حضرت یحییٰ بن عبدالرحمٰن بن حاطب اور دوسرے بزرگ فرماتے ہیں کہ حضرت عمر رضی اللہ عنہ نے شہادت سے پہلے خواب میں دیکھا کہ ایک مرغے نے ان کی ناف اور سینے کے درمیان چونچ ماری ہے ۔ حضرت اسماء بنت عمیس تعبیر کی ماہرتھیں ، انہوں نے یہ خواب سنا تو فرمایا کہ ان سے کہو کہ وصیت کر دیں ۔ میں نہیں جانتا کہ یہ تعبیران تک پہنچی یا نہیں ۔ کچھ دنوں بعد مغیرہ بن شعبہ کا غلام ابو لؤلؤ ،حضرت عمر رضی اللہ عنہ کے پاس آیا اور حضرت عمر رضی اللہ عنہ نے پوچھا کہ تم کیا کرتے ہو؟ اس نے کہا میں چکیاں بناتا ہوں ۔ حضرت عمر رضی اللہ عنہ نے کہا کہ پھر تو بہت زیادہ نہیں کیونکہ یہاں تمہارے علاوہ کوئی یہ کام نہیں کرتا ،کیاتم مجھے ایک چکی بنا کر دو گے؟ اس نے کہا میں آپ کوایسی چکی بنا کر دوں گا کہ اس کی شہرت سارے عالم میں ہوگی ۔۲) پھر حضرت عمر رضی اللہ عنہ حج کے لئے چل پڑے پس جب آپ رضی اللہ عنہ پہنچے تو آپ رضی اللہ عنہ رمی جمار کی جگہ لیٹ گئے اور اپنی چادر کو اپنے سر کے نیچے رکھ لیا۔ آپ رضی اللہ عنہ نے چاند کی طرف دیکھا تو آپ رضی اللہ عنہ کو اس کی خوبصورتی اور برابری بہت پیاری لگی اس پر آپ رضی اللہ عنہ نے فرمایا۔ میرا بتداء میں کمزور سا ظاہر ہوتا ہے پھر اللہ تعالیٰ اس میں اضافہ کرتے رہتے ہیں اور اس کو بڑھاتے رہتے ہیں یہاں تک کہ یہ برابر ہو جاتا ہے۔ اور پھر یہ کمال حسن تک پہنچ جا تا ہے ۔ پھر یہ کم ہونا شروع ہوتا ہے یہاں تک دوبارہ و یسا ہی ( پہلے جیسا ) ہو جا تا ہے ۔ ساری مخلوق کی حالت ایسی ہی ہے۔ پھر آپ رضی اللہ عنہ نے اپنے ہاتھ اٹھائے اور عرض کیا۔اے اللہ ! میری رعایا بہت زیادہ ہوگئی ہے ۔ اور بہت پھیل گئی ہے پس تو مجھے اپنی طرف واپس بلالے عاجز اور ضائع کیے بغیر ۔۳) پھر حضرت عمر رضی اللہ عنہ مدینہ واپس آئے تو ان کے سامنے ذکر کیا گیا کہ مسلمانوں کی ایک عورت مقام بیداء میں مر گئی تھی ، وہ زمین پر پڑی ہوئی تھی اور لوگ اس کے پاس سے گزرتے جارہے تھے۔ کسی نے بھی اس کو کفن نہ دیا اور نہ ہی اس کو دفنایا یہاں تک کہ حضرت کلیب بن بکیر لیثی اس عورت کے پاس سے گزرے تو وہ اس کے پاس ٹھہرے رہے یہاں تک کہ انہوں نے اس کو کفنایا اور دفنایا۔ یہ بات حضرت عمر رضی اللہ عنہ کے سامنے ذکر کی گئی تو آپ رضی اللہ عنہ نے پوچھا۔ مسلمانوں میں سے کون لوگ اس کے پاس سے گزرے تھے؟ لوگوں نے جواب دیا۔ اس کے پاس سے گزرنے والے لوگوں میں حضرت عبداللہ بن عمر رضی اللہ عنہ بھی تھے۔ چنانچہ آپ رضی اللہ عنہ نے ابن عمر رضی اللہ عنہ کو بلایا اورفرمایا تو ہلاک ہو جائے ۔ تو ایک مسلمان عورت پر سے جو راستہ میں زمین پر گری پڑی تھی گزرا اور تو نے اس کا کفنایا ، دفنایا کیوں نہیں؟ انہوں نے جواب دیا۔ مجھے تو اس کا پتہ ہی نہیں چلا اور نہ ہی مجھ سے کسی نے اس کے بارے میں ذکر کیا۔ حضرت عمر رضی اللہ عنہ نے فرمایا۔ مجھے ڈر ہے کہ کہیں تو خیر سے خالی نہ ہو۔ پھر حضرت عمر رضی اللہ عنہ نے پوچھا۔ اس عورت کو کس نے کفنایا اور دفتایا؟ لوگوں نے جواب دیا کہ کلیب بن بکیر لیثی نے ۔ آپ صلی اللہ علیہ وسلم نے فرمایا: خدا کی قسم! کلیب اس بات کا حق دار ہے کہ اس کو خیر پہنچے۔۴) پھر حضرت عمر رضی اللہ عنہ لوگوں کو صبح کی نماز کے لئے بیدار کرنے کے لئے نکلے تھے کہ آپ رضی اللہ عنہ کوابولولو کافر ملا اور اس نے آپ رضی اللہ عنہ کی ناف اور سینے کے درمیان تین وار کئے ۔ اور حضرت کلیب بن بکیر کو مارا اور ان کا کام تمام کر دیا۔لوگوں نے آوازیں بلند کیں تو ایک آدمی نے اس پر بڑی چادر پھینک دی۔ اور حضرت عمر رضی اللہ عنہ کو اٹھا کر گھر لے جایا گیا ۔ اور حضرت عبد الرحمان بن عوف رضی اللہ عنہ نے لوگوں کو نماز پڑھائی ۔ اور حضرت عمر رضی اللہ عنہ سے کہا گیا۔ نماز ! تو آپ رضی اللہ عنہ نے اس حالت میں نماز پڑھی کہ آپ رضی اللہ عنہ کے زخموں سے خون بہہ رہا تھا ۔ اور آپ رضی اللہ عنہ نے ارشاد فرمایا ۔ جس آدمی کی نماز نہیں ، اس کا اسلام میں کوئی حصہ نہیں ۔ پس آپ رضی اللہ عنہ نے اس حالت میں نماز ادا فرمائی کہ آپ رضی اللہ عنہ کا خون ٹپک رہا تھا۔ پھر لوگ حضرت عمر رضی اللہ عنہ کی خدمت میں حاضر ہوئے اور کہنے لگے۔ اے امیر المؤمنین! آپ کو کوئی زخم نہیں ہیں ۔ اور یقینا ً ہمیں امید ہے کہ اللہ تعالیٰ آپ کے فیض کو مزید باقی رکھے گا اور آپ رضی اللہ عنہ کومزید ایک وقت تک یا ایک خیر ( کے کام ) تک مہلت دے گا ۔