دیجئے گا جب حضرت ابراہیم علیہ السلام اسے اتارنے لگے تو ان کے پیچھے سے پکار کر کہا گیا: اے ابراہیم ! تم نے خواب کو سچ کر دیا ہے حضرت ابراہیم علیہ السلام نے مڑ کر دیکھا تو وہاں ایک سینگوں والا سفید رنگ کا سیاہ آنکھوں والا دنبہ موجود تھا حضرت عبداللہ بن عباس رضی اللہ عنہ بیان کرتے ہیں: مجھے اپنے بارے میں یہ بات یاد ہے کہ ہم اس قسم کے دنبے تلاش کیا کرتے تھے راوی بیان کرتے ہیں: پھر حضرت جبرائیل علیہ السلام انہیں لے کر جمرہ قصوی کی طرف گئے شیطان ان کے سامنے آیا انہوں نے اسے سات کنکریاں ماریں یہاں تک کہ وہ چلا گیا پھر حضرت جبرائیل انہیں لے کر منیٰ کی طرف گئے اور بولے یہ منیٰ ہے یونس بیان کرتے ہیں: یعنی لوگوں کے ٹھہرنے کی جگہ ہے پھروہ انہیں لے کر مزدلفہ آئے اور بولے یہ مشعر حرام ہے پھروہ انہیں لے کر عرفہ گئے حضرت عبد اللہ بن عباس رضی اللہ عنہ نے فرمایا کیا تم یہ بات جانتے ہو عرفہ کا یہ نام کیوں رکھا گیا ہے؟ میں نے جواب دیا: جی نہیں ! انہوں نے فرمایا: حضرت جبرائیل علیہ السلام نے حضرت ابراہیم علیہ السلام سے دریافت کیا: کیاتم نے پہچان لیا ہے ( یہاں ایک لفظ یونس نامی راوی نے مختلف نقل کیا ہے ) حضرت ابراہیم علیہ السلام نے جواب دیا: جی ہاں حضرت عبداللہ بن عباس رضی اللہ عنہ فرماتے ہیں: اسی وجہ سے اس جگہ کا نام عرفہ رکھا گیا ہے پھرانہوں نے فرمایا: کیا آپ جانتے ہیں تلبیہ کیسے ہوتا ہے میں نے جواب دیا وہ کیسا ہوتا تھا؟ انہوں نے بتایا جب حضرت ابراہیم علیہ السلام کو حکم دیا گیا کہ وہ لوگوں کے درمیان حج کا اعلان کریں تو تمام پہاڑ ان کے سامنے پست ہو گئے اور وادیاں کے سامنے بلند کر دی گئیں تو ان کے درمیان انہوں نے حج کا اعلان کیا ۔ یہ روایت امام احمد نے اور امام طبرانی نے معجم کبیر میں نقل کی ہے اور اس کے رجال ثقہ ہیں ۔
حضرت عبداللہ بن عباس رضی اللہ عنہ بیان کر تے ہیں : نبی اکرم صلی اللہ علیہ وسلم نے ارشاد فرمایا: ”حضرت جبرائیل حضرت ابراہیم علیہ السلام کو ساتھ لے کر جمرہ عقبہ کی طرف گئے شیطان ان کے سامنے آیا تو حضرت ابراہیم علیہ السلام نے اسے سات کنکریاں ماریں تو وہ ( زمین میں پھنس گیا ) پھر وہ درمیانی جمرہ کے پاس آئے تو شیطان ان کے سامنے آیا انہوں نے اسے سات کنکریاں ماریں تو وہ دھنس گیا پھر وہ جمر ہ قصویٰ کے پاس آئے تو انہوں نے اسے سات کنکریاں ماریں تو وہ دھنس گیا حضرت ابراہیم علیہ السلام نے اپنے صاحبزادے حضرت اسحاق علیہ السلام کو ذبح کرنے کا ارادہ کیا ‘ تو ( یہاں متن میں یہی مذکور ہے لیکن درست یہ ہے کہ حضرت اسماعیل علیہ السلام کو ذبح کرنے کا ارادہ کیا) تو انہوں نے اپنے والد سے کہا: اے میرے ابا جان جب آپ مجھے ذبح کرنے لگیں گے تو آپ مجھے باندھ دیجئے گا کیونکہ اگر میں تڑپا تو میرے خون کے چھینٹے آپ پر پڑیں گے حضرت ابراہیم علیہ السلام نے انہیں باندھ دیا جب انہوں نے چھری تیز کی اور انہیں ذبح کرنے کا ارادہ کیا ‘ تو پیچھے سے انہیں یہ کہا گیا: اے ابراہیم ! تم نے خواب کوسچا کردیا‘‘۔ یہ روایت امام احمد نے نقل کی ہے اس کی سند میں ایک راوی عطاء بن سائب ہے ‘ جو اختلاط کا شکار ہو گیا تھا۔
