Saheefah Hamam bin Munabah

(حديث مرفوع) (حديث موقوف) قال رسول الله صلى الله عليه وسلم: " كانت بنو إسرائيل يغتسلون عراة، ينظر بعضهم إلى سواة بعض، وكان موسى يغتسل وحده، فقالوا: والله ما يمنع موسى ان يغتسل معنا إلا انه آدر , قال: فذهب مرة يغتسل فوضع ثوبه على حجر، ففر الحجر بثوبه، قال: فجمح موسى في اثره، يقول: ثوبي حجر ثوبي حجر، حتى نظرت بنو إسرائيل إلى سواة موسى، فقالوا: والله ما بموسى من باس , قال: فقام الحجر بعد ما نظر إليه، فاخذ ثوبه وطفق بالحجر ضربا" ، فقال ابو هريرة: والله إنه ندب بالحجر ستة او سبعة من ضرب موسى بالحجر.

اور رسول اللہ صلی اللہ علیہ وسلم نے ارشاد فرمایا: ”بنی اسرائیل برہنہ اس طرح نہاتے کہ ایک دوسرے کی شرم گاہوں کو دیکھتے تھے اور موسیٰ علیہ السلام تنہا غسل کرتے تھے۔ اس پر انہوں نے کہا: اللہ کی قسم! موسیٰ علیہ السلام کو ہمارے ساتھ غسل کرنے میں صرف یہی چیز مانع ہے کہ وہ خصیوں کے پھول جانے کی بیماری میں مبتلا ہے۔

(حديث مرفوع) (حديث موقوف) قال رسول الله صلى الله عليه وسلم: " ليس الغنى من كثرة العرض، ولكن الغنى غنى النفس" .

رسول اللہ صلی اللہ علیہ وسلم نے ارشاد فرمایا: ”سامان دنیا کی بہتاب تونگری (امیری) نہیں ہے بلکہ اصل تونگری تو دل کی غنا ہے۔“

(حديث مرفوع) (حديث موقوف) قال رسول الله صلى الله عليه وسلم:" إن من الظلم مطل الغني، وإن اتبع احدكم على مليء فليتبع" .

اور رسول اللہ صلی اللہ علیہ وسلم نے ارشاد فرمایا: ”بلاشبہ قرض واپس کرنے میں، مالدار شخص کا ٹال مٹول کرنا ظلم ہے اور جب تمہارا قرض کسی مالدار کو منتقل کر دیا جائے تو اسی سے قرض طلب کرے۔“

(حديث مرفوع) (حديث موقوف) قال رسول الله صلى الله عليه وسلم: " اغيظ رجل على الله يوم القيامة واخبثه واغيظه عليه رجل كان يسمى ملك الاملاك , لا ملك إلا الله عز وجل" .

اور رسول اللہ صلی اللہ علیہ وسلم نے ارشاد فرمایا: ”روز قیامت اللہ کے نزدیک سب سے بدتر اور مغبوض (غصہ کرنے والا) شخص وہ ہو گا جو (دنیا میں) شہنشاہ کہلاتا ہو گا۔ اللہ کے علاوہ کوئی شہنشاہ نہیں ہے۔“

(حديث مرفوع) (حديث موقوف) قال رسول الله صلى الله عليه وسلم: " بينما رجل يتبختر في بردين وقد اعجبته نفسه، خسف به الارض فهو يتجلجل فيها إلى يوم القيامة" .

اور رسول اللہ صلی اللہ علیہ وسلم نے ارشاد فرمایا: ”ایک شخص دو چادروں میں اتراتا ہوا چل رہا تھا، اور خود پسندی میں مبتلا ہوا، تو (بحکم الہیٰ) وہ زمین میں دھنسا دیا گیا اور وہ (اسی طرح) روز قیامت تک رہے گا۔“

(حديث قدسي) (حديث موقوف) قال رسول الله صلى الله عليه وسلم:" قال الله عز وجل: انا عند ظن عبدي بي" .

رسول اللہ صلی اللہ علیہ وسلم نے فرمایا:”میں اپنے بندے کے خیال کے مطابق ساتھ ہوں، جیسا خیال وہ میرے متعلق رکھتا ہے۔“

(حديث مرفوع) (حديث موقوف) قال رسول الله صلى الله عليه وسلم: " من يولد يولد على هذه الفطرة، فابواه يهودانه وينصرانه، كما تنتجون البهيمة، هل تجدون فيها من جدعاء حتى تكونوا انتم تجدعونها؟ قالوا: يا رسول الله , افرايت من يموت وهو صغير؟ قال: الله اعلم بما كانوا عاملين" .