۵) پھر حضرت عمر رضی اللہ عنہ کی خدمت میں حضرت ابن عباس رضی اللہ عنہ حاضر ہوئے ۔۔۔ حضرت عمر رضی اللہ عنہ کو ابن عباس رضی اللہ عنہ سے محبت تھی ۔۔۔۔ حضرت عمر رضی اللہ عنہ نے فرمایا تم دیکھو کہ مجھے قتل کر نے والا کون ہے؟ چنانچہ ابن عباس رضی اللہ عنہ باہر چلے گئے پھر واپس آئے تو فرمایا۔اے امیر المؤمنین! آپ کو خوشخبری ہو کہ آپ کا قاتل حضرت مغیرہ بن شعبہ رضی اللہ عنہ کا غلام ابولؤلؤ مجوسی ہے۔ اس پر حضرت عمر رضی اللہ عنہ نے اللہ اکبر کہا۔ یہاں تک ( بلند آواز میں کہا کہ) آپ رضی اللہ عنہ کی آواز دروازے سے باہر نکل گئی پھر حضرت عمر رضی اللہ عنہ نے فرمایا۔ تمام تعریفیں اس خدا کے لئے ہیں جس نے قاتل کو مسلمان آدمی نہیں بنایا کہ بروز قیامت وہ میرے ساتھ کسی ایسے سجدہ کی وجہ سے مخاصمت کرتا جو اس سے صرف خدا کے لئے کیا ہوتا۔ پھر حضرت عمر رضی اللہ عنہ لوگوں کی طرف متوجہ ہوئے اور فرمایا۔ کیا یہ آدمی تمہارے قوم میں سے ہے؟ لوگوں نے کہا۔ اللہ کی پناہ ! ہم تو اس بات کو پسند کرتے ہیں کہ ہم آپ پر اپنے آباء کو فداء کر دیں اور آپ کی عمر میں اپنی عمروں سے اضافہ کردیں ۔ آپ کوکوئی زیادہ زخم نہیں ہیں ۔ ۶) حضرت عمر رضی اللہ عنہ نے کہا۔ اے میرفاء! تو مر جائے ! مجھے کچھ پلاؤ۔ چنانچہ وہ آپ رضی اللہ عنہ کی خدمت میں ایک پیالہ لے کر حاضر ہوا جس میں بیٹھی نبیذ تھی پس آپ رضی اللہ عنہ نے اس کو پیا۔ اور آپ رضی اللہ عنہ نے اپنی چادر کو اپنے پیٹ کے ساتھ چمٹالیا۔ راوی کہتے ہیں : پس جب یہ مشروب آپ رضی اللہ عنہ پیٹ میں پہنچا تو یہ زخموں سے باہر نکل آیا۔لوگوں نے کہا۔الحمد للہ ۔ یہ خون آپ کے پیٹ میں ٹھہرا ہوا تھا۔ پس اللہ تعالیٰ نے اس کو آپ کے پیٹ سے باہر نکال دیا ہے۔ حضرت عمر رضی اللہ عنہ نے کہا۔اے یرفاء! تو مر جائے ۔ مجھے دودھ پلاؤ ۔ چنانچہ وہ دودھ لے کر حاضر ہوا ۔ آپ رضی اللہ عنہ نے اس کو نوش فرمایا ۔ پس جب وہ بھی آپ کے پیٹ میں پہنچا تو زخموں سے باہر آ گیا۔ چنانچہ لوگوں نے یہ منظر دیکھا تو انہیں معلوم ہو گیا کہ حضرت عمر رضی اللہ عنہ (اب) فوت ہو جائیں گے۔ ۷) لوگوں نے کہا: اللہ تعالیٰ آپ کو بہترین بدلہ عطا کرے۔ یقینا ً آپ ہمارے درمیان اللہ کی کتاب پر عمل کرتے تھے اور اپنے دو پیشواؤں کی سنت کی پیروی کرتے تھے۔ اس کے سوا آپ کسی چیز کی طرف نہیں جھکتے تھے۔ اللہ تعالیٰ آپ کو بہترین بدلہ عطا کرے ۔ حضرت عمر رضی اللہ عنہ نے پوچھا۔ کیا تم لوگ امارت کی وجہ سے مجھ پرشک کر رہے ہو؟ خدا کی قسم ! مجھے تو یہ بات محبوب ہے کہ میں امارت ( کے حساب ) سے برابر برابر نکل جاؤں۔ نہ مجھے کوئی نفع ہو نہ کوئی نقصان ہو ۔ تم اٹھ جاؤ اور اپنے معاملہ میں مشاورت کرو ۔ تم اپنے میں سے ایک آدمی کو خود پر امیر بنالو۔ پھر جو کوئی اس کی مخالفت کرے تو تم اس کی گردن مار دو۔ راوی کہتے ہیں : پس لوگ اٹھ گئے اور حضرت عبداللہ بن عمر رضی اللہ عنہ کے سینہ کی طرف آپ رضی اللہ عنہ نے تکیہ لگایا ہوا تھا۔ حضرت عبداللہ رضی اللہ عنہ نے کہا۔ کیا تم امیر مقرر کر رہے ہو جبکہ امیرالمؤمنین زندہ ہیں؟ حضرت عمر رضی اللہ عنہ نے کہا نہیں! اور صہیب کو چاہیے کہ تین دن لوگوں کو نماز پڑھائے ۔اور حضرت طلحہ رضی اللہ عنہ کا انتظار کرواور (پھر ) تم اپنے معاملہ میں باہم مشاورت کرو ۔اور تم خود پر اپنے میں سے ایک آدمی کو امیر مقر کر لو پھر اگر کوئی تمہارے مخالفت کرے تو اس کے سر کو اڑا دو ۔ ۸) حضرت عمر رضی اللہ عنہ نے کہا۔ تم جاؤ امی عائشہ رضی اللہ عنہ کی طرف اور انہیں میری طرف سے سلام کہواور کہو کہ عمر رضی اللہ عنہ کہہ رہا ہے اگر آپ کو تکلیف اورتنگی نہ ہوتو میں اس بات کو پسند کرتا ہوں ۔ کہ میں اپنے دو ساتھیوں ( آپ صلی اللہ علیہ وسلم اور ابوبکر رضی اللہ عنہ ) کے ساتھ دفن کیا جاؤں ۔اوراگر آپ کو تکلیف اور تنگی ہو تو میری عمر کی قسم ! بقیع میں نبی کریم صلی اللہ علیہ وسلم کے صحابہ رضی اللہ عنہ اور امہات المؤمنین میں سے ایسے لوگ دفن ہوئے ہیں جو عمر سے بہتر تھے ۔ پس قاصد حضرت عائشہ رضی اللہ عنہ کی خدمت میں پہنچا تو حضرت عائشہ رضی اللہ عنہ نے کہا۔ مجھے اس بات میں قطعاً کوئی تکلیف اورتنگی نہیں ہے۔ پھر حضرت عمر رضی اللہ عنہ نے فرمایا تم لوگ مجھے ان دونوں کے ہمراہ دفن کر دینا۔۹) حضرت عبداللہ بن عمر رضی اللہ عنہ کہتے ہیں ۔ پھر موت نے ان کو آ ڈھانپا اور میں نے ان کو اپنے سینہ کی طرف اٹھایا ہوا تھا۔ حضرت عمر رضی اللہ عنہ نے کہا۔تو مر جائے ۔ میرا سرزمین پر رکھ دے۔ابن عمر رضی اللہ عنہ کہتے ہیں ۔ پھر حضرت عمر رضی اللہ عنہ کوغشی طاری ہوگئی تو میں اسی طرح رہا۔ پھر آپ رضی اللہ عنہ کو افاقہ ہوا ۔ تو آپ رضی اللہ عنہ نے فرمایا ۔ تو مر جائے ۔میرا سرزمین پر رکھ دے ۔ پس میں نے آپ رضی اللہ عنہ کا سرزمین پر رکھ دیا اور آپ رضی اللہ عنہ نے سرکو خاک آلود کر لیا۔ اور فرمایا: اگر اللہ تعالیٰ نے عمر کو معاف نہ کیا تو عمر ہلاک ہو جائے گا اور اس کے ماں ہلاک ہو جائے گی ۔۱۰) محمد بن عمرو کہتے ہیں : اہل شوری ٰیہ تھے۔ حضرت علی رضی اللہ عنہ ، حضرت عثمان رضی اللہ عنہ ، حضرت طلحہ رضی اللہ عنہ ، حضرت زبیر رضی اللہ عنہ ،حضرت سعد رضی اللہ عنہ ، حضرت عبدالرحمان بن عوف رضی اللہ عنہ ۔
Musannaf Ibne Abi Shaibah · 39 - Al-Maghazi Book › 44- What was stated in the succession of Omar Ibn Al-Khattab, may God be pleased with him · Hadith 38229
مصنف ابن أبي شيبة · 26- كِتَابُ الرّؤيا ‹ 12- رؤيا خزيمة بنِ ثابِتٍ رضي الله عنه. · حديث 31160
31160- حَدَّثَنَا عَفَّانُ ، قَالَ : حدَّثَنَا جَرِيرُ بْنُ حَازِمٍ ، قَالَ : قِيلَ لِمُحَمَّدِ بْنِ سِيرِينَ : إنَّ فُلاَنًا يَضْحَكُ ، قَالَ : وَلِمَ لاَ يَضْحَكُ ، فَقَدْ ضَحِكَ مَنْ هُوَ خَيْرٌ مِنْهُ ، حُدِّثْت أَنَّ عَائِشَةَ قَالَتْ : ضَحِكَ رَسُولُ اللهِ صلى الله عليه وسلم مِنْ رُؤْيَا قَصَّهَا عَلَيْهِ رَجُلٌ ضَحِكًا مَا رَأَيْته ضَحِكَ مِنْ شَيْءٍ قَطُّ أَشَدَّ مِنْهُ ، قَالَ مُحَمَّدٌ : وَقَدْ عَلِمْت مَا الرُّؤْيَا ، وَمَا تَأْوِيلُهَا ، رَأَى كَأَنَّ رَأْسَهُ قُطِعَ ، قَالَ : فَذَهَبَ يَتْبَعُهُ ، فَالرَّأْسُ النَّبِيُّ صلى الله عليه وسلم وَالرَّجُلُ يُرِيدُ أَنْ يَلْحَقَ بِعَمَلِهِ عَمَلَ رَسُولِ اللهِ صلى الله عليه وسلم وَهُوَ لاَ يُدْرِكُهُ.
31160 - حضرت جریر بن حآزم سے روایت ہے کہ محمد بن سیرین سے کہا گیا کہ فلاں آدمی پنستا ہے آپ نے فرمایا وہ کیوں نہ ہنسے ؟ جبکہ اس سے بہترین ذات ہنسی ہے مجھ سے بیان کیا گیا ہے کہ حضرت عائشہ نے فرمایا کہ رسول اللہﷺ ایک آدمی کا خواب سن کر اس قدر ہنسے کہ میں نے آپ کو اس سے زیادہ کسی چیز پر ہنستے ہوئے نہیں دیکھاھ محمد بن سیرین فرماتے ہیں کہ مجھے علم ہے کہ کیا خواب تھا اور اس کی تعبیر ہے ؟
عاصم بن کلیب جرمی فرماتے ہیں کہ میرے والد محترم بیان کرتے ہیں کہ ہم نے تو ج ( شہر ) کا محاصرہ کیا جبکہ ہمارے لشکر کے امیر بنی سلیم قبیلہ کے مجاشع بن مسعود تھے جب ہم اس شہر کو فتح کر چکے تو میرے بدن پر ایک بوسیدہ کرتا تھا تو میں عجم کے ان مقتولین کی طرف گیا جن کو ہم نے تہہ تیغ کیا تھا۔ ایک مقتول کی قمیص میں نے اتار لی جس پر خون کے نشان تھے میں نے اسے پتھروں کے درمیان دھویا اور خوب رگڑ کر اسے اچھی طرح صاف کر لیا اور پھر زیب تن کر کے آبادی کی طرف گیا اور مال غنیمت سے ایک سوئی اور دھاگہ لیا اور اپنی پھٹی ہوئی قمیص کی سلائی کی ۔ مجاشع بن مسعود کھڑے ہوئے اور فرمانے لگے اے لوگو! تم کسی بھی شئے میں خیانت نہ کرو جس نے خیانت کی قیامت کے دن اسے حساب دینا پڑ ے گا اگرچہ دھاگہ ہی کیوں نہ ہو۔ پس میں نے قمیص اتار دی اور اپنی قمیص کو پھاڑ نے لگا تا کہ (مال غنیمت کا ) دھاگہ ٹوٹ نہ جائے پھر میں سوئی اور قمیص کو لے کر مال غنیمت کے پاس پہنچا اور میں نے یہ چیزیں واپس رکھ دیں پھر میں نے لوگوں کو اس دنیا میں دیکھا کہ دو کئی کئی وسق میں خیانت کرتے ہیں جب میں نے ان سے کہا کہ یہ کیا ہے تو وہ جواب دیتے مال غنیمت میں ہمارا اس سے بھی زیادہ حصہ بنتا ہے عاصم کہتے ہیں کہ میرے والد ماجد نے خواب دیکھا جب وہ خلافت عثمان کے زمانے میں توج کے محاصرہ کے لیے گئے ہوئے تھے۔ میرے والد نے جب یہ خواب دیکھا تو بڑے واضح طریقے سے دیکھا میرے والد نے نبی کریم صلی اللہ علیہ وسلم کی صحبت کی سعادت بھی حاصل کی تھی ۔انہوں نے خواب میں دیکھا کہ ایک مریض آدمی ہے اس کے پاس لوگ جھگڑ رہے ہیں اور ان کے ہاتھ ایک دوسرے کی طرف اٹھ رہے ہیں اور آوازیں بلند ہورہی ہیں ۔ ان کے قریب ایک عورت سبز لباس میں ملبوس بیٹھی ہے اور ایسے معلوم ہو رہی ہے جیسے وہ ان کے درمیان صلح کرانے کی خواہاں ہے اسی اثنا میں ایک آدمی کھڑا ہوتا ہے اور اپنے جیسے کے استر پلٹتا ہے پھر کہتا ہے اے مسلمانو! کیا تمہارا اسلام بوسیدہ ہو گیا جبکہ یہ نبی کریم صلی اللہ علیہ وسلم کا کرتا ہے جو ابھی پرانا نہیں ہوا اس دوران دوسرا شخص کھڑا ہوا اور قرآن کریم کی ایک جلد کو پکڑ کر جھٹکا جس کی وجہ سے قرآن کریم کے اوراق پھیلنے لگے۔ عاصم کہتے ہیں کہ میرے والد نے یہ خواب تعبیر بتانے والوں کے سامنے بیان کیا مگر کوئی اس خواب کی تعبیر نہ بتاسکا بلکہ تعبیر بتانے والے یہ خواب سن کر گھبرا جاتے تھے۔ عاصم کہتے ہیں کہ میرے والد نے فرمایا کہ میں بصرہ آیا تو دیکھا کہ لوگ لشکر تیار کر رہے ہیں میں نے پوچھا انہیں کیا ہوا تو مجھے لوگوں نے بتایا کہ ان لوگوں کو یہ اطلاع ملی ہے کہ کچھ لوگ حضرت عثمان رضی اللہ عنہ کی طرف گئے ہیں ( تا کہ ان کے خلاف شورش برپا کریں ) اب یہ لوگ ) اہل بصرہ) حضرت عثمان رضی اللہ عنہ کی مدد کے لیے جار ہے ہیں ۔ پھر ابن عامر کھڑا ہوا اور کہنے لگا کہ امیر المومنین نے صلح کر لی ہے اور ان کے پاس جانے والا لشکر لوٹ چکا ہے ( یہ سن کر ) اہل بصرہ بھی اپنے گھروں کو لوٹ گئے اس کے بعد حضرت عثمان رضی اللہ عنہ کی شہادت نے ان کو سخت رنج میں مبتلا کیا۔ میں نے اتنی کثیر تعداد میں بوڑھے لوگوں کو اتنا روتے ہوئے پہلے کبھی نہیں دیکھا کہ ان کی داڑھیاں آنسوؤں سے تر ہوں ۔ پھر تھوڑا ہی عرصہ گزرا کہ حضرت زبیر اور طلحہ رضی اللہ عنہ بصرہ تشریف لائے پھر کچھ ہی عرصہ بعد حضرت علی رضی اللہ عنہ تشریف لائے اور ذی قار ( جگہ کا نام ) میں ٹھہرے۔ قبیلے کے دو بوڑھے مجھ سے کہنے لگے کہ آؤ ان کے ( علی رضی اللہ عنہ ) پاس چلتے اور دیکھتے ہیں کہ یہ کیا دعوت دیتے ہیں اور کیا موقف لے کر آئے ہیں ۔ پس ہم نکلے اور ان کی طرف بڑھے جب ہم ان کے قریب ہوئے تو ان کے گروہ ہمیں نظر آنے لگے ۔اچا تک ہماری ایک نوجوان پر نظر پڑی جو سخت کھال والا تھا اور لشکر کے ایک جانب تھا۔ جب میں نے اسے دیکھا تو میں اس عورت سے بہت مشابہت رکھتا تھا جس کو میں نے خواب میں مریض کے پاس بیٹھے ہوئے دیکھا تھا۔ میں نے اپنے ساتھیوں کو کہا کہ اگر اس عورت جس کو میں نے خواب میں مریض کے سرہانے بیٹھے ہوئے دیکھا تھا کا کوئی بھائی ہوتو یہ اسی کا بھائی ہے۔ میرے ساتھ جو دو بزرگ شخص تھے ان میں سے ایک کہنے لگا آپ کی اس شخص سے کیا غرض ہے اور میری کہنی کو پکڑ کر دبایا۔ وہ جوان ہماری گفتگوسن کر کہنے لگا کہ آپ کیا فرما رہے ہیں میرے ایک ساتھی نے کہا کچھ نہیں آ جائیں ۔ مگر اس نوجوان نے اصرار کیا کہ آپ بتائیں آپ کیا کہہ رہے تھے ۔ پس میں نے اس کو اپنا خواب سناد یا تو نوجوان کہنے لگا یہ خواب آپ نے دیکھا ہے پھر وہ گھبرایا اور گھبراہٹ میں یہی کہتارہا کہ یہ خواب آپ نے دیکھا ہے؟ یہ خواب آپ نے دیکھا ہے؟ اسی طرح کہتا رہاحتی کہ اس کی آواز ہم سے دور ہوتے ہوتے منقطع ہوگئی ۔ میں نے کسی سے پوچھا یہ کون شخص تھا جو ہم سے ملا تو اس نے جواب دیا محمد بن ابی بکر عاصم کے والد محترم فرماتے ہیں کہ پھر ہم نے پہچان لیا کہ وہ عورت ( جوخواب میں مریض کے سرہانے بیٹھی تھی ) عائشہ تھی ۔ پس جب میں لشکر میں پہنچا تو میں نے وہاں عرب کے سب سے زیادہ دانا انسان کو پایا یعنی کہ حضرت علی رضی اللہ عنہ کو عاصم کے والد محترم بیان کرتے ہیں کہ اللہ کی قسم حضرت علی رضی اللہ عنہ مجھ سے میری قوم کے متعلق گفت وشنید کرنا چاہتے تھے میں نے سوچا کہ وہ تو میری قوم کو مجھ سے زیادہ جانتے ہیں ۔ حضرت علی رضی اللہ عنہ نے فرمایا کہ بصرہ میں بنی راسب بنی قدامہ سے زیادہ ہیں ناں! میں نے کہا جی ہاں ۔ انہوں نے مجھ سے سوال کیا آپ اپنی قوم کے سردار ہیں میں نے جواب دیا جی نہیں ۔اگر چہ میری بھی قوم اطاعت کرتی ہے مگر مجھ سے بڑے اور قابل اطاعت سردار بھی میری قوم میں موجود ہیں ۔ پس حضرت علی رضی اللہ عنہ نے مجھ سے دریافت کیا بنی را سب کا سردار کون ہے میں نے کہا فلاں پھر انہوں نے بنی قدامہ کے بارے میں سوال کیا کہ ان کا سردار کون ہے میں نے جواب دیا فلاں ۔ پھر فرمایا کیا میرے دو خط ان دونوں سرداروں کو پہنچا دو گے میں نے کہا جی ضرور ، پھر فرمانے لگے کیا تم لوگ بیعت نہیں کرو گے تو حضرت عاصم کے والد ماجد رضی اللہ عنہ فرماتے ہیں کہ میرے ساتھ جو دو بزرگ تھے انہوں نے بیعت کر لی ۔ پس وہ لوگ جوان کے پاس تھے ناراض ہوئے میرے والد نے اپنے ہاتھ کے اشارے سے کچھ کہا اور اپنے ہاتھ کو بند کیا اور حرکت دی گویا کہ ان لوگوں میں ایک طرح کی خفت تھی پس انہوں نے کہنا شروع کیا بیعت کرلو بیعت کرلوان لوگوں کے چہرے پر سجدوں کے بڑے واضح نشان تھے ۔ حضرت علی رضی اللہ عنہ نے فرمایاتم اس آدمی کو چھوڑ دو پھر عاصم کے والد ماجد رضی اللہ عنہ گویا ہوئے کہ مجھے میری قوم نے رہنما بنا کر بھیجا ہے اس لیے میں چاہتا ہوں کہ میں ان کو اس تمام معاملے سے آگاہ کر دوں جو میں نے دیکھا ہے ۔اگر وہ آپ کے ہاتھ پر بیعت کے لیے تیار ہوئے تو میں بھی آپ سے بیعت کرلوں گا اور اگر انہوں نے آپ سے روگردانی کی تو میں بھی آپ سے علیحدہ ہو جاؤں گا۔ تو حضرت علی رضی اللہ عنہ نے فرمایا دیکھو تمہاری قوم نے تمہیں رہنما بنا کر بھیجا ہے پس آپ نے باغ اور کنواں دیکھ لیا پھر بھی تم اگر اپنی قوم سے گھاس اور پانی کی تلاش کا کہوتو اگر تمہاری قوم نے انکار کر دیا تو پھر آپ خود پانی اور گھاس تلاش نہ کر سکو گے۔ میں نے ان کی انگلی پکڑی اور کہا ہم آپ سے بیعت کرتے ہیں کہ ہم آپ کی اطاعت کریں گے اس وقت تک جب تک اللہ تعالی ٰکی اطاعت پر قائم رہیں گے ۔ پس اگر آپ نے اللہ تعالی ٰکی نافرمانی کی تو پھر ہمارے اوپر آپ کی اطاعت لازم نہیں ۔ تو حضرت علی رضی اللہ عنہ نے جواب دیا ٹھیک ہے اور آواز کو لمبا کیا۔ پس میں نے ان کے ہاتھ پر ہاتھ مارا پھر محمد بن حاطب کی طرف متوجہ ہوا جو لوگوں کے ایک جانب بیٹھے تھے حضرت علی رضی اللہ عنہ نے فرمایا بصرہ میں اپنی قوم کی طرف جا کر میرے دونوں خط اور دونوں باتیں ان تک پہنچا دینا۔ پھر محمد بن حاطب حضرت علی رضی اللہ عنہ کی طرف آئے اور کہنے لگے۔ جب میں اپنی قوم کی طرف آیا تو میری قوم کے لوگ پوچھنے لگے کہ ان کا حضرت عثمان رضی اللہ عنہ کے بارے میں کیا خیال ہے تو میں نے جواب دیا کہ حضرت علی رضی اللہ عنہ کے آس پاس کے لوگ تو انہیں برا بھلا کہہ رہے تھے مگر حضرت علی رضی اللہ عنہ کی پیشانی سے ناپسندیدگی کا اظہار ہورہا تھا بوجہ ان لوگوں کے برا بھلا کہنے کے ۔ تو محمد بن حاتم نے کہا اے لوگوٹھہر جاؤ اللہ کی قسم نہ تم سے میں نے سوال کیا ہے اور نہ تمہارے بارے میں مجھ سے سوال کیا گیا ہے پس حضرت علی رضی اللہ عنہ نے فرمایا کہ تم حضرت عثمان رضی اللہ عنہ کے بارے میں میری سب سے اچھی بات ان کو بتا دینا کہ وہ اہل ایمان میں سے تھے نیک اعمال کرنے والے تھے پھر اللہ سے ڈرنے والے تھے اور حسن سلوک کرنے والے تھے اور اللہ احسان کرنے والوں کو پسند کرتا ہے عاصم کہتے ہیں کہ میرے والد نے فرمایا میں وہاں ہی تھا کہ اہل کوفہ میرے پاس آئے اور مجھ سے ملاقات کرنے لگے پھر کہنے لگے کہ کیا آپ دیکھ رہے ہیں ہمارے بصرہ کے بھائی ہم سے قتال کرنا چاہتے ہیں یہ بات انہوں نے ہنتے ہوئے اور تعجب کر تے ہوئے کہی پھر کہنے لگے اللہ کی قسم اگر ہماری ان سے مڈ بھیڑ ہوئی تو ہم ضروران سے اپنا حق لیں گے عاصم کے والد ماجد فر ماتے ہیں کہ وہ ایسے لگ رہے تھے جیسے قتال نہیں کر یں گے میں حضرت علی رضی اللہ عنہ کا خط لے کر نکلا پس جن دو سرداروں کی طرف حضرت علی رضی اللہ عنہ نے خط لکھا تھا ان میں سے ایک نے خط لیا اور جواب دیا پھر مجھے دوسرے کا پتا بتایا گیا لوگ اسے کلیب کہتے تھے مجھے اجازت ملی اور میں نے خط اس تک پہنچایا اور بتایا کہ یہ خط حضرت علی رضی اللہ عنہ کا ہے اور میں نے حضرت علی رضی اللہ عنہ کو بتایا تھا کہ آپ قوم کے سردار ہیں پس اس نے خط لینے سے انکار کر دیا اور کہا مجھے آج سرداری کی کوئی ضرورت نہیں بے شک تم لوگوں کا سرداری آج ایسی ہے جیسے گندگی ، کمینوں اور مشکوک النسب لوگوں کی سرداری ۔ پھر کہا آپ انہیں کہہ دینا مجھے سرداری کی کوئی ضرورت نہیں ۔ اور خط کا جواب دینے سے انکار کر دیا۔ کہتے ہیں کہ اللہ کی قسم میں حضرت علی رضی اللہ عنہ تک واپس پہنچ بھی نہیں پایا تھا کہ دونوں لشکر ایک دوسرے کے قریب ہو گئے اورلوگ لڑنے کے لیے سیدھے ہو گئے ۔ پس حضرت علی رضی اللہ عنہ کے ساتھ جو قراء تھے وہ سوار ہوئے جب نیزہ بازی شروع ہوئی پھر میں حضرت علی رضی اللہ عنہ سے اس وقت ملا جب لوگ قتال سے فارغ ہو چکے تھے۔ میں اشتر کے پاس گیا وہ زخمی تھے ۔ عاصم کہتے ہیں ہمارے اور اس کے مابین عورتوں کی طرف سے کوئی رشتہ داری تھی جب اشتر نے میرے والد ماجد کی طرف دیکھا جب کہ اس کا گھر اس کے ساتھیوں سے بھرا ہوا تھا۔ اشتر نے کہا اے کلیب تم ہم سب سے زیادہ اہل بصرہ کو جانتے ہو۔ آپ جائیے اور میرے لیے ایک سریع الحرکت اونٹ خرید لو پس میں نے ایک سردار سے ایک جوان اونٹ پانچ سو درہم کے عوض خریدا۔ پھر کہنے لگا اسے عائشہ رضی اللہ عنہ کےپاس لے جاؤ اور ان سے کہنا آپ کا بیٹا مالک آپ سے سلام عرض کر رہا ہے اور کہہ رہا ہے کہ یہ اونٹ قبول کر لیجیے اور اس پر سوار ہوکر اپنے اونٹ کی جگہ پہنچ جائیں ۔ پس حضرت عائشہ رضی اللہ عنہ نے فرمایا اس پر سلامتی نہ ہو اور وہ میرا بیٹا نہیں ہے اور اونٹ لینے سے انہوں نے انکار کر دیا۔ میں واپس اس کے پاس آیا اور اسے حضرت عائشہ رضی اللہ عنہ کافرمان پہنچا دیا۔ کلیب کہتے ہیں کہ وہ سیدھا ہو کر بیٹھ گیا پھر اپنی کلائی سے آستین ہٹائی پھر کہنے لگا حضرت عائشہ رضی اللہ عنہ مرنے والے کی موت پر مجھے ملامت کر رہی ہیں میں تو قلیل سی جماعت میں آیا تھا۔ پھر اچانک ابن عتاب آئے اور مجھ سے مقابلہ کیا اور کہنے لگا تم مجھے اور مالک کو قتل کر دو پس میں نے مارا اور وہ بہت بری طرح گرا پھر میں ابن زبیر کی طرف لپکا انہوں نے مجھے کہا کہ مجھے اور مالک کوقتل کر دو اور میں پسند نہیں کرتا کہ وہ یہ کہہ دے کہ مجھے اور اشتر کوقتل کر دو اور نہ یہ پسند کرتا ہوں کہ ہماری عورتیں غلاموں کوجنم دیں عاصم کہتے ہیں کہ میرے والد ماجد فرماتے ہیں کہ پھر اکیلے میں اس سے ملا اور اس سے کہا کہ آپ کے غلام جننے والے قول نے آپ کو کیا فائدہ دیا وہ مجھ سے قریب ہو گیا اور کہنے لگا کہ آپ صاحب بصرہ ( علی رضی اللہ عنہ ) کے بارے میں مجھ کو وصیت کیجیے کیونکہ میرا مقام آپ کے بعد ہی ہے کلیب نے اسے کہا کہ اگر صاحب بصرہ نے آپ کو دیکھا تو آپ کا ضرور اکرام کریں گے ۔ عاصم بن کلیب کے والد ماجد کہتے ہیں کہ وہ اپنے آپ کو امیر سمجھنے لگا۔ پس میرے والد محترم وہاں سے اٹھے اور باہر آ گئے تو میرے والد کو ایک آدمی ملا اس نے خبر دی کہ امیر المومنین نے خطبہ دیا اور عبداللہ ابن عباس کو بصرہ کا عامل مقرر کیا ہے اور حضرت علی رضی اللہ عنہ فلاں دن شام کی طرف جانے والے ہیں ۔ پس میرے والد محترم کو کہا یہ بات تو نے خود سنی ہے تو میرے والد نے کہا نہیں تو اشتر نے میرے والد کو ڈانٹا اور کہا بیٹھ جاؤ بے شک یہ جھوٹی خبر ہے میرے والد کہتے ہیں کہ میں اسی جگہ بیٹھا تھا کہ ایک اور شخص نے ایسی ہی خبر دی ۔اشتر نے اس سے بھی یہی سوال کیا کہ کیا تم نے خود دیکھا ہے اس نے کہا نہیں پھر اسے بھی کچھ کہا یہ بھی تمہارے جیسی خبر لے کر آیا ہے جبکہ میں لوگوں کی ایک سمت میں بیٹھا تھا۔ تھوڑی ہی دیر بعد عتاب تغلبی آیا اس کی گردن میں تلوار لٹک رہی تھی ۔ یہ تمہارے مومنین کا امیر ہے؟ فلاں فلاں دن وہ شام کی طرف جانے والا ہے۔اشتر نے اس سے کہا اے کانے! تو نے یہ بات خود سنی ہے؟ اس نے کہا ہاں اشتر ! اللہ کی قسم میں نے خود اپنے ان دو کانوں سے سنی ہے۔اشتر مسکرایا پھر کہنے لگا اگر ایسا ہوا تو ہم نہیں جانتے کہ ہم نے شیخ (امیر المومنین ) کو مدینہ میں کیوں قتل کیا ؟ پھر اپنے لشکر یوں کو سوار ہونے کا حکم دیا اور خود سوار ہوا کہنے لگا کہ ان کا معاویہ رضی اللہ عنہ ہی کی طرف ارادہ ہے۔ علی رضی اللہ عنہ اس کے لشکر سے فکر مند ہوئے پھر اس کی طرف خط لکھا کہ میں نے تم کو امیر اس لیے نہیں بنایا کہ مجھے اہل شام جو تمہاری ہی قوم ہے کے خلاف تمہاری مدد درکار ہے ورنہ امیر نہ بنانے کی یہ وجہ تھی کہ تم اس کے لیے اہل نہ تھے پس پھر لوگوں میں کوچ کر نے کے لیے ندا ءلگائی پس اشتر کھڑ اہوا یہاں تک کہ سب سے آگے والے لوگوں کے ساتھ مل گیا۔اس نے ان کے لیے پیر کا دن مقرر کیا تھا میرے خیال کے مطابق پس جب اشتر نے وہ کرلیا جو کرنا تھا تو اس نے لوگوں میں اس سے پہلے کوچ کرنے کے لیے آواز لگوائی ۔
32624 - حضرت ابو بکر فرماتے ہیں کہ ہم لوگ وفد کی صورت میں حاضر ہوئے ۔ آپ ﷺ نے فرمایا : مجھے کو ئی وفد اتنا پسند نہیں آیا جتنا ہمارا وفد پسند آیا ۔ پھر فرمایا : اے ابو بکر ! مجھے کوئی ایسی بات بیان کریں جو آپ نے رسول اللہﷺ سے سنی ہو ۔ آپ ﷺ نے فرمایا : میں نے رسول اللہﷺ کو فرماتے ہوئے سنا اور آپﷺ پسند فرماتے تھے کہ جب ان خؤابوں کے بارے میں پوچاھ جاتا ! آپ ﷺ نے فرمایا : میں ایک ترازو دیکھا جو آسمان سے اترا پس اس میں میرا اور ابو بکر کا وزن کیا گی اتو میرپکڑا ابوبکر سے بھاری ہو گیا ۔