ابْنِ عَبَّاسٍ،
Majma uz Zawaid Wa Manba ul Fawaid · [The Book of Pilgrimage] › [The door of the throwing of pebbles] · Hadith 5584
ابو طفیل بیان کرتے ہیں: میں نے حضرت عبداللہ بن عباس رضی اللہ تعالیٰ عنہ سے کہا: آپ کی قوم کا یہ کہنا ہے کہ نبی اکرم صلی اللہ علیہ وآلہ وسلم نے صفا اور مروہ کے درمیان سعی کی ہے‘ اور یہ چیز سنت ہے‘ تو حضرت ابن عباس رضی اللہ تعالیٰ عنہ نے کہا: ان لوگوں نے ٹھیک کہا ہے‘ حضرت ابراہیم علیہ السلام کو جب مناسک حج کا حکم دیا گیا‘ تو سعی والی جگہ پر‘ شیطان ان کے سامنے آیا‘ اس نے حضرت ابراہیم علیہ السلام سے دوڑ کا مقابلہ کیا‘ تو حضرت ابراہیم علیہ السلام اس سے سبقت لے گئے‘ پھر حضرت جبرائیل علیہ السلام حضرت ابراہیم علیہ السلام کو ساتھ لے کر جمرہ عقبہ کی طرف گئے‘ تو وہاں شیطان ان کے سامنے آیا‘ حضرت ابراہیم علیہ السلام نے اسے سات کنکریاں ماریں‘ تو وہ چلا گیا‘ پھر وہ جمرہ وسطی کے پاس ان کے سامنے آیا‘ انہوں نے اسے سات کنکریاں ماریں‘ راوی کہتے ہیں: وہاں انہوں نے حضرت اسماعیل علیہ السلام کو لٹایا (تاکہ انہیں قربان کریں) حضرت اسماعیل علیہ السلام کے جسم پر سفیدقمیض موجود تھی‘ انہوں نے کہا: اے میرے ابا جان! میرے پاس اس کے علاوہ کوئی ایسا کپڑا نہیں ہے‘ جس میں آپ مجھے کفن دے سکیں‘ تو آپ اسے اتروا لیں‘ تاکہ آپ اس میں مجھے کفن دے سکیں‘ حضرت ابراہیم رضی اللہ تعالیٰ عنہ اسے اتارنے لگے تھے کہ اسی دوران پیچھے سے پکار کر کہا گیا:”اے ابراہیم علیہ السلام!تم نے اپنے خواب کو سچ ثابت دکھایا ہے‘‘۔ ’’حضرت ابراہیم علیہ السلام نے وہاں مڑ کے دیکھا‘ تو وہاں سفید رنگ کا خوبصورت آنکھوں والا دنبہ موجودتھا‘‘۔ (علامہ ہیثمی فرماتے ہیں:)میں یہ کہتا ہوں : اس کے بعد راوی نے پوری حدیث ذکر کی ہے‘ جو اس سے پہلے سےحج سے متعلق باب میں گزر چکی ہے۔یہ روایت امام احمدنے نقل کی ہے‘ اس کے رجال صحیح کے رجال ہیں‘ صرف ابو عاصم غنوی کا معاملہ مختلف ہے‘ اور وہ ثقہ ہے۔ اس سے پہلے ان صحابی کے حوالے سے ایک طریق گزر چکا ہے‘ جسے امام احمد اور امام طبرانی نے روایت کیا ہے‘ اور اس میں یہ بات ذکر ہے‘ جن کو ذبح کیا گیا تھا وہ حضرت اسحاق علیہ السلام ہیں۔اس روایت کی سند میں ایک راوی عطاء بن سائب ہے‘ جو اختلاط کا شکار ہو گیا تھا۔
Majma uz Zawaid Wa Manba ul Fawaid · [A book in which the prophets are mentioned] › [Chapter on the mention of Abraham al-Khalil and his sons, may God’s prayers be upon our Prophet, and upon them, and peace] · Hadith 13759