اور رسول اللہ صلی اللہ علیہ وسلم نے ارشاد فرمایا: ”ہر مولود فطرت (دین قیم) پر پیدا ہوتا ہے پھر اس کے والدین اسے یہودی یا عیسائی بنا دیتے ہیں۔ جیسے تمہارے چوپایوں کے ہاں بچہ جنم لیتا ہے پس کیا تم ان میں کوئی کان کٹا پاتے ہو بلکہ تم خود ہی اس کا کان کاٹ دیتے ہو؟“ صحابہ کرام رضی اللہ عنہم نے عرض کی! اے اللہ کے رسول! بچپن میں فوت شدہ بچوں کے متعلق بتائیں۔ رسول اللہ صلی اللہ علیہ وسلم نے فرمایا: ”اللہ تعالیٰ خوب جانتا ہے جو وہ عمل کرنے والے تھے۔“

(حديث مرفوع) (حديث موقوف) قال رسول الله صلى الله عليه وسلم:" إن في الإنسان عظما لا تاكله الارض ابدا، فيه يركب يوم القيامة" , قالوا: اي عظم؟ قال:" عجب الذنب" , وقال ابو الحسن: إنما هو عجم، ولكنه قال بالميم.

رسول اللہ صلی اللہ علیہ وسلم نے ارشاد فرمایا: ”انسان میں ایک ہڈی ہوتی ہے جسے زمین کبھی نہیں کھاتی، اس ہڈی سے لوگوں کو روز قیامت بنایا جائے گا۔“ صحابہ رضی اللہ عنہم نے پوچھا: یا رسول اللہ! وہ کون سی ہڈی ہے؟ آپ صلی اللہ علیہ وسلم نے فرمایا: ”وہ ریڑھ کی ہڈی ہے۔“

(حديث مرفوع) (حديث موقوف) قال رسول الله صلى الله عليه وسلم: " إياكم والوصال، إياكم والوصال"، قالوا: فإنك تواصل يا رسول الله. قال:" إني لست في ذاكم مثلكم، إني ابيت يطعمني ربي ويسقيني، فاكلفوا من العمل ما لكم به طاقة" .

رسول اللہ صلی اللہ علیہ وسلم نے فرمایا: ”وصال (لگاتار روزے رکھنے) سے اجتناب کرو، وصال سے احتراز کرو“، صحابہ رضی اللہ عنہم نے عرض کی: اے اللہ کے رسول! آپ تو خود وصال کرتے ہیں۔ رسول اللہ صلی اللہ علیہ وسلم نے فرمایا: ”میں (اس معاملہ میں) تمہاری مثل نہیں ہوں۔ میں ایسے حال میں رات گزارتا ہوں کہ میرا رب مجھے کھلاتا اور پلاتا ہے۔ پس تم لوگ کسی عمل کی اتنی تکلیف اٹھاؤ جتنی تمہاری طاقت ہے۔“

(حديث مرفوع) (حديث موقوف) قال رسول الله صلى الله عليه وسلم: " إذا استيقظ احدكم فلا يضع يده على الوضوء حتى يغسلها، إنه لا يدري احدكم اين باتت يده" .

اور رسول اللہ صلی اللہ علیہ وسلم نے ارشاد فرمایا: ”جب تم میں سے کوئی شخص نیند سے بیدار ہو تو اپنا ہاتھ دھو لینے سے پہلے وضو کے پانی میں داخل نہ کرے، کیونکہ اسے کیا معلوم کہ اس کے ہاتھ نے رات کہاں گزاری۔“

(حديث مرفوع) (حديث موقوف) قال رسول الله صلى الله عليه وسلم: " كل سلامى من الناس عليه صدقة، كل يوم تطلع عليه الشمس، قال: تعدل بين الاثنين صدقة، وتعين الرجل في دابته وتحمله عليها، او ترفع له عليها متاعه صدقة، والكلمة الطيبة صدقة، وكل خطوة تمشيها إلى الصلاة صدقة، وتميط الاذى عن الطريق صدقة" .

رسول اللہ صلی اللہ علیہ وسلم نے ارشاد فرمایا: ”ہر دن جس میں سورج طلوع ہوتا ہے انسان کے ہر جوڑ پر صدقہ واجب ہوتا ہے۔“ آپ صلی اللہ علیہ وسلم نے فرمایا: ”دو آدمیوں کے درمیان عدل (انصاف) کرنا صدقہ ہے، کسی آدمی کا سواری پر سوار کرنے میں تعاون کرنا، اسے سواری پر سوار کرانا اور سواری پر اس کا سامان لادنا صدقہ ہے اور اچھا بول کہنا صدقہ ہے۔“ فرمایا: ”ہر وہ قدم جو نماز کے لیے اٹھتا ہے یہ بھی ایک صدقہ ہے نیز راستے سے کسی تکلیف دہ چیز کو دور کرنا بھی صدقہ ہے۔“

(حديث مرفوع) (حديث موقوف) قال رسول الله صلى الله عليه وسلم: " إذا ما رب النعم لم يعط حقها، تسلط عليه يوم القيامة تخبط وجهه باخفافها" .

رسول اللہ صلی اللہ علیہ وسلم نے ارشاد فرمایا: ”جو مالک اپنے جانوروں کی زکوۃ نہیں نکالتا روز قیامت وہی جانور اس پر مسلط کیے جائیں گے جو اس کے چہرے کو اپنے کھروں سے سخت روندیں گے۔“