Musnad Ibne Abi Shaibah · Book › What Abu Darda narrated, may God be pleased with him, on the authority of the Prophet, may God’s prayers and peace be upon him · Hadith 26
Musnad Al Shammean · What has not been completed to us from the chain of transmission of Abd al-Rahman ibn Thabit ibn Thuban › Saeed bin Abd al-Aziz, on the authority of al-Zuhri · Hadith 270
Musnad Al Shammean · He did not end to us from the chain of transmission of Irtat ibn al-Mundhir al-Sukuni, and he was Aba Uday › Arrtat, on the authority of Abu al-Mualla bin Ismael · Hadith 714
Musnad Al Shammean · The chain of narration of Sa`id ibn Bashir did not end in us from the chain of transmission of Bashir and its origin was Basri. He descended the Levant and died in it › Saeed, on the authority of Qadada, on the authority of Muhammad ibn Sirin · Hadith 2678
Musnad Al Shammean · What has not been completed to us from the chain of narration of Suffan ibn Amru al-Saksky › Saffan on the authority of Humaid bin Abdullah Al-Muzni · Hadith 1025
مسند أبي داود الطيالسي · کتاب ‹ أَحَادِيثُ عُبَادَةَ بْنِ الصَّامِتِ رَحِمَهُ اللَّهُ · حديث 584
حضرت سلمہ بن عبدالرحمٰن کہتے ہیں کہ مجھے بتایا گیا که حضرت عبادہ بن صامت رضی اللہ عنہ نے نبی اگر مﷺ سے اللہ عز وجل کے اس ارشاد کے متعلق پوچھا:’’ لَهُمُ الْبُشْرَى فِي الْحَيَاةِ الدُّنْيَا وَفِي الْآخِرَةِ ‘‘ آپ نے فرمایا: اس سے مراد اچھا خواب ہے جومسلمان بند ہ د یکھے یا اس کو دکھایا جاۓ ۔
هي الرؤيا الصالحة يراها الرجل المسلم أو ترى له ← قَوْلِ اللَّهِ عَزَّ وَجَلَّ {لَهُمُ الْبُشْرَى فِي الْحَيَاةِ الدُّنْيَا وَفِي الْآخِرَةِ} [يونس: ← نُبِّئْتُ أَنَّ عُبَادَةَ بْنَ الصَّامِتِ، سَأَلَ النَّبِيَّ ← أَبُو سَلَمَةَ بْنُ عَبْدِ الرَّحْمَنِ، ← يَحْيَى بْنِ أَبِي كَثِيرٍ، ← حَرْبُ بْنُ شَدَّادٍ، ← أَبُو دَاوُدَ،
Musnad Abu Dawood Tayalisi · Book › Chapter · Hadith 584
مسند أبي داود الطيالسي · کتاب ‹ أَحَادِيثُ أَبِي قَتَادَةَ، عَنِ النَّبِيِّ صَلَّى اللهُ عَلَيْهِ وَسَلَّمَ · حديث 634
حضرت ابوسلمہ بن عبدالرحمن رضی اللہ عنہ فرماتے ہیں کہ میں خواب میں دیکھتا ہوں کہ میں بیمار ہوں میں نے یہ بات حضرت ابو قتادہ رضی اللہ عنہا سے ذکر کی آپ نے فرمایا :میں بھی خواب میں اپنے آپ کو بیمار دیکھنا تھا یہاں تک کہ میں نے رسول اللہ صلی اللہ علیہ وسلم کو فرماتے سنا اچھا خواب اللہ کی طرف سے ہے پس جب تم میں سے کوئی دیکھے جو اس کو پسند ہو تو وہ اپنے محبوب آدمی کو ہی بتائے اور جب کوئی ناپسندیدہ خواب دیکھے تو وہ اٹھے اور اپنے بائیں طرف تھوکے تین مرتبہ اور اللہ سے پناہ مانگےاس کے شر اور شیطان کے شر سے اور کسی کو نہ بتائیں تو وہ اس کو نقصان نہیں دے گا ۔
بِهَا إِلَّا مَنْ [ص:515] يُحِبُّ، وَإِذَا رَأَى مَا يَكْرَهُ فَاسْتَيْقَظَ فَلْيَتْفُلْ ← الرُّؤْيَا الصَّالِحَةُ مِنْ اللَّهِ فَإِذَا رَأَی أَحَدُکُمْ مَا يُحِبُّ فَلَا ← رَسُولِ اللَّهِ ← إن كنت لأرى الرؤيا تمرضني حتى ← إن كنت لأرى الرؤيا فتمرضني فذكرت ذلك لأبي قتادة ← أَبَا سَلَمَةَ بْنَ عَبْدِ الرَّحْمَنِ ← عَبْدِ رَبِّهِ بْنِ سَعِيدٍ الْأَنْصَارِيِّ، ← شُعْبَةُ، ← أَبُو دَاوُدَ،
Musnad Abu Dawood Tayalisi · Book › Chapter · Hadith 634
مسند أبي داود الطيالسي · کتاب ‹ أَبُو بَكْرَةَ · حديث 907
حضرت عبدالرحمٰن بن ابو بکرہ رضی اللہ عنہ فرماتے ہیں کہ ہم حضرت معاویہ رضی اللہ عنہ کے پاس گئے ذیاد کے ساتھ ، ہمارے ساتھ حضرت ابو بکرہ بھی تھے سو ہم ان کے پاس آئے حضرت ابو بکرہ سے حضرت امیر معاویہ نے کہا کہ ہم کو کوئی حدیث سنائیں جو آپ نے رسولﷺ سے سنی ہوہو سکتا ہے کہ اللہ ہم کو اس سے نفع دے !آپ نے فرمایا : ہاں! فرمایا کہ اللہ کے نبیﷺ اچھی خواب کو پسند کرتے تھےاور اس کے متعلق پوچھتے تھے۔ایک آدمی نے عرض کی :یا رسولﷺمیں نے خواب میں دیکھا ہے‘میں نے دیکھا کہ گو یا آسمان سے ایک ترازو لٹکایا گیا‘ اس میں آپﷺ اور ابو بکر کا وزن کیا گیا‘ تو آپﷺ کا پلڑا حضرت ابو بکر سے بھاری ہو گیا‘پھر حضرت ابو بکر کا وزن کیا گیا حضرت عمر کے ساتھ تو حضرت ابو بکر کا پلڑا بھاری ہو گیا‘ حضرت عمر سے۔ پھر حضرت عمر کا وزن کیا گیا حضرت عثمان کے ساتھ ‘تو حضرت عمر کا پلڑا بھاری ہو گیا ‘ حضرت عثمان کے ساتھ پھر میزان کو اٹھا لیا گیا ۔یہ خواب رسولﷺ پر بھارے محسوس ہوا ، پھر فرمایا اس سے مراد نبوت کی خلافت ہے‘ پھر اللہ تعالٰی جس کو چاہے گا بادشاہی دے دے گا۔ تو حضرت معاویہ رضی اللہ عنہ کو غصہ آیا‘ اور ہم کو گدی سے پکڑ کر باہر نکال دیا حضرت ذیاد نے اس کے بعد حضرت ابو بکر سے فرمایا : آپ نے رسولﷺکی حدیث میں اس کے علاوہ کچھ نہیں پایا تھا(حضرت ابو بکر نے)فرمایا: اللہ کی قسم! میں صرف یہی حدیث بیان کروں گایہاں تک کہ میں آپ سے جدا ہو جاو ں ‘کہتے ہیں کہ ذیاد مسلسل اجازت لیتے رہے یہاں تک کہ ہم کو اجازت دی گئی ٗپس ہم کو اندر آنے دیا گیا حضرت معاویہ رضی اللہ عنہ نے فرمایا : اے ابو بکر !ہم سے رسولﷺ کی کوئی حدیث بیان کریں شاید اللہ ہم کو اس سے نفع دے۔کہتے ہیں کہ میں نے پھر وہی پہلے والی حدیث ان سے بیان کیٗ تو حضرت معاویہ رضی اللہ عنہ نے کہا : تیرا انکار نہیں ہے کہ تو نے ہمیں یہ بتایا کہ ہم بادشاہ ہیںٗ بے شک ہم اس بات پر راضی ہیں کہ بادشاہ ہیں۔
حضرت ابوالدرداء رضی اللہ عنہ فرماتے ہیں کہ میں نے رسول اللہ ﷺسے اللہ عز وجل کے اس ارشاد کے متعلق پوچھا: ’’وہ لوگ جو ایمان لاۓ اور ڈرتے رہے ان کے لیے خوشخبری ہے دنیا کی زندگی میں‘‘ (سے کیا مراد ہے؟)تو رسول اللہ ﷺ نے فرمایا: وہ اچھا خواب ہے جومسلمان دیکھتا ہے یا اس کو دکھایا جا تا ہے ۔
حضرت عبداللہ بن زید رضی اللہ عنہ سے روایت ہے کہ انہوں نے خواب میں اذان پڑھتے ہوئے فرشتہ کو دیکھا ، پس وہ نبی اکرم صلی اللہ علیہ وآلہ وسلم کی بارگاہ میں آئے اور آپ سے ( اس خواب کا ) تذکرہ کیا ، تو آپ صلی اللہ علیہ وآلہ وسلم نے حضرت بلال رضی اللہ عنہ کو اذان دینے کا حکم دیا ، اور میرے چچا نبی اکرم صلی اللہ علیہ وآلہ وسلم کے پاس آئے ، عرض کی : یارسول اللہ صلی اللہ علیہ وآلہ وسلم ! میں نے خواب دیکھا ہے اور بلال اذان دیتے ہیں ، آپ نے فرمایا : تو اقامت کہہ لیا کر ۔ پس میرے چچا نے اقامت کہی۔
وجاء عمي إلى النبي ← فأذن بلال ← ذَلِكَ لَهُ، ← عمه عبد الله بن زيد أنه رأى الأذان في المنام فأتى النبي ← عَبْدُ اللَّهِ بْنُ مُحَمَّدٍ الْأَنْصَارِيُّ، ← محمد بن عمرو الواقفي ← أَبُو دَاوُدَ،
Musnad Abu Dawood Tayalisi · Book › Chapter · Hadith 1199
مسند أبي داود الطيالسي · کتاب ‹ عُرْوَةُ بْنُ الزُّبَيْرِ عَنْ عَائِشَةَ · حديث 1572
حضرت عروہ ، حضرت عائشہ رضی اللہ عنہا سے روایت کرتے ہیں کہ آپ فرماتی ہیں کہ رسول اللہ صلی اللہ علیہ و آلہ وسلم ( کو عطائے نبوت ) کی ابتداء سچے خوابوں سے کی گئی جو آپ خواب دیکھتے ، وہ خواب صبح رون کی طرح ظاہر ہو جاتے اور آپ صلی اللہ علیہ و آلہ وسلم کو تنہائی محبوب کر دی گئی ، سو آپ غار حرا میں چند دن ٹھہرتے ، وہاں عباد کرتے یہاں تک کہ ایک دن آپ کے پاس پیغام حق ( وحی ) بھی آپ پر غار حرا میں ہی آیا۔
حضرت عبداللہ بن عمر رضی اللہ عنہما فرماتے ہیں کہ لوگ رسول اللہ صلی اللہ علیہ و آلہ وسلم کے زمانہ پاک میں خواب دیکھتے ، تو اس کو حضور کی بارگاہ میں بیان کرتے ، رسول اللہ صلی اللہ علیہ و آلہ وسلم اس کی تعبیر فرماتے جو اللہ چاہتا، میں نے اپنے دل میں کہا کہ اگر تجھ میں بھلائی ہے تو میں ضرور خواب دیکھوں گا جس طرح لوگ دیکھتے ہیں ، پھر میں نے دعا کی : اے اللہ ! اگر تو مجھ میں بہتری دیکھتا ہے تو مجھے خواب دکھا۔ پس جب میں سویا تو میں نے خواب دیکھا اپنی نیند میں کہ دو فرشتے ہیں ، ان کے ہاتھوں میں لوہے کے ہتھوڑے ہیں ، وہ دونوں مجھے لے کر چلے یہاں تک کہ مجھے جہنم کے پاس لے آئے اور وہ دونوں مجھے قتل کرتے ہیں ، تو دیکھا کہ جہنم بھری ہوئی ہے ، میں نے کہا: میں پناہ مانگتا ہوں ، اللہ جہنم سے یہاں تک کہ ایک فرشتہ آیا اس نے کہا: تم نہیں دیکھتے ، تو اچھا آدمی ہے ، اگر تو کثرت سے نماز پڑھے ۔ حضرت ابن عمر رضی اللہ عنہ فرماتے ہیں کہ جب صبح ہوئی تو میں حضرت حفصہ کے پاس آیا ، میں نے سارا خواب ان کے سامنے بیان کیا، تو حج حفصہ رضی اللہ عنہ نے رسول اللہ صلی اللہ علیہ و آلہ وسلم سے بیان کیا رسول اللہ صلی اللہ علیہ و آلہ وسلم نے فرمایا : عبداللہ نیک آدمی ہے ۔ حضرت نافع فرماتے ہیں کہ اس کے بعد حضرت عبداللہ کثرت سے نماز پڑھتے تھے ۔