مجمع الزوائد ومنبع الفوائد · [كِتَابُ الْأَطْعِمَةِ] ‹ بَابُ قِلَّةِ الْأَكْلِ] · حديث 7962
حضرت جعدہ رضی اللہ تعالیٰ عنہ بیان کرتے ہیں: نبی اکرم صلی اللہ و علیہ وآلہ وسلم نے ایک بڑے پیٹ والے شخص کو دیکھا تو اپنی انگلیاں اس کے پیٹ میں لگا کے فرمایا: اگر یہ اس کے علاوہ کسی اور میں ہوتا تو یہ تمہارے حق میں بہتر تھا۔
جَعْدَةَ،
Majma uz Zawaid Wa Manba ul Fawaid · [Food Book] › Chapter on lack of eating] · Hadith 7962
مجمع الزوائد ومنبع الفوائد · [كِتَابُ الْعِلْمِ] ‹ بَابُ السُّؤَالِ لِلِانْتِفَاعِ وَإِنْ كَثُرَ] · حديث 724
حضرت ابو موسی اشعری رضی اللہ عنہ بیان کرتے ہیں :نبی اکرم صلی اللہ علیہ و آلہ وسلم جب فجر کی نماز ادا کر لیتے تھے تو آپ صلی اللہ علیہ و آلہ وسلم ہماری طرف رخ کر لیتے تھے ۔ ہم، میں سے کوئی شخص آپ صلی اللہ علیہ و آلہ وسلم سے قرآن کے بارے میں سوال کرتا تھا ، ہم میں سے کوئی شخص آپ صلی اللہ علیہ و آلہ وسلم سے وراثت کے بارے میں دریافت کرتا تھا ، اور ہم میں سے کوئی شخص آپ صلی اللہ علیہ و آلہ وسلم سے خواب (کی تعبیر )کے بارے میں دریافت کرتا تھا ۔ یہ روایت طبرانی نے معجم کبیر میں نقل کی ہے، اس کی سند میں ایک راوی محمد بن عمر روی ہے ، جسے امام ابو داؤد اور امام ابو زرعہ نے ضعیف قرار دیا ہے ، جبکہ ابن حبان نے اسے ثقہ قرار دیا ہے ۔
حضرت عبداللہ بن عمر رضی اللہ عنہ بیان کرتے ہیں : حجرت عمر بن خطاب رضی اللہ عنہ نے حضرت علی بن ابو طالب رضی اللہ عنہ سے فرمایا : اے ابوالحسن ! بعض اوقات آپ (نبی اکرم صلی اللہ علیہ و آلہ وسلم کے پاس )موجود تھے اور ہم موجود نہیں ہوتے تھے ، اور بعض اووقات ہم موجود ہوتے تھے اور آپ موجود نہیں ہوتے تھے ، میں آپ سے تین چیزوں کے بارے میں سوال کروں گا کہ کیا آپ کے پاس ان کے بارے میں کوئی علم ہے ؟ حضرت علی رضی اللہ عنہ نے دریافت کیا : وہ چیزیں کیا ہیں ؟ حضرت عمررضی اللہ عنہ بولے: بعض اوقات ایک شخص کسی دوسرے شخص کے ساتھ محبت رکھتا ہے، حالانکہ اس نے اس دوسرے شخص سے کوئی بھلا ئی نہیں دیکھی ہوتی ہے اسی طرح بعض اوقات کوئی شخص کسی دوسرے شخص سے بغض رکھتا ہے ، حالانکہ اس نے اس دوسرے شخص سے کوئی برائی نہیں دیکھی ہوتی ، تو حضرت علی رضی اللہ عنہ نے ارشاد فرمایا :جی ہاں !( یعنی میرے پاس اس حوالے سے علم ہے )نبی اکرم صلی اللہ علیہ و آلہ وسلم نے ارشاد فرمایا ہے :"ہوی ٰ میں (یعنی عالم ارواح میں )روحیں گروہوں کی شکل میں رہتی تھیں ، وہ ایک دوسرے سے ملتی تھیں ، تو ان میں سے جو ایک دوسرے سے متعارف ہوئیں ، وہ (دنیا میں بھی)ایک دوسرے سے مانوس ہوتی ہیں ، اور جو وہاں لاتعلق رہیں ، وہ (دنیا میں بھی) ایک دوسرے سے نا مانوس رہتی ہیں "۔حضرت عمر رضی اللہ عنہ نے فرمایا : ایک بات ہوگئی پھر حضرت عمر رضی اللہ عنہ نے دریافت کیا : اوقات کوئی شخص کوئی بات بیان کرتا ہے اور پھر وہ بھول جاتا ہے ، حضرت علی رضی اللہ عنہ نے فرمایا : میں نےنبی اکرم صلی اللہ علیہ و آلہ وسلم کو یہ ارشاد فرمایا ہوئے سنا ہے : "دلوں میں سے ہر ایک دل کی لیے ایک بادل ہوتا ہے ، جیسے چاند کا بادل ہوتا ہے ، کہ چاند چمک رہا ہوتا ہے اس پر بادل آ جاتا ہے، تو وہ تاریک ہو جاتا ہے ، جب بادل ہٹ جاتا ہے، تو وہ پھر چمکنے لگتا ہے ، اسی طرح کوئی شخص کوئی بات بیان کر رہا ہوتا ہے، اسی دوران اس پر باد آ جاتا ہے ، تو وہ بات بھول جاتا ہے اور جب وہ بادل ہٹ جاتا ہے تو اسے وہ با ت یاد آ جاتی ہے "۔حضرت عمر نے فرمایا : دو باتیں ہو گئی ہیں ، پھر حجرت عمر رضی اللہ عنہ نے فرمایا : آدمی مختلف قسل کے خواب دیکھتا ہے ان میں سے کچھ خواب سچے ثابت ہوتے ہیں اور کچھ خواب جھوٹے ثابت ہوتے ہیں ، حضرت علی رضی اللہ عنہ نے فرمایا :جی ہاں ! میں نبی اکرم صلی اللہ علیہ و آلہ وسلم کو یہ ارشاد فرماتے ہوئے سنا ہے :"جو بھی بندہ یا بندی سوتا ہے ، جب اس کی نیند گہری ہو جاتی ہیں تو اس کی روح کو عرش کی طرف لے جایا جاتا ہے ،اگر وہ شخص اس کے پاس پہنچ کر بیدار ہوتا ہے ، تو وہ ایسا خواب ہوتا ہے جو سچا ثابت ہوتا ہے ، اور جو عرش سے پہلے بیدار ہو جاتا ہے ، تو وہ ایسے خواب ہوتے ہیں جو جھوٹے ثابت ہوتے ہیں "۔حضرت عمر رضی اللہ عنہ نے فرمایا :تین باتیں تھیں ، جن کی مجھے تلاش تھی ، ہر طرح کی حمد ، اللہ تعالی کے لیے مخصوص ہے کہ مرنے سے پہلے مجھے ان کا جواب مل گیا ۔ یہ روایت امام طبرانی نے معجم اوسط میں نقل کی ہے ، اس کی سند میں ایک راوی ازہر بن عبداللہ ہے عقیلی فرماتے ہیں : ابن عجلان کے حوالے سے اس کی نقل کردہ حدیث محفوظ نہیں ہے، اور یہ حدیث اسرائیل کے حوالے سے ابو اسحاق کے حوالے سے حارث کے حوالے سے ، حضرت علی رضی اللہ عنہ پر "موقوف" ہونے کے طور پر معروف ہے ، اس روایت کے بقیہ رجال کی توثیق کی گئی ۔
ابْنِ عُمَرَ
Majma uz Zawaid Wa Manba ul Fawaid · [The Book of Science] › Chapter of the Scientist’s Question About What He Does Not Know] · Hadith 738
مجمع الزوائد ومنبع الفوائد · [كِتَابُ عَلَامَاتِ النُّبُوَّةِ] ‹ بَابٌ] · حديث 14279
سیّدہ عائشہ صدیقہ رضی اللہ تعالیٰ عنہا بیان کرتی ہیں : میں نے خواب میں دیکھا کہ تین چاند اتر کر میری گود میں آ گئے ہیں‘ حضرت ابو بکر رضی اللہ تعالیٰ عنہ نے فرمایا: اگر تمہارا خواب سچ ثابت ہوا‘ تو تمہارے گھر میں اہل زمین کے تین بہترین لوگ دفن ہوں گے‘ جب نبی اکرم صلی اللہ علیہ وآلہ وسلم کا وصال ہو گیا‘ تو حضرت ابو بکر رضی اللہ تعالیٰ عنہ نے سیّدہ عائشہ رضی اللہ تعالیٰ عنہا سے کہا: اے عائشہ! یہ تمہارے چاندوں میں سب سے بہتر ہیں‘ (راوی بیان کرتے ہیں :) پھر (بعد میں) حضرت ابو بکر رضی اللہ تعالیٰ عنہ اور حضرت عمر رضی اللہ تعالیٰ عنہ کو بھی ان کے گھر میں دفن کیا گیا۔یہ روایت امام طبرانی نے معجم کبیر میں نقل کی ہے‘ روایت کے یہ الفاظ ان سے نقل کردہ ہیں‘ یہ انہوں نے معجم اوسط میں بھی نقل کی ہے‘ معجم کبیر کے رجال‘‘ صحیح ‘‘ کے رجال ہیں۔اس سے پہلے یہ مرفوع حدیث گزر چکی ہے: سیّدہ عائشہ رضی اللہ تعالیٰ عنہا نے یہ خواب نبی اکرم صلی اللہ علیہ وآلہ وسلم کو سنایا تھا‘ اور نبی اکرم صلی اللہ علیہ وآلہ وسلم نے اس کی تعبیر بیان کی تھی‘ یہ خوابوں کی تعبیر سے تعلق باب میں گزری ہے‘ اور اس کی سند میں ضعف پایا جاتا ہے۔
عَائِشَةَ
Majma uz Zawaid Wa Manba ul Fawaid · [The Signs of Prophethood] › Door] · Hadith 14279
حضرت عبداللہ بن عمرو رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں : (ارشاد باری تعالیٰ ہے :) ’’ان لوگوں کے لئے دنیاوی زندگی میں خوشخبری ہے‘‘۔ نبی اکرم صلی اللہ علیہ وآلہ وسلم فرماتے ہیں : اس سے مراد وہ سچے خواب ہیں جن کے ذریعے کسی مومن کو بشارت دی جاتی ہے ۔ یہ روایت امام احمد نے نقل کی ہے ۔ اس کی سند میں ایک راوی ابن لہیعہ ہے اس کی نقل کردہ حدیث حسن ہے ، اور اس میں ضعف پایا جاتا ہے۔
Majma uz Zawaid Wa Manba ul Fawaid · [Book of exegesis] › The Almighty said: {To them is the glad tidings in this worldly life and in the hereafter} [Yunus: 64]. · Hadith 11068
حضرت جابر بن عبداللہ بن رئاب رضی اللہ تعالیٰ عنہ نبی اکرم صلی اللہ علیہ وآلہ وسلم کے حوالے سے اللہ تعالیٰ کے اس فرمان کے بارے میں نقل کرتے ہیں: (ارشاد باری تعالیٰ ہے:) ’’ ان لوگوں کے لئے دنیاوی زندگی میں خوشخبری ہے اور آخرت میں‘‘۔ نبی اکرم صلی اللہ علیہ وآلہ وسلم نے فرمایا: اس سے مراد وہ خواب ہیں جنہیں کوئی مسلمان دیکھتا ہے (راوی کو شک ہے شاید ہیں :) جوا سے دکھائے جاتے ہیں۔یہ روایت امام بزار نے نقل کی ہے۔ اس کی سند میں ایک راوی محمد بن سائب کلبی ہے ، اور وہ انتہائی ضعیف ہے۔
جَابِرِ بْنِ عَبْدِ اللَّهِ بْنِ رِئَابٍ،
Majma uz Zawaid Wa Manba ul Fawaid · [Book of exegesis] › The Almighty said: {To them is the glad tidings in this worldly life and in the hereafter} [Yunus: 64]. · Hadith 11069
مجمع الزوائد ومنبع الفوائد · [كِتَابُ التَّفْسِيرِ] ‹ قَوْلُهُ تَعَالَى: {اذْكُرْنِي عِنْدَ رَبِّكَ} [يوسف: 42] وَغَيْرُ ذَلِكَ. · حديث 11087
حضرت عبداللہ بن عباس رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں: ” مجھے اپنے بھائی حضرت یوسف علیہ السلام کے صبر اور ان کے اخلاق پر حیرانگی ہوتی ہے اللہ تعالیٰ ان کی مغفرت کرے جب ان کی طرف پیغام بھیجا گیا تاکہ خواب کی تعبیر بیان کی جائے تو اگر وہاں میں ہوتا میں نے یہ کام اس وقت تک نہیں کرنا تھا جب تک مجھے پہلے باہر نہ نکالا جا تا اور میں ان کے صبر اور اخلاق پر حیران ہوتا ہوں اللہ تعالیٰ ان کی مغفرت کرے جب انہیں باہر لے جانے کے لئے پیغام آیا تو وہ نہیں نکلے جب تک انہوں نے اپنے بے گنا ہ ہونے کے بارے میں انہیں بتا نہیں دیا حالانکہ اگر میں ہوتا تو میں دروازے کی طرف لپکتا اور اگر وہ کلمہ نہ ہوتا تو و ہ قید خانے میں ہی ٹھہرے رہتے جب انہوں نے اللہ کے علاوہ ایک بندے سے کشادگی چاہی تھی اور یہ کہا تھا: ” تم اپنے آقا کے سامنے میرا ذکر کرنا‘‘۔ یہ روایت امام طبرانی نے نقل کی ہے اور اس کی سند میں ایک راوی ابراہیم بن یزید قرشی کی ہے ، اور وہ متروک ہے ۔
Majma uz Zawaid Wa Manba ul Fawaid · [Book of exegesis] › Saying God Almighty: {Remember me with your Lord} [Yusef: 42] and other things. · Hadith 11087
مجمع الزوائد ومنبع الفوائد · [كِتَابُ التَّعْبِيرِ] ‹ [بَابُ الرُّؤْيَا الصَّالِحَةِ] · حديث 11714
سیدہ عائشہ صدیقہ رضی اللہ تعالیٰ عنہا نبی اکرم صلی اللہ علیہ وآلہ وسلم کا یہ فرمان نقل کرتی ہیں: ”میرے بعد نبوت میں سے صرف مبشرات باقی رہ گئے ہیں ‘‘ لوگوں نے عرض کی : یا رسول اللہ ! مبشرات کیا ہیں؟ نبی اکرم صلی اللہ علیہ وآلہ وسلم نے ارشاد فرمایا: ’’وہ نیک خواب جنہیں کوئی بندہ دیکھتا ہے (راوی کو شک ہے شاید یہ الفاظ ہیں:)جوا سے دکھائی دیتے ہیں‘‘۔ امام احمد کے رجال صحیح کے رجال ہیں ۔ یہ روایت امام احمد اور امام بزار نے نقل کی ہے تاہم انہوں نے یہ الفاظ نقل کیے ہیں : ’’انہیں نیک آدمی دیکھتا ہے‘‘۔
عَائِشَةَ
Majma uz Zawaid Wa Manba ul Fawaid · [The Literature of Expression] › [Chapter of a good vision] · Hadith 11714
مجمع الزوائد ومنبع الفوائد · [كِتَابُ التَّعْبِيرِ] ‹ [بَابُ الرُّؤْيَا الصَّالِحَةِ] · حديث 11715
حضرت عبداللہ بن عباس رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں: ’’نیک خواب نبوت کے ستر اجزاء میں سے ایک جزء ہیں‘‘۔ یہ روایت امام احمد امام ابو یعلیٰ امام بزار اور امام طبرانی نے نقل کی ہے اور اس کے رجال صحیح کے رجال ہیں ۔
ابْنِ عَبَّاسٍ،
Majma uz Zawaid Wa Manba ul Fawaid · [The Literature of Expression] › [Chapter of a good vision] · Hadith 11715
مجمع الزوائد ومنبع الفوائد · [كِتَابُ التَّعْبِيرِ] ‹ [بَابُ الرُّؤْيَا الصَّالِحَةِ] · حديث 11716
حضرت عبداللہ بن عباس رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ’’نیک خواب نبوت کا چھیالیسواں جزء ہیں‘‘۔ یہ روایت امام ابو یعلیٰ اور امام طبرانی نے نقل کی ہے اور اس کے رجال صحیح کے رجال ہیں ۔
ابْنِ عَبَّاسٍ،
Majma uz Zawaid Wa Manba ul Fawaid · [The Literature of Expression] › [Chapter of a good vision] · Hadith 11716
مجمع الزوائد ومنبع الفوائد · [كِتَابُ التَّعْبِيرِ] ‹ [بَابُ الرُّؤْيَا الصَّالِحَةِ] · حديث 11720
حضرت ابو طفیل رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ’’میرے بعد نبوت نہیں ہے ، صرف مبشرات ہوں گے ، لوگوں نے عرض کی : یا رسول اللہ ! مبشرات سے مراد کیا ہے؟ نبی اکرم صلی اللہ علیہ وآلہ وسلم نے فرمایا : اچھے خواب (راوی کو شک ہے شاید یہ الفاظ ہیں :) نیک خواب‘‘ ۔ یہ روایت امام احمد اور امام طبرانی نے نقل کی ہے اور اس کے رجال ثقہ ہیں ۔
أَبِي الطُّفَيْلِ،
Majma uz Zawaid Wa Manba ul Fawaid · [The Literature of Expression] › [Chapter of a good vision] · Hadith 11720
مجمع الزوائد ومنبع الفوائد · [كِتَابُ التَّعْبِيرِ] ‹ [بَابُ الرُّؤْيَا الصَّالِحَةِ] · حديث 11721
حضرت حذیفہ بن اسید رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: ’’نبوت رخصت ہو گئی ، میرے بعد نبوت نہیں ہے ، صرف مبشرات ہونگے ، عرض کی گئی :مبشرات سے مراد کیا ہے؟ نبی اکرم صلی اللہ علیہ وآلہ وسلم نے ارشاد فرمایا: وہ نیک خواب، جنہیں آدمی دیکھتا ہے (راوی کو شک ہے شاید یہ الفاظ ہیں :) جوا سے دکھائے جاتے ہیں ‘‘۔ یہ روایت امام طبرانی نے اور امام بزار نے نقل کی ہے امام طبرانی کے رجال ثقہ ہیں ۔
حُذَيْفَةَ بْنِ أَسِيدٍ
Majma uz Zawaid Wa Manba ul Fawaid · [The Literature of Expression] › [Chapter of a good vision] · Hadith 11721
مجمع الزوائد ومنبع الفوائد · [كِتَابُ التَّعْبِيرِ] ‹ [بَابُ الرُّؤْيَا الصَّالِحَةِ] · حديث 11722
حضرت سمرہ رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم ہم سے یہ فرماتے تھے: ’’ابو بکر خوابوں کی تعبیر کر لیتا ہے ، اور نیک خواب نبوت کا ایک حصہ ہیں‘‘۔ یہ روایت امام طبرانی اور امام بزار نے نقل کی ہے تاہم انہوں نے یہ الفاظ نقل کیے ہیں : ” وہ خوابوں کی تاویل کر لیتا ہے ‘‘۔ امام طبرانی کی سند میں ایسا راوی ہے جس سے میں واقف نہیں ہوں ، امام بزار کی سند ساقط ہے ۔
سَمُرَةَ
Majma uz Zawaid Wa Manba ul Fawaid · [The Literature of Expression] › [Chapter of a good vision] · Hadith 11722
مجمع الزوائد ومنبع الفوائد · [كِتَابُ التَّعْبِيرِ] ‹ [بَابُ الرُّؤْيَا الصَّالِحَةِ] · حديث 11723
حضرت عبداللہ بن مسعود رضی اللہ تعالیٰ عنہ روایت کرتے ہیں: نبی اکرم سلم نے ارشاد فرمایا: ’’سچے خواب (راوی کو شک ہے شاید یہ الفاظ ہیں :) نیک خواب ، نبوت کے 76اجزاء میں سے ایک جزء ہیں‘‘۔ یہ روایت امام طبرانی نے معجم کبیر اور معجم صغیر میں نقل کی ہے اور انہوں نے اس میں یہ الفاظ نقل کیے ہیں : ’’70 اجزاء میں سے ایک جزء ہیں‘‘۔ یہ روایت امام بزار نے بھی نقل کی ہے معجم صغیر کے رجال صحیح کے رجال ہیں ۔
عَبْدِ اللهِ بْنِ مَسْعُودٍ
Majma uz Zawaid Wa Manba ul Fawaid · [The Literature of Expression] › [Chapter of a good vision] · Hadith 11723